燒肉LIKE (奧海城二期)

营业中

休息中

本人因為見到外賣平台宣傳滿200半價優惠下單    結果收了我原價一心諗住支持本土經濟可惜唔上賊船我打電話去店內要求協助，但遭到店員冷嘲熱諷。完全冇了解過情況，就直接拒絕協助完全感受到大公司的高姿態，謝謝最後更表示與他們無關，叫我自己找平台處理我聯絡平台客服 他們表示是我自己的錯他們不會採取任何行動再一次感受到大公司的高姿態不理會我的投訴，10分失望今時今日咁嘅服務態度。香港死得。 完全感覺被騙希望不會有其他人成為受害者

次次去奧海城都經過喱間「燒肉LIKE」，但次次都勁多人等位，見佢今日比較少人所以攞咗張飛等吓，50分鐘左右就有得入。店舖抽風系統幾好冇異味，可惜坐位比較窄，張枱比較…油。一坐低就點咗《200g牛小排&牛板腱套餐》包括：牛肉，白飯，和風湯，迷你沙律。唔駛10分鐘d野就到齊都算幾有效率。沙律好食個湯好飲白飯唔錯，200g嘅牛肉薄砌一片片薄到透光，醬汁有10款任君選擇，個人比較鍾意「辣味噌醬」，「蒜香醬油」和「胡麻醬」。總結：算幾好味，但唔飽，去咗茶餐廳宵夜。後記：這家餐廳的侍應哥哥好有禮貌好有耐性非常抵讚，但，QRCode 落單 及 全電子支付不收現金，極之討厭。

今日下午行過，見到下午茶餐幾吸引，所以入去試吓，結果幾好味 👍 叫咗牛小排及牛五花套餐。啲肉幾好食，嫩，加些醬汁一流，又有沙律菜，可減少油膩感。個餐有飯又有湯，仲加冇糖可樂 😊😊😊下午冇乜人，所以唔太壓迫，但櫈冇背，坐得唔太舒服。員工都好快手，自己落單後不久已將汔水送上，再等一陣已有食物，值得一讚。整體來講，食物質素唔錯，份量都算可以，價錢平，招呼都可接受，因此，會期待下一次再去食，可能去食午餐或晚餐👍

態度真是差到不得了，吾信或者犯濺中意受氣既人，可以繼續去受氣。我仲有成碟肉未燒，全部醬汁收起哂，佢話要收工，last order之後就要收哂D醬汁。4位吃不到1小時，埋單8百幾，吾係要high class服務，但未食完就收起真心差。9點坐低無幾耐，聽到有客人剛入坐，想坐正常矮台，職員話果邊收左，迫所有客坐埋一堆，吾好阻佢做野，然後職員將D抹布污水盤放哂上台，開始在你周圍抹，D油污/清潔劑有可能噴到食物食埋落肚，食都吾安樂。除左每人一份餐，我再加左幾碟肉，燒都要時間，50分鐘佢又催住交台，餐牌又何必甘多款式叫人加購，最後又催趕人走。食完自然會走，吾通留係度幫你洗碗咩！有甘既員工，上面管理人都一樣甘理念。所以寫乜意見都無用。祝佢哋出去食飯都一樣被人黑面無視催趕甘對待。

日本一人燒肉專門店「燒肉 LIKE」推出咗全新優惠下午茶套餐😍，激抵食高質一人燒肉 Tea Set 最平$38 起🫢！！真係超癲😳！！我第一時間就走去試吓，睇吓賣到咁平係咪依然咁高質😆。「燒肉 LIKE」喺全線分店推出 $3️⃣8️⃣起嘅超抵優惠下午茶套餐，逢星期一至五下午 3 點🕒至 5 點半🕠期間（公眾假期除外），以低至$38 嘅超值價帶嚟6️⃣ 款下午茶選擇，包括多款人氣燒肉部位選擇，部份套餐計起嚟仲抵過半價😍！！牛五花套餐 $48 (原價 $64)套餐包括飯🍚、和風湯🍵、泡菜🌶或迷你沙律🥗及飲品🥤，真係勁抵；牛五花🐂油脂飽滿充沛嘅牛五花口感軟嫩適中，烤至微焦後🔥，肉味濃郁😋！牛板腱 &牛舌套餐 $78 (原價 $155)油脂較少、嫩中帶爽口嘅牛板腱，以及柔嫩嘅牛舌，啱晒Duck哥🦆呢個牛魔王😂！叫任何下午茶套餐仲可以以限時優惠價$15 起追加單點肉品👇🌟牛板腱 50g +$35(原價$40) 🌟壽喜燒牛五花 50g +$25(原價$28) 🌟豬五花腩肉 50g +$15(原價$20) 🌟豬頸肉 50g +$27(原價$30) 🌟雞腿肉 100g +$25 (原價$32) 總括下午茶

喺奧海城嗰間燒肉like真係值得推薦。今日放工屋企無垍，去咗食佢哋嘅牛五花套餐同牛舌、牛板腱、橫膈膜肉套餐，肉質鮮嫩多汁，每一口都帶嚟滿滿嘅肉汁香氣，令人食後回味無窮。除咗牛肉之外，佢哋嘅雞軟骨同豬午飯腩都係一絕。雞軟骨外脆內嫩，豬午飯腩肥瘦相間，入口即化，配上香噴噴嘅紫菜我飯素飯同溫泉蛋，味道更加豐富。燒肉like嘅用餐環境簡約舒適，雖然只得60分鐘燒，但勉強都叫做夠時間嘅，讓人可以專心享受美食。

今日去奧海城2期食燒肉叫個黑毛和牛前胸肉&牛板腱套餐，嚟咗成碟脂肪，同呀侍應講太肥，佢回覆話和牛係咁肥，問係咪碟碟都係咁，佢語帶不屑話和牛係偏肥㗎啦，一係攞多一碟出嚟俾你㨂囉，跟住就收咗枱面原本嗰碟肥牛入廚房，之後大約3-4分鐘先攞住兩碟出番嚟，其實唔知點解要入廚房咁耐，係咪要搵一碟更肥嘅俾我㨂呢？出到嚟其實兩碟真係差唔多難分高下，咁就是但㨂一碟啦，個侍應即刻兩碟攞番晒廚房，反應唔切唔明白點解㨂咗嗰份都要拎入廚房，估計最少3分鐘左右先攞番出，唔知碟肥牛經歷過乜嘢，出番嚟就咁將碟肥牛放喺個餐盤旁邊枱面的位置就走開，唔係應該放番係餐盤裡面咩？喺邊到攞就放番邊到，唔係基本禮貌？侍應係好難做得好嘅咩？我即時拎轉頭望住佢，佢先行番過嚟將碟肥牛放番入個餐盤裡面再行開，咁即係佢自己都知道自己有問題啦！？旁邊兩位唔認識嘅食客其中一位都係叫同款和牛，都忍唔住話咁肥都唔切走多啲脂肪照磅，佢自己朋友都話，你真係好彩呀你碟無咁肥..廣告相片係靚啲會明白，但都真係相差好遠呀！走嘅時候再見都唔講句，算啦..反正唔會再見。這間店我都食過幾次，今日絕對係最後一次，以後唔會再幫襯！唉，態度咁差，唔怪得個個話要北上消費啦

我哋每人嗌咗一個豬頸肉配雞同豬腩肉300g嘅餐，再加咗兩份50g嘅豬腩肉，我哋食到三份一時間嗰時加咗個豬頸肉同豬腩肉，啲肉等咗好耐都未黎，到我再催佢，佢先問廚房！好啦，啲肉一到，即燒！個侍應就即刻行埋嚟話剩返15分鐘，咁啱我哋坐近住廚房出菜位，嗰三個女仔侍應企喺度望住我哋講我哋食得耐夠鐘盛仲要俾我聽到！大佬你幾塊生肉都搞咁耐先出到，仲要唔俾時間人，催催貢！我地已經盡量快手燒同食，後尾有個企門口冇戴眼鏡嘅女待應行埋黎西晒面話夠鐘！今時今日咁嘅服務態度得唔得㗎！可一不可再！

大部分bar 枱坐位冇靠背，坐得好唔舒服，叫了牛吞和牛頸脊200g, 切得好薄，整體來說一般，$15x 抵唔抵就見仁見智，套餐不包餐飲，要另加$15-$25，因為坐得唔舒服，食完就算

燒肉LIKE (奧海城2期) (大角咀)而家成日講MBTI，我自己喺食燒肉方面一定係E人☺️ 一班人齊齊燒肉最過癮，而且家人、身邊好朋友都係燒肉高手🥰 燒埋比我食😋 當然有時一人燒肉可以自主揀自己想食咩就食咩，想點食就點食，燒肉LIKE就可以滿足晒兩個願望！💟 牛小排&牛板腱套餐 (200g) $168「燒肉 LIKE」人氣之選，牛小排佈滿網狀油花，肉質軟嫩，入口即溶😋 牛板腱肉質較結實，牛肉味香濃。一次體驗兩種截然不同嘅口感❤️💟 和牛 LIKE 套餐 $148「和牛 LIKE 套餐」包含牛板腱、牛舌同特選日本產和牛肩胛肉。日本產和牛肩胛肉嘅油花細緻均勻，肉質細嫩，入口融化，散發出濃郁嘅和牛肉味，喺油脂較少、嫩中帶爽口嘅牛板腱，以及柔嫩嘅牛舌～地址：大角咀海庭道18號奧海城2期1樓106號舖

由於呢間燒肉like係屋企附近，所以我哋一家都好經常過嚟食。開店大半年，佢哋嘅人都轉咗幾次。侍應由態度極差又亂嚟嘅茶記姐姐，而進展到一班後生仔。接待態度上有明顯好轉。亂上菜情況好咗，最少會問清楚係邊位嘅，唔會隨便邊個位近就擺上檯，叫你自己執返。但今次都好搞笑，上餐後發現我碗湯得1/3碗不特止，仲要係成碗油同凍嘅。似係隔油碗而飯嘅份量照舊係唔會跟所點order去裝。雖則我每次落單都係同份量，但每次都係好大分別。其實廚房唔睇，上菜時侍應係咪應該都覆下單先上菜呢？雖然比起開店前情況已有明顯改善，但希望管理員層可以繼續努力不要鬆懈，始終仲有好大進步空間。

媽媽想食燒肉，17:30入到去，付款出現狀況，揾服務員幫手，都解決不到，於是重新下單，已是17:44，17:50上齊菜，17:58走過嚟話重有10分鐘，WHAT？未吃完，已徘徊旁邊問收得末，咁樣的服務，幾好吃都係假，完完全全趕客到離譜，媽媽亦食得好唔開心，睇佢幾時摺哩！

同朋友逛完街、經過見到間嘢，忽然之間又想食燒肉、所以就入咗去食🤣選左自款4款不同肉品，更可升級至其他人氣肉品！便當包括白飯、和風湯、泡菜、蒜香醬油自款4款不同肉品、我就選左豬頸肉：都OK嘅，煙靭多汁！牛舌：薄切,醬汁味道濃郁！牛板腱：一般牛小排（+$30）：肥肉瘦肉分配出色、入口即化

是日工作好忙，要係office ot，同事就建議試下食燒肉，於是我地就叫外賣，我叫左個燒雞肉牛肉牛舌，來到係已經燒好，配個湯，有些小泡菜，燒肉燒得好有水準而且啱好夠味，完全唔需要加其他醬汁，好正。

食品好一般般，醬汁全部都好甜，我點了牛五花腩、牛小排、牛肩肉，牛肉肉質一般般，無咩肉味，和任食的地方差唔多。 鋪頭營業時間寫明到10:食品不過不失，醬汁全部都好甜，我點了牛五花腩、牛小排、牛肩肉，牛肉肉質一般般，肉味唔濃，和任食的地方差唔多。 鋪頭營業時間寫住到10:30pm, 9:00pm左右就開始收晒客人的醬汁，客人桌上還有很多肉未燒，職員的樣子好像很趕住收工。 9:10 左右就開始唔比客人入座，如果真的營業到10:30pm, 是有點奇怪。