熊館 (已結業)

落雨都冇咩心機搵野食🥴隨意咁想食邊間食邊間😂估唔到呢間會有一人份水煮魚，咁就唔使成日要約齊人食大份既水煮魚啦🥱👉🏿✨水煮魚湯麵 hkd 48 💸📌有時候想一個人過下癮呢間都係唔錯既選擇黎架👍🏿小煮魚份量多，冇骨又唔腥！簡直係啖啖魚肉🥰而且夠晒麻辣😂😂真係好過癮㗎！麵條又夠彈牙～食晒成碗都冇問題😙👉🏿✨秘製雞酒湯麵 hkd 58 💸📌一黎到已經好重酒香味！唔會令人抗拒，反而越食越香！雞肉唔會好鞋～頭啖湯真係好正，不過成碗飲晒會有啲啲油😆

觀塘工業區有間客家&四川菜餐廳，外賣為主店內都有4個位都可以堂食我lunch time去食好彩有位，如果唔係外賣都方便🔶水煮牛湯麵 $48 個湯底好入味，不過唔算辣，如果再辣啲會更像正宗川菜牛肉幾嫩滑，仲有豬紅，夠入味同滑！個麵口感都幾好，不會太淋！🔶秘製雞酒湯麵 $58估唔到個湯底咁好味，好夠味而且突顯到酒味！配麵食一流👍🏻不過可惜個雞有點「鞋」最滑既地方就是雞翼尖而家非常時期做緊優惠，外賣送飲品Lunch set仲有小食跟餐，相當優惠！

在一條繁忙的馬路，隔離有一間快餐店，雖然位置唔係十分好，但行入呢間快餐店，有一個寧靜舒服嘅環境可以同朋友一齊食嘢，靜靜地可以傾吓計。這間餐廳以快餐為主，最啱係午餐嘅時間嚟呢度，有三款推介湯麵，今次我就揀咗 “秘製雞酒湯麵”套餐，咁岩今個星期涼涼地，食返碗雞酒湯麵就最啱啦！呢度嘅醉雞做得唔錯，好入味，湯入面有好多薑粒，食完成個人都溫暖晒。另外值得一提嘅係我好鍾意呢間餐廳入面有得買一啲來自日本嘅零食，仲有台灣嘅零食，食飽飽仲可以行一陣，喺呢間餐廳度買下野，仲有啲零食係以健康為主，好啱健康嘅大家嚟哩度買嘢！

由上年10 月開始，去左幾次熊館。但每次都失望而回，因為仲未裝修好隔左幾個月總於同朋友約埋去試，7 :00到熊館，但一入店。職員就話賣晒冇野食。。。我地話話下咁早，佢話賣晒，唔通4 次都食唔到之後職員話有花雕雞麵同牛肉麵比到我地。。。佢話係招牌麵。好啦。咁唯有食呢2 樣啦因為我唔鐘意酒，所以我就選左牛肉麵，好濃郁的牛湯底。朋友就食左花雕雞麵，聞到酒味都幾濃烈。。。店員送左2 隻花雕溏心蛋比我地，我咬左一啖超勁酒味。朋友就好鐘意

今日lunch想食川菜，去左觀塘搵食。見到呢間熊館咁多人排隊就過去睇下，見到又唔貴就試下啦，估唔到真係好好食。首先環境好大好多位揀，有大枱方便成班人坐，亦有對牆位一個人都好方便。職員亦好有禮貌，好好笑容。 同時間收拾食完既野都收得好快。服務唔錯。食物方面我叫左一個酸菜魚片湯麵48$, 本身都好擔心會係即食麵質素，但食第一啖麵就知完坐係高質，性價比極高，我本身唔係太食得辣，但係辣度岩岩好，好野味，魚片有好多舊，完全冇雪味。麵質非常有咬口，吸埋d湯汁都好香，廚師加左芽菜，豬血。好值得食，性價比極高。

🐼🐼🐼🐼🐼🐼這間熊館新開左一排，一直都想去試下，終於有機會去食啦，熊館是一間主打多款不同口味麵食的店，位於人來人往的觀塘工廠大廈之中。裡面有堂食ga，今次我就去食左店主推介的招牌秘製雞酒湯麵 🐥和 香辣水煮魚湯麵。.秘製雞酒湯麵 的湯底是由重點酒、香濃雞湯、碎薑粒整成，會食到好香酒味，唔錯呢😋好養生，會令人忍唔住會飲埋d湯，另一碗就要試下叫辣味的，🐟香辣水煮魚湯麵，有魚仲有豬紅😋平時可能會叫一大盤水煮魚的菜一起share, 一大盤水煮魚你就食得多，但自己現在想食時 都可以黎呢到食自己一碗的水煮魚湯麵，咁就唔驚朋友唔食得辣啦，仲有配埋兩包維維豆奶解辣👍🏻兩碗食落都幾好味ga❤️平靚正之選。下次可以試埋牛肉同撈麵。

來開觀塘，如果想又便又靚又抵食，我第一時間就推薦熊館呢間川味麵店。熊館位於成業街，有小小似foodcourt形式，但唔好看小這間小小麵店，真係好多人來食同埋味道真係頂呱呱。呢度最出名亦係我最鍾意既秘制雞酒湯麵，次次必點，雞的份量夠多，重點係個雞酒，真係女人的恩物，超好飲真係真材實料，連男友食過都話係大師級的食物，才$58碗大大碗真係抵到不得了。我們也點了這裡的水煮魚湯麵，這個水煮魚做得十分正宗，湯底也是魚湯，真的能感受到店鋪經營的用心。我們還點了這裡的花雕滷水雞蛋，這個聽我說，必點，因為真的能做到流心蛋是十分講究及花功夫，大廚是非一般的廚師的。Like fb 仲會有紙包飲品送，其實飲個湯底已經夠曬喉，呢度仲有一個超級好的外賣服務。我們泊車怕抄牌，買完想打包，店員給我們蓋上蓋子，這個飯盒也是質量超級好，應該可以循環再用的，所以大家以後外賣千萬別丟掉飯盒，下次來吃可以選擇堂吃或外賣。

過黎呢邊同Fd拎完野，簡簡單單食d埋晚餐就走。開頭以為買碗麵，系側邊既座位拿拿淋食完，原來裡面仲有好大既店鋪都系熊館，仲有間超市仔。【祕製雞酒湯麵】（客家）$58拆左d雞皮去煲左好耐既雞湯，吾會厚厚一層油，超香濃醇厚，仲帶淡淡既酒香，加埋大量薑辟味，好暖身，好岩冬天似，特別系女仔！【水煮魚湯麵】（四川）$48呢碗湯系油d，但水煮黎講吾算油。有魚同埋鴨血，鴨血好軟嫩，超好食！不過浸耐d先夠入味，香麻既花椒味，所以呢隻麵條吾系甘適合，反而寬粉、薯粉呢d吾易浸到糊爛麵質岩d。

行嚟到成業街，聞到陣陣麻辣香。發現呢間小店，主打秘制雞酒湯麵．麻辣水煮魚．水煮牛，仲有其他唔同種類嘅小食。愛辣嘅我，今次試咗水煮魚湯麵。麵質感覺似拉麵，好有口感的。水煮魚，肉質好滑，大大片。湯底夠香，辣度剛剛好，又唔會辣到入唔到口。配料加入豬紅同爽脆嘅芽菜，比想像更好食。簡直想連湯底都飲清😋除咗好味之外，價錢好平民，抵食。原來入面仲有個舖位，可以座低慢慢嘆。隔離仲有特式小食賣。食完碗麵好滿足，買咗d零食返去👍🏻下次一定會再嚟試埋雞酒湯麵😋

經過觀塘見到開咗一間新嘅麵館，佢嘅雞酒湯麵廣告牌吸引住我。呢幾日天氣忽然又轉涼了，我想食啲暖笠笠嘅嘢，一向都鍾意食雞酒，有行血活血，暖身嘅作用，但雞酒湯麵都係第一次試。我要個雞酒湯麵配無糖豆漿，朋友就叫咗水煮牛湯麵配中國茗茶。湯麵上桌已經聞到濃濃的酒香，爽彈嘅麵條好美味，雞件嘅份量都算多，大約有八至十件。最鍾意都係個湯底，有濃濃嘅酒味，是正宗嘅雞酒。食完又暖又飽，價錢不貴，48蚊一碗麵。餐廳環境也不錯，食得過。

係呢頭附近拎完東西，諗住快快手食D野就返屋企，經過呢間湯麵店，凍凍地食碗熱食都唔錯餐牌上提供多款湯麵，有辣有唔辣，價錢相當大眾化另有優惠套餐，叫外賣仲加送飲品望到餐牌上推介呢碗秘製鷄酒湯麵，諗下好似好耐無食過又唔係好多地方有得食，就叫碗回味下個味道，雞件佔據碗面大約三份一呢碗湯麵嘅靈魂之一當然係個湯底，先呷啖，辛辣嘅薑味蓋過左酒味，唔油膩; 而鷄件都算多肉，應該無醃過，熱度再多D會仲好湯麵食起黎偏軟，份量足夠，大大碗確抵食!另一碗係水煮牛湯麵 ($48)，火紅紅的觀感上夠晒刺激，配返包豆奶打定底先少量辣椒與花椒，入口味道唔會話太麻辣，另有大豆芽及豬紅作配料，牛肉切片入口唔太韌麵條份量夠多又飽肚，口感幾彈牙，一啖湯一啖麵，食完真係成身暖晒!所有餐具都係一次性，用完即棄，係呢D抗疫日子確係會給客人多一份安心!

官塘食肆臨立，有好多不為人知的美味小店。今次跟朋友來到好多野食的成業街尋寶。見呢到都幾大地方, 可以堂食。呢段時間武漢肺炎, 食店都全面使用即棄餐具了~呢到有雞酒麵食，的確幾特別, 同時又有四川口味的水煮湯系列，選擇都幾多。招牌雞酒湯麵，有好多薑粒，個湯俾人的感覺都幾真材實料。同時都有幾多雞肉。湯底唔錯，有薑味而且唔會太肥的口感，麵質可以，份量夠女仔一餐食。另外朋友食的水煮牛肉湯麵，個賣相都唔錯同吸引，朋友表示湯底味道唔錯，麻同辣的平衡幾好，唔會麻到令人冇曬感覺。另外湯中仲有豬紅呢~健康飲料之選，呢到都有氣水以外的另類選擇呢~~好飽足~~

餐廳：熊館 (觀塘)地址：觀塘成業街16號怡生工業中心地下D6-7號舖觀塘成業街開左間新嘅麵食專門店🍜，個名叫熊館🐻，相信除左係餐廳嘅招牌仲係主打四川麵為主，不過除左四川佢地仲有台式、客家、上海、廣東麵等，都幾多款式，岩哂唔同人口味唔好以為餐廳細細間，原來都佔左好幾個連住嘅檔位👍🏼，除左有麵食之外仲有唔同嘅貨品購買，幾多元化職員介紹左兩款麵食，分別係秘製雞酒湯麵($58)同水煮魚湯麵($48)，咁就一於試下啦😎，呢兩碗分別係客家同四川嘅麵好好味呀😋，雞酒湯麵加入左香濃雞湯，酒香同薑蒜粒味道亦都中和得岩岩好，好似我咁鍾意薑蔥蒜嘅人就啱晒喇❤️；水煮麵有牛肉同魚揀，今次揀左魚肉，用上無骨魚塊，非常嫩滑，小辣嘅水煮湯底仲辣得過癮🌶，鍾意辣嘅你一定要試下喇，仲可以要求大辣小辣，當然唔少得另外加左粒半熟蛋蛋啦食完辣野緊係飲返啲奶類中和下，餐廳有豆奶提供🥛，就算再辣都唔洗驚

今日係觀塘見完客.觀塘出名多野食😋同事知道我好鍾意食雞酒麵.就帶我去開麵啦🍚店鋪位於工廈地下.十分易搵到.座位方面值得一讚👍🏻位置夠空間.唔會迫.有張大台可以約埋班同事黎食.讚位👍🏻有面壁位.一個人食都唔會有搭台既尷尬！同呢個時勢.保障d.🍜秘製雞酒湯麵 💰58⭐️推薦⭐️絕對超抵👍🏻黃酒雞加上大量薑粒.👍🏻對女性驅寒暖身十分好.雞肉嫩滑🥰有哂雞翼同雞脾.D薑粒真係超多.重要一粒粒.配埋個湯一齊飲👍🏻好match.無呃大家又飲哂湯底🤣真係無味精嫁👍🏻🍜水煮牛肉湯麵 💰48⭐️推薦⭐️牛肉嫩滑.湯低十分出色.飲左幾啖都唔會口乾.至少無味精👍🏻就甘睇用左5款辣椒調味（誠意十足）.十分夠麻同香辣.好濃郁麻香味.👍🏻麵底十分彈牙.份量不多也不少.跟餐送醉溏心雞蛋🥚 ⭐️推薦⭐️係花雕酒浸既溏心雞蛋.一咬第一啖己經有十分香濃花雕酒味.好特別.好好味總結🥰三樣食物我都推薦.唔會失望.店舖雖然款式不多.但食物質素都好好.👍🏻店舖用既餐具都係即丟.係呢加緊張時期.值得加分.更加衛生🥺大家可以坐面壁位.感覺上安心少少甘食.

觀塘食LUNCH 地方好多捐窿捐罅都會搵到好多好野食食LUNCH TIME成日都會一大班人去食飯經過成業街都未食過哩一間熊館嘅米線店因為只見門面,睇落得4個位置, 重要係吧台既形式, 比較難坐當我同同事 2個人食完後,,先發現,,,但原來其他位置係商場內最緊要係因為兩日天氣轉涼返啲滋補吓 佢有一款「秘制雞酒湯麵」啲湯底可以當酒飲埋都得而且都叫平！靚！正！..秘制雞酒湯麵麵質好彈牙，雞酒麵湯底鮮甜， 一上台就有超濃酒香味湯有大量薑粒, 相信係令雞酒攻入味之原因 驅寒一流 如果中意薑和酒既味道，一定要點這個雞肉量都算多, 肉質幼嫩 不鞋口食完好暖胃..酸菜魚片湯麵因為唔食辣,所以叫左小辣魚片肉質嫩, 麵質好彈牙酸菜都好好味， 好想加多d酸菜！ 花雕滷水雞蛋打星星…要推薦加個花雕滷水蛋，一打開個COVER, 花雕香味已經飄出黎咬落去,先知係流心…..流心…到呢!溏心半熟，好滑，好香花雕味~撈住麵食，真係好正既感覺另外,,LIKE左社交平台即送豆奶,,,咁既價錢,,,真係唔錯~