燈籠滷味 (朗豪坊)

喺旺角朗豪坊嘅《灯笼卤味》，装修带少少台湾夜市感觉, 好有气氛~~入到嚟闻到阵阵卤香味, 卤味均由台湾总店直送秘传配方卤汤制作，好吸引呀！坐低叫咗两个锅同啲饮品, 分量十足, 拣料多, 价钱又合理~整体味道有台湾卤味嘅风味, 但又唔会过重, 好啱香港人口味~~~同行朋友都话「几特别，几好食」, 值得推介比想试下台式锅物嘅人古早卤味药膳锅 $138套餐包饭/米线 +饮品打开个锅, 药材香＋卤汁味扑鼻~ 汤底颜色深啡带红, 饮落卤香浓郁, 又有少少回甘牛筋肉：软腍入味, 筋位啖啖胶质, 卤到够味但唔死咸~蜂巢牛肚：爽口有嚼劲, 每口都带卤香猪耳朵：胶质脆口, 食落爽爽脆脆, 带阵花椒香白萝卜：煮到软腍, 吸晒药膳汤汁, 好入味冻豆腐：卤汁渗到入去, 咬开仲有汤汁流出嚟百页豆腐：薄身又吸汁, 口感仲有层次金针菇：煮完滑嫩, 仲带啲药膳香大豆皮：索满卤汁, 有豆香同胶质感日本葛丝：烟韧爽滑, 卤汁挂得实, 几得意嘅口感时令蔬菜：平衡晒成个锅嘅味, 令成餐冇咁笨重养生花雕鸡锅 $128入口第一口就系花雕酒香, 酒香唔辣口, 反而混埋鸡香同淡淡甜味~~原只鸡髀：大大只, 肉质嫩滑, 带阵酒香, 食落唔会干柴冻豆腐：吸满花雕汤汁, 入味到咬一啖成口汤玉米笋：清甜爽脆, 解腻黑木耳：爽口弹牙, 食落好爽脆金针菇：滑溜吸汁, 带住花雕香大豆皮：软淋吸汤, 好似一块花雕海绵日本葛丝：烟韧滑口, 挂汁力强时令蔬菜：新鲜清甜, 令成个锅更均衡呢个锅饮落暖身, 花雕香同鸡味融合得好自然, 好啱养生冬瓜茶台湾特色饮品, 色泽啡金~入口第一下系冬瓜嘅清甜, 唔系死甜, 仲有回甘, 饮落消滞解腻, 配卤味锅一流~~茉香绿茶清新带花香, 茶底清爽, 入口有阵茉莉幽香…查看更多

走进朗豪坊的「灯笼卤味」，第一眼就被那面满满霓虹灯的墙吸引住，整个店彷佛夜市街头的缩影——亮丽又热闹，既有台湾风味又不失型格😍 地点方便得不得了，逛街逛到脚软走几步就能坐下叹返碗热辣辣的卤味，幸福感瞬间飙升☺️  先讲最吸睛嘅甜品——绵绵重乳冰系列✅ 我试咗「大甲香芋圆圆圆重乳冰」，一上枱就超诱人😚 那个冰真系“绵”得夸张😎 入口即融，奶香浓郁却唔腻😋 上头铺满满芋圆，加上一点甜香的炼奶，整体味道甜而不腻，口感层次丰富👍 每一匙都系冰香、芋香、奶香交织在一起，超满足，热天气食完瞬间降温三度🌟   另一款甜品✅ 大甲香芋雪糕配吉士大判烧🌟 呢个组合真系有惊喜，大判烧外层微脆、内里软绵绵，咬开仲有浓郁吉士酱爆出来，甜香滑顺🤤 配埋冰凉嘅香芋雪糕，香芋味超突出，香滑得黎芋香留喺口里好久🤗 两者一冷一暖，口感对比超有层次，一个字：正👍 主食方面，我试咗佢哋嘅「一人成团套餐」，份量啱啱好，感觉一个人食都够满足❤️ 卤味全部用台湾总店直送嘅秘传卤汤卤制，味道渗得入哂去，香气浓郁得黎唔会死咸😋 牛筋肉软腍入味、蜂巢牛肚韧中带爽，百页豆腐吸满卤汁，一啖精华😆 白萝卜卤得通透，吸汁力惊人😘 加上唐生菜、QQ刀削面，整体平衡又唔腻👍 配埋Shake Shake脆炸粗薯条，香脆得嚟唔油🤗 再尝一口阿里山黄金夕阳果茶，清新果香中带点茶味，完美解腻❣️ 🐧 仲见到隔壁枱叫咗佢哋嘅丰盛一人锅系列，都好出色，料靓又够真🤩 下次一定要试下，感觉比坊间普通火锅店更有诚意❤️   最后小贴士❣️ 十月去葵芳店有限时优惠～凡惠顾指定二人餐即送价值$88嘅绵绵重乳冰，或者每客丰盛一人锅即减$10，抵上加抵架😆 …查看更多

不错的台湾菜☺️星期六想出街行下，但咁啱撞正十一黄金周。周围都塞爆人，讲到旺角比较好行ge商场，我真系推荐朗豪坊，见food court 人太多就转移阵地去试下隔离间台湾菜。一行到counter 服务员好热情咁招待我哋就座，空间位置都好舒适，虽然系open area 但都唔觉得俾人望住冇私隐。坐低后慢慢欣赏餐厅装潢，特别系梳化背后好有台湾特色文化，仲夹杂香港霓虹灯装饰值得一赞。点餐都系手机自助，而上餐速度都好快。而我点ge系牛筋肉蜂巢牛肚便当，特别系蜂巢牛肚咬口弹牙爽口，可惜份量唔多，小食多滋味🤭😋值得一试…查看更多

买咗戏飞睇戏，见仲有少少时间就上咗楼上揾嘢食。试咗呢间成日都见到但一直未有机会试嘅灯笼卤味。叫咗个午市套餐 牛展牛肚萝卜面，一上枱已经闻到好香嘅卤水味！个汁真系不得了，咸香得嚟带啲甜，仲有淡淡香料味，挂系每条面上面食真系一流。牛肉用咗牛展同牛肚，两样都炆到好腍好入味，牛展唔会韧，牛肚爽得嚟又够淋，绝对系落足心机煮。萝卜清甜无渣，唐生菜焯得啱啱好，爽脆吸汁。台湾面质地弹牙，同浓味卤水好夹，捞匀之后每啖都系满足。虽然价钱略高，要成八十几蚊碗，但系份量足，材料又靓，计返都算值得。如果钟意浓味嘢同埋钟意食内脏，呢个面真系要试吓，我谂我会再encore！…查看更多

♡ 一人成团 （餐） $118：-甜酱香葱油猪软骨便当 配海苔酱香拌饭猪软骨甜甜地好惹味，加埋海苔超下饭。♡ 灯笼古早卤肉饭 $38 ：上一次黎都有叫，一如既往好有台湾风味，卤肉味道出色，送饭一流🙈👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻…查看更多