燒遙居 (已結業)

今次又系同几个老死去食串烧。之前未食过呢间烧遥居, 系有个friend系杂志见到佢有做放题$198任食两个钟, 啤酒汽水任饮。见咁抵就决定黎试下。我们𠮶晚8点几去到, 唔算好多人, 好快就有位。个放题有个叫矜贵系列, 可以拣一款贵啲既食物好似龙虾仔, 羊架, 鹅肝多士之类。我们个个都叫龙虾, 虽然细细只, 但几新鲜, 肉质几甜。另外仲叫左啲大路野好似烧虾, 肉串, 鸡翼, 肠, 蔬菜等等。上菜𠮶速度算唔错, 叫几转野都好快送到, 冇话系度拖时间。野食都烧得唔错, 食落仲系好嫩有肉汁。个四川调味粉都几有特色, 辣辣地几惹味。我地仲另外叫左个泰式烧鱼, 烧得唔错, 皮脆肉滑, 佢鱼肚位仲放左啲香料一齐烧, 啲鱼肉带啲香料味, 正!个放题各方面都几ok, 啤酒汽水又任饮, 绝对可以再encore。…查看更多

呢间野是朋友的朋友介绍,他给3间串烧我地简,我帮佢简左最平就系呢间咁2个人食左4XX左右啦,一般来讲食串烧呢味野要叫好多先饱,呢间叫到超多先系咁既价钱(图无影哂)当中海鲜比较出色,烧得刚刚好,调味以中式香料为主,另外可自行下SALT OR孜然粉牛舌不够厚身但系食落弹牙不UN,蛏子和扇贝烧得刚刚好,铺上蒜调味,食得出食材既原味羊肉串当然不及国内既味道但系都不错,很香的香料味食落又有肉汁最开心当然是价钱很合理但睇番下面D食评原来有放题,如果放题有呢合质素就爽歪了…查看更多

上个星期休息同男朋友落庙街行完就揾食，平时食开三妹唛既我地今日决定试新野~~叫左两味送，好有惊喜真系好正！1. 麻辣鸡煲呢味送真系无得输，好够味不过个人认为再辣啲仲好食！啲鸡肉唔老，仲好嫰口好入味添。个煲可以再叫多d送，好似打边炉咁。我地叫左牛肉同羊肉，不过d羊肉un左小小。但都系好入味，一流！2. 烧鸡食完个煲已经太饱，食唔落只鸡，食左小小我地就打包只鸡走。味道好香，皮脆但肉唔会干，味道好特别唔知师傅落咩料呢P.S. D店员好好人，好主动同埋好好倾，好nice! ^_^ 我地下次再黎一定会食个加玛大辣鸡煲…查看更多

本身约左3个friend happy Friday 谂住去佐敦d大排档食下地道小炒，行过吴松街有个firend同呢间舖既姐姐倾倾下..又话想食串烧..见$188任食..个menu都有几多野拣仲有埋野饮，所以就试下啦﹗我地一开始梗系把握时间叫左好多肉类串烧先啦，原来呢度都有几多烧海鲜㖞...每人仲有一款矜贵既前菜tim~~~我叫左鹅肝多士，真系无谂过放题都有鹅肝食到...好肥美哦~~hoho!我d fd叫左羊架同埋烧生蚝贪抵食...羊架有两大件..加埋d孜然粉好香口~烧生蚝有3只, 够juicy,要同d蒜茸同汁一次过食先够和味~~ 我地仲叫左好多野食..食到个个停哂手...haha! 饮左两杯菊蜜, 真系饱到我不得了......so full!!!我个friend见燕京任饮一下饮左3罐, 饱到佢唔多食得落tim..埋单$188唔驶加一，下次有多揾多一两个friend再黎擦过﹗…查看更多

早前见喱间有放题串烧，每位$118好似好抵食咁。今晚就同男朋友去试下。同男朋友1945去到，个侍应安排左入面张台俾我地坐!我两位但得一张椅子，想知点坐呢？！个侍应见我企左系到，就同我讲:「你快啲坐左先啦！」喂，大姐！你连椅子都唔俾我，我点坐呀！！同男友叫完嘢食，等左成粒钟食物先黎！饿都饿死！等左一粒钟后食物终于黎，但对啲食物好难食！食食下嘢个阵，个侍应叫我地转台，ok咁我地转台，转左去后，个冷气吹到正一正！咪问个短发侍应可唔可以将冷气个块野整番上去啰。点知喱个侍应话：「我成个场啲客个个都好热，你就话好冻呀！」态度系好差个只！！！我听到即刻火都黎！我依家唔系你啲客！我唔系俾钱黎食嘢架！我嘢都未讲完，个侍应就走左去！！依家系咩态度呀？！希望个老板会正视番个问题！！！喱间嘢我唔会再去！更加唔会介绍朋友去！…查看更多