影片
食家推介
相关文章
见ig咁多人推介就今日去试下，未食过，店员嗌左原味爆蒜，问我加唔加粉丝，我见有王子面，未听中，就问可唔可以加王子面，店员话无问题，等左约15分钟，一食，咸到想讲粗口，啲蚬还可以，都大只，但有几只有沙，但个汤同啲面真系咸到爆，两个字，难食，可能我真系唔识欣赏，同唔习惯食咁咸，同埋分量真系小得可怜，50几蚊，好唔抵食，一啲都唔饱肚，就算想扫街，葵广有更多其他选择，是次真系中伙，个人嚟讲，无下次。。。。。
继续阅读
小店嘅舖位真系好细而且系几间舖夹住咗所以都好隐蔽下😗建议大家望住舖头号码揾🙌🏻食嘢可以行开少少食因为个度真系几迫😂🔸蒜蓉牛油蛤仔面+金菇 $55+$4蚬大大只仲要有好多只,大约应该10几只🤩蚬系新鲜蚬仲要系冇沙,得一只食到沙😳真心好惊喜!!!而王子面系重点吸哂所以精华🫶🏻第一啖食到牛油味🧈然之后啖啖都系好重嘅蒜味,蒜控表示十分满足🧄如果加多$4多蒜应该更正💦而今次另外加咗金菇都系超夹吸哂蒜味💫
继续阅读
比社交媒体网站 POST吸引左 去葵广扫街之前一早bookmark定呢间一定要去试铺面太细有d难揾 系葵广最底果层兜左大半个圈先揾到虽然系堂食 见到明明有枱但冇比位我地系铺头食而系叫我地拎住热辣辣既纸兜上一楼揾位食 系人来人往既葵广入面穿插 有d危险🥲叫左原味爆蒜汤蚬 $44 再加$4金菇首先汤蚬味道正常 有蒜味但爆蒜呢🧐唔觉有有9粒蚬 蚬肉嫩滑 都算大粒冇沙 粉丝同金菇份量就有d少 要加钱先有金菇仲要得咁少唔太抵扫街样样都试下既话 overall呢个份量系岩岩好 仲有位再食下一样野但如果系谂住净系食呢样做lunch/dinner既话就要谂谂啦 好大可能会唔够饱
继续阅读
今日去到葵芳探朋友，探完朋友之后呢就揾嘢食啦，去咗葵涌广场，重拾扫街嘅味道 ，上网睇下有咩新舖头开咗，就弹咗呢间出嚟，仲讲到话葵涌必食㖭，有冇咁夸张呀，于是乎就跟住个名同埋个门牌去揾呢间舖头，揾极都揾唔到，行咗几个圈终于揾到啦，原来佢唔系一间餐厅，佢只系一间外卖店，而且门面仲要好细间，咁辛苦揾到一于试下佢 ，佢有几款蚬汤嘅，例如香茜、蕃茄、白酒等等唔同味道，强调系台湾夜市嘅口味，我拣咗一个爆蒜蚬汤 ，加咗粉丝同埋金菇，都几大碗，几饱肚，不过蒜茸就冇想像中咁多，蒜味唔系好够，但系个汤饮落都几清甜，以扫街嚟角度讲都算 OK 嘅。
继续阅读
呢间花甲粉个位置都比较难揾，系条窄巷入面，花甲粉有唔同既款式可以嗌，今次我专登拣左呢款有台湾王子面既，好正～ 1⃣️蒜香牛油蛤仔面（$55） 见到既时候第一下系觉得份量有啲少🙈以$55黎讲会expect多啲。不过讲到味道系真系唔错既。蒜味同牛油香完全渗透晒系碗王子面同埋啲金菇入面🤤另外啲蚬只只都大粒多汁，食落清甜一啲沙都冇👍
继续阅读