熊場 (已結業)

寻日同朋友出街，夜晚谂住食放题，就去左一间朋友介绍系尖沙咀既放题”熊场”。 去到7点半左右，坐得几舒服，D位好阔落，唔驶逼住逼住倾计都特别正。 讲下野食先，佢既选择唔系话好多，但对我泥讲都算够，刺身卖相唔错，同埋都几鲜味，而且来既数量都好足兼且够快~最钟意既系佢地大大只既甜虾，食落真系不得了，为左甜虾应该会去多次! 必食甜虾!另外d锅物、天妇罗都整得几好，够晒脆卜卜，唔系果d一睇就知又HEA又唔知放左几耐既资素，值得一试! 不过今次都系食刺身为主，下次一定会试多d唔同款既炸物!…查看更多

见到团购做紧优惠买黎试下，一行三人，首先一到即点刺身先，仲有寿司，不过寿司到哂，刺身都未到，心急死人！  火炙海鳗寿司都ok,刺身好正！特别系三文鱼同带子刺身，任食用大粒带子唔系贝柱要赞！ 带子好鲜甜好滑！三文鱼厚切大块，口感好好！甜嘏用人手起壳，任食埸黎讲都算难得！只系可能我对虾要求高少少，我觉得虾虽大只但无味。火炙海鳗寿其司好香口，细细件，一啖一件！like！其他食物都ok!…查看更多

肥猪买左熊场既团购,地点位于尖咀食厦THE HART.系无咩期望下去食,睇下会唔会有惊喜先.虽然系团购,但系计落又唔系平好多,团购价是138+85=223,正价就是228加1=250.8,即平左26.2左右.咁起马无贵左先,如果唔系我会喊的呢度既饮品系自助任饮,自己去汽水机度拎,亦都有冻茶类.不过质素就一般,但总好过要再比钱买饮品泰式无骨凤爪系本人最爱,无骨凤爪爽口,酱汁酸辣,开胃无极限,加上生洋葱同蕃茄,食得健康又开心军舰中有海胆和蟹籽比较吸引,可惜系海胆味道比较有怪味,不太新鲜,幸好蟹籽脆得像爆炸糖的口感.另外紫菜系脆既算系比较用心最多人关心既当然系剌身,虾大大只,够CREAMY,回本必食,三文鱼肥美嫩滑,口味够重,港人最爱亦系有水准.吞拿鱼中伏就好正常,无味道,基本上系食豉油味.另外油甘鱼同样美味,鱼味够浓,带点油脂香.炸物皮略为厚,食起来好似食粉浆咁,不合格蟹籽沙律都算几清爽,但青瓜好似多得滞烧物基本上无咩烧过,理解既,放题点会有咁多真烧物寿司饭不太大旧,唔洗饱死茄子落左孜然粉但忘记落盐基本上熟食好味道既选择不太多,但剌身质素系唔错既.但系都系O个句,依家间间放题都系咁,所以要揾一间完美既好难,平心而论,为左开怀食剌身既呢间可以考虑…查看更多

今日一行12 人团购嚟食，结果个个食完仲要转场再食糖水返到屋企再煮面食！:(逐样食物讲：-饮品：要自己行出去jump野饮，汽水冇气超甜，绿茶过得去 -刺身：选择唔多，三文鱼ok, 带子ok, 虾ok, 其余很一般 -天妇罗：油浸天妇罗，咬一啖就已经成口油，一d 都唔好食 -烧菠萝：我好想问里间店系咪真系有烧过d 菠萝，唔热之余成旧菠萝冇烧过既痕迹，似系求其焗热d 菠萝就算lor -粥：咸咸地都ok -鸡翼：都ok -沙律：味道麻麻 -寿司：一夹就散到阿妈都唔认得，味道一般 -海胆寿司：面头得2督尾指指甲咁细督既海胆蓉，味道一般 -手卷：哔d 紫菜韧到要用力撕开先食到，我地叫左软壳蟹手卷，入面旧软壳蟹既size细到我估间店将一只软壳蟹切4份，每件手卷就塞1/4份入去 -类似煎堆既野：一咬又系成口油之余就算食到个馅都唔知自己食紧乜 -蒸蛋：个味道系冇味 -鲍鱼：话团购订位超过6个人就每位送一只鲍鱼，问佢d 鲍鱼几时嚟，个侍应就答话佢地d 鲍鱼宜家新鲜即场煮紧，叫我地耐心等下，结果鲍鱼嚟到系冻冻地，而且又韧又冇乜味 5点入座，我地食到6点几就停晒手，一嚟间野既选择唔多，二嚟大部份d 野都唔好食，绝对唔会有下次，坐到7点半埋单果阵仲见到成间店都坐唔够一半人，咁既食物质数相信好难做落去！团购都嫌贵呀！…查看更多

今日宝贝约左我去食好野~好开心呀~佢推介呢间未去过的放题餐厅!我当然全力支持LA!!我地中意食早饭~~所以订最早的时段5:30-8:30PM,真系好过份的开饭时段~够长!太正~!谂住早10分钟去到拣个好位,服务员表示未够钟唔比入~OKOK..我地系当日最早到的客人~慢慢有其他客人到~等候区越来越多人~又越来越迫,服务员坚持佢的原则,一个都不能放~~那真系未免太硬了~好快够钟,作为第一批的客人,都冇得自己拣位,服务员话已经SET好枱~ OKOK服务员安排左我地去左个拍窗门的卡位,枱櫈好大张~坐得都算舒服坐定左发觉唔系咁对路~有种好强烈的K房清新济味,隐隐约约~同服务员讲,佢地话唔觉啰OKOK~~咁我地唯有习惯下...睇睇餐牌,一般放题的菜式都有~唔算特别多~冇乜其他特别款式,菜式名好普通呢到最主打系佢的7寸大虾,紧系要整返几只黎品尝下~!刺身有10款~7寸大虾主打~真系好大只好劲~一睇就令人感觉惊喜,但系唔知系咪室温太耐,所以觉得有D唔新鲜,三文鱼同带子~油甘鱼同吞那鱼感觉唔系太鲜,冇咩鱼香味~好睇唔好食~三文鱼同带子室温得太耐~用刺身的角度去品尝的话,有少少''过暖''的感觉,一般的放题水准沙律有4,5款 - 大同小异,换煲唔换药,转少少料就系第二种菜~但令人安慰的系沙律菜尚算新鲜~咬入口好爽脆,唔会好似好耐咁烧物 - 估唔到的好火~好多都烧到外表有点㶶,但系上枱就凉凉地的~感觉就好似佢地烧起左好耐再等上枱,烧日本蕃薯值得安哥~!肉类方面就烧得略为干身~好似食紧擦子胶咁~当中我地发觉常出现漏单的情况,有D菜我地点左几次都冇黎,之后再同服务员查询,佢先表示没有货,我觉得如可以的话~最好一早讲那几款没货~那我地便不用白等了~饮品系自助形式的~自己拿著杯子到饮品区任添~冻热绿茶同气水总括黎讲..算系见识过佢的出品~可见的未来相信唔会再见,真心希望佢地他日可以有所进步 …查看更多