226
14
4
电话号码
34212213
开饭介绍
在幸福甜蜜的小熊餐馆享受着有品味及创新料理。 Teddy Bear 是一种历史悠久及最受儿童欢迎的毛绒玩具,常常陪伴儿童的成长,渡过开心难过的每一天。 在怀旧的环境内,有经历沧桑的家具,各种的故事浮现眼前。室内装修大部份用上天然木材,古朴的窗花,手做的Teddy Bear挂饰和十字绣,衬托着柔和灯光,散发出一份浪漫温馨的气氛。设有儿童书籍供小朋友借阅,暂时逃离电子的世代。小熊餐馆除了提供有品味及创新的意大利面,焗饭及扒类,还加上多款的儿童餐,雪糕及甜品等,希望让客人感受到餐厅营造的气氛,同时留下美好的回忆... 继续阅读
特色
家庭亲子
营业时间
今日营业
11:30 - 22:00
星期一至日
11:30 - 22:00
付款方式
Visa Master 现金
其他资料
网上订座
电话订座
赏订座积分
加一服务费
有关奖赏计划
食记 (258)
半年前,跟好姊妹走到九龙湾 Megabox 影 My Melody 圣诞装饰!我们行来行去,看看好几间餐厅的餐牌,最终选择了Bear bear 熊主题餐厅的 <熊小馆 Cafe MED> 食下午茶!店内每个角落都见到 Bear bear 熊公仔,充满欢乐气氛!不论女生来打卡,抑或亲子也很适合呢!餐厅比预期大,我们还发现有个供给小朋友玩的 playground corner!这里的景观对住溜冰场,相对有点冻!餐牌:可选择全日套餐及下午茶 餐饮方面,大致上是港式饮品,亦有特饮全日套餐:芝士忌廉汁焗烟三文鱼长通粉 $66长通粉软硬适中,芝士忌廉汁尚算够汁兼够味!餐汤+餐包 + $6下午茶:烤鸡肉罗宋汤螺丝粉 $44相对这款较为浓味,罗宋汤酸香醒胃,作为下午茶最好不过! 螺丝粉入味!烤鸡肉肉质柔软!热奶茶 & 热好立克两者质素不过不失!甜品:木糠布甸 +$9食落都几馏! 继续阅读
(以上食记乃用户个人意见 , 并不代表OpenRice之观点。)
作为一个高龄港孩🙈,呢日就同呀妈去咗Megabox嘅亲子餐厅食晏。我相信除咗小朋友外,女生应该都会俾个环境吸引住,因为真系有好多熊啤啤。店员好好礼貌,安排我哋坐喺望到溜冰场嗰边,景观的确开扬啲⛸️。不过其实其他位置都靓,因为配合童话主题得嚟,又好自然😍,唔会好造作。当中仲有包箱房间,开小朋友生日会适合不过。由於坐接驳车塞咗劲耐,我哋去到嘅时辰餐厅已经做紧下午茶时段,算系错有错着吧😜!下午茶餐好抵食,平均$3X-$4X有交易,不过轻食类为主。反而全日套餐啱食啲,扒类或意粉/饭都有。价钱相宜,并有各样加配嘅选择。加上下午茶时段仲有折扣添!平日七折,假日九折👍。我哋都加咗$6要欧陆浓汤及牛油法包,咁平唔系唔加啊?匃牙利牛肉汤偏近牛肉罗宋汤味道,但无咁酸,而且餸料都几多。至於餐包,我认为颇有诚意,因为系用上法包🥖,但要尽快食,唔系会淋咗。G.野菌忌廉汁阔面配黑松露班尼迪蛋($66),我都估唔到自己食得咁食清淡,哈哈。阔面软硬度适中,忌廉汁唔会过腻过咸,黑松露味几香。不过依个无肉,都系啱素食者多啲🥦。水波蛋一督就爆浆,正。J.马来咖喱猪扒饭($62),呀妈叫咗呢个,咖哩猪扒同白饭系分开上的。🍛咖哩汁几惹味,唔太辣,配饭一流!猪扒切件上,但都应该有成块,而且煎得够淋身,好食😋。饮品方面, 因为我哋就加咗$3要橙汁🍊,大大杯,唔孤寒!是日甜品($9),我哋只系追加咗一份,因为都已经饱饱地,甜品系焦糖炖蛋🥚。虽然同想像中唔同样,似蒸蛋白多啲,不过都几好食,而且唔会过甜。食物属中上水平,服务亦好好。不过要再次强调嘅系餐厅环境真系超哂班,无得输💯!因为餐厅够大,坐得舒服。再者,大大小小嘅熊啤啤公仔又点会唔令小朋友心动呢?甚至每枱面都仲放咗只小熊公仔添。总括嚟讲,餐厅绝对值得推介,各方面都做得好好。我见晚市二人餐$300左右有成六道菜,性价比高!下次再去Megabox,我毫无悬念地一定会帮衬Cafe MED❤️。 继续阅读
(以上食记乃用户个人意见 , 并不代表OpenRice之观点。)
等级4 2020-07-01
293 浏览
上年来过觉得几好味,今次带亚妈来据下扒。餐厅以熊仔为主题,熊公仔处处,小朋友望见实好开心,好合适一家大细来食。环境确实唔错非常阔落,仲可望到人溜冰。价钱经济上年至今无加过价,水准依旧好味。蘑菇忌廉汤配蒜蓉包 (跟餐)忌廉汤味浓郁,滑溜好饮。白酒忌廉煮蓝青口 $68廿只蓝青口份量劲多,食极都仲有几抵食,个汁偏重白酒味好香但就无咁奶油,作为小食前菜都唔错。软壳蟹牛肝菌意粉$95软壳蟹炸得香脆,意粉份量唔少好饱肚,味道好够,每啖都咬到弹牙菇菌,好足料下。铁板肉眼扒 $148粗薯条外脆内软口感味道极佳,配料鲜艳栗米粒、蕃茄、露笋、洋葱皆见。主角肉眼扒厚切有十六安士相当大份,七成熟肉质软腍,肉汁丰富,淋左黑椒汁非常惹味。红豆POP-POP +$18不一样的红豆冰,饮到爆谷焦糖味,味道非常特别,甜美可口。热情玫瑰有玫瑰花香,淡淡的热情果味,适合少甜朋友选择。自家制心太软心太软层次分明,外层微脆内软,劏开朱古力浆流出甜度适中,水准不俗,作饭後甜品非常满足。玫瑰法式炖蛋白 $25炖蛋面有层焦糖脆面,蛋白不算好滑,清清地的甜品。 继续阅读
(以上食记乃用户个人意见 , 并不代表OpenRice之观点。)
等级4 2020-06-03
1097 浏览
谂住睇下戏院开番未,只系见到几小堆人在门外看,我们便在四周走走,就见到一只大啤啤站在门口,估唔到有个咁得意的地方,就行咗入去坐坐。四周都放置了啤啤,真的让人童心大爆发。最特别的是这个 Happy Birthday corner,迟吓猪仔生日可以跟佢庆祝。以为主题餐厅的食物质素会一般,点知红汤够酸味味,完全唔觉得以水沟淡。法式香草牛油焗田螺田螺很香,加埋软如雪糕的薯蓉真的好搭配。美国安格斯牛肩扒肉质腍腍的带点咬口,很 juicy 的。食埋侧边的配菜,中和了油腻的感觉。芝士焗忌廉菠菜龙利柳饭龙利柳份量算大,腍腍的。最好的就是香草混入芝士,连饭一齐食的味道不会单调之余,又不会超滞。我们一边食,一边喝餐饮,除了减少口乾之余,又为及後食甜品前清一下口腔。云喱拿雪糕雪糕上有彩色粒粒,很有回到童年的感觉。自家制心太软心太软当然是我的 favourite,暖暖的热朱古力酱流出,味道不太甜。玫瑰法式炖蛋白炖蛋是老公的 favourite,味道淡淡的带少少甜,食落十分滑 der 继续阅读
(以上食记乃用户个人意见 , 并不代表OpenRice之观点。)
等级4 2020-05-30
350 浏览
最近发现MegaBox有间亲子餐厅叫做「熊小馆」,今日就带埋阿仔嚟到呢个梦幻王国食返餐。其实我想话我呢个阿妈仲兴奋过阿仔,因为佢全店都有好多啤啤熊,有大只有细只,见到啲布置真系好开心!铁板餐都只系$105起,真系好超值!另外仲有唔同嘅小食同其他主餐俾客人选择。餐汤系罗宋汤,有好多唔同蔬菜喺入面,仲见到有牛肉,蒜蓉包好香脆,而且热辣辣,配埋餐汤一流!呢个法式焗田螺有好多薯蓉围边,连埋田螺嘅汁一齐食好好味!阿仔话想食薯条,所以叫咗一份疯薯,薯条都系新鲜炸起,外脆内软,正!呢个沙律配温泉蛋,除咗有平时食开嘅沙律菜之外,仲有三色椒丝,同埋一件件嘅薯仔,而且佢用嘅沙律汁少少酸,作为开胃嘅前菜啱哂。我哋拣咗一个铁板西冷配猪扒,两块扒都好大块,而且都有好多配菜,包括有蕃茄、粟米粒、芦笋、洋葱,同埋有好多薯条,份量十足!呢个意大利饭我就真心推介,佢有三粒带子,煎得时间啱啱好,所以肉质仲好滑,而佢嘅意大利饭加入咗粟米粒,好啱小朋友食,大人细路都觉得好好味,你睇吓只啤啤熊流晒口水就知好好味啦,嘻嘻!最後配埋两杯特饮,两杯嘅味道都好Fresh !由於系亲子餐厅嘅关系,今日上班嘅店员虽然系男士为主,但都非常友善同有礼貌,服务好好,仲好用心逗小朋友开心,阿仔都话好锺意呢度,话下星期要再嚟过! 继续阅读
(以上食记乃用户个人意见 , 并不代表OpenRice之观点。)