燒味家族

营业中

休息中

有時行過都會喺度打包個三拼燒味飯返屋企食 $30零蚊竟然食到三個餸仲要質素都OK 叉燒好入味 燒腩外皮燒得好脆 燒鴨亦都燒得好香不過冇乜肉 仲包埋嘢飲 咁抵嘅燒味飯喺邊度搵

第一，要排隊，唔知貪佢平定乜，有點兒浪費時間第二，講咗10次話要多啲姜戎佢最尾竟然話俾咗, 我係話要多啲唔係見佢冇比而叫佢比我第三，叉燒要半肥瘦，結果瘦到瑤柱咁第四, 啲嘢食有浸清潔劑味係要咁慳薑容嘅不如我下次比多兩蚊你咁嘅質素我寧願比多10幾蚊去廣東燒味唯一一樣好處就係送康師傅飲品

愈食愈嬲！呢個三拼飯我無說話好講！食左兩啖飯影俾大家睇睇，等你們評論吧！一個$35蚊三拼？你想點吖！賣相唔得？唔好買啦！餸料少嗎？唔好幫襯！好唔好食？咁就見人見至嘞！我：唔好食！無下次

2021.04.04 燒味家族買燒味外賣，見上網甘多人講，就試下。叫左一隻招牌燒豬手，好味，性價比好高，唔點醬仲好味，皮脆。一條燒腩條，第一淡覺得超正，皮超脆，肉好嫩。之後食落好有豬味，我頂唔住啦，比屋企人食埋佢。例牌燒鴨，冇特別。

位於太子港鐵站附近嘅燒味家族，每晚都客人如潮，都係皆因呢度嘅燒味出品確實係出眾，而且價錢又合理，款式又多，有脆皮燒豬手、燒雞肶、燒春雞及各式燒味，我就叫咗個燒肉飯(單拼)$27元兼送飲品，燒肉皮卜卜脆，飯粒幾煙靱，仲加送一條菜心，幾好~幾好喎！

有一次放工真的非常想吃叉燒，放工做做完gym便開始找尋家附近有的叉燒飯、可惜沒有太多選擇，本來家人告訴我原來附近真的有一間燒味店，而且這間燒味店有很多人排隊呢，一向我都相信人潮就是美食的指標，有人排隊代表這間店應該還不錯吧！然後我便買了一個單拼的叉燒飯，$27，後來看了看餐單，有燒雞髀需要加$20，貪心的我便加了！說了這個飯還會附送一包檸檬茶！回到家後急不及待打開飯盒，大大的燒雞髀令這盒飯生色不少，右上角還有慷慨的薑蔥蓉，燒雞髀的下面是滿滿的叉燒，不得不說這盒飯真的非常豐富，對於一個剛剛做完gym的人來說，是何其的吸引！只可惜的是燒雞髀肉質偏鞋，味道不突出，只可算是不過不失。半肥瘦叉燒，肥的部份基本都咬不斷，蜜糖味欠缺，完全吃不出叉燒的獨特味道，一心抱著吃叉燒的我，可算是有點失望。唯獨慷慨的薑蔥蓉，帶着兩條憐憫的菜心和滿滿的白飯可以接受。這一餐很飽，但心靈不滿足，你們明白嗎？

我差唔多每一個元都會食兩到三次，但每次個阿姐其實啲態度都好差，今次問佢攞包芥末同叫佢加薑蓉，佢話：啊生你一早講啦，我好多步驟要做，又要幫你打翻開佢。其實你需要錦樣錦差態度？重要喝住講！跟住我忍唔住話你真係要幾多個步驟話係咪真係咁煩啊。佢話：係呀我又要打返開個蓋我有好多嘢做㗎，如果有陣時排隊好多嘢做我唔得閒理你😒 跟住我話得冇問題，然後我轉身走咗。一間舖頭嘢食好食係基本，但你又唔係特別好食，仲要服務態度咁差，我都唔係好明點解你可以咁老鳳覺得自己加個薑蓉都要俾你話

今晚又係自己一個食晚飯，諗食咩都諗到頭痛呀，通常一個人就最好買外賣，收工經過太子見到哩間燒味店好多人排隊斬料啵，新鮮燒起既叉燒搞到我都好想食，於是就嗌左盒雙拼飯，叉燒拼燒肉😋😋哩度既外賣盒係紙盒黎架，原來係可以用微波爐叮番熱架🤝🤝好user friendly呀🤗🤗返到屋企打開個飯盒原來份量都幾多喎我好鍾意食叉燒架，呢度嘅叉燒正合我心意啵，廚師調味得啱啱好呀，而且肉質相當淋，好享受呢種咬感😋😋至於個燒肉皮燒得好脆身呀，而且肥肉同瘦肉嘅分布好適中，只係略嫌覺得咸咗啲，而且仲有兩條菜食添，雙拼飯咁嘅質素咁嘅價錢去邊度搵喎🤝🤝🤝🤝

記得中學時候，燒味店好盛行，舊式街市一定有一間係入面，但經過時代變遷，燒味鋪買少見少，而我都愈來愈少食到好食既飯盒，但前幾日去到太子，諗住去朋友屋企玩時，佢話買燒味飯去食，咁我咪一齊，叫左叉燒燒鴨，真係好耐無食，一打開個飯已經聞到好香薑蓉味，個飯盒比較矮，睇落唔算好多飯，但燒味就有好多舊！計落應該差唔多10舊😱，叉燒夠林，燒鴨又啖啖肉，雖然飯睇落少，但食完都好飽好滿足😋如果講好好食，佢又唔算係，但20幾蚊有個雙拼飯，已經心足了😁

經過太子嘅呢間燒味家族，比一般嘅燒味舖黎得新派同乾淨，一眼就睇到呢個燒排骨好似幾抵食，$48一條骨，如果去意x屋果啲唔係$188就$198,相比起真係幾抵食另外就係燒腩仔$38一條，睇落就好似好好味，所以買左一條返屋企加送返到去肥妹女人急不及待打開個盒，明正言順咁偷左一條燒排骨黎食，跟手比左啖我咬，話我同佢係共犯喎排骨肉質不至於好稔，有啲咬口，加埋舖頭有啲燒汁，咁嘅價錢，同意x屋果啲有得揮燒腩仔喺長途車程下，有啲凍左，不過表皮仍有啲脆口，相信新鮮食一定好好味，而佢嘅肉同肥膏分佈均勻，送飯一流下次買埋個燒豬脾試下先

約了友人在旺角見面，順道去花園街逛逛，兩個人邊行邊講。回程時想買點燒味回家加餸。記得之前曾試過大南街《燒味家族》的『脆皮燒腩仔』，覺得店子的腩仔不但外皮鬆化、而且肉質又嫩又 Juicy，口感極佳。當時店員還力 sell 我下次一定要再來試埋店裡的『蒜香燒春雞』同『招牌燒豬手』；尤其是豬手，說夠大隻之餘仲皮脆肉嫩，十分抵食。反正店子就在附近，一於過去看看。既然一場來到，除了店員代為即席起骨斬件的德式燒豬手 ($88) 外，今次就一於買埋新推出的黑糖滷味拼盆 ($38) 試試。店員果然無介紹錯，隻豬手以透明膠盒盛載，份量勁足，拎起嚟非常墜手，而且拿上手時仍然是微暖。忍不住揭開蓋再看，香味即時傳出，而且望落去色澤嫩紅，狀甚誘人，若不是怕失儀的話，真想立刻拿起一件放入口。回家後已急不及待，立即把豬手放入焗爐內翻熱。即試一件，外皮咬下竟然還卜卜脆，而且豬手肉肥瘦剛好，吃下腍滑 Juicy，蘸點附上的自家製蜜糖芥末醬，味道酸甜清新，更能帶出豬手的肉香。至於盒黑糖滷味拼盆，一盒分成三格，入面就放有雞翼、豬頸肉和雞腎。翻查網上資料得知，原來個滷水汁是用了日本琉球進口的黑糖，加上甘草、花椒、茴香等廿幾種

上星期六在聯合行完街後, 便去了附近的燒味家族買外賣, 晚餐加餸.見到滷味的顏色咁深色,原來是用了黑糖塊與多種香料而成. 覺得幾特別, 決定試一試.最後買了滷味拼盤和燒豬手返屋企.滷味拼盤不同選擇, 我選了牛肚, 鴨腎和雞翼.而燒豬手仲係熱辣辣,一路返屋企途中也聞到香味.返到屋企, 第一時間打開燒豬手.外表已經好吸引, 仍然保持暖.由食店返到屋企車程大約大半個小時, 豬手皮仍然夠薄夠脆卜卜, 口感好似食薯片.而豬手肉質尚算腍身, 仲帶有咸香味, 與飯一齊食係最佳拍檔.另外, 附有醬汁.不論單食或是點醬, 兩種感覺不同, 各有各好食.剩下的豬手骨就用來滾菜湯飲.份量都幾多, 一餐當然食不完, 我就拎了部份留待第二日帶飯時食.第二日返公司食,因我是用水蒸飯, 豬手肉質仲鬆軟咗, 這樣食法口感又唔同咗.而滷味拼盤, 初初見到色素咁深, 以為好咸, 但入口味道又不錯.牛肚, 腎和雞翼三款滷味當中, 我自己最鍾意食腎, 有點咬口. 而雞翼有四隻, 都幾飽滿, 味道就正常.牛肚對於我來講就較為硬身了一點, 唔夠腍身, 否則會更好食.下次有機會要試下其他的燒味.

假日, 二女的男友到我家吃晚飯, 工人姐姐放了假 ....  我家附近沒有一間像樣的燒味舖, 我就唯有外出 太子一趟, 斬料加餸 ~而燒味家族, 會是我的選擇 ~買時已請師傅斬件, 工人放假, 我懶得切 ....叉燒 $78/斤斬了半斤, 蜜味十足, 半肥瘦, 肉質豐腴, 爽彈鬆軟, 外層有焦香卻不會過硬, 若是肥些會更合我口味 ~豬手 $88/隻經過一段車程, 打開盒之後依然是暖的, 豬手皮尚算脆身, 肉嫩又香口, 豬手入味也不太鹹 ~豬手的骨也可用作煲粥 .... 本篇完 ~

繼上一趟試過這裡的燒腩仔及叉燒以後，相隔多時再斬多四兩，重臨再來試一下她的另兩道招牌嘢 ---- 黑糖鹵味以及燒豬手....平時正常的潮式鹵水就食得多，但加上了日本黑糖作調味的，印象中就好像從未嚐過....這裡鹵汁的材料都是用上大路的甘草、花椒及茴香等熬煑，特別就在於下了黑糖進去。看上去色澤沉厚油份不多，嗒下去則不見死鹹帶輕輕的甜味之餘滿有熬弄香料時滲出來的清香。以此鹵汁沉煑出來的，就算下甚麼食材落去鹵浸都是相當的滋味....個人最欣賞的是雞翼。儘管用的當然是雪藏貨色，但食起來入味之外肉又不會被浸到茸茸爛爛的；其次腎及豬頸肉的質地爽爽脆脆的同皆不俗....更令人有驚喜的是這只燒豬手....皮厚身而脆啪啪這是一定的；皮與肉之間還藏有一層薄薄的半透明脂肪，入口膠質極重而味又豐腴；更難能可貴是瘦肉軟熟不嚡且仍存肉汁口感滑潤。平常吃類似的燒豬手時總只是吃皮不吃肉的習慣，此時就要改改了....一眾人對豬手的那個滲了wasabi口味的沙律醬也存在著一份的大愛。吃到了最後，不單是豬手肉醮它，就連家中的其他菜亦忍不住每一口也醮了一點來吃....非常出色的鹵味加上燒豬手，這一頓飯就頓感完滿了....

平時經過這間燒味店，總聞到陣陣燒臘香，排隊的人龍亦不少。碰巧今天比平時早了放工，見到排隊顧客不多，就買了一盒黑糖滷水拼盤和燒豬手回家『加餸』！我一直喜歡吃滷水拼盤，貪其款式多，樣樣都可以試，這個拼盤也材料豐富，有雞翼、豬耳、豬大腸、牛肚、豬頸肉、雞腎和紅腸，特別在醬汁竟是黑糖滷水，十分創新。試了試，味道比一般滷水稍甜，黑糖味不算太突出，不過每款滷水都滷得入味，還算不錯。燒豬手份量十足，而且早已去骨起肉，方便我這些為食的大懶人。雖然回到家已過了30分鐘，但豬手仍然帶著微溫，皮脆肉嫩滑。我特別喜歡蘸配送的芥辣沙律醬，味道更加滋味！最後，份量實在太多，3個人都吃不完，明天帶飯有得加餸，哈。