燒肉LIKE (奧海城二期)

营业中

休息中

今日來試一人燒肉，一人一爐，乾淨企理，佢D套餐全日供應，叫咗一個set。如果$68就白飯，我加咗$18要牛肉飯同蛋，咁梗係加$18要牛肉飯再加隻蛋啦。基本上全部套餐都會有幾款肉可以選，套餐包括肉、麵豉湯、沙律/泡菜和飯。平時的麵豉湯都比較淡味，燒肉LIKE的反而好濃郁。飯就超級大碗，感覺是1.5人份量。店內提供多款醬汁俾你試，我最鍾意嘅係蒜香燒肉醬，味道濃郁又唔會蓋過牛肉嘅香味，每啖都好滿足！除咗醬汁，佢哋仲有唔同配搭同份量可以揀，無論你係食量大定細，都可以搵到啱自己嘅組合。呢個價錢食到呢個質素嘅肉，物有所值啦。

燒肉LIKE大角咀：雞肉鞋硬、制度縮水，$96午餐套餐性價比失守！作為連鎖燒肉快餐店「燒肉LIKE」的常客，這次到大角咀奧海城分店午餐卻頗為失望。點了 *豬肉加雞肉套餐（$96）*，整體體驗只能用「平庸」形容，性價比更令人皺眉。雞肉表現大失水準 豬肉尚算合格，肉質不過不失，符合快餐燒肉預期。但雞肉卻是重災區——*肉質明顯偏硬且「鞋口」*，欠缺應有的嫩滑多汁，即使小心控制燒烤時間仍難以拯救。作為套餐主菜之一，如此品質實在難以接受。制度縮水 免費湯品消失 更令人無奈是店方近期更改制度。過往最欣賞的 *「追加味噌湯」服務已被取消*，現在只提供追加白飯（需另加$10）。對於習慣以熱湯配燒肉的客人而言，無疑是體驗降級。雖然店員服務效率仍保持水準，但制度縮水難免讓熟客感到不是味兒。性價比一般 難言吸引 以$96午市套餐價位，在奧海城一帶選擇不少。當主菜品質不穩、免費附加服務被削減，難免令人質疑其競爭力。若想維持「快餐燒肉」的定位，食材品質與制度彈性實在有改進必要。總結：本次體驗反映品質控制與制度設計的不足。除非追求極速燒肉體驗，否則同價位確有更佳選擇。回訪與否？恐怕要等店方重拾水準了。

晚餐我去咗奧海城二期嘅燒肉Like，試咗佢哋經典嘅牛五花同豬腩片，順便幫大家解構吓營養。牛五花油花分佈均勻，燒起嚟香氣撲鼻，脂肪雖高但主要係飽和脂肪，唔建議過量；豬腩片偏向膠質多啲，脂肪同樣豐富，但味道較柔和啲，啱啲鍾意慢火細嚼嘅人。兩者比拼之下，如果你係肌肉訓練中，建議控制脂肪攝取，搭配沙律或白飯會好啲。燒肉Like勝在油脂滴落火上時產生嘅香氣自然，唔過鹹，配埋佢哋免費嘅蒜香醬同柚子汁更醒胃。推介大家升級熟成澳洲和牛肩柳套餐，瘦肉比例高，鐵質豐富，而且經熟成後肉質更軟嫩又易消化，對運動後補充蛋白質同修復肌肉非常有幫助。總結：識揀部位加埋營養配搭，燒肉都可以食得滿足又唔爆卡！

堂食下午茶抵食 難得唔使等位 叫左兩個下午茶餐份量夠飽 下午茶套餐只包括白飯 溫泉蛋配牛肉飯好食 仲有芝士咖喱飯都好食不過要另外加錢牛五花唔錯 牛肉蘿蔔湯好飲牛小排 同牛舌 味道都可以 套餐亦包括飲品 每一個下午茶餐可以用優惠價加一款肉類任何套餐仲可以免費加白飯 一個人自己去食都唔錯下次會再去食 店內只有QR code落單只收電子支付 唔收現金 座位位置較窄下午茶時間去多數唔使等位 建議下午茶時間去更好晚上就好多人 要拎號碼等位置

堂食下午茶抵食 難得唔使等位份量夠飽 溫泉蛋牛肉飯好好食 雖然要另外加錢牛五花都唔錯 蘿蔔湯好飲仲可以免費加白飯 一個人自己去食都唔錯下次會再去食 不過只收電子支付 唔收現金

本人因為見到外賣平台宣傳滿200半價優惠下單    結果收了我原價一心諗住支持本土經濟可惜唔上賊船我打電話去店內要求協助，但遭到店員冷嘲熱諷。完全冇了解過情況，就直接拒絕協助完全感受到大公司的高姿態，謝謝最後更表示與他們無關，叫我自己找平台處理我聯絡平台客服 他們表示是我自己的錯他們不會採取任何行動再一次感受到大公司的高姿態不理會我的投訴，10分失望今時今日咁嘅服務態度。香港死得。 完全感覺被騙希望不會有其他人成為受害者

次次去奧海城都經過喱間「燒肉LIKE」，但次次都勁多人等位，見佢今日比較少人所以攞咗張飛等吓，50分鐘左右就有得入。店舖抽風系統幾好冇異味，可惜坐位比較窄，張枱比較…油。一坐低就點咗《200g牛小排&牛板腱套餐》包括：牛肉，白飯，和風湯，迷你沙律。唔駛10分鐘d野就到齊都算幾有效率。沙律好食個湯好飲白飯唔錯，200g嘅牛肉薄砌一片片薄到透光，醬汁有10款任君選擇，個人比較鍾意「辣味噌醬」，「蒜香醬油」和「胡麻醬」。總結：算幾好味，但唔飽，去咗茶餐廳宵夜。後記：這家餐廳的侍應哥哥好有禮貌好有耐性非常抵讚，但，QRCode 落單 及 全電子支付不收現金，極之討厭。

今日下午行過，見到下午茶餐幾吸引，所以入去試吓，結果幾好味 👍 叫咗牛小排及牛五花套餐。啲肉幾好食，嫩，加些醬汁一流，又有沙律菜，可減少油膩感。個餐有飯又有湯，仲加冇糖可樂 😊😊😊下午冇乜人，所以唔太壓迫，但櫈冇背，坐得唔太舒服。員工都好快手，自己落單後不久已將汔水送上，再等一陣已有食物，值得一讚。整體來講，食物質素唔錯，份量都算可以，價錢平，招呼都可接受，因此，會期待下一次再去食，可能去食午餐或晚餐👍

態度真是差到不得了，吾信或者犯濺中意受氣既人，可以繼續去受氣。我仲有成碟肉未燒，全部醬汁收起哂，佢話要收工，last order之後就要收哂D醬汁。4位吃不到1小時，埋單8百幾，吾係要high class服務，但未食完就收起真心差。9點坐低無幾耐，聽到有客人剛入坐，想坐正常矮台，職員話果邊收左，迫所有客坐埋一堆，吾好阻佢做野，然後職員將D抹布污水盤放哂上台，開始在你周圍抹，D油污/清潔劑有可能噴到食物食埋落肚，食都吾安樂。除左每人一份餐，我再加左幾碟肉，燒都要時間，50分鐘佢又催住交台，餐牌又何必甘多款式叫人加購，最後又催趕人走。食完自然會走，吾通留係度幫你洗碗咩！有甘既員工，上面管理人都一樣甘理念。所以寫乜意見都無用。祝佢哋出去食飯都一樣被人黑面無視催趕甘對待。

日本一人燒肉專門店「燒肉 LIKE」推出咗全新優惠下午茶套餐😍，激抵食高質一人燒肉 Tea Set 最平$38 起🫢！！真係超癲😳！！我第一時間就走去試吓，睇吓賣到咁平係咪依然咁高質😆。「燒肉 LIKE」喺全線分店推出 $3️⃣8️⃣起嘅超抵優惠下午茶套餐，逢星期一至五下午 3 點🕒至 5 點半🕠期間（公眾假期除外），以低至$38 嘅超值價帶嚟6️⃣ 款下午茶選擇，包括多款人氣燒肉部位選擇，部份套餐計起嚟仲抵過半價😍！！牛五花套餐 $48 (原價 $64)套餐包括飯🍚、和風湯🍵、泡菜🌶或迷你沙律🥗及飲品🥤，真係勁抵；牛五花🐂油脂飽滿充沛嘅牛五花口感軟嫩適中，烤至微焦後🔥，肉味濃郁😋！牛板腱 &牛舌套餐 $78 (原價 $155)油脂較少、嫩中帶爽口嘅牛板腱，以及柔嫩嘅牛舌，啱晒Duck哥🦆呢個牛魔王😂！叫任何下午茶套餐仲可以以限時優惠價$15 起追加單點肉品👇🌟牛板腱 50g +$35(原價$40) 🌟壽喜燒牛五花 50g +$25(原價$28) 🌟豬五花腩肉 50g +$15(原價$20) 🌟豬頸肉 50g +$27(原價$30) 🌟雞腿肉 100g +$25 (原價$32) 總括下午茶

喺奧海城嗰間燒肉like真係值得推薦。今日放工屋企無垍，去咗食佢哋嘅牛五花套餐同牛舌、牛板腱、橫膈膜肉套餐，肉質鮮嫩多汁，每一口都帶嚟滿滿嘅肉汁香氣，令人食後回味無窮。除咗牛肉之外，佢哋嘅雞軟骨同豬午飯腩都係一絕。雞軟骨外脆內嫩，豬午飯腩肥瘦相間，入口即化，配上香噴噴嘅紫菜我飯素飯同溫泉蛋，味道更加豐富。燒肉like嘅用餐環境簡約舒適，雖然只得60分鐘燒，但勉強都叫做夠時間嘅，讓人可以專心享受美食。

今日去奧海城2期食燒肉叫個黑毛和牛前胸肉&牛板腱套餐，嚟咗成碟脂肪，同呀侍應講太肥，佢回覆話和牛係咁肥，問係咪碟碟都係咁，佢語帶不屑話和牛係偏肥㗎啦，一係攞多一碟出嚟俾你㨂囉，跟住就收咗枱面原本嗰碟肥牛入廚房，之後大約3-4分鐘先攞住兩碟出番嚟，其實唔知點解要入廚房咁耐，係咪要搵一碟更肥嘅俾我㨂呢？出到嚟其實兩碟真係差唔多難分高下，咁就是但㨂一碟啦，個侍應即刻兩碟攞番晒廚房，反應唔切唔明白點解㨂咗嗰份都要拎入廚房，估計最少3分鐘左右先攞番出，唔知碟肥牛經歷過乜嘢，出番嚟就咁將碟肥牛放喺個餐盤旁邊枱面的位置就走開，唔係應該放番係餐盤裡面咩？喺邊到攞就放番邊到，唔係基本禮貌？侍應係好難做得好嘅咩？我即時拎轉頭望住佢，佢先行番過嚟將碟肥牛放番入個餐盤裡面再行開，咁即係佢自己都知道自己有問題啦！？旁邊兩位唔認識嘅食客其中一位都係叫同款和牛，都忍唔住話咁肥都唔切走多啲脂肪照磅，佢自己朋友都話，你真係好彩呀你碟無咁肥..廣告相片係靚啲會明白，但都真係相差好遠呀！走嘅時候再見都唔講句，算啦..反正唔會再見。這間店我都食過幾次，今日絕對係最後一次，以後唔會再幫襯！唉，態度咁差，唔怪得個個話要北上消費啦

我哋每人嗌咗一個豬頸肉配雞同豬腩肉300g嘅餐，再加咗兩份50g嘅豬腩肉，我哋食到三份一時間嗰時加咗個豬頸肉同豬腩肉，啲肉等咗好耐都未黎，到我再催佢，佢先問廚房！好啦，啲肉一到，即燒！個侍應就即刻行埋嚟話剩返15分鐘，咁啱我哋坐近住廚房出菜位，嗰三個女仔侍應企喺度望住我哋講我哋食得耐夠鐘盛仲要俾我聽到！大佬你幾塊生肉都搞咁耐先出到，仲要唔俾時間人，催催貢！我地已經盡量快手燒同食，後尾有個企門口冇戴眼鏡嘅女待應行埋黎西晒面話夠鐘！今時今日咁嘅服務態度得唔得㗎！可一不可再！

大部分bar 枱坐位冇靠背，坐得好唔舒服，叫了牛吞和牛頸脊200g, 切得好薄，整體來說一般，$15x 抵唔抵就見仁見智，套餐不包餐飲，要另加$15-$25，因為坐得唔舒服，食完就算

燒肉LIKE (奧海城2期) (大角咀)而家成日講MBTI，我自己喺食燒肉方面一定係E人☺️ 一班人齊齊燒肉最過癮，而且家人、身邊好朋友都係燒肉高手🥰 燒埋比我食😋 當然有時一人燒肉可以自主揀自己想食咩就食咩，想點食就點食，燒肉LIKE就可以滿足晒兩個願望！💟 牛小排&牛板腱套餐 (200g) $168「燒肉 LIKE」人氣之選，牛小排佈滿網狀油花，肉質軟嫩，入口即溶😋 牛板腱肉質較結實，牛肉味香濃。一次體驗兩種截然不同嘅口感❤️💟 和牛 LIKE 套餐 $148「和牛 LIKE 套餐」包含牛板腱、牛舌同特選日本產和牛肩胛肉。日本產和牛肩胛肉嘅油花細緻均勻，肉質細嫩，入口融化，散發出濃郁嘅和牛肉味，喺油脂較少、嫩中帶爽口嘅牛板腱，以及柔嫩嘅牛舌～地址：大角咀海庭道18號奧海城2期1樓106號舖