影片
26蚊烧味饭🙃🙃🙃🙃好平仲送半只咸蛋捞饭但系烧肉同烧鸭就一般啦😵💫😵💫😵💫😵💫烧肉皮脆既，不过就做唔到芝麻皮烧鸭好开心😚😚😚😚系比髀位，可惜系黑左d可以比多次机会既
继续阅读
估唔到以家仲有22蚊烧味双拼饭，呢个价钱真系时光倒流返左去十年前咁。第一次食，叫左烧肉叉烧饭同烧鹅烧肉饭，叫烧鹅既双拼收30蚊。打开饭盒既时候都好有惊喜，因为并唔系每样烧味得四小旧，呢个份量唔会食唔饱。而且味道都合格，如果加钱有埋例汤就更加完美。呢间价钱都比较亲民唔贵，岩哂夜晚斩料加𩠌，一只鸡都只系78蚊，见到佢仲有烧腩仔，海蜇，泰式凤爪，薰蹄，牛展，卤水鸭同手撕鸡等等，选择都好多，总有一款岩你口味。
继续阅读
朋友在附近雍字头楼盘新居入伙，今日去佢屋企，梗系唔可以两手空空啦！见到前少少有呢间烧味卤师😍👍🏻，就知道一定要买，因为食㖞佢哋分店都相当好味！今次都系嗌返照旧啦，至尊烧鹅$120下庄，味道唔错，外皮香脆，唔会太肥。叉烧$40一斤，好抵食，肉质够软熟，唔会太肥，喜欢。沙姜盐焗鸡，$40半只，啖啖肉，唔错，而佢哋沙姜酱汁系分开，喜欢可以将盐焗鸡点一下啲啲汁，几好。最后仲有海蜇凤爪，佢哋嘅凤爪系去晒骨，食得好方便，好推荐大家买！
继续阅读
放假约咗朋友去葵涌饮茶，回程时路经石荫路，醒起街角位有间「烧味卤师」，平时好少会嚟开呢头，难得今日经过，一于过去买啲烧味返屋企今晚做𩠌。橱窗入面挂满了各式各样嘅烧味，有贵妃鸡、豉油鸡、烧排骨、烧鸭，烧鹅，琳琅满目，另外仲有唔少卤水同凉拌冷盘等供应，款款都好吸引。店舖入面设有自家工场，听店员讲，佢哋嘅烧味全部都系即场烧制，十分新鲜，绝对系斩料加𩠌嘅好选择！样样都想食，心大心细，就一于买多两三款返去，同屋企人一齐分享。至尊烧鹅 (下庄) $120：之前都喺其他「烧味卤师」分店买个烧鹅，知道佢嘅品质唔错，所以今次亦二话不说再翻兜。果然冇令人失望，虽然拎到返屋企先食，但系外皮仍然好香口，鹅肉不韧，皮脆肉滑又多汁，吃得人津津有味。 烧味佬叉烧 $40：叉烧水准亦不俗，半肥瘦，肉质松软又唔嚡口，咬下更带油脂甘香，调味亦啱啱好，唔会过咸或过甜，而且有几件仲有㶶边添 👍👍另外盒沙姜盐焗鸡 $40 都好正，鸡皮爽滑，鸡肉幼嫩又有鸡味，入口不肥不腻，咸香入味。睇得出师傅刀工唔错，鸡件斩得干净俐落。海蜇拼泰式凤爪 $42：凤爪用左秘制酸辣汁炮制，入口酸酸辣辣，加上凤爪已作剔骨处理，啖啖都系肉，口感一流！海蜇粗幼度适中，入口爽脆弹牙，配埋面头嘅芝麻一齐食，超惹味。
继续阅读
假日时候，又系唔想煮，决定出街买啲烧味斩料🤪🤪呢一间之前已经喺其他分店试过，价钱又平又大份🫶呢间分店喺转角位，非常容易睇到～肉类全部整齐地排好，色泽鲜明～劲靓❤️价钱真系好优惠！双拼饭都系$22咋！今次又斩几样嘢返屋企😇 等咗几分钟已经拎得🥢至尊烧鹅～必食推介，油香十足 特别系个外皮 ～鹅油劲香 💯🥢砂礓盐焗鸡肉质鲜嫩，佢仲俾埋啲葱油 同埋砂礓汁 ，钟意点边只酱汁 悉随尊便👍🥢烧味佬叉烧 非常多汁又好吃，半肥瘦劲正 ！🥢泰式凤爪 配埋海蜇，爽口弹牙，夏天食呢个冷盘一流！咁多样嘢加埋都系二百几蚊，性价比真系好高！想特别提一提呢度啲姐姐超级好人，态度非常之好 又满足你要求呢间烧味舖已经成为我日常加送嘅地方啦~~
继续阅读