無肉食 (洗衣街)

营业中

休息中

好抵呀，好抵呀！喜歡吃自助餐的朋友要留意啦，今次我們轉轉新口味，食素！別以為吃素就「無啖好食」，相反是又便宜又多選擇，午市只需$68起，就可以吃得飽飽，健康且美味，難怪餐廳座無虛設，不少顧客更是注重養生之道的公公婆婆呢！ 無肉食共有三間分店，分別位於北角、旺角、佐敦，我們今天去的是旺角。一進入餐廳，裝修竟是意想不到的清雅，木製餐桌配以生氣勃勃的綠色植物，還有好多色彩繽紛的圖畫高掛著，感覺不錯呢。 看看價錢牌，我們閒日中午來到，每位只$68，免收加一，限時90分鐘，太划算了吧，在同區吃碟客飯隨時還要貴些！ 這裡吃飯要先收費，然後找位子，吃後要自行清理餐具和廚餘。 客人真的不少呢，幸好我們早來，後來我們見到客人都要搭枱，甚至要在門口等候入座。 近門口處是沙律和冷盤區，不同顏色的蔬果好吸睛，一定要吃藜麥，是超級食物，好健康，老闆也不吝嗇地放了一大盤在這裡，其他還有「肉鬆」豆腐、薯仔沙律等等。 沙律旁邊是極危險的「爆炸區」，好多炸物，吃完大概下巴會火山爆發，但試問香口食物的魅力如何抵擋？豁出去吧！ 炸番薯片、春卷、蛋散、腐皮卷、炸餃子等，全部香口鬆化，而最

之前睇廣告見到有$68素食自助餐，人氣頗大，特意來見識一下。假期訂位不難，但去到現場發現超多人，地方不算大，大堂迫滿人。因為我一早就預約了，等了一會兒就可以入去。場內也有點點擠迫，人太多，沒法子。不過好在坐落都算舒服，不會同隔離位貼住。食物質素還算不錯，粉、面、飯、炸物、沙律、甜品全部都齊，選擇不算好多，好快試了所有食物，味道一般，驚喜不多，而且沒有水果，有點失望。不過勝在價錢平宜，喜歡素食或想試試素食的人可以一試。

三隻活動前的例行公事.....增肥, 唔食肉就唔肥？ 都係自欺欺人咁啦, 其中一位朋友之前食過呢間斎buffet, 佢話ok, 係旺角區, 星期六lunch $78 仲免加一, 抵食, 限時75分鐘。冇肉食顧名思義就係食齋, 以蔬菜及豆類為主, 供應沙律、主菜、甜品、齋湯及飲品等等……..可能價錢進取, 人山人海也。自己餐具食完自己送回分類回收區蔬菜食完一盤會轉款, 今天食了不下十種蔬菜, 棒！好味item : **烤南瓜 ~ 簡單以香草烤焗, 香甜軟滑, 好味。**炸春卷 ~ 即炸熱辣辣上臺, 熱氣但就非常香脆, 咬落去比薯片還脆, 卜卜聲, 春卷餡係用芋頭蓉加豆品**蓉壓成, 有啲似平時酒樓食的春卷豬肉餡, 味道又好, 香而不鹹膩, 食左3大條。醋漬紅菜頭 ~ 紅菜頭腍甜多汁, 加左醋落去撈, 酸酸地, 口感及味道頗佳**脆麻花 ~ 非常鬆化, 推介**綠豆沙 ~ 真係煲到起曬沙的, 仲好多綠豆添, 唔太甜, 清火氣一流, 夏天食, 正！好一般 item : **飲品 ~ 羅漢果水及檸檬水好淡**是日靚湯 ~ 太鹹, 其實齋湯本身嘅食材（eg 粟米/紅蘿蔔/瓜類）已經好清甜, 唔落

岀開旺角唔知食乜好，上openrice 睇下就發現有呢間素食自助餐，好平$68位，仲有bb櫈吖！好平好平，嘢食種類唔少，熱飲湯水糕點乜都有！提供一隻碟俾你食哂再拎唔浪費！食完自行分類清潔好幫手！

我們一行六人想食素，就黎到新開的「無肉食」旺角店食dinner，好彩夠坐一張枱，唔駛同其他人逼。入面裝修似工廈咁，而且比較嘈，希望改用較吸音的傢私或用品改善下。$138任食，同普通晚市打邊爐差唔多價位，所以想為動物權益出一分力，食少一餐肉，可以一試。呢個係當晚8:30左右的情況，雖然見人山人海，但人潮只係一浸浸，捕捉到時機就唔駛同人逼。食物種類繁多，前菜沙律、米飯、主菜、湯水、中式甜品、西式糕點、飲品、水果都有，我由頭食到尾，食到超級飽！餸菜keep到微熱，值得一讚。而且我欣賞的地方係佢啲齋菜佔的比例唔多，係主要「真真正正」的蔬菜，唔係扮肉的麵筋，所以食完係覺得身體都開心！啲中式糖水就比較稠，另一個角度諗，即係足料啲～短短一晚間佢都有換下菜式，一個盤某個餸食晒之後係refill另一款餸，所以都覺得有少少驚喜！總結：食物質素整體OK，環境就較嘈，得男女廁各一格但係都乾淨既。

備註：可以電話預先訂座避免輪候 Ahimsa是梵語不殺生的意思，源自古印度宗教，而中國佛教的五戒中亦以不害不殺生為首。這間以Ahimsa為名的人氣素食自助餐廳，在北角、佐敦分店大收旺場後，2018年1月再在旺角開第3間分店，旺角分店和前2間一樣，食物選擇非常豐富，$68就可以吃到超過50款熱食、冷盤、點心、甜品和湯水等，中式西式都有，而且不收加一。但這家旺角分店與其他兩店大大不同，由於位處商廈樓上，從升降機門到餐廳入口只有數步之遙，跟本無足夠空間容納排隊輪候的人龍，造成很大不便和困擾。 店家採用全自助形式，在入座前要先付款後用餐，再到自助餐區夾餸。食完用過的餐具及剩菜要自行收拾放到指定收集箱，與一般自助餐略有不同。餐廳的素食自助餐分午市和晚市時段，午市可任食75分鐘，而晚市則有90分鐘。熱食主要分炸物和炒雜菜，光是炸物已有10多款，例如炸豆腐、炸番薯、炸蛋散等。自助沙律吧有青瓜、番茄、羽衣甘藍、藜麥、紅菜頭等多種選擇。3款熱食糕點，包括芋頭糕、馬蹄糕和蘿蔔糕。甜品款式不多，只有芝士撻和純素蛋糕兩款 從升降機門到餐廳入口只有數步之遙，跟本無足夠空間容納排隊輪候的人龍

媽媽好喜歡素食, 光顧過很多素食餐廳, 星期日與她第一次到這間店晚餐, 結果超級中伏, 一間不知所謂的素食自助餐. 入座前要先付款, 好唔尊重食客, 座位好似飯堂...無店員負責清潔...食物選擇極少...味道差差差, 油炸食物反而多...無飲品...最基本的齋滷味都無, 大多數喜歡素食的都是長者, 油炸食物又點會適合老人家,  其實好的素食可以有好多好多唔同菜色, 只是經營者有無一顆善良的心!

失望失望好失望😞旺角店是第一次幫襯，其位置好丶新裝修還可以，其他沒有什麼特別似大衆飯堂。我幫襯晚餐90分鐘數＄118（沒有＋1）即是沒有Service！旺角這「無肉食」分店食物非常差，不好味食物選擇少。晚飯時間六點半已經到達，但發覺很多食物已經凍冰冰，尤其是煎炸食物好像是晏晝自助餐賣淨沒有翻熱，我還投訴大紅豆鷹嘴豆沙律變味才肯換(相信是午餐遺留下來的沒有冷藏），招呼差⋯食品添加慢…三大膠桶所謂熱飲(檸檬水丶雞骨水丶羅漢果水）羅漢果水多人飲所剩無己沒有再添加。夥計沒有禮貌行埋嚟通知時間已到，叫我地離開。做生意尤其是做素食真係要講良心，因為很多增人和素食者去幫襯，希望店的主人改善，但我唔會再幫襯！

一心諗住帶老人家來吃素，結果一肚氣，旺角店的某肥野女職員態度極差，老人家吾知你呢間野咁巴閉，拎多左你一碟用，個肥野女職員竟然惡言相向，質問隻碟去左邊，我頂，你做咩春自助餐，一隻碟都咁緊張，一隻碟裝完油淋淋野，又吾俾換碟，到食完自己執野，ok，你幾位職員企定定，繞埋雙手，有老人家又吾會幫手，見到有位客人清理時倒錯位，個職員竟然在背後惡言駡人，咁既垃圾舖，永不會再幫襯呢間

依排興食無肉buffet, 阿爸話要食健康d, 上次去完大角咀食，話想再食依類(其實唔系咁啱我，系會食到飽，不過唔系食得好滿足嗰隻). 今次，黎到旺角新開的service apartment 2/F 無肉食味道：到會形式，自己出去夾。 有d 似超市的 3 餸飯。 味道ok, 不是超好味，不過絕對唔難食。食材：真系hea 左 , 菜心炒杏菇，煎蘿蔔糕，煎馬蹄糕，比馬拉糕實的蒸糕； 我稔住$78 應該有d日本番薯食，點知無； 我稔住有日本菇，又無；稔住有秋葵，都無；傳統酸齋，齋燒鵝都無。 我覺得真系好似酒店自助早餐的炒雜菜，糕點，白粥價錢：收$78, 我稔佢收$40 都賺好多服務： 自己serve自己，食完要執碟，倒垃圾(如果唔執，有人會叫反你轉頭) 。碟得一只，無得換碟。有咩好食：炸蛋散，白粥，木耳涼菜

跟朋友來這裡食素自助餐,未來前心裡充滿問號, 到底食咩呢?原來種類繁多,仲食得飽. 同埋唔係傳統齋舖,無齋叉燒嗰啲,完全係新式的一種.食物例如有:鮮果沙律, 紅菜頭沙律...  話得自助餐,一定唔止沙律,仲有熱葷,冷盤,粉麪飯,小食,生果,甜品,湯同糖水.而且廚師都有用心煮理. 喺呢度見到香蕉拔絲,真係有驚喜!1.5小時用膳時間,都見服務員不斷更換食物.  由於這裡是自助形式,食完要自行收拾.  另外,要有心理準備搭枱,因為空間有限,座位都放得有啲密,座椅亦是普通無背圓櫈.

夏天到啦～好熱⋯⋯同又想食自助餐啲，又怕肥⋯⋯去食素啦⋯⋯感覺無咁肥，仲要自助餐，想食乜，就食乜～多選擇素食可能有啲人覺得，無乜野好食。又或者味道唔好但「無肉食」真係唔係哦！係好食既素食，款式多，又唔會好油，味道又好味🤤食物包括：沙律（有羽依甘藍添）、炸物、熱食、炒麵、湯、羅漢果茶、甜品樣樣野食唔會「數量有限」，任食唔嬲，同好新鮮午市自助餐，只係$68咋！食到好飽飽入座前先俾錢～最後要收拾返用過既餐具哦👍🏽去之前，最好book定枱，因都有唔少人去食

舖頭系以入門口，先比錢，後食飯既形式運作。坐低之後就可以出去自己夾野食。野食數量唔算多，但係種類幾齊全。沙律，冷盤，熱菜，炸物，甜品，生果同野飲都有，但係野飲得熱飲。沙律更加有super food羽衣甘藍，但係味道就....哈哈，鍾唔鍾意就見仁見智啦。開頭我每樣夾左少少試下先，因為舖頭主張唔浪費食物，所以唔會好似出面啲自助餐咁有人幫你收盤，要食曬先拎個碟出去再夾過。蔬菜味道比較家常，無特別驚豔。但係因為我鍾意食菜，所以都食得幾開心。第二碟就夾左啲炸物，反而呢個幾唔錯下。春卷屬於重口味菜式，炸南瓜系真心推介，又甜又粉，炸過之後又香口，推介！！！因為炸南瓜片太好食啦，所以第三碟要翻兜，碗入面既係冬瓜盅，裡面有薏米同埋菊花。我都係第一次食到有菊花既冬瓜盅，唔可以話難食，但係味道唔特別好。但係呢度竟然有馬蹄糕，而且有粒粒馬蹄，煎過幾好食。佢仲有蘿蔔糕同芋頭糕（？）好似係。去食之前見到有其他食評話要拔絲蕃薯，咁我都幾期待下。食到最後佢終於登場啦。大家都一窩蜂走去拎，咁我我唔執輸，拎左兩舊。結果係大大既失望，開頭比佢個賣相吸引左，高高既焦糖絲塔，裡面既蕃薯包既糖太厚太硬啦，完全咬唔開，太失望啦。

其實我選擇Green Monday都有好幾個月，都會不停留意下邊度有好既素食餐廳，有時候約朋友都唔會搞到好尷尬左就又就咁。今次黎左呢間係素食界都頗有名既無肉食，顧名思義，呢度當然係素食既，而且係任食。午市七十八，晚市一一八，九十分鐘任食。其實食物選擇都唔少，有一大堆炸物啦、沙律吧啦、川味涼菜系列啦、熟食啦，仲有湯、茶水同糖水任飲。其實每樣食少少已經好飽，而且餸菜流轉快，有時又會換下新款咁，好豐富架。個人重點推介兩樣啦，首先係圖中好搶眼既拔絲芋頭。拔絲皮好脆，夠甜岩曬我，而芋頭就好粉好稔身，好好味，不過唔好食咁多，會好飽的。另外一樣就係迷你芝士撻仔，熱辣辣有少少軟心架，好香好滑，每次出爐都瞬間俾人搶曬，想食要快啦。食完飽飽就請大家幫手執好野，分好餐具同廚餘先好走啦。

第一次用openrice 落review，因為真係忍唔住。星期日 8點15分入坐後，諗住出去拎野食，但發現出面無咩野食可以選擇，同埋一味多油炸野食，根本扮賣健康concept。重點：食左陣，9點左右諗住出去再加d野食，點知出面8成野食都無，得番d汁咁，連水果都無埋。問員工，佢地話已經唔會再fill，因為已經無野食。9點30分仲話要開始清潔出面d枱，但明明張poster寫係下午6點至下午10點。好老實講，做一間任食餐廳，唔係應該要準備充足食物？食完就話無，真係好有趣任食經驗，俾$138都唔知食緊咩。唯一好嘅地方，就係環境舒服。