燒吧

营业中

休息中

將軍澳既餐廳真係越開越多，不過好多都係商場鋪同連鎖店，而我個人就鍾意發掘小店餐廳，尤其熱愛日本串燒既我就更加難搵，上網見到有間新開既餐廳，上星期就專登過黎試下喇！好彩我習慣訂位，星期四平日夜晚座位都好full，而環境感覺幾舒適，一d都唔迫👍而店員同大廚都好nice，加上我鍾意坐吧枱既關係，就可以同佢地交流一下，又可以睇下佢地煮食過程！ 而sake方面亦係我過黎既原因，因為TKO區有得飲特別少少既清酒都難搵，而呢度既sake我覺得都足夠，300ml, 720ml同1.8L都有，正正唔係我成日出面買到個d清酒大牌子！我地四個人就點左支「醉樂無極」試下，雖然係價錢最平既一支，但都幾易入口(唔係辛口)，加上佢地有個專業既清酒容器，著重儀式感既我就真係加晒分，杯酒既層次都高左咁~~🍶 至於串燒方面，佢地就唔係用炭爐燒，所以完全無居酒屋個種油煙味，而且抽風夠強！menu推介既我都試左幾款，特別推介鹽燒白鱔、墨魚棒同五花腩，真係好食🤤🤤最後再叫左個「別問我是誰」，我仲以為會起音樂….🎶😂原來係廚師發辦，西式主食亦出奇地好食！同大廚傾完先知佢原來西餐出身，唔怪得賣相都唔同D~ 整體我覺得係有驚喜既，幾

知道將軍澳開咗一間燒吧，趁放假去試下食宵夜，地方唔算好大，裏面裝修以白色為主感覺好舒適，特別安裝一個大投影，一邊播放柔和的音樂仲有靚風景睇。今次4個人去唔叫得太多嘢食，開咗支清酒🍶因為我哋最鍾意食鵝肝，當然一定要試吓香煎鵝肝多士，果然冇令我失望，鵝肝好厚身大件，酒店食buffet排長龍等的都冇咁大件😘第一次食黑松露雜菌薄餅感覺都唔錯，秘製雞全翼好香口，試埋鹽燒白鱔同牛舌燒，下個月朋友食生日飯我一定要再去呢間Shiba，啲嘢實在太好食😋

一間咁白雪雪嘅餐廳 又點估到佢原來係串燒店😍比起其他居酒屋 串燒店舒服得多😌如果帶埋小朋友去 都完全唔會覺得迫!首先有個秘製雞全翼🤤一見到以為佢係普通芝麻雞全翼 一食落口勁正!!!佢仲辣辣地🌶️不得了🙈之後再有勁脆鹽燒白鱔🐠入口即溶厚切五花腩🐷北京烤鴨pizza🍕食唔停黑松露芝士薯條🍟估唔到樣樣都有驚喜😭😭都會食過返尋味🥺當然仲有鵝肝多士啦!!!!!(yeahhhh膽固醇萬歲) 大大嚿！完全唔揸流攤架😍最後老細仲介紹我地食生蠔🦪用一個好特別嘅食法😆想知點食？你地去下就知架喇🤤我哋就冇叫酒….不過見到佢有好多唔同款式嘅清酒🍶大家不妨都可以試一試🤭

屋企樓下開咗間新餐廳，主打串燒，睇吓門口餐牌，價錢正常合理，就入去試試啦😌地方唔大，但唔逼夾，坐得好舒服👍🏻食物選擇除咗有大路嘅雞肉，雞腎，冬菇，牛舌外，仲有啲出面串燒店未必食到嘅野😏推介：$88 香煎鵝肝多士。鵝肝燒得好香，廚師好貼心咁配埋沙律菜，食完唔會覺得有油膩感，抵讚👍🏻$68 鹽燒白鱔。呢個堅好味，白鱔燒得啱啱好，皮脆肉滑，諗起都想食🤤整體嚟講呢間串燒店比預期好，環境舒服，食物賣相一流，質素亦好好（唔會得個樣😏）。美中不足嘅係得一個靚女落單，上菜，所以要有少少耐性😂仲有佢哋有幾多Sake種類，鍾意飲番兩杯嘅可以多個選擇🍶

我住咗廿年將軍澳，眼見由細食到大嘅小店執咗一間得一間，好耐都冇試過識到啲咁高質嘅食店，我同我另一半都屬於比較麻煩嘅類型，又要乾淨，又要好食，侍應又要真心招呼，唔係死板背書，呢度我真係估唔到可以滿足曬我自己嘅應有要求，食才同賣相，對得住價錢綽綽有餘，環境又正又chill,最正係有”廚師發板"嘅感覺，淨係話俾佢聽唔食啲咩就ok😌😌總結黎講四個字"性價比高"🥰🥰成間舖頭美中不足就係個廁所一定要去商場嘅工價廁所，但我老婆都冇減到分，因為真係樣樣都好平均中高質😝😝🤤🤤

舖頭裝修以白色為主調，經過第一眼已俾佢嘅日式風格吸引住。見價錢幾吸引，就一於試吓啦！雞泡魚乾好香脆，唔會燒到乾爭爭串燒拼盤選擇困難症人士如我，樣樣都想試揀唔落手，小店嘅好處就係可以叫廚師發板。老闆幫我哋準備咗燒白鱔、雞腎、牛舌、京蔥雞肉串、免治雞肉串、厚切五花腩⋯⋯全部都好好味啊！😍清酒煮蜆第一次食加咗紅蘿蔔絲及西芹絲嘅清酒煮蜆，味道唔會好似平時食嗰啲咁寡蟹膏甲羅燒滿滿嘅蟹膏蟹肉加埋蟹子同鵪鶉蛋黃，超級鮮味！日式廣島蠔唔係一般嘅吉列炸蠔，炸漿好薄，蠔亦炸得岩岩好👍🏻鵝肝多士必食item！！鵝肝好厚，一啲都唔欺場！入口即融，好好好好味💯菠蘿燒用燒菠蘿做結尾，好甜好多汁。大滿足！

作為一個鵝肝控，每次如果見到餐廳Menu有鵝肝，必定會叫一客過下口癮，但需知道食得多膽固醇太高，但重點嘅係閑閑哋一客都要過百蚊，又唔會飽……而最近竟然比我搵到呢間小店，香煎鵝肝多士係 $88/一客，仲要配埋多士、陳醋汁同配菜😱 個人來講已經覺得好相宜，因為我自己買返屋企都唔識煎🥲而單睇賣相已經覺得誠意可嘉，味道亦不錯，唔會好似有啲餐廳炸到個皮好厚，或者好油 (始終煎鵝肝真係好考大廚功夫) 總括嚟講呢客邪惡嘅鵝肝係性價比高嘅！大家有機會不妨一試👍

上次見佢新開黎試食，一試便愛上！今次再同屋企人黎食晚餐，佢地都話d食物好高質，選擇又多！又串燒又西餐意粉甘！食得好飽好滿足！最印象深刻係舊鵝肝勁juicy 大舊 ，煎到好香口！十級推介仲有燒白鱔，比起出面勁厚勁爽口，皮又超脆！見到個menu 有樣好得意叫 別問我是誰 ，一問之下原來只要同大廚講有咩食得有咩5食得就可以特整比你，幾好諗頭！諗住下次再黎試。以後晚餐決定5到食咩就黎呢度最好啦，又多個好地方！個環境坐得好舒服，氣氛又好，得閒會再黎！