煌極雞煲烤魚 (已結業)

放假約咗朋友仔食飯，聽佢講話有間餐廳好抵食所以就去試下。間野叫煌極，係美孚站出黎行兩個街口就到。三點入到去都有幾枱客。望下個下午茶餐單，哇！！！58蚊有一個雞煲，一碟肥牛，幾粒丸，豆卜同菜。個雞煲都幾多雞，汁都幾濃唔錯。牛就係凍肉應該最平個d牛，丸都係咁上下質素。菜個d都一樣。58蚊食到飽到痴咗線，完全食唔哂。個汁都好味既，食材就一般。不過咁既價錢，有得打邊爐，性價比極高。如果黎開都會想再食！！！…查看更多

兩個人點了份雞煲+安格斯牛肉餐，再單點水魷魚，脆脘片，鵝腸，豬紅，炸芋片.，菙菜餃.......牛肉陸左後是白色，咬唔開，脆脘像已放多天，硬的，/其他食物質素比自己在一般凍肉舖買還差。已經不點任食，盼食物會好啲，埋單八百多元。一路食一路鬧，難食不勘。…查看更多

本身喺美孚附近返工，見證呢個鋪位由一間越南餐廳轉做煌極……餐廳賣點係雞煲，但係第一次食就係得雞煲，咩午餐都無，咁就要午餐食雞煲……之後餐廳推出好多午餐，但係九唔搭八，有雞煲；有越式香茅雞翼豬扒，可配搭撈檬金邊粉；有中式午餐……雞煲一人份量搞到成份雞好少，可以食完轉邊爐有其他料，但係都係普通野，大家樂有得食，咁就收人88最平……越式餐就擺明抄上家……中式野就幾黐線，整個兜成個幼稚園學生食飯咁，再加碗飯……成件事內地mode左（負責人都係內地人，請嗰d大多都係，鄉音重唔係問題，最弊成日錯單）餐單都唔係重點，重點係個廚房加水吧好似得1個人咁，有時樓面仲要入埋水吧整野飲……出餐可以落單黎20分鐘先出到，仲要係未齊，要齊嘅仲要等多20分鐘，人手不足問題可以歸究負責人問題……但係我同同事一圍枱幾個人，每次去食都會錯幾樣食物；試過叫佢換，等20分鐘先換到……就算催多幾次都係等……呢間餐廳擺明唔係賣好食，食物好唔好食係其次，入得去食都係醫肚餓；但係連服務都唔得嘅話，真係唔會有意欲去食………查看更多

是夜品嚐好友推薦的雞煲。鍾意食雞煲的人，通常就係鍾意雞煲味道濃郁，微辣而不辛辣，雞肉入味而不會變乾柴，呢個雞煲完全達到我要求，已經算上品喇！席間有不嗜辣之人，所以今次我就嘗試咗走辣的雞煲，雖然無辣味，但雞煲汁底的味道依然濃郁，芫茜、芹菜絕對唔少得，芫茜黨人表示正呀！食完雞肉再打邊爐，簡直係人生一大快事。我哋叫咗韭菜餃、蟹子墨魚滑、娃娃菜、唐生菜、皇帝菜等吸湯配料，仲有炸魚皮添。另外特別要一讚呢杯名為「大大杯檸檬七喜」，真係非常大大杯，一杯可以for成餐飯，抵讚！除咗七喜、可樂等汽水，另有薏米水等養生飲品架！…查看更多

價錢好抵食。一啲都唔貴呀，同普通茶餐廳差唔多。而且佢啲嘢可以自己煮，好似玩緊煮飯仔咁🤣🤣，完全覺得好正！滿足到一個唔識煮嘢食，但係想自己煮嘢食嘅人😂😂而且呢度好多嘢揀，有雞煲有烤魚，有粉面，仲有咖喱！下次一定會過嚟試吓佢哋啲咖喱！啱啱問咗服務員，佢哋個午市套餐每星期四都會轉一次分量都ok，食完一個餐都飽。我嗌咗個雞煲，肥牛，菜，$78。而且佢哋嗰杯嘢好得意😂，加咗$8升級咗大大杯，真係超級大杯，好抵飲！原本睇到留言以為間嘢唔係咁好但係其實服務唔差，啲嘢食都好平，好好食下次會再嚟！！😍…查看更多

尼間LUNCH有雞煲SET，基本上每台都嗌。可惜我對雞煲唔太感興趣，最後揀左佢地的越南菜式。天氣咁熱，我嗌左酸酸甜甜的撈檬，有種refresh的感覺。份量適中，雞扒好香脆，肉質嫩滑。唯一有待改進的系出餐偏慢，如果快番D就好。…查看更多

人唔多，坐得幾舒服米粉自己煲有啲煩，食嘅時侯太熱，時間需時。但用料 ok。😊午餐份量足, 牛肉麵湯幾好, 性價高👍雞煲要吖中辣，（bb辣個人覺得唔夠）中間電磁爐夠力，旁邊的不夠😔a bit annoying not able to place phone on table due to this lol🙁😕😕😕Generally good dining experience, lunch menu quite good, cp值高:):):):):):):)…查看更多

星期六過嚟食，明明成個場都冇人，過咗鐘少少就係咁趕人走，又比說話我哋聽，野食一般，態度極差！ 我都未試過留comment，逼我用時間寫呢篇野任食係冇湯底簡，只能夠選擇雞煲，之後，啲嘢又來唔齊，到我地催就話我哋夠鐘。食物係佳寶質素，丸咬都咬唔爛。無下次，好心你醒水，明明個場已經唔多人，我都係熟客仔，中午嚟幫襯過一兩次，到夜晚就出事，仲要用咁嘅態度，認真頂唔順，一班人聚會，明明就係為咗開心，啲員工令到個氣氛好差🥲 永不光顧…查看更多

見附近有間新開的雞煲邊爐放題，就打算同朋友高高興興食飯吹水。一入餐廳人影都唔多隻，已經心知不妙，但一場來到就即管試一試。首先，居然有一項額外附加費要星期五、六、日加＄50，而本身最平個set都已經＄200幾，有點兒過分。雞煲個煲好高，完全無辦法坐低食，被逼全程企起身食，都ok。但上菜又上少幾個，選擇又唔多，職員態度又差，已經有少少㷫㷫地。用餐時間限定90分鐘後截單無問題，但食物上漏又上得慢，客人都未食完就被趕走！當時餐廳外面未有客人排隊，裡面亦有其他空枱，完全不明白點解要急於趕客。我第一次有如此糟糕的體驗，呼籲大家不要光顧。最後每位埋單要至少＄330。個人對此餐廳評級為0星。…查看更多

老爸見到這新開美孚雞煲店，心血來潮想試試。一看店舖裝修，心有不妙，但不想潑老爸冷水，即管試試。看餐牌圖片，真心期望雞煲像圖片。奇怪雞煲店原來crossover 越南粉，每次看到這類「crossover 」便知道是種伏的開始。叫了雞煲，但換來碎雞骨6件。叫了一碗生牛肉檬，簡直是味蕾的特訓，點解可以咁難食。加上服務其差。這樣，浪費了$322。(PS評分欄可不可以有負星星?因這店1星不值)…查看更多

今天第一次試這間店，叫了個皮蛋小食同麻辣烤鱸魚，烤魚送來時，已覺得中伏，即刻唔敢再叫其他野，一條炸魚放落一啲好清既麻辣湯裡面，魚肉係實的，魚還魚，湯還湯，同其他店舖既烤魚完全係兩回事，完全唔好食。另外有點不合理就係埋單收左我地茶芥每位$8（共$16）同酸菜$8，我地黎到時佢地冇開茶，但我地叫左兩杯水，后來佢地攞左碟辣蘿蔔黎，咁樣就額外收多$24，另外再加一！求其放啲野黎就收多啲錢！不會再去！…查看更多

家門口的新店，本來的新竹園越南餐廳結業了，舖位馬上進行裝修，本來說11月30日開業，結果延遲１日12月1日)才開章，我們12月3日來吃晚餐。４個人點了以下的：#重慶雞煲(198元 １隻)：味道不錯，缺點是很多碎骨，吃的時候要小心。#脆肉鯇魚片(65元)：味道一般，可以不點。#新蝦雲吞皇(75元)：個大，足料，蝦肉爽脆，好吃！#韭菜餃(48元)：餃子皮有點糊，一般。#墨魚丸併蝦丸(98元12粒)：墨魚丸富彈性，蝦丸也好吃！#油麥菜(32元)：整棵上，下鍋前要自己剝開。#水晶薯粉(30元)：質感ＱＱ的，好吃！#黃糖糍粑(68元)：好味又飽肚。p.s. 只收現金，記得帶錢。…查看更多

本身見某群組評論比較差，今日同屋企人親身試過，又不是這麼差。或者因為下午茶人流冇咁多，所以姐姐嘅服務態度都非常之良好。而且我同屋企人兩個人，只係叫咗一個火鍋套餐，再追加其他食物，職員都無異議，並無要求一人一個套餐。而且食材亦都非常之新鮮好食極力推薦脆肉魚片，好滑😋；牛頸脊，好有牛味，亦都好嫩口😋；…查看更多