影片
放假约咗朋友仔食饭，听佢讲话有间餐厅好抵食所以就去试下。间野叫煌极，系美孚站出黎行两个街口就到。三点入到去都有几枱客。望下个下午茶餐单，哇！！！58蚊有一个鸡煲，一碟肥牛，几粒丸，豆卜同菜。个鸡煲都几多鸡，汁都几浓唔错。牛就系冻肉应该最平个d牛，丸都系咁上下质素。菜个d都一样。58蚊食到饱到痴咗线，完全食唔哂。个汁都好味既，食材就一般。不过咁既价钱，有得打边炉，性价比极高。如果黎开都会想再食！！！
继续阅读
两个人点了份鸡煲+安格斯牛肉餐，再单点水鱿鱼，脆脘片，鹅肠，猪红，炸芋片.，菙菜饺.......牛肉陆左后是白色，咬唔开，脆脘像已放多天，硬的，/其他食物质素比自己在一般冻肉舖买还差。已经不点任食，盼食物会好啲，埋单八百多元。一路食一路闹，难食不勘。
继续阅读
本身喺美孚附近返工，见证呢个铺位由一间越南餐厅转做煌极……餐厅卖点系鸡煲，但系第一次食就系得鸡煲，咩午餐都无，咁就要午餐食鸡煲……之后餐厅推出好多午餐，但系九唔搭八，有鸡煲；有越式香茅鸡翼猪扒，可配搭捞檬金边粉；有中式午餐……鸡煲一人份量搞到成份鸡好少，可以食完转边炉有其他料，但系都系普通野，大家乐有得食，咁就收人88最平……越式餐就摆明抄上家……中式野就几黐线，整个兜成个幼稚园学生食饭咁，再加碗饭……成件事内地mode左（负责人都系内地人，请𠮶d大多都系，乡音重唔系问题，最弊成日错单）餐单都唔系重点，重点系个厨房加水吧好似得1个人咁，有时楼面仲要入埋水吧整野饮……出餐可以落单黎20分钟先出到，仲要系未齐，要齐嘅仲要等多20分钟，人手不足问题可以归究负责人问题……但系我同同事一围枱几个人，每次去食都会错几样食物；试过叫佢换，等20分钟先换到……就算催多几次都系等……呢间餐厅摆明唔系卖好食，食物好唔好食系其次，入得去食都系医肚饿；但系连服务都唔得嘅话，真系唔会有意欲去食……
继续阅读
是夜品尝好友推荐的鸡煲。钟意食鸡煲的人，通常就系钟意鸡煲味道浓郁，微辣而不辛辣，鸡肉入味而不会变干柴，呢个鸡煲完全达到我要求，已经算上品喇！席间有不嗜辣之人，所以今次我就尝试咗走辣的鸡煲，虽然无辣味，但鸡煲汁底的味道依然浓郁，芫茜、芹菜绝对唔少得，芫茜党人表示正呀！食完鸡肉再打边炉，简直系人生一大快事。我哋叫咗韭菜饺、蟹子墨鱼滑、娃娃菜、唐生菜、皇帝菜等吸汤配料，仲有炸鱼皮添。另外特别要一赞呢杯名为「大大杯柠檬七喜」，真系非常大大杯，一杯可以for成餐饭，抵赞！除咗七喜、可乐等汽水，另有薏米水等养生饮品架！
继续阅读
价钱好抵食。一啲都唔贵呀，同普通茶餐厅差唔多。而且佢啲嘢可以自己煮，好似玩紧煮饭仔咁🤣🤣，完全觉得好正！满足到一个唔识煮嘢食，但系想自己煮嘢食嘅人😂😂而且呢度好多嘢拣，有鸡煲有烤鱼，有粉面，仲有咖喱！下次一定会过嚟试吓佢哋啲咖喱！啱啱问咗服务员，佢哋个午市套餐每星期四都会转一次分量都ok，食完一个餐都饱。我嗌咗个鸡煲，肥牛，菜，$78。而且佢哋𠮶杯嘢好得意😂，加咗$8升级咗大大杯，真系超级大杯，好抵饮！原本睇到留言以为间嘢唔系咁好但系其实服务唔差，啲嘢食都好平，好好食下次会再嚟！！😍
继续阅读