影片
已经在这里和家人们庆生日聚餐数次了，因为十多人所以每次都有安排房间。入房间虽要脱鞋子，拿甜品饮品时可穿店舖提供的拖鞋出去大厅，房间清洁好坐。食物方面：自助手机电子下单比较方便，出菜时间都快不用等，店员会帮忙现场煮焗两小窝白饭，有饭焦香好好吃；至于肉类方便也新鲜，也有不少种类可供选择，家人们比较爱吃烧牛，有牛舌及牛内脏等可供选择；甜品及饮品方便就可以在出面位置自己攞，小朋友比较爱吃造型糖果及朱古力喷泉；总括依然用餐愉快下次和再来。
继续阅读
同朋友食平日晚餐放题。入内餐厅环境干净光猛，铺入没有油烟味。店员有礼，上菜和执碟速度快👍🏻。选择左中价plan$398价钱，食120分钟。都能够食到日本和牛和猪，牛肉油花清晰可见。猪肉有惊喜，亦没有骚味，烧耐左少少都唔会韧到入唔到口😋。亦有内脏，鸡，海鲜，蔬菜，饮和汤品order。食物选择种类多，店家用心。赞！加左$30食出面甜品沙津饮品Bar，甜品都多选择，有软雪糕食。过左一个愉快一晚🥳
继续阅读
本身可以休闲食lunch变左要赶头赶命仲要激气😑Lunch set落咗单25分钟都冇嘢食催佢，我哋就坐得近出餐位嘅，同咗店员A讲，佢态度都几好。不过睇住店员A同店员B (疑似经理 /senior少少既后生仔）讲，店员B话「叫佢等吓啦 催咩姐」再过多10分钟，都超过半个钟啦，完全唔合理烧肉系生嘅又唔使你煮，咁我哋再催佢，个经理先望到我哋，望住佢即刻同厨房讲要出餐，唔使几分钟即刻出到啦⋯⋯ 不过啲肉一系就结晒冰，硬掘掘。牛舌就又薄又靭⋯⋯真系无下次可能真系唔催得
继续阅读
本人声明，以下为真实食评，自费。呢间烧烤放题，是朋友聚会时，朋友介绍。订位时，要收$500订，我即时打个突，心谂酒店都唔需要俾订金，呢间嘢真系有啲串。睇见其他网页嘅食评，亦都评价唔高。原本唔打算落订。，不过太太想食，唯有一试。约咗星期六5:00，我哋早到分钟，餐厅都俾我哋入座，即时开餐，我哋叫咗个大将餐，头盘好多嘢食，有又唔同嘅牛肉，亦都有海鲜和刺身。肉类嘅质素都好高。跟住就开始自己叫和牛食，亦有叫刺身，整体嘅种类都算多。员工嘅服务都好好，好殷勤，当中有一个员工，主动走过来，教授点样烧海鲜，建议我哋海鲜烧几多分钟同埋点样烧，值得一赞。另外落咗达嘅食物，亦都好快送上嚟。整体觉得呢间餐厅，食物同服务质素都非常好。三个钟头嘅时间好快就过咗唯一嘅挑剔嘅系我对海鲜麻麻哋，一心净系想食和牛，不过太太就觉得海鲜都好新鲜，店员亦都有主动讲解点样烧海鲜。我欣赏店员的讲解。应该会着去光顾
继续阅读
不错烧肉！首先，佢哋嘅肉质真系靓到无得输，无论系牛肉、猪肉定鸡肉，都系新鲜又多汁。特别系炭烧嘅牛肉，烤到皮香肉嫩，简直系一口接一口，根本停唔落嚟！另外，猪肉嘅油花分布得好均匀，每一块都咁嫩滑，食完令人心满意足。服务方面都非常好，员工亲切又热情，时刻关心我哋嘅需要，帮我哋烧肉同埋加饮品，感觉好受欢迎。餐厅环境亦都几舒适，坐落得恰到好处，唔会太挤迫，让人可以轻松享受美食。不过，讲到甜品就有少少失望，选择唔算多，味道亦都一般般。我试咗佢哋嘅布丁和雪糕，虽然唔难食，但就冇特别惊喜，感觉只系填饱肚子。总体而言，呢间任食烧肉店系一个好地方，肉质靓、服务好，虽然甜品可以再改善，但如果你钟意烧肉，绝对值得一试！下次有机会再嚟，肯定会再叫多啲肉嚟！
继续阅读