燒烤堂 (已搬遷) 新店位置

是日黎到掃街，見到咁多野食，緊係間間都試下先啦。見到人地食緊條粟米食得好好味咁，就試一試佢。半條粟米($8)，因為生烤到熟，所以要等16分鐘，但出奇地烤得好好味，牛油味好香，甜味適中，而且好有口感同咬口，好好味!

好耐之前已經食過燒烤堂,個陣時仲成日食,因為佢既雞翼香味同皮外脆內軟,令我特別難忘,但尋晚因為太耐無落去食想食反啦,點知去到既時候發現同之前既熟面口吾同哂,只係淨番一個男仔我係認得既,聽聞朋友講話之前發生左啲事,所以令佢地無做,感到好可悲,仲記得個時落親泥都會見到入面有兩個好似樣既師傅好認真咁工作,周不時仲會對住客人笑,而外面就會有一個笑容滿面既接待員去幫客人落單,仲會細心到話要等幾耐,講話下一次可以打電話先,吾洗等咁耐,但今日去到呢啲野已經無哂,服務態度已經大不如之前。食物既質素都吾同之前，雞中翼同之前比係差十倍,已經吾脆,仲要咬落去係好淋咁,味道淡而無味,牛油蒜茸金菇賣相十分吾得,味道都係一般,焦糖香蕉無蕉糖,仲要係過份淋同點解個底會係奶水咁既呢？多春魚食落去既口感好似食緊生菜咁會爽口仲係好腥既 ,司華力腸既口感都吾同之前,而家食落去係林口既,應該係係微波爐叮過泥,仲有牛舌比之前細左好多,食落去仲要口感好怪。總之燒烤堂既服務同品質已經吾係之前咁,我都吾會泥食。:huffy

筲箕灣東大街真係聚集左好多美食，今次既主角就係「燒烤堂」! ^ ^其實之前都食過幾次，感覺唔錯，所以今次放工約埋同事山長水遠過海再食過!今次食依然保持水準，仲有啲食物有明顯既進步!黎到燒烤堂，一定要試下"焦糖菠蘿"，因為真係超級好味，每次食完都有好滿足既感覺! =)依到既焦糖菠蘿係我食過最好味、最特別既燒菠蘿! 菠蘿外面有一層脆脆既焦糖包住，一咬成口都係菠蘿汁...yummy! 除左焦糖菠蘿必食之外，其他食物都好好食! d燒牛舌=)本身我唔鐘意食牛舌，但我覺得依到既牛舌好味，而且服務好好，因為食第一串比較淡味，同老闆提一提，第二串就好岩我口味喇! 讚! 燒雞中翼=)雞中翼夠味，之前食過有啲地方只係層雞皮有味，啲雞肉就無味，但依到既雞翼除左入味外，仲保持到啲肉汁!燒芝心丸=)My favorite!!!!! xD 芝心丸一定要趁熱食，熱辣辣，一咬啲芝士就湧出黎，好好味! ^ ^雞泡魚乾=)第一次食，比想像中無咁硬，咬咬下又幾得意喎，可以一試! xD魷魚筒=)抵食，魷魚筒黎到既時候有驚喜，味道有不錯!燒雞皮=)My favorite again ... 我鐘意依到既燒雞皮燒得唔太乾，保持

夜晚，好肚餓。又得麥當勞可以食，但真係唔想食囉，晚晚食都唔係辦法。Openrice一下，有間串燒檔收兩，好喇，一於試下你。去到。人影都唔多隻，有啲驚，唔知野食掂唔掂。鋪頭三個伙計後生到爆，好似唔太信得過。不過一百幾十，就試下囉。叫左隻尤魚筒，嘩，靠，好大隻，又好食，同出面別府嘅一樣。但平成半，真係估你唔到。10個讚，不過多少少汁會更好。之後又食左個雞泡魚乾，又係同出面日本餐嘅一樣，但又平一半，超越無敵低食，味道一流。之後果啲唔想打，好眼訓，建議大家去食，記得叫老闆介紹你地食咩好。今晚實在係開心大發現，千奇百趣，9個趣。

情人節無情人就同兩個fd 係屋企附近食野傾計，夜晚11 12點都幾多人，好彩等左10分鐘有位坐=]三個女仔叫左10幾樣野都係$200有找好平👍豬頸肉同雞翼燒得好好味，雞皮脆又唔燶，什菇都入味，燒烤哥哥推介焦糖菠蘿真係好得意，外面d糖好脆，入面又有菠蘿酸味中和番，味道適中☺佢話呢個要燒得好有心機先得ga...如果唔係會唔靚，如果堂食就一定要試呢個👏👏

難得有時間和朋友相聚，三五知已相聚～我決定和他們一試筲箕灣新開的燒烤堂！舖面雖少，在舖外放了幾張的小櫃不是現今社會隨處可見(笑)我們決定外賣回家慢慢吃款式的種類對燒烤店來說是足夠的～但由於只有兩三位店員，的確等候時間會久一點！要有心理準備呀～先試一試拳王豬頸肉一小碟味道不是特別突出，味道亦不是很濃～燒雞皮是我平日在燒烤店也會點的，這裡做得不錯！有點脆但雞皮味很香～加上燒烤店愛用的孜然粉，不錯（笑）尖椒我不太建議吃的，因為尖椒不太入味，只有淡淡的味道是整晚最失敗的串燒重口味韮菜韮菜非常入味，怪不得有此有此稱號：）非常可口～而且顏色不錯，令人食慾大增多春魚，鯖魚魚類沒有太大的驚喜，和平常BBQ時食的味道差不多金菇～原來燒金菇不用牛油用一點開料去燒也不錯，可能是因為金菇本身有足夠的水份吧總括而言,價錢不貴可以一試!

8點半才開飯,時間多加上有食友相伴,就找點吃的!想吃的印尼串燒沒有開,但又見到另一檔的燒烤在旁....抱著好奇的心,與食友一試找淺嚐即止,美味追加的心態,我們點了2串牛舌,和2串雞皮!先上桌的是牛舌 ($10/串),一串3件,咬下第一反應是好咸!牛舌略帶嚼勁,不過牛舌都是厚切為佳,相信也是一時下調味太重手了吧!再來就是雞皮串($7/串),我和食友都一見到就呆一呆,好像不太乾身!點了也要一試,感覺如像吃雞件上的雞皮一樣,那又為何要點燒雞皮?我們都認為,好吃的雞皮,是要燒得乾脆而不帶油,這裡的,似乎真的不太合我們口味,吃了2口,決定投降!雖然水準只是一般,不過價位是合理的,地方也算整潔企理,見到3個年輕男士在努力燒呀燒,希望有機會重臨時,水準會變好!