影片
营业时间
今日营业
18:00 - 00:00
星期一至日
18:00 - 00:00
*截单时间: 23:00
以上资料只供参考，请与餐厅确认详情
估唔到荃湾有咁正嘅串烧店。餐厅几大，七点几去到已经坐无虚席，食到九点几依然人流不绝。食串烧点可以无啤酒，先黎两杯 🔸️Sapporo，有买一送一优惠，只需 $48 超抵饮～ 🔸️盐渍A4宫崎和牛 $58和牛入口即化，牛脂香浓厚用盐做简单调味，已经好好食。🔸️盐烧豚肉豆苗卷 $28豚肉软嫩，卷住爽脆嘅豆苗，味道好清新。🔸️和牛棒 (配松露一口饭) $58推介～ 呢个和牛棒必点～ 和牛劲多汁，牛味浓郁，蛋汁再配黑松露，白饭令口腔充斥住黑松露香同蛋香，好有惊喜。 🔸️焦糖青苹果鹅肝多士 $108见都几多客人有点鹅肝多士，所以试下。鹅肝香滑，苹果带微甜微酸，配多士食层次丰富。 🔸️蒜香牛油酒煮蚬 $68蚬肉鲜甜弹牙，有牛油芳香，但略嫌汤底偏咸。 🔸️汁烧免治鸡肉软骨棒 $36鸡软骨弹牙，加上蛋黄蘸汁，浓郁而不腻。 🔸️牛油果豚肉卷 $28豚肉烧得香口，又食到牛油果 creamy 滑溜。 🔸️麻辣墨鱼须 $22墨鱼须爽弹，麻辣味道都几劲，令人一食上瘾。🔸️黑糖烧菠萝 $20🔸️糖不甩烧汤圆 $22菠萝加上黑糖烧，酸甜多汁，令餐饭好解腻。
继续阅读
朋友介绍烧烤堂嘅性价比好高，一直冇机会试，今日去开荃湾就去试下系咪真系咁正先，一入到去，个感觉已经好好，环境好舒服，野食都未叫就即刻有个炉放喺度，啲嘢食可以keep住热辣辣，仲有柠檬角同埋夹，真系好细心👍好啦，唔讲咁多，即刻入正题，睇下我今次食咗啲咩好嘢！⭐️Sapporo生啤买一送一，咁抵嘅嘢，梗系要嗌返杯嚟chill下啦！配串烧真系一流😍⭐️ 盐烧鸡中翼(两只)食串烧点可以冇鸡翼？鸡翼香脆，一只食盐烧，另一只加埋柠檬汁，两款口味都咁好食😋⭐盐烧原块鸡皮大大块够晒脆卜卜，送酒一流！👍⭐和牛棒（配松露一口饭）一坐低就介绍系新产品，就嗌左。呢个真系必食！落到枱会即场加芝士，之后仲会教你点食，将啲蛋同饭捞埋，和牛分三份，一口和牛一口饭咁食，个饭劲香蛋味同松露味，和牛入口即溶，正呀🤤⭐️盐烧牛舌芯牛舌系我每次食串烧必食嘅，li个牛舌好嫩，赞！👍⭐秘制烧羊架好香羊味，但又唔会好骚，大大件，啖啖肉，正😋⭐牛油果豚肉卷牛油果够晒熟，豚肉加埋沙律酱，面头仲有紫菜，外脆内软，牛油果几乎入口即溶，好正😋⭐黑糖鳗鱼芝士玉子烧呢个真系有惊喜！玉子上面加左焦糖，焦糖面食落脆卜卜，玉子入面包住鳗鱼同芝士，食落外脆内软，甜甜地，好香鳗鱼味，大爱😍⭐️柑桔咸蛋黄卷见佢咁特别，谂住试下，点知又有惊喜！咸蛋包住粒柑桔，之后仲要炸嘅，食落外面好酥脆，入面食落甜甜地，好特别，好好食😋⭐盐烧准山⭐盐烧莴笋厚切，有口感，食完咁多肉，要食返啲菜平衡下！
继续阅读
每次约朋友食饭，我都会推介去烧烤堂🤗荃湾果间真系好方便又近我地💓最正系SAPPORO生啤买一送一🍻但凑小朋友就唔饮噜～烧烤堂既串烧款式真系好多选择，仲有个火炉热住啲野食🔥呢度既店员都好友善，上菜速度够快，基本上唔洗等好耐就上齐野食🥢厚切盐烧牛舌拖罗我系牛舌迷😍每次必叫🫶🏻盐分岩岩好唔会好咸，牛舌肉质弹牙，之前有食过牛舌芯，都值得叫黎食💓香气十足🥢蒜蓉烧生蚝又系每次都会叫黎食🤣大大只生蚝烧完都唔会缩水，满满既蒜蓉，入口嫩滑无腥味，爱蒜之人会好钟意🥢盐烧A4宫崎和牛脂肪油花分布平均，肉质细嫩爽滑，原汁原味既口感🥢手切牛胸爽口感十足，越嚼越香，有d油脂渗出更香！🥢牛油蜜糖粟米大约半条粟米既大小🌽牛油味好香，但如果再多少少牛油蜜糖就好喇🍯🥢孜然烧蒜蓉茄子原条茄子烧得软熟又香，大大条再加上满满既蒜蓉，提升川烧辛辣既味道🥢焦糖鳗鱼玉子烧每次都会必点🫶🏻玉子烧表面沾上焦糖，烧完好脆香～鳗鱼肉质够鲜嫩🥢焦糖青苹果鹅肝多士大大件既鹅肝非常丰腴，多士够香脆，夹住青苹果可以解腻🤩劲好食！🥢秘制烧羊架羊架无羊膻味🌟经过腌制后非常惹味，羊肉保留与嫩度，建议唔好烧太耐，免得overcooked🤗🥢盐烧三黄鸡腿肉三黄鸡既鸡腿肉好鲜嫩，一咬有微微油脂，烧得岩岩好👍🏻🥢鳗鱼炒饭色香味俱全😝除左饭既表面有一块鳗鱼之外，饭里面仲有鳗鱼粒，细细碗但性价比都算高！饭粒分明，值得推荐比所有鳗鱼爱好者💓🥢豚肉日本苹果卷薄薄既豚肉包住苹果肉，可以解腻👍🏻🥢牛油蒜蓉焗金菇大人小朋友都智喜欢😆香浓既牛油配搭金菇，绝对系食串烧既必点之选🥢芒果乳酸smoothie既口感，一边食一边饮就啱晒😙另外再叫左大大个椰青比小朋友，食串烧饮椰青可以降低热气，椰青新鲜又清甜，小朋友好喜欢😌
继续阅读
cheat day的快乐🎊只有一班朋友出街食饭 𠮶日就可以怒吃一波🥰打完波 成班人一定系食宵夜啤啤佢先够爽🍻NO.1 必嗌❤️🔥 盐烧原块鸡皮块鸡皮烧到晶莹剔透 薄到透光🌟咬落去脆卜卜 加埋椒盐同鸡油既咸香咸香 最尾encore 左5块😭🦴免治和牛棒见到佢系新品 要试试佢👅惊喜位 系有配温泉蛋同松露一口饭♨️一啖和牛 一啖蛋浆饭 好满足😌🐥鸡皮墨鱼滑鸡皮完美地包住 墨鱼滑🦑外脆内弹牙 🦪蒜蓉烧日本广岛蚝一啖大满足 口感丰富 🐿️🍃每次食烧烤堂就火力全开 成日都唔小心叫多咗嘢食🫢所有串烧都好高质 仲有加热炉俾你 keep 住warm住啲串烧 确保每一啖都系新鲜滚热辣！住啲串烧确保每一啖都系新鲜滚热辣
继续阅读
👍 和牛棒 (配松露一口饭) $58和牛牛肉碎整成嘅棒肉，经过烤制，鲜甜美味，一大碗饭上面仲配有松露同埋一只无菌鸡蛋，捞埋一齐食好正。👍 蟹肉芝士最中饼 $48一份有两个盒饼，内里𫗵满鲜蟹肉碎，混上芝士酱汁，令𠮶饼仔更好食。👍 焦糖鳗鱼芝士玉子烧 $38 X2鳗鱼卷玉子面头啲焦糖脆卜卜甜蜜蜜，玉子嫩滑，里面𫗵有一卷鳗鱼肉，整份大大件，几抵食。👍 麻辣墨鱼酥 $22 比较辣味，一串细细粒4小粒，最适宜用嚟𩠌酒。👍 札幌赤鲷一夜干 $38 X2一串有一大嚿 鲷鱼鱼腩， 因为已经浸咗一夜嘅咸水， 所以鱼肉本身已经有少少咸味，烧起一串淡淡肉，好食😋👍 盐烧马友 $128 呢条鱼系呢餐价钱最高嘅，因为烧烤每串都系几十蚊，但呢条烧马友 应该好值得点，因为都相当大条，冇一斤都有八两，烧得鱼皮香脆，鱼肉更系鲜嫰多汁， 虽然跟餐提供咗 黄豆酱 同辣椒油， 但系啲鱼肉够鲜甜，根本唔使蘸任何嘢都好好食😁👍 盐烧白鳝 $24 X2白鳝大件，咬落爽口弹牙，因为系盐烧，有香浓咸香味同鳝鱼鲜味。👍 盐烧豚肉荔枝卷 $22 一串3粒，用肥猪肉包住 一粒荔枝，外面有油香嘅猪肉味里面就系甜甜糯糯，原来烧肥肉同荔枝味道系十分夹嘅。👍 七味汁烧 猪大肠 $24猪大肠烧得好惹味，但系比较干身，表面撒咗啲七味粉一齐烧，又系用嚟送走酒一流。👍 盐烧A4宫崎和牛 $58呢件和牛肉应该系顶级嘅，肉质地好靓，将雪花牛肉烧热，入口即溶，可惜一串唔系好够喉，如果下次嚟应该要多几串。👍 盐烧和牛牛小排 $48三段牛小排，用香葱间住成一串，香喷喷热辣辣，牛小排牛味都相当浓，佢嘅油脂程度其实都比得上上面嘅宫崎和牛，都系烧牛肉控嘅至爱。 👍 汁烧鲜鸡肝 $28一串有几粒鲜鸡肝，上面有满满嘅烧汁，鸡肝整得干净一啲腥味都冇，口感软糯惹味👍 盐烧原块鸡皮 $22 X2 串起一大块鸡皮，薄薄一片，咬落脆卜卜，好有咸香味，十分邪恶。 可能呢个因为系即场即点即烧，薄薄地一片最快烧香，几分钟就可以上枱。※ 以上X2 表示试过后觉得太好味→加单多来一份即打芒果乳酸 $28 青柠菠萝梳打 $32↑好多烧烤店都系借饮品来赚钱的，但这家【烧烤堂】饮品价钱合理，两杯冻饮都大大杯，味道仲唔错😊味道：8/10性价比：7/10
继续阅读