燒鵝大亨

营业中

休息中

我用openrice多年，從來冇留過食評，今次第一次。我叫外賣燒鵝下莊同叉燒例牌。反到屋企打開嚇到儍左。燒鵝八成係皮同骨，肉得好少，叉燒十分之梅。因為凍左係咁易焗一分鍾，但係除咗皮同骨，就係肥膏。最後大部份都要掉，十分浪費食物。希望這個食評可以幫到人。就算唔使錢都都考慮清楚先好幫襯。呢個食評只係針對外賣燒味，可能佢覺得我生面口，都應該唔會再幫襯。堂食有可能冇咁差。我原本想打電話嘈下，不過諗諗吓都係利用openrice平台。

之前食過午餐覺得佢嘅叉燒同燒鵝都好味嘅又大碟，今日2點幾買咗幾個叉鵝飯外賣拎走，講明要半肥叉，最後幾盒嘅叉燒都係瘦到極柴口黐晒牙，我諗我應該十幾年都未食過咁難食嘅叉燒，街市啲燒味舖可能仲好食過佢，簡直係飯氣攻心有福叉燒嘅叉燒🤮btw講埋啲燒鵝係冇味既！而且入口都係非常粗糙一啲都唔香👎🏻另外燒腩仔個皮都脆嘅而且爽口，口感係好好！但係唔知點解有好大陣豬臊味，所以佢嘅燒鵝同燒肉嘅調味唔夠🙂‍↔️呢間嘢從此被我Blacklist！

話說…今朝打算近近哋喺附近吃個早餐啦，咁就入左呢間餐廳，本身都間唔中會（早、午、晚）幫襯呢間餐廳，但經過今次我諗應該都會停一停、諗一諗。今次既情況都如常一樣，坐低點餐，咁就叫個A2沙嗲牛麵、迷你波蘿包炒雙蛋同餐飲，出餐時就見到炒雙蛋好明顯就唔係炒雙蛋，仲要人哋隔離枱炒蛋拼餐肉個炒蛋都大份過我，我心諗：唉～你咁都要慳隻蛋？出餐個員工同拎餐員工拎俾我時係咪當個客傻？我又唔想為左少左份炒蛋破壞左一朝早既心情，所以我無同餐廳員工理論，費事俾職員覺得我係一個西客啦，結果嗱嗱聲5分鐘內食完走人！