燒魂

营业中

休息中

喜歡食有不同款式的豐富放題，這裏的放題不但可食燒肉，還有日式料理任叫任食，確實不錯。✨任食放題✨🔸刺身多款刺身可選，包括三文魚、吞拿魚、希靈魚等。但我最愛是原只珍寶赤蝦🦐，超大隻且非常鮮甜。鮑片及深海八爪魚爽口彈牙，不錯。🔸壽司提供火炙壽司及創意壽司兩類，令我難忘的分別是松露醬大蝦壽司及黑醋紫蘇鯛魚壽司。前者松露醬搭配大蝦，香氣十足。後者鯛魚肥美，非常開胃。🔸唐揚揚物炸物款式非常多，即叫即炸，熱辣辣好好食。叫了喜歡的海老天婦羅，炸醬薄脆，外脆內軟。還有少見的牛乳松葉蟹薯餅，一口下去，非常Creamy。仲有榴槤炸彈，一口爆漿，榴槤味濃，粉絲不要錯過。燒肉🔸鳥類燒雞翼，我鍾意食🎶🎵勁多口味選擇，柚子蜜薑味及孜然雞中翼我encore咗好多次，喜歡柚子的酸甜及孜然的惹味，感覺非常好。🔸豚后名字很有趣，食了鹽燒豚肉、鹽燒一口骰仔豚及蜜運豚後肉，搭配提供的酸辣醬汁，有點吃泰菜的感覺，酸辣惹味。🔸牛皇作為牛粉，全晚不停食薄切牛舌、鮮蕃茄霜降和牛及黑毛飛霜空降和牛。牛舌非常軟腍，和牛油花漂亮，油脂滲香。🔸野菜黑松露雞脾菇及戀人菠蘿，雞髀菇中間嚷着黑松露牛油，香氣十足。菠蘿烤至微焦，非常Juicy。🔸料

今日同朋友去尖沙咀慶祝，當然係去食放題，開心一番啦！呢間放題個招牌大大個，去尖沙咀一定見過佢。食物質素同環境都好正，我同朋友都滿載而歸！和牛&豬肉：⭐️⭐️⭐️⭐️⭐️和牛嘅好味程度係爆燈。每塊嘅紋都好平均，燒到牛脂出嚟，再點埋燒肉汁，好好食。豬肉片可點不醃或已醃，我覺得兩者各有特式，燒出嚟啱啱好可以點汁，兜住啲汁，配埋白飯就好正。我個人喜歡用生菜包住食，中和返啲脂肪油，（同埋冇咁快飽，哈哈）！牛脷：⭐️⭐️⭐️⭐️小食就叫咗一兜牛脷，眼見到有好多塊，入口就可以一咬就咬開，證明佢煮得好淋，啲汁入晒味，味道都好正。天婦羅：⭐️⭐️⭐️⭐️今次點咗一份炸蝦天婦羅，個炸粉炸得好好食，唔會同隻蝦痴埋一齊，蝦都好彈牙，可以再戰天婦羅。魚生：⭐️⭐️⭐️⭐️⭐️魚生食幾多都得，今次點咗吞拿魚三文魚希靈魚，三文魚同吞拿魚都好好食，食得出鮮味，可以點多啲都唔怕快飽。大推燒魂！嚟尖沙咀一定要食佢！

尖沙咀放題咁多間，呢間魂燒真係數一數二抵食，仲要係好好食，食物選擇又好多，我都翻兜過好多次！和牛必點！啲牛嘅顏色夠紅，唔會有瘀血啡嘅情況出現，紋理都好靚，唔會太肥，同埋唔會好多筋。令到口感啱啱好，亦都做到入口即溶嘅感覺。牛嘅話，燒幾秒就食得，逼咗啲牛脂出嚟，牛味好香口，一定要係咁食，超正！豬肉放油勁香之後就點咗啲豬，一路燒，一路放豬油出嚟，勁香，燒完好脆，加上佢有醃過，所以燒完都好夠味，豬肉都好值得食！除了燒肉，還有其他！ 叫得放題，除咗燒肉之外，仲仲有日式嘅食，當然唔少得魚生。今次食咗吞拿魚，三文魚等等。當中吞拿魚必叫！每塊都好厚切，入口勁滿足，亦有鮮味！個胃仲有位嘅話，可以試埋壽司我就抱住試下嘅心態，點咗一客炙燒三文魚壽司。個火炙味勁香！啲飯又唔會漿埋一齊，勁好食，如果仲有位嘅話，可以食多好多件，因為真係入口即溶咁！ 埋單人均唔洗＄400，勁抵食，係尖沙咀高質放題 ！提提大家～記得book位！佢成日都full booking架～！

呢間係我史上以來食過最難食嘅食店，三百幾放題加燒肉，完全食物質素可以用非常難食，牛肉冇肉味超嚡，刺身完全唔新鮮，仲有冰未溶，雞翼淡而無味，豚肉好似張沙子咁嚡，我唔知點解佢會有600幾好評，人生從來未食過咁難食嘅食店，坐咗半個鐘即刻起身走，奉勸各位不好中伏，我同朋友分享我食呢間原來我啲朋友都有嚟食過，總之一句講晒10個伏最後我問有冇經理？佢問有咩問題，我答點解你哋啲食物可以咁差？佢問我有咩問題？我答你哋冇一樣嘢好食，最後佢俾咗八五折，我埋單

日式放題平日就吃得多啦，多數環境比較擠迫，枱比較細，很難一下子放下很多食品。今天去了一間座位舒適，而且除了有日式放題還可以燒肉的放題餐廳。🍄刺身的選擇有不少，還有生蝦刺身😀🍄燒肉方面，雞、牛、豬肉選擇很多，調味也剛剛好。🍄壽司中規中矩，不過火炙壽司很難不好吃🍄一品料理中的蒜爆通菜，超級推薦，除了有些油之外，真的非常惹味，我們叫了兩碟🍄石鍋蒜片和牛粒飯，吃到最後好想試他的飯和拉麵，便叫了一份。沒想到這個和牛粒飯超級大碗，但超級惹味好吃🫣🫣我們都吃了不少。🍄藥膳味十分重，感覺很滋補。又有燒肉，又有日式放題，總來說性價比幾高。👍🏻👍🏻

朋友話哩間燒肉出色就黎試下，佢仲用緊紙仔落單，厚厚的一本勁多選擇。中意哩度開得夠夜，凌晨一點先關門。壽司同刺身都好唔錯，三文魚夠肥美，整體都好新鮮👍🏻燒肉方面d牛一樣選擇好多，一口牛同牛肩都好食，而豚肉就有d驚喜添，鹽燒一口豚肥瘦相間，雖然望落好肥但燒到d油又香又帶焦咁黎食好正～仲有唔同口味既雞翼都幾出色，香矛雞翼入味惹味。整體食材ok, 位置方便，仲有座位都好寬闊有唔少卡位，食得舒服唔會好大油煙👍🏻

呢啲係畫紙仔唔使掃code點單每次寫完都好快有人收走💪刺身款式都唔少三文魚近腩位 夠滑夠油赤蝦 大大隻而且好多膏！八爪魚都係爽口彈牙質素唔錯😍燒肉方面推薦燒一片片嘅肉肉片切得薄身又夠均勻呢樣對燒肉黎講好緊要另外有調味嘅肉都有原味不經調味嘅肉番茄汁味燒肉都推薦酸酸甜甜好開胃另外有兩款泰式辣醬 食落去冇咁膩配燒肉好夾🔥熟食都係重點蜆煲同埋蠔粥個人十分推薦蜆新鮮鮮甜又冇沙蠔粥綿密座位闊落都有大檯岩一班人黎聚餐冷氣好夠唔使怕食完好大味/食到身水身汗上菜同埋收碟嘅速度 值得一讚總括嚟講性價比高👍🏻👍🏻👍🏻

朋友想食壽司放題，而我就想食烤肉，唔通我地為左一餐飯就要傷和氣？！好彩朋友一句"why not both??" 就揀左呢間放題加烤肉2小時嘅餐廳，滿足哂我地2個願望。餐廳近地鐵站，只需要行5分鐘便到達。壽司，刺身，熟食，一品鍋，烤肉有齊豬牛雞同蔬菜，選擇都唔少。仲有飲品任飲。先黎個刺身拼盤。馬刀貝爽口，珍寶赤蝦夠大隻。烤肉揀左薄切牛舌，牛里肌同黑毛和牛。全部都係薄切，好快就燒好，有得食。牛味唔錯，入口唔會韌。燒雞翼揀左柚子味同孜然味，味道較淡。我好欣賞黑松露雞髀菇同燒菠蘿。前者係雞髀菇夾住黑松露，好香又夠jucy。燒菠蘿又甜又香，仲可以減低燒肉油膩感，真係好正。其他熟食都相當唔錯㗎。卜卜蜆煲，唔會好大份，大概有6-7隻蜆，每隻都脹卜卜，夠哂肥美。配合蘿蔔清湯底，真係連湯都想飲埋呀。揚物裏最喜歡南瓜香芋丸，外脆內軟，正。蒜爆通菜好惹味。收碟速度頗快，服務尚可。每樣食物都食少少，仲有好多款未試，但已經飽到上心口啦，我同朋友都好滿足呀。

📍燒魂 (尖沙咀)尖沙咀漆咸道南57-59號金馬倫中心2樓$338 加一 任食兩小時有不少刺身選擇有三文魚 希靈魚 馬刀貝 吞拿魚 珍寶赤蝦刺身厚度適中 魚肉紋理明顯 鮮甜肥美✨黑毛飛霜空降和牛呢個價錢 任食和牛絕對超值肉質鮮嫩緊實 ✨薄切牛舌嫰滑 帶有濃厚牛味✨芝士腸好耐冇食過燒芝士腸 要食返幾條🤣✨鹽燒豬頸肉豬頸肉燒至金黃色 脆香可口✨卜卜煮大蜆大蜆面頭有少量辣椒 微辣🌶️夠晒惹味值得encore再encore✨蒜爆通菜 既青綠又脆口 配搭蒜香及大量蝦米 開胃惹味✨爽脆腸中寶大腸皮薄 外酥內脆 配埋甜甜地嘅醬汁 有驚喜✨海鹽枝豆 枝豆飽滿 味道清甜✨天婦羅 有海老天婦羅 紫芋圓 番薯天婦羅 松葉蟹薯餅 蟹棒天婦羅 餃子 全部即叫即整 熱辣辣脆卜卜✨燒菠蘿菠蘿酸酸甜甜 食完燒肉必須食返幾片🍍既可解膩又可以幫助消化—————————————————————整體用餐體驗✨味道(3/5)✨環境(3/5)✨服務(3/5)✨性價比(3/5)

好耐之前黎食過一次，今次再黎慶祝朋友生日，食放題就最岩👍🏻刺身新鮮，最中意食甜蝦夠新鮮甜甜地👍🏻另外魚生都不錯，厚切唔馬虎。哩度既牛除左原味之外，可以試埋特別d既醃味，有蕃茄味同西柚味，個人覺得食落雖然唔係好食得出，但就多左種香甜既味道，要試下👍🏻仲有熊本一口和牛，咬落去係彈嫩既，哩隻牛油脂香好出，encore之選!!另外唔好錯過鹽燒豚肉，燒到佢燶燶地好香，入口脆脆地好似bacon咁，汁都唔洗點呀🙌🏻仲有蔬菜好似翠肉瓜咁面頭再放埋芝士，有盛意👍🏻

這家日式放題簡直是地雷！生魚片不新鮮，口感軟爛，完全沒有該有的鮮甜；炸物油膩不堪，外皮濕軟，吃一口就想放棄。燒烤類乾柴無味，像是放了很久的食材。服務態度冷淡，上菜慢到讓人懷疑是不是現抓的魚。環境陳舊，桌椅黏膩，整體體驗糟透了。這樣的品質還敢收這個價位？真心勸大家別浪費錢，隨便找家便利店都比這強！唔知食緊啲乜 倒貼都唔食

尖沙咀嘅「燒魂」係一間深受本地人和遊客喜愛嘅日式放題燒肉餐廳，呢度唔單止環境舒適，同時裝修亦非常典雅。店內座位寬敞，光猛而清潔，令人坐得相當舒服，加上仿似置身日本居酒屋的氣氛，更添用餐樂趣。要數到食物選擇，「燒魂」絕對係名副其實。刺身部分，每片魚生都保持住鮮味，其中三文魚、吞拿魚同赤蝦等深受我地喜愛。他哋仲有黑松露大蝦壽司，香濃嘅黑松露味加上新鮮大蝦，每一口都叫人回味無窮。此外，他們每日都有不同種類的特選壽司及主食供應，而每次來訪總能發現新驚喜。講到燒肉方面，「燒魂」提供多款日式風格既牛、豬、雞肉，包括霜降和牛、鹽燒豚肉同孜然雞中翼等等，每道菜餚均經過精心醃製，再以炭火烤製，使外層焦香內裡嫩滑。響度仲有店員會細心提點翻轉烤網時間，以確保最佳熟成狀態，有需要時更會主動幫換烤網，非常貼心。如果你係炸物控，一定唔可以錯過佢哋即叫即炸既各類天婦羅，同伴侶試左之後，都表示相當滿意；而榴槤炸彈更是招牌甜品之一，不但令榴槤迷欲罷不能，即使平常不太吃榴槠的人也讚不絶口。最後值得一提的是這裡飲品選擇多元化，由日式清酒至各款啤酒汽水任君取捨，而且埋單平均每位只需 三百幾蚊，比起坊間其他高端放題性價比高很多

大人$338星期六日及公眾假期$368刺身方面，就算你點少量佢都會比夠double你🤣唔洗成日寫紙，仲好新鮮，無論係咩類型嘅刺身都冇腥味，而且甜蝦夠鮮甜🤤，口感豐富，大推！另外燒肉類都有和牛、牛舌等等，唔鍾意食牛都有豬肉類同雞肉類，肉類燒完嘅油脂都平衡，入口juicy～仲有好多小食！特別點咗豬大腸，得好好完全冇異味，中間放咗辣椒，大腸外皮爽脆仲食到好多醬汁同辣椒味，啖啖香脆可口！呢間放題種類繁多，可以燒肉可以揀刺生或熟食，非常多選擇，而且係尖沙咀呢個地段黎講係非常平！放工即刻去食返個放題放肆一下啦！

今日係尖沙咀行街，想食燒肉，決定試吓呢間開左好耐既燒魂.呢間燒肉放題既款式選擇非常多有各種刺身，三文魚、吞拿魚、甜蝦等等👍🏻👍🏻燒肉都好多選擇、牛肉同牛舌新鮮，豬頸肉就富油香，燒到脆卜卜，雞翼都有幾款揀👍🏻👍🏻清酒煮蜆一流、炒雜菌炒得好香，烏冬夠哂彈牙，牛油粟米夠哂sweet👍🏻👍🏻飲品選擇都好多，仲有啤酒tim,總有一款岩口味，最緊要係性價比高，環境都唔錯👍🏻👍🏻

呢間餐廳位於尖沙咀，地理位置超方便，約埋三五知己食飯真係一流😋因為食物嘅種類好多，一定可以滿足曬所有人嘅願望，包括刺身、燒肉同唔同嘅熟食😋😋首先係魚生，魚生有好多唔同種類，而且都好新鮮～第一盤大家都起勢咁食，到encore呢盤先記得影相🤣最鐘意就食赤蝦同貝類～燒肉方面一啲都唔輸出面，豬、牛、雞樣樣都有，雖然唔係主打燒肉，但係選擇一啲都唔少，甚至仲有和牛，食多幾件已經抵返晒😂壽司方面就係一般會有嘅壽司，選擇唔算好多，但係樣樣都好精緻，反而呢度嘅一品料理更加有驚喜👏🏻估唔到有一啲料理方法都幾複雜嘅菜品，例如有原個菠蘿炒飯，雖然係放題任食，但係食得出落咗好多心機👍🏻總括嚟講一個價錢，可以滿足咁多願望，仲有啤酒無限暢飲，抵呀！