影片
港铁天后站 A2 出口, 步行约2分钟
继续阅读
电话号码
67171352
开饭介绍
餐厅每日采购新鲜海鲜，多以清蒸烹调海鲜，务求带出最新鲜的味道。菜式根据时令海鲜而定。菜单可先向餐厅查询，亦可事先向餐厅指定菜式。
继续阅读
营业时间
今日营业
18:00 - 00:00
星期一至日
18:00 - 00:00
公众假期
18:00 - 00:00
公众假期前夕
18:00 - 00:00
以上资料只供参考，请与餐厅确认详情
-
网上订座即将推出
庆祝母亲节，屋企人book左邦哥，发现好有惊喜。由前菜到甜品都好有心思，无论卖相定味道都好出色。香鲟鱼子鱼饭系超级鲜甜，第一旧我就咁食都已经系好甜，食落有种停唔到口咁。 食完仲会将鱼骨炸左去食埋，都系一流。另一道想讲嘅系龙虾蒸蛋，龙虾味本身就好正，特别系应该系佢个蛋应该系蛋白，令到成件事好似布甸咁几得意。但海鲜配偏甜嘅蛋可能会对某啲人黎讲未去到最啱味。最钟意一定系鸡油花雕花红蟹配煎米粉底。本身个鸡油花雕汁会比多几碗大家配落米粉，充满蟹膏蟹黄蟹肉，仲有阵鸡油同花雕油味加埋一齐超级合拍。甜品就还好嘅西米露，冇咩特别。环境就一般，都唔系佢主打嘅嘢，但一家人食饭我又觉得还好，系咩追求。你当然唔会当佢系求婚呀个啲环境啦，但无咩大问题，唔太影响我。最后埋完单邦哥出黎打个招呼，望到佢出晒汗嘅样讲左句「多谢支持本地小店」，个下我只可以讲真心有啲感触，系feel到佢嘅真诚同佢应该系好辛苦。之后上网睇左佢嘅访问，更加觉得有种莫名嘅感动。有心做野食嘅厨师，好难得。
继续阅读
从经营串烧餐厅, 变成纯粹的海鲜私房菜餐厅, 主理人邦哥就是和他的助手, 处理着餐厅经营的一切, 从订位及菜单安排, 选择及饲养海鲜, 招呼我们, 烹调, 收银以及清洁, 都是两位师傅负责, 在这对饮食业相当艰难的环境来说, 他们也是尽力求生, 但在求生之中, 并没有因此放弃对烹调的执着, 与其说是傲骨, 不如说是勇气和坚持.当你去鲤鱼门要花费接近$1000 , 吃一些不太抵食，而有烹调一般的海鲜菜式, 邦哥用同样价钱的处理, 却是巧有心思, 并不千篇一律之余, 甚至带点分子料理的意味, 像是头盘的椰子蟹肉千层以及鲟鱼鱼饭, 前者用椰汁造成的啫喱, 以及后者的干冰烟雾, 视觉效果十足, 但味道就是简单直接的鲜味, 只要用了好, 味道就不用过于花巧, 但如此的外表又是赏心悦目.在华丽的外表之后, 就是看到其用料的用心, 不是最矜贵但却是没有食材的一般问题, 例如是龙虾煎米饼的龙虾, 起肉完全没有难度, 除了是师傅的刀功外, 还有龙虾的鲜不会让其卷缩在一起, 没有雪藏味是必然, 简单的高汤就能显出其鲜. 大鱿鱼同样实而不华, 口感爽弹, 和同样渌得够爽的芽菜, 夹起来食爽上加爽.没有什么好说的, 只希望它能继续经营下去, 保持初心对邦师傅来说绝对不会, 只是他的坚持希望能够换转成继续活下去的本钱.From running a yakitori restaurant to a seafood private kitchen, Chef Bang and his assistant handle all aspects of the business. They manage reservations, menus, seafood selection, cooking, and cleaning. Despite the challenging environment, they strive to survive without compromising their passion for cooking. Unlike overpriced mediocre seafood in other places, Chef Bang‘s dishes are cleverly crafted and visually appealing. Ingredients are carefully chosen, such as tender lobster for the lobster pancake and fresh squid paired with crisp sprouts. Their dedication to quality and value is evident, and they hope to continue their journey with the same passion and determination.
继续阅读
今日系老公生日，上网揾左好多类型既餐厅都未有心水。突然系YT有介绍「手工海鲜私房菜」。对我黎讲好新鲜，加上老公钟意食海鲜，于是联络餐厅预订两位食私房菜。今次每道菜式好！特！别！简单黎讲：1️⃣水墨淮山：淮山口感好细滑，系好好既头盘，令胃口打开💯2️⃣潮式骨香鲟鱼子鱼饭：用干冰放在菜式底部，惊艳地散发烟雾💨，视觉效果被震撼🤩。邦哥使用本地马友，除了有鱼油，鱼香之外，配搭自家制既豉油好夹👍🏻3️⃣瑶柱老鸡炖西瓜：饮完好暖胃，好舒服😌4️⃣雪花菠菜苗：用鸡油煮，味道唔同左，多左一份香味！好特别🐓5️⃣冰镇南非活鲍鱼：用左十几种材料浸，好入味！鲍鱼一D都唔un,口感岩岩好🫶🏻6️⃣自雪藏金龙：呢碟系龙虾肉配南瓜汁蒸蛋白。🦞🥚龙虾肉爽口新鲜，蛋白蒸得岩岩好时间，配埋🎃南瓜汁，口感仲滑过豆腐花，食得好舒服again!!🫨🫨7️⃣火焰十年陈花雕酒醉熟蟹：首先，多谢邦哥揾到只八両奄仔蟹，要揾咁大只真系一d都唔易。🦀其次，餐厅好有心熄左餐厅灯，好似吹蜡烛咁好有气氛🎂食物方面，劲多蟹膏，好香花雕油同好浓酒味（应该系百兰地）。第一次食醉熟蟹，好新鲜既体验，100分推介👍🏻👍🏻👍🏻8️⃣冰雪菓子：邦哥自己整既菓子，好靓！皮既混色做得好！真系想订一打送比人！意外惊喜系多左一份手工制既寿桃比我地。好好食😋😋😋多谢小店提供难忘体验！下次实会再帮衬😍
继续阅读
再次黎烧邦真心充满期待, 因为黎得呢度食, 都系期待同欣赏认真做嘅手工菜头盘先黎个紫姜水晶冻冻地, 用紫姜微辣加上冰冻的水晶果冻, 入口顺滑, 暑意立即冇晒呢个冰镇百香花枝非常打咭able.一黎到见到D烟已经好令人凉一凉, 整个卖相都好靓花枝真系好鲜甜, 厚身又弹牙. 食落外面爽脆入面软滑, 火喉岩岩好.配个百香果意大利黑醋食, 酸酸地好开胃. 仲有佢个自家腌制嘅青瓜, 又酸甜又爽口, 又系暑意立即冇晒.瑶柱老鸡炖西瓜呢个汤饮落真系好舒服, 入口浓郁鸡汤又香甜, 充满估唔到同西瓜配合得好好又消暑, 饮完真系有幸福嘅感觉雪花本地菠菜苗菠菜苗入口嫩滑, 食得舒服呢个黄金燕麦龙皇球真系非常打咭able, 龙虾肉弹牙鲜甜不在话下, 仲要个燕麦炒得非常干身好味, 唔油.真心觉得整个都做得非常好.龙虾仲有好多膏同肉, 正呀.黄金燕麦炒茄子, 又系非常出色.干身又惹味.龙皇淮山粥, 大家有机会真系要试, 唔系普通用米煮出黎嫁, 系用淮山加上龙虾煮, 充满鲜味.最后鲜忌廉杨枝甘露做一个完美总结.食手工菜, 真系好睇得出厨师同自己嘅要求同标准.呢度真系满足到, 用心的厨艺加上有心的服务. 令人期待下次,
继续阅读
一开始透过「有啖好食」频道得知哩间小店，佩服影片入面厨师对食物嘅执着，所以去试一试佢啲「手势」。致电过去，原本以为系其他同事帮手接听，点知原来系邦师傅亲自接听，听落去都几忙咁，佢有3个价钱，分别系$800-$1000/位，$1200-$1800/位同$2000起/位，最后同朋友商议完，相信一分价一分货，选择左中位数$1500／位。当日去到，店面比较细，净系坐到12个人，环境干净，装修就比较扑素，可以睇到厨房做紧乜野，而最令人意外就系门口嘅鱼缸，估唔到一间小店都会放。菜式就有8道，味道都唔错，睇得出邦师傅嘅用心，出面啲店员每一道菜都会介绍，又会帮手换碗碟，服务态度唔错。•第一道菜壹品鱼子蟹水晶听店员讲，出面系用上汤去熬制嘅蒟蒻，入面系手拆嘅蟹肉。出面嘅蒟蒻非常光滑，上面嘅鱼子一唔小心就掉咗，食落去啖啖蟹肉，配上上汤令蟹肉嘅鲜味更加浓烈。•第二道菜潮式骨香鲟鱼子鱼饭哩道菜一出嚟就已经十分震撼，成张枱都被干冰覆盖。食落去可以食到马友嘅鲜味，油份都相当饱满，同出面嘅鱼饭完全唔一样，而且鱼肉已经起晒出嚟，而条鱼骨就炸起咗，放咗侧边做摆盘，不过食落去都几脆口。•第三道菜瑶柱老鸡炖西瓜一开始望到菜单嘅时候，都已经觉得好神奇，原来西瓜都可以用嚟炖汤，饮落去都几鲜甜，仲有浓浓嘅西瓜味。•第四道菜白雪藏金龙望落去个摆盘想当美观，系「有啖好食」条片已经相当吸引，食落去系啖啖嘅龙虾肉，配上南瓜整嘅金汤同蛋白又有另一种嘅味道。•第五道菜雪花菠菜苗望落去成颗圣诞树咁，用佢哋自家制嘅鸡油去炒，再淋啲蛋白芡，令到菜身光滑，不过又唔油，唔会掩盖原本菜嘅味道•第六道菜冰镇南非活鲍鱼用十几种材料腌制，口感弹牙，味道都唔错•第七道菜火焰十年陈花雕酒醉熟蟹哩道菜系最有惊喜嘅一道菜，邦师傅亲自出嚟点火，话点火唔止系视觉效果，亦系焕发原本花雕嘅味道，只膏仔皇多膏多肉，配上花雕好好味。•第八道菜鲜忌廉杨枝甘露唔同出面，佢哋加咗鲜忌廉，而且西米又大粒又弹牙，却都几好食总括而已，食物方面相当唔错，每道菜都有其特色，而环境就相对干净，不过就真系小店，比较挤迫，而服务方面都唔错，店员出菜会去简单介绍菜式，食完之后邦师傅亦亲自出嚟倾计，整体唔错，值得再去
继续阅读
您可能会有兴趣的...