無辣不歡 (嘉芬大廈) (已結業)

琴日用Keeta睇下有咩食，見到呢間無辣不歡，有麻辣手撕雞，好耐冇食手撕雞呢一類，所以就試下，配搭可以有手撕雞飯，手撕雞烏冬，手撕雞拉麵等等，最後我就簡左手撕雞烏冬，因為見佢寫係稻庭烏冬，所以就簡佢，送到黎係分左湯既，個湯底就稍為濃左d , 但係雞都幾好味，但又未夠好滑，不過價錢唔貴就算係咁，整體黎講係幾好食既，份量都岩岩好。雞肉唔會太小又唔會好多，如果可以簡埋個辣度就好了，因為在Keeta app當中，係配白飯就會有辣度選擇，有bb辣，小辣，中辣等，但配烏冬就沒有…查看更多

🐱夏日炎炎🌞lunch唔想食熱野，就食下涼麵/涼拌小食開下胃✌🏻 手撕雞冷麵：$30🌕🌕🌕🌗/5 以呢個價錢來講，份量真係好足！有好多舊雞肉，鋪滿左個面🐓今次都係揀小辣🌶️雞肉唔係手撕，係一舊舊既，肉質唔算好鞋😂有少少麻辣味，食落都好開胃🥰冷麵係用芝麻沙律醬撈，所以都好難唔好食既😂😂如果太肚餓係唔建議食，因為好開胃，會愈食愈肚餓XD…查看更多

係尖沙咀返工閒閒地食個lunch 都要$70-80。呢間無辣不歡$30就黎到個手撕雞冷麵，而且份量又多，女仔食量黎講就足夠有餘，男仔食可能就要加多個小食。 再加上又可以多麻醬揀辣度，可以滿足到唔同人嘅口味。…查看更多

因為我鍾意食辣 朋友就成日推介無辣不歡但因為佢得外賣 次次都無機會食到今次買左去朋友公司度食我全部都叫BB辣 因為朋友話BB辣已經好辣叫左手撕雞蕎麥麵呢個係朋友一直推介我見手撕雞拉面 冷面 都可以加送淨係手撕雞蕎麥麵唔可以平時其實我麻麻地蕎麥麵但見朋友係咁推介 就試下佢既蕎麥麵係好滑!加埋手撕雞既汁好match未試過鍾意食個麵 多過個雞因為蕎麥麵太出色鳳爪佢個辣汁太出色加埋無骨既雞腳 100% match 推介最鍾意食D軟根軟骨牛柏葉因為我好鍾意食牛柏葉去親邊間都會叫黎試下佢個辣汁好好食 都好match呢D掛汁既小食不過未到好出色 有DD un…查看更多

喺呢頭返工，食飯食到悶悶地，完全唔食咩好...行咗好耐，最終見到呢間「無辣不歡」，我停步睇。因為我本身鍾意食麻辣、川辣嘅嘢。起初我都想有堂食就好，不過佢哋係只限外賣。見到有麵、烏冬、飯。最後我都係試咗佢地嘅手撕雞冷麵，開頭都會驚唔夠食。 所以，加咗個雞翼尖。而個麵嘅辣度仲可以揀，第一次食嘅關係所以我嗌少辣。等咗5分鐘左右，就可以拎得。返到去打開，超香超惹味!!我嗌咗少辣，但係都好辣!!麵都好爽，唔會係淋到爛嗰種。真係好香好好食嘅，而雞翼尖好爽口。最後，我食好夠飽!下次都會再去食過，真心推薦!!…查看更多

經過尖沙咀行過見到尼間無辣不歡自從鍾意左食麻辣野後逢見到麻辣野都會望多兩眼辦完正事就決定買盒外賣返去試原想試涼皮可惜賣哂叫左個麻辣雞絲涼麵加16蚊要多兩個送中辣姐係我尼d一係唔試唔係成日經開就叫多兩個送豐富啲都開心啲我就從無試過尼間葵廣店都竟然無試過由於麻辣涼麵質素都參差唔齊本無咩期望純一試打開見到d送係有排過唔係求其塞入去賣相好食慾都增之後我就撈佢佢d醬好夠仲掛汁夠重口味咁我口味有時食麻辣涼麵有啲鋪d汁好稀沉哂底要撈住食如果唔係就啖口尼間就好👌🏻👍🏻掛到汁唔會無味食開川菜野麻辣水煮野就預咗多辣油怕油就真係唔好食川菜喇好難唔油我叫中辣食完個底就剩返辣油姐但夠重口味夠辣我滿意👍🏻👍🏻👌🏻👌🏻支持小店因為麻辣小店我就唔係成日遇到多幾間係左近都好呀👍🏻…查看更多

行過經過路過尖沙咀見到嘅優惠個價錢，諗住買來做晚餐但係已經唔講佢其實係超細細，如果你諗住當晚餐係冇可能飽，重點重點重點係好難食超鹹，食落去好似一大堆鹽加少少辣，完全唔想繼續食落去，完全冇控制過調味料嘅份量🤮🤮🤮🤮手撕雞啲肉好鞋，並唔係所講嘅咁好食😮‍💨相反豬耳好食好多，而係跪爽既口感，唯一真係好食，得個豬耳 :(:(:(:(:(:(…查看更多

平時去親葵廣都有食 今日屋企人係尖沙咀店諗住買盒雞食下客氣問佢大辣可唔可以俾多小小醬 佢倒完D醬上雞到 成盒野唔係放上台面俾我屋企人拎而係有車落台面既感覺 好禮貌同你講野要求多辣係得罪你? 同埋病情咁樣口罩都唔帶?…查看更多

味道😋😋😋環境😋😋😋服務😋😋😋衛生😋😋😋抵食😋😋😋星期5，happy Friday 就緊係要出去啤啤佢啦，飲啤酒又點可以唔食辣野，openrice見到有依間小店，所以就決定去幫襯下啦！去到門口見到佢貼住新假期必吃食店大獎，我就心覺得有d想走啦，不過真係冇咩餐廳開，所以都照叫啦。我同我friend叫左手撕雞冷面，豬耳手撕雞涼皮同埋蒜泥白肉青瓜棒。1.手撕雞冷面我叫左小辣食，開頭個辣油同胡麻醬夾埋個味係幾好的，但後尾食到底個底冇乜醬得辣油，就發覺小辣都幾辣同埋佢係死辣，依到就有少少扣分，因為本人係鍾意d有層次嘅辣，不過胡麻醬就體佢夾得到，所以都算可以。2.豬耳手撕雞涼皮涼皮食落感覺比較厚左少少，如果薄d會好d,整體黎講都係還算可以3.蒜泥白肉青瓜棒d蒜應該係自己做，唔係現成買返黎，雖然個蒜好辣，但好正！成個成個感覺好奇妙，d肉有味，但舊青瓜係完住冇味，加返d汁都係咁🤣🤣整體黎講，算係可以，但唔算話叫做好食到要推介，不過飲開啤酒想食辣都係唔錯選擇…查看更多

今次係第三次食依間麻醬冷麵喇😍味道依然都係咁正30蚊份手撕雞冷麵係尖沙咀地區泥講cp值真係超高🌟🌟🌟手撕雞份量都足夠 雞亦唔算太過鞋口有少量🤏🏻青瓜絲拌麵麻醬份量都比得好足夠 可以沾滿所有麵及雞😋今次試左中辣 我覺得唔算太辣下次會試下大辣🥵如果食量比較大既朋友可以加多份淨手撕雞加埋都係68蚊 超抵食架不過可能叫少辣好啲如果唔係可能會太油🐷🐷🐷職員服務態度買左幾次態度都依然唔錯會繼續支持💪🏻💪🏻💪🏻…查看更多

嗌咗水晶涼皮中辣加牛肚先唔好講個牛肚係普通烚牛肚得幾條，冇乜點辟味 (我好餓，係食得落肚嘅，我已經食咗)一，等已經等咗好耐，二，涼皮好厚兼發漲，係，你冇睇錯，涼皮都可以浸到淋同漲晒三，啲辣油係死辣，唔好期望佢有層次，佢嘅辣油係好pure 嘅死辣橙色油，應該只含色素化學物無添加任何辣椒成份，你加辣佢會俾好多油你呢間野我俾0分，負分完全唔可以同葵芳嗰間比冇下次--仲有，收銀嗰個係一邊收銀一邊撈麵。。。冇戴手套，衛生程度可想而知啲相用咗美圖filter影，笑喊…查看更多

$109 食物差，叫bb 辣,辣到食唔到， 每款食物只食一啖，就決定放棄， 放在酒店雪櫃，明天才掉扔。浪費金錢，完全食唔飽，本身唔浪費食物，但辣到口龍痛，最後食麥當勞🍔…查看更多

對上一次食過荔枝角分店既手撕雞烏冬同芋圓冰粉，覺得唔錯，份量多味道都唔錯。但今次係尖沙咀分店買既正宗麻辣手撕雞同蒜泥白肉青瓜卷就唔太掂啦！🔴正宗麻辣手撕雞叫左少辣，幾欣賞佢有少少芝麻同葱食落會香口d，但d雞唔新鮮，而且無雞味，食落得雪藏同辣味。🔴蒜泥白肉青瓜卷食落唔香口，雖然都有好多蒜泥，但都掩蓋唔到d唔新鮮既味道。p.s少左舊，食左舊至記得影相！職員服務都ok既，有禮貌。不過食物希望會有返水準啦。…查看更多

好少寫食評，都食過好多次了無辣不歡了，100蚊內可以食到飽仲要係川味，在尖沙咀真係好少有。有時經過都會買一兩樣返屋企加餸，叫個手撕雞飯🐤+個牛肚🐂送下啤酒🍺真係幾正。有時都會叫多幾樣同班friend一路睇波⚽️一路食。佢哋即叫即做，落單時有要求佢哋都盡量滿足，有人情味，味道偏濃唔係平時喺香港食開嘅辣，小辣都偏辣但很刺激，試過中辣食到我成頭汗😂，但平時食小辣都好正了，辣味有層次，就係咁先有四川味。…查看更多

我平時間唔中都會來買宵夜食份量真係好夠同好飽..好肚餓真心推介手撕雞冷麵$30，一定夠食！重點係呢度既辣味好香不過雙拼份量有時唔係好夠「喉」想食都係要返單點一份好d, 夠過癮推介麻辣豬耳、雞腎，都係好正同夠味他們青瓜、雲耳、土豆絲都係$20？去邊度搵？慢慢食食吓都變成他們既熟客我而家已經可以食「中辣」‼️‼️成班朋友話想食咩，梗係極力推介呢間無辣不歡啦所以嚟個無辣之夜咁既價錢，呢個量，真係好抵食除返開每人只係$50, 仲要成枱都係嘢食打電話落單:)約時間拎野食 …查看更多