影片
招牌菜
食记 (66)
餐厅位于大埔八号花园，交通方便。朋友介绍呢间烧扒屋，即管试下先！叫咗set肉眼扒配司华力肠(连热饮)可以跟饭/意粉/薯菜或沙律$70+，块肉眼扒超大块，配汁好味！肉眼扒生熟程度啱啱好，肉质嫩滑软腍，牛味香浓，肉汁都算丰富，薯条香脆，点茄汁食简直冇得输，加20蚊仲可以有罗宋汤连蒜蓉包，价钱一啲都唔贵，平日套餐只系$50+，想食靓啲都有其他选择。老板娘好nice，会同啲食客交流，赞！朋友果然冇介绍错，一定推荐👍
继续阅读
今次试咗呢间烧扒屋嘅精选常餐牛柳扒配司华力肠餐同白汁芝士焗海鲜饭，上菜速度快！记住lunch time真系好多人架！ 如果你唔系打工仔，唔好呢啲时间争食！Btw 好多隐藏单 写左系外面个版度！自己拣自己喜欢的！精选常餐嘅牛柳扒煎得香口，肉质嫩滑，配搭香脆嘅司华力肠同薯菜，仲要系粗薯条，大大支亨氏茄汁，份量十足睇相就见到。冻柠茶够冻，解暑一流。 又系呢句，呢个价钱呢个质素，仲想点？白汁芝士焗海鲜饭，白汁香浓，芝士拉丝，海鲜份量充足，有虾、鱼柳，配搭香软嘅饭，每一口都充满惊喜。个焗饭够哂热辣辣！整体而言，呢个价钱，呢个食物质素，性价比已经不错！要食地道的、平民化的，值得推荐。
继续阅读
完全冇谂过八号花园会有一间烧烤屋，更加冇谂过唔使$100有羊扒食 。呢个样睇绝对唔系Hea你嘅，你见佢个质料入边嘅材料都好丰富，呢个价钱仲有两块羊扒食去边度揾呀？仲要系好食𠮶只啰。
继续阅读
街坊小店嘅西餐厅，家庭式经营。餐牌上面有常餐，特餐等等唔同嘅选择。价钱合理，无论想食猪牛鸡定羊都有得拣。点咗个蜜汁烧猪扒拼司华力肠，因为小店经营嘅关系，弹性较大，询问可否配上黑椒汁，店员都爽快答应。猪扒一块大大块，铺满成个碟面，质素非常可以。烧猪扒有微微嘅蜜糖甜味，仲有少少铁板烧焦嘅味道。钟意食铁板嘅朋友可以试吓。呢个餐仲配上两条大大条嘅司华力肠，足够一般男仔嘅食量。另外一个点了牛柳配烧羊扒。牛柳生熟程度适中，无筋。虽然羊扒有少少燥味，但配上黑椒汁，食羊嘅朋友应该可以接受。每一个餐都跟一杯嘢饮，非常抵食。总括而言，食物质素加上价钱性价比高。
继续阅读
外卖被滥收附加费要求黑椒汁另上，需要额外收$10 用八达通支付，又要额外收多$2又曾经改口声称外卖所以额外收多$2（以上所谓额外收费全部冇标示在餐牌）估唔到外卖都咁多隐藏收费，不建议帮衬👎🏻👎🏻👎🏻
继续阅读