煮角 (已結業)

在不起眼的街道上一個不起眼的位置，離遠走過來招牌也看不見。這是間很低調的小店。簡單的裝潢，沒有花巧的東西，令人對食物更有期待。意式蟹肉西瓜沙律。名字已經吸引著，鮮味的蟹肉和甜甜冰凍的西瓜，加上沙律醬，未放入口之前怎麼想也想不到是怎樣的滋味。食落又幾夾喎，富想像力的一道菜！晚餐意粉連忌廉餐湯。忌廉湯賣相和味道都非常一般。意粉有家常味道，材料足，配翠玉瓜還是第一次見。這個蜜檸雞翼是全晚最出色之作。苦苦的檸檬味很討好，煮得稍嫌乾身。 漢堡扒芝士火山年糕。很失望的一道菜。漢堡扒淡而無味而且很乾。年糕太靭，白汁太重蔥椒味。無下次。之前有食評高度推介的飲品，我這個綠茶控不會放過。有點失望，無論綠茶和奶味都很淡，是賣點嗎？Cheesecake, 令人失望的質感和味道，似 cream cake / mousse cake 多一點。心太軟。連紙杯上？要扣分了吧。味道和質地算不錯。整體來說，還算是不錯的一餐。輕鬆的環境挽回一點分數，街坊西餐廳，菜色帶新意，有誠意的餐廳，有進步空間，還可以再給機會再試。

收左工mr. monster話唔知食咩好之前朋友話煮角都幾好食 咁岩係附近就可以去試一試～門口睇左餐牌mr. monster見到個芝士火山就話要食～咁就入去～由于時間尚早 未有食客所以環境清靜店內牆壁畫左畫～幾特別無咁單調首先點左香蒜白酒蜆肉意粉蜆肉好鮮甜多汁！細細粒蜆但粒肉都唔細～意粉係扁意粉 軟硬適中 最怕食到硬既意粉！香蒜味十足～所以肚餓既我地好快清左成碟！至于芝士火山～我地就點左芝士火山燒汁安格斯西冷牛扒意大利飯！由于第一次食 店員都幫我地整埋～邊整邊教～首先開個洞 燒熱個pan~再裝蛋漿倒入攪混～最後再加芝士！炒到起絲就食得啦！個飯熱辣辣 好香好濃芝士味～食落唔會好漏～d飯都唔會太硬或太軟 配埋安格斯西冷牛扒都幾夾～但略嫌牛扒不太厚！食晒個飯都好夠飽～臨走都開始多左2枱食客 見其中1枱order左個生蠔餐 8隻生蠔加1支紅/白酒$250 下次可以試試！

之前, 約左好耐無見既好姐妹聚舊 由於友人喜歡食外國菜, 所以我們就去左一間主打食意大利菜的平民西餐廳主角就係"煮角"喇事前我都做足功課上openrice睇左一D推介的菜式當日我們都點左3個主食(送餐湯, 飲品半價)1. 墨汁意大利飯 ($58)依家一般risotto為左迎合大眾口味, 煮出黎較為濕潤和軟腍, 食落煙韌黏口, 口感不俗。另外, 墨魚配料雖然不多但十分爽口, 墨汁厚身黏香, 加上配有少少蕃茄碎配, 搭起來甚為清新，令人胃口大開, 不過會食到滿口墨汁, 大家食既時候千祈就吾好大笑喇!!!2. 墨西哥汁繪牛排 ($68)7成熟的牛排, 扒既火候好好，不多不少，燒到內外都好平均，切既時候冇滲血，咬落好嫩，唔會鞋烚烚肉質滑嫩,配上野味墨西哥汁,非常之配合好味3. 白汁芝士海鮮天使麵 ($58)包含魚、蝦、帶子、青口等豐富的海鮮材料一次就能品嚐到多款海鮮燒過的帶子肥嫩新鮮，青口也很鮮甜，只係魚肉質較為普通味道類似清炒的滋味，加上芝士融入海鮮的鮮甜，味道自然又清爽只是義大利麵條有點偏軟易斷，是較為失色之處 雖然餐廳環境普通, 但以呢個平民化價錢黎講, 絕對值得大家一試

朋友不停話而間野好食要人地去試，我，佢同2個朋友就去啦。一去到間野無咩人唔洗等位。坐低店員就拿menu過來。一睇就點左3份肉眼扒同意大利飯set dinner之後就加蒜蓉包（4件）同埋西瓜沙拉。第一道湯來先。一睇就之係茶餐廳或港色扒房忌廉湯。算過得去。。。第二道菜係碟西瓜沙拉。買相係4顆四方形小西瓜上面放左吞拿魚。食落去係唔好食又唔夾。第三道菜終於來蒜蓉包啦！個飽薄到張紙咁樣！仲要cut 一半！對於佢地來講4件原來係2件薄薄片cut開一半變4件！第四道菜主菜來。肉眼扒又係薄薄一片。佢係薄到好似去左食自作餐個d roast beef要人比個d咁樣，仲有塊扒係over cook。。。汁係唔味。個底有薯蓉又係無味。。。菜都係無味。。。至於義大利飯佢係好似飯同d汁mix埋一齊就當係risotto。不過佢係有味。。。到甜品啦。叫左個Oreo+忌廉名唔記得啦！仲之都係一般般。。。對於服務態度，店員都係發夢。一個就不停whatsapp。另一個叫多杯水都要黑面。個老闆就係到搞電腦。講真，佢地d野得個睇字。又要高級又要做平民化價錢佢係會好難做。我寧願同一個價錢去花園都唔會在去而間野！

上open rice睇長沙灣見食評話牛乳抹茶紅豆冰好飲就立即揀咗佢去到環境都比較暗有情調(≧∇≦)價錢唔算貴~又無加一 食物選擇多煙三文魚蜆肉墨魚汁飯$58墨魚汁帶有一點點嘅海鮮味令意大利飯帶有鮮味食完嘴真係黑咗煙三文一啲都孤寒有兩大片正~香煎紐西蘭羊脾$68好靚味道唔差但份量好少大部分都係骨但汁就好香都可以一試抹茶牛奶紅豆冰$20跟餐$10Ok嘅~過下口癮囉羅宋湯唔錯酸酸地我鍾意~

今次已是我第5-6次來光顧，這餐廳位處長沙灣較偏僻處，不大起眼，但食物水準不俗，意大利飯、炒飯、天使麵、扒也很不錯，重點是價錢經濟，晚餐只是50多元，卻頗有水準，我一定會再來﹗先說黑松露雜菌炒飯，炒飯絕不油膩，味道非常清新，亦是素食，非常健康，個人至愛﹗再來是黑松露卡邦拿汁蟹腳意大利飯，這餐廳的卡邦拿汁很濃香，飯軟硬適中，口感賣杷皆好﹗然後是蒜香珍珠蜆炒天使麵，炒天使麵或意粉最忌太乾，但這個香味均勻，亦不油膩，炒得不錯﹗還有安格斯扒燴薯蓉，扒夠腍，亦很香，薯蓉尤其是點晴之作。唯一不足是份量較小，但以七十多元來說已是抵食。至於牛奶抺茶紅豆是我每次必點飲品，綠茶味濃，奶味適中，配合很好，亦不會太澀。 

茘枝角工作，食埋晚飯先晩上7點見呢間冇乜人即入帶子龍蝦汁意大利飯帶子算新鮮大隻，龍蝦好香好野味，成碟份量算多檸檬雞亦，無乜特別，係酸酸地䦕胃D，都係炸雞亦鑊仔比目魚，賣相不錯，比目魚夠鮮味，其他配菜普通野

昨晚是黑色大雨及自已生日，在附近找了这間餐廳晚膳。和仔仔２个叫了２个意粉，仔仔叫了芒果沙沙天使面，是set dinner，因為他喜歡芒果，所以他叫了。樣靚，但没有特別，没有芒果味，原来沙沙是蒜頭！蒜味道不算香，也找不到芒果，偏咸，整體失望！我叫了泰式辣汁聖子闊意粉意粉不够軟，心仍然是硬的，基本上是吃不了的！通知服務員，她一聲不哼，把意粉拿走，过了大约十分鍾，原来厨房把我吃過的意粉，加熱再煮，然後給我再吃！基本上也是没可能再煮軟的，只是愈煮愈咸！但無論如何，怎可以把客人吃過的下煱再煮呢！另南瓜餐湯是茨汁，是糊仔，差！个泰式生蝦西瓜沙律，生蝦味給好咸的泰汁蓋了鮮味，而咸味又配合不了甜西瓜，又是失敗之作，＄２９好貴！單是員工態度，及把客人吃過的下煱再煮這一點，已是不一定會回頭再吃的餐廳的原因！！！又不是特别好吃！吃意粉，去過２條街的ｘ厨好得多了！

因為有事要嚟到長沙灣，所以專登搵下長沙灣有咩餐廳，見呢間係新開，又見d人食評寫得咁好，所以嚟食晚飯，但我食完後又唔覺得有幾好味，只係普普通通，唔算得上係好味。二人叫了小食意式白酒煮蜆$38，芝士蒜香焗茄子$24，原味肉醬芝士焗薯皇$24，主菜龍蝦汁野菌海蝦天使麵$45，黑松露深海紅蝦意大利飯$48，甜品北海道3.6魔鬼奶凍$22，鬼爆食泥$24。二人總共食了$229。意式白酒煮蜆，湯無白酒味，得個味精味道，蜆殼多過肉。焗茄子，好有蒜頭嘅香味，但就無芝士味，望到望唔到d芝士，可能真係落咗好少芝士。薯皇，ok好食，夠脆，今次真係有好多芝士喺面頭，但肉醬又少咗d囉。天使麵好咸，唔似龍蝦汁，唔知係咩汁，配菜有野菌，豆角同蝦。意大利飯煮得幾好，唔會有一舊舊嘅情況出現，有兩隻大蝦，配料都係野菌同豆角，飯名有黑松露，但黑松露一dd都見唔到有。魔鬼奶凍其實係朱古力味，朱古力味同北海道牛奶味都幾重，而且奶凍都幾大分。鬼爆食嚟，其實就係木康布丁，不過面頭就加咗oreo碎，nut同爆炸糖，所以食落口感幾得意，但已經唔係第一次食呢種甜品，所以已經唔覺得有幾特別，但都算幾好味嘅。

路經長沙灣見肚仔餓，想搵間唔洗等位又坐得舒服的食店慢慢享用午餐，行左一轉，煮角係你喇！正好12點前來到，只得一枱客，唔洗等，店內環境整潔寬敞點左個套餐B，茄汁活蜆炒扁意粉送餐湯，只需$38! 抵食~茄汁活蜆炒扁意粉~ 整體味道OK，但主角活蜆嘅溫度明顯低過意粉，應該係預先煮熟後備用，到上菜前再番炒所至，有待改善清水.... 要自己叫先有, 店員咁清閑都唔幫客人refill, 服務一般

之前睇報紙，見到呢間推介的誠意小店，價錢親民，賣相吸引，已心動良久。咁啱即興相約成功，二話不說7PM長沙灣地鐵見。一行三人，出了長沙灣站，但原來小店近荔枝角，唯有由街頭行返街尾。揾呀揾，行呀行，終於揾到，仲唔使等位。坐低即刻點想食的。餐牌有好幾個，食物選擇很多，但心中想食的只有那幾個。這是間由5個男人齊手開設的小店，大部份人出身自酒店，所以食物味道有保證。可惜當晚有幾道菜的食材都話賣晒，有點失望。點解會咁？時間仲好早啫~不過無所謂，因為仲有好多選擇。餐速度要改善，真係好慢下，但我地唔趕時間，佢地又無趕我地，所以食完又不斷追加，加上落大雨，人又唔係太多，我地一食食左成3個鐘。食物的味道真的很不錯，價錢又唔貴，賣相又幾靚，真係啱晒相機先食的朋友。整體黎講，好滿意，會有下次。希望下次黎，上餐速度會有改善。

其實當日並非一心一意去食呢間，只係附近一家店剛巧休息，懶得再去搵就試下呢間，我見ok多人咁應該唔會難食掛?我同阿媽嗌咗一個龍蝦汁海蝦意粉，海鮮烏冬，一個菠蘿火腿pizza。蝦汁海蝦意粉-份量幾啖食哂，味太濃，勁咸海鮮烏冬-份量都係幾啖食哂，海鮮幾粒(只能用粒嚟形容)菠蘿火腿pizza-只得菠蘿四舊，約十條火腿絲，最騎尼用肉醬嚟焗，又係偏咸，個pizza某些部份仲要焗燶咗只能講句，可能新開張，所有野仲係測試階段

一早同同事去左荔枝角見客，同個客講講講講左差不多兩個鐘，好彩最後得左，傾成單生意雖然當日未簽合同，但係我同同事因為太開心，所以我地決定食西餐，預先慶祝一下。好小過荔枝角嗰邊，個客提議我地去間附近嘅餐廳試下，強烈推銷下，我地又唔多識路，所以OKAY LA，試下啦驚喜驚喜驚喜，因為食物水準非常高。（講真黎之前無咩期望），心諗工業區都係一般茶記野啦雖然唔係啲咩五星級用料，但係相信大家都知，意大利飯最怕黏成一團有啲餐廳都唔知點烹，總係覺得唔好食anyway，呢嗰飯，真係要推銷一下首先，好香之後，唔油膩再之後，想食多碟 HAHAHAHA先＄40幾蚊!! 對立海一定要超過一百蚊咁好味，當然要羅卡片啦

近日在Instagram ，見到一間名叫「Cooking Corner煮角」的新食店，Profile的簡介大致上寫著「一班經歷左許多風風雨雨嘅中坑，在無情的世道下開舖」，似乎有趣又有心喎。 再看地址，原來位置在離我家的不遠處，那就沒有理由不去試試啦。午飯時間來到這裡，已看見有約十多人在門外等位了，幸好我一個人來，不用等而馬上便有空位了。餐廳地方不算大，約有十張桌左右，裝修算簡潔。菜式以西餐為主， 午市套餐又以意粉和烏冬居多，沒有飯吃，感覺以輕巧套餐為主。可能是這原因，幫襯的客人以女性佔多數。從Set Lunch的六個選擇中，我揀了A餐「有機黑松露醬炒野菌天使麵」。（$35）餐湯是「意式蕃茄菜湯」，蕃茄味尚算濃，雜菜材料也豐富，而且有多士粒在湯內，更口感變得有爽脆感。主菜來了，黑松露味加野菌，簡直有種濃郁的飄香，而麵的乾濕度適中，不太油膩之餘，麵條又不會黏成一團，而麵質也見爽口，著實不錯。加$8可享用甜品「天使奶凍」，首先，賣相很細心和趣緻，像有星星和光環似的天使，令吸引力大增。 而奶凍的質感也軟滑可口，有奶香味，而清甜又有微微的酸味！唯一較可惜的是，西餐廳竟然沒有咖啡和奶茶，試問吃意粉

近日FACEBOOK成日都見到兩個字出現,(煮角)就係因為呢個名成日出現...咁喺好奇之下,就走去睇下咩黎啦...原來係啲friend搭friend開嘅餐廳.4月18日夜晚我同三個friend共4人就去左試下,去到7點正,已經爆左場,無辦法,唯有等啦,因為我地由長沙灣地鐵站行過去都耍兩三個字....等左10分鐘就入得坐低好快有人過黎介紹,個侍應話今日廚師推介有.......面包蟹,生蠔,聖子...咁我地緊係要問下佢會點整啦.....佢又問返我地wo..跟住我就話無所謂,你地話事啦.(因為我已經好肚餓喇)加上我地又見到個餐牌啲野都唔貴...第1味:香草芝士焗面包蟹$180多糕肉爽,正最正係佢打出黎個汁,溝埋啲糕正到不得了呀...第二味:生蠔半打架($38*3)+($39*3)都OK新鮮其實幾好食,不過我MAMA地第三味:香草忌廉炒聖子$68份量比較少左啲啲,但味道一流,聖子又大隻又新鮮.瘋狂辣肉醬芝士焗薯皇$20薯角好脆,但係真係好辣,唔食得辣唔好試.巴馬臣芝士漢堡焗蕃茄$21蕃茄我一般,但朋友話好食,蕃茄好新鮮,但要睇熱,有人辣親日式清酒煮活蜆$25酒味夠,同一般日式餐廳好唔同可以一試