影片
以上资料只供参考，请与餐厅确认详情
招牌菜
相关文章
平时行开红磡都会见到呢间好似日式居酒屋既餐厅,但次次都miss左冇入今次同个frd咁啱行开呢一边,肚饿之下最后就选择试佢一试,我地6点入去,好在未到最多人时候,等左1分钟就好快有位一坐低就拎起menu,原来呢到唔止串烧,仲有其它寿司呀鱼生等等! 但我地都系叫左一大堆串烧串烧真系绝对OK,而且串串上桌都热辣辣,睇得出真系即场烧而唔系先叮后烤! 而且每串串烧都唔会好重口味,而且牛肉唔会咀嚼无味,very good! 另外觉得好食就系鸡翼,甜甜地愈食愈开胃,最后叫左成堆,另外有一推介就系虾串,大大条唔会呃你秤,仲要叫几条有几条,回晒本啦真系!今餐真系好满足好饱!
继续阅读
之前买左团购订左6个今日8点钟，我地一到门口，哗几十人排紧队，不过都好快等左十分钟就有位，入到去即刻点野食，先就刺身寿司都唔算大内，5分钟就到三文鱼新鲜吞拿鱼出奇地好味，寿司ok,不过不失，跟住再点串烧，焼虾好大只超爽好新鲜正，牛舌有咬口冇so味正，安格斯牛ok,羊架可以，再食天妇罗一般水准，野菜牛锅ok,其他都尚ok,侍应都ok可能太忙都有礼貌，最重要$139我地都觉得超值夹低食，放心我地会再黎。
继续阅读
团购订位, 星期五食要加收 $30蚊, 再加一 $22, 即系加多 $52 一位, 团购上写用 $139 买原价 $238 一位.$139 + 52 = $191 一位, 心谂都有平几十蚊, 星期五 HAPPY FIRDAY 约埋朋友出街食.点知出到门口大大只字写到明 星期五 1800 - 2000 $198 一位, 唔用团购仲有一杯可乐送, 用团购连可乐都比人呃埋, 计埋计埋唔用团购仲抵.... 咁都算, 食店最紧要都系野食, 间舖主打串烧, 但系除左唔驶加工既花技丸叫好食 D, 安格斯一口牛比左块牛肉黎仲肯定唔系安格斯. 串烧虾系冇味既虾肠仲好大条系度. 个和牛卷烧叫OK 既, 但只能叫OK.猪颈肉只有肥膏.其他野食, 寿司饭全部都散既, 系玉子有比较香既蛋味(当然饭系分开食啦, 因为散左)天妇罗炸粉太厚, 虾基本见粉唔见虾, 鱼系冇鱼味.粟米还叫好点, 但超大碟, 我们只叫了一份, 但比预想份量多出四倍, 摆明想撑饱你就算.手打乌冬有同样问题, 而且仲冇粟米咁好食.茶唔叫唔添, 叫都成日唔记得黎. 最奇怪既系明明系日本野, 比香片你饮......叫左杯青苹果特饮, 跟本系果汁糖浆加水, 盛惠 28蚊.我地落单比较少, 但都有一两样漏单.侍应基本上除左收飞同上菜, 其他野十问十唔知, 全部都要揾经理. 而且最过份既系 2小时放题, 40分钟前 LAST ORDER, 即系 80分钟划飞加等上菜加趋单.不过佢D食物质素, 我同朋友两个食左 60分钟左右每张飞划一次就冇野想再番单, 系个豆腐好味, 同花技丸返左一次. 所以佢黎 LAST ORDER 既时候我地直接埋单走人.返到屋企而家先记得, 佢团购话送 85折卡但冇比我地啰, 虽然佢比左我地都唔会再返去食.完全冇心机影相, 所以冇相你地睇.
继续阅读
冇BOOK位 , 都唔洗等位坐底都系咁 , 自己剔纸仔 , 一人一罐免费可乐 !今次刺身有进步 , 唔再"小气" , 变返正常SIZE , 都系剔10人佢就畀10片你咁啰 !不过就都系食三文鱼算啦 , 吞拿鱼 ? 我叫左4片 , 食一片吐返出黎 ......今次食到三文鱼头 , 烧得好好 , 上个时D烟仲出紧黎 , GOOD !不过串烧就真系有D失水准 , 第一转唔太热 , 只系暖 !第二转同佢讲左 , 热返D , 不过佢好似唔记得调味 ! 第三次先正常 !炒野菜真系唔好叫 , 叫左唔食又好似好衰 , 不过真系好难食 , 食左小小咁啰 !不过有样野抵赞 , 我食左三次都冇走过单漏单 (冇食材而又冇讲就试过) !剔几多黎几多 , 我唔明WHY会有人话系咁走单漏单 !最后唔记得食雪糕 !因为第一次JOIN左做会员 , 有八五折 , 不过加一都系收返正价 !
继续阅读
昨晚三人order 咗: 串烧东菇. 鸡软骨 – 够热好味道烧魂刺生蟹籽沙律 – 此沙律内的刺生劲腥.青瓜丝苦寿司 - 好味串烧菠萝. 肉丸 - 菠萝甜香, 肉丸食落就如一够大面粉(质)落口. 三文鱼 刺生 – 刺生是室温. 一啲都唔冻, 日式豆腐 – 好食串烧安格斯牛/虾 – 牛肉一定唔系安格斯.有渣. 虾肉无味.温室冷番茄 – 本地番茄就唔好话系…..天妇罗 - 超级多油. 放题时间: 首节时间6:00 – 8:00. 六点十分入咗五张单. 第一碟食物要等咗 25分钟先到. 等到七点钟先至有第二碟上枱. 等到颈长的(室温)刺生好腥呀又唔够冻. 我地三个女士都都试过食 放题. 成个钟后都好似未有嘢落肚咁!!!一开始就 order 的羊架,三文鱼头, 到咗 7:35 last order 时. 店员先至讲买晒!!! 全晚唯一最快上菜嘅就系 last order 的时刻. 这节时间客不多.但出菜如此慢. 相信团购客都好难再帮衬 Lu!!!
继续阅读