熊館 (已結業)

今次我們一行四人去了觀塘覓食，見到東廣場附近有間新開的麵店，地方幾大但人唔多，膽粗粗就試下新嘢啦😎。叫咗三個來自不同地方的菜式：🍜客家秘製雞酒湯麵 $58🍜四川水煮魚湯麵 $48🍜台式蔥燒牛肉麵 $48 🍜雞酒湯麵我好鐘意佢嘅酒味，唔會濃烈而係有種酒嘅香醇口感，仲有薑粒配落雞度，有風味又夠補身，啱晒凍冰冰嘅天氣！ 🍜水煮魚湯麵我試咗一啖都幾辣，友人話拍得住譚仔三小辣。而且有花椒，食落有麻辣感，而魚夠哂滑。 🍜蔥燒牛肉麵友人話幾入味，牛肉又易咬口，蔥又多又香。另外仲有溏心蛋，淡淡流出嚟嘅蛋汁，食完好滿足。呢個價錢食到各處地道湯麵，而且又有水準，絕對CP值很高！🤩🤩順帶一提晚市較早收，要食就趁早。

放工回家中途見到成業街新開了一間橙色招牌非常搶眼的餐廳''熊館''見今天屋企無煮飯就諗住外買回家食。點知原來小店後面有座位,於是便快速食完先回家。小店主打中國麵食,叫了一個雞酒麵+花雕滷水蛋$48雞肉份量非常多,湯底酒味極為香濃,飲完成個人即時熱辣辣。一碗好麵除了湯底,麵的口感亦相當重要。小店的麵底爽口彈牙,好味花雕滷水蛋-流心入味水煮魚湯麵-魚肉夠滑 ，而且冇骨，淡淡肉，湯底方面。我愛食辣，但太辣又食唔到。老闆竟然話可以幫我整個少辣。真係十分貼心。配合埋芽菜等蔬菜一齊食真係好正。小店感覺比集團式餐廳多左份人情味。支持小店！

最近見呢間麵店新開，就同朋友黎試下鋪頭好易搵，行入少少就會見到有多位，估唔到都幾闊絡餐牌入面有唔少選擇，我地就一於試下佢地推薦既款式～＃秘制雞酒湯麵雞酒湯麵我真係第一次食，一開始都會驚會唔會好大陣酒味一上到埋黎既時候係聞到好香既雞酒味，但食落又唔會好濃，岩哂我入面仲有好多薑粒，食完個人都暖Ｄ，幾新奇既一碗麵仲叫左粒花雕滷水蛋入面係流心餡架～＃水煮魚湯麵(小辣)朋友就揀左呢個水煮魚，不過佢怕太辣所以叫左小辣個水煮魚味道都唔錯，下次可以再黎食多次

第一次食水煮魚+麵，如果譚仔三小辣叫小辣，咁LE個起碼係一小辣。如果平時開譚仔小辣嘅你應該會食得爽。佢隻辣係口入要辣，唔會落喉嚨，亦食到d花椒，辣得黎條脷有d麻，係幾正，但我頂唔住都要一路食一路流鼻水。成個package 48$仲包野飲，係今時今日香港算係咁。地方都算易揾，就係觀塘東廣場對面，如果apm行過去都係5分鐘內。友人食左個紅燒牛肉麵，問佢好唔好食，佢就話OK LA。 咁我又夾舊牛食下，唔係話幾入味，又唔難咬開，48$直頭合格有餘啦！ 兩碗都無試個湯，不過最起碼麵夠味又唔會爛晒。

今日同同事一齊出去食飯，幾個女仔咁啱行咗去觀塘廣場嗰邊就食咗一間叫做紅館嘅面鋪。俾佢個雞酒湯麵poster吸引左，所以就入咗去食～袐制雞酒湯麵 $58趁著天氣比較凍(雖然又已經熱返)，我地公司幾個女仔都容易手腳冰冷。所以我地4個人都叫左3碗雞酒湯。食完手暖腳暖，好正！因為雞酒好正氣，可以行氣活血，又強身。雞酒味好重！略嫌上面比較多油，但係飲落去真係超級好味、雞湯味好濃，超級好食！酸辣魚片湯麵 $48另一個同事食咗酸辣魚片，我食咗佢兩舊魚～好滑！完全冇骨！係魚柳，所以啖啖肉好正。另外佢嘅酸菜都好夠味，但又唔會話太辣！小吃：花雕滷水雞蛋$15/2隻酒味好香！本來以為就咁一隻滷水雞蛋，點知原來係流心，仲要有淡淡酒香！呢個價錢好抵食！小吃：雞絲粉皮 $28小吃：脆皮波板腸

新開小店 🤩難得可以放半日 就急不及待嚟試下新野佢個地點都算易搵 就在東廣場對面環境清靜 座位尚寬敞我哋叫咗秘制雞酒湯麵同蔥燒牛肉麵兩樣都超正 煮得超入味雞酒湯麵好有當年的味道 食完都仲歷歷在目牛肉夠哂咬口 值得一贊嘅係佢個麵 好彈牙 煮得啱啱好 我超鐘意 值得回頭再試

接朋友係觀塘放工後，佢推介我去食呢間新開張營業無耐嘅小店🏠我的一碗麵-熊館小店黎講，麵嘅種類都唔少有不同地方口味選擇有湯麵有乾拌麵有辣🌶有唔辣💁🏻‍♀️（客家）秘制雞酒湯麵🍜💁🏻‍♀️小食：花雕滷水雞蛋🥚💁🏻‍♀️飲品：100%維鮮橙汁🥤湯底係好濃香嘅碎薑粒，好養生，飲完即刻暖笠笠，岩晒成日手腳冰冷嘅女士們😙麵條係拉麵😲條條分明，口感煙韌彈牙，就算食到一半時間都唔會話糊晒👍🏼👍🏼隻蛋幾香蛋味，但食唔到有酒味🙈🙈💁🏻‍♀️蔥燒牛肉麵（台式）牛肉份量唔少😋😋炆得幾腍唔乾柴整體性唔錯，係觀塘番工放學嘅朋友可以一試🤗🤗

我諗大家應該都知觀塘有好多好嘢食🥰🥰因為附近有好多工廠大廈，人流又比較多前排就比我搵到一間又平又抵食嘅台灣小店。雖然呢間店舖食物嘅選擇唔多，但係佢哋嘅份量真係好足夠而且價錢亦都好合理。跟餐仲有嘢飲送添，我同朋友每人叫咗一個面價錢都係大約五十零蚊，絕對係打工仔嘅恩物！我朋友算係一個比較食量大嘅人但係佢食完碗麵之後都覺得好飽。雖然價錢唔貴而且亦都食物只有簡單既包裝但係未到一啲都冇影響。以咁既價錢來講cp值必常高🤣🤣🤣我就食咗個牛肉麵，牛肉一啲都唔難咬開好軟熟👍🏼👍🏼食完又唔會話覺得好重味精好鹹好想飲水。

最近喺觀塘發現了一家平靚正小店，有客家、四川及台式口味，午市人均消費連飲品大約60元左右，非常抵食！招牌菜秘制雞酒湯麵(客家)$58，麵底是蘭州拉麵，口感煙韌彈牙，雞湯有大量薑粒， 喝起來甜中帶微辣，加上熱騰騰，覺得好補身咁，推介。朋友點了水煮魚湯麵(四川)$48 ，又香又辣，好開胃，龍脷魚柳肉厚，份量算多，味道不錯。開胃小吃：花雕滷水雞蛋$8/隻，咬開原來是溏心蛋，有驚喜，很好味！飲品：維鮮果汁100% $7。餐廳位置方便易揾，近地鐵站，店員態度親切，而且服務勤快，價錢實惠，值得支持的小店！

要去觀塘整電話，行經成業街16號怡生工業中心地下D6-7號舖，見麵店宣傳海報，吸引我駐足，覺得價錢合理。我點左秘製雞酒湯麵$58，好濃香花雕酒香味 ，雞肉好嫩滑 ，湯底好味😋又好飲，頗多薑粒天氣涷涷地補補身、驅寒最岩👍👍👍。配花雕滷水溫泉雞蛋🥚，更完美，超正。雞絲粉皮$38，頗多雞肉 配青瓜絲，加芝麻醬很香，真美味又健康。蔥燒牛肉麵$48，湯底都不錯，牛肉夠腍，麵都彈牙。重有紙包飲品送。這價錢真抵食。

從細個睇過中華一番呢套卡通片之後， 我食都對中華料理念念不忘， 尤其係中華拉麵呢一款美食！今日去到觀塘工業區， 見到呢間連標誌都非常有中華風嘅店舖， 望一望竟然就係我最鍾意嘅中華拉麵！😍裏面嘅麵類款式非常多， 鍾意食辣嘅可以揀佢嘅水煮， 想補身嘅可以嗌雞酒湯， 鍾意藥材味嘅可以飲川芎湯， 另外仲有 台式湯麵上海湯麵任君選擇。本身鍾意食辣嘅我 當然係揀返水煮魚湯麵！呢度計水煮湯底味道非常適中， 無論係鹹到同辣度都恰到好處。 另外魚方面呢度選取咗 龍脷柳， 個人認為同水煮湯底非常搭配。 湯麵方面呢度就比較 偏軟身， 但食落感覺係唔錯的。呢度冇一個湯麵都係大約50蚊左右， 個人認為性價比甚高， 下次再來一定要試下其他味道。

因友話今次路過觀塘工業區見到開左新麵館，要同我去試下。黎到第一感覺係。。外賣店？原來後面嘅另一舖位有雅座🤭，唔講真係唔知，可能因為只有座位，感覺好闊落好乾淨。兩個人叫左兩個麵，兩個小食，另外每個面送咗一包果汁，果汁話係試業期間特別餸嘅！秘制雞酒湯麵 - $58雞酒麵酒味濃，雞件夠哂入味，薑粒滿見底。水煮牛湯麵 - $48水煮牛味道正宗，牛肉多，花椒辣椒不缺少。紅燒鮑魚雞絲 - $38鮑魚雞絲好大份，當主食都得。花雕滷水蛋 - $15/2隻滷蛋單隻都係$8，好抵！金黃色流心餡，正！

這天因為工作的需要，前往了觀塘與同事一同在觀塘吃午飯，同事介紹一家全新的餐廳，鄰近工作的環境，距離地鐵站路程約需五分鐘左右，地理上還算方便。 座位方面還算寬闊，加上自由入座， 挑選自己喜愛的位置，絕對沒有難度。食物方面，點了秘製雞酒湯麵， 絕對是補身保健之選，是家中的味道， 用料十足，製作認真，酒味香濃，配搭薑粒，入口更為溫暖。水煮魚湯麵， 同事告知，香味十足的湯底，麻而不辣， 配搭店家的麵條沾滿了湯底的香味。花雕鹵水雞蛋， 意想不到的味道， 帶點花椒香味，加上內裏流心。

剛剛行過見到這間新開的麵店，見到得門面以為係食外賣，但再望入去，原來有個位置係讓食客坐底慢慢嘆，睇下菜單，雖然都係食麵，但唔同湯底寫明是，四川、上海、港式等等的口味來源天麻川芎白芷魚湯麵睇名字見到3款健康藥材的名字，天氣凍左都忍唔住想保一保身試試，未食落口，超濃郁的藥材味已經飄浮空氣中，湯底都有天麻白芷在，無花無假真材實料的湯底，即刻覺得自己健康左酸辣魚片湯麵真的可以說一人份的酸辣魚，其實我幾鍾意個湯底，酸辣剛剛好，是讓人感到舒服的惹味，而魚片十分適合我這些懶人，大大舊無骨，可以大口大口地享受魚肉紅燒飽魚雞絲本身係想食鮑魚雞絲撈麵，但見到有小食版又唔貴就獨立點試試，主角鮑魚有本身惹味的醬汁很好食，而雞絲都唔小器，真係差唔多成碗雞絲咁好，如果選擇食雞絲粉皮都唔錯花雕滷水雞蛋滷水蛋很有驚喜，本來見有花雕幾特別才試試，估唔到並不是平時食開的滷水蛋，是糖心蛋來的，即刻3合一的存在，花雕帶點酒香，本身已有滷水調味，最後仲有糖心蛋的質感

小妹因為工作關係最近都在觀塘開會，所以收工喺呢邊，順便發掘一下呢一區嘅美食😋呢睇睇菜單有好多唔同款式嘅地道面款，客家、四川、台式，、港式等等⋯⋯ 咁多選擇價錢又抵，就揀呢間！鋪面裝修只係新店，可以選擇外賣或者堂食，堂食位置都幾闊落。秘製雞酒湯面$58非常足料，好多薑，芫荽等等，雞件大舊有肉地，味濃！面嘅質地非常煙銀，彈牙，係軟身，QQ嘅質地，口感非常特別。分量亦都好多。水煮魚湯麵$48呢個水煮魚湯麵來自四川，當然辣啦，店員妹妹問我挑唔挑戰下🤔好啦就接受佢嘅挑戰🤪湯底辣，有好多辣椒，口味濃！佢嘅水煮魚非常非常之滑！滑的程度令我懷疑佢是不是魚😂好味呀！最後一提：點餐會送100%果汁🍹！