烤魚工房 (登打士廣場)

鹹蛋蒜香酸菜味烤魚，魚皮焦香酥脆，魚肉鮮嫩入味，配菜吸飽了湯汁，串燒雞肉，牛肉，豬肉，掩料入味，肉質豐厚多汁，烤茄子蒜香味香濃，特別是皮脆，水果茶，水果味濃郁，啖啖豐有百香果鮮味。…查看更多

今晚專登去咗旺角呢間人氣烤魚工房，果然名不虛傳！揀咗招牌麻辣烤魚，一上枱香氣撲鼻，內裡肉質卻保持鮮嫩滑溜，完全冇腥味。麻辣湯底層次豐富，麻而不嗆，辣得過癮！仲加咗牛肉做配料，索盡湯汁精華，非常入味。環境充滿江湖氣息，坐得舒服，服務員態度殷勤，會主動加湯。價錢合理，絕對會encore！」旺角烤魚工房嘅烤魚真係無得頂！魚肉鮮嫩多汁，麻辣湯底香濃惹味，配料豐富又入味。環境熱鬧，服務快手，係同朋友聚餐嘅好地方！極力推薦！…查看更多

哇 呢間店真係不得了 出邊冇人招呼啦 之後入到去 唔係好多人嘅 好多位置啦 但係明明啱啱開始俾我哋坐好嗰個檯 一陣間有一個男仔過嚟話 呢啲訂咗枱嘅 唔俾坐 帶我哋去返好窄好小的位 咁都算啦 之後冇人招呼又唔攞返啲餐牌俾我哋 真係嘥氣…查看更多

最近同朋友去咗一間主打烤魚同串燒嘅餐廳，整體體驗非常滿意，食物夠味又有驚喜，環境都好啱聚餐，以下係我哋試過嘅幾款推介菜式：鮮青椒味烤魚（江團魚）必點之選！青椒加藤椒嘅香氣非常突出，麻味濃郁但唔會太刺激，辣度仲可以自選，今次揀咗小辣，譚仔10小辣等級嘅朋友都應該可以接受。魚肉選用江團魚，細骨唔多，肉質嫩滑又夠入味，真係食到停唔到口！串燒組合（48串）串燒種類超多，配搭孜然粉香氣十足，燒得啱啱好，唔會乾。同朋友一齊share最啱，邊傾計邊食串燒，氣氛一流！鐵板包漿豆腐豆腐滑溜溜，熱辣辣上枱，面頭鋪滿蒜蓉，燒烤香味撲鼻而來，口感同味道都好有層次，係我哋一致好評嘅菜式之一。芥末魚皮爽脆口感一流，芥末味夠但唔會攻鼻，作為前菜非常開胃，食完仲想encore！至尊水果特飲大大杯又足料，入面有西瓜、橙、奇異果、檸檬等多款水果，酸甜清新，最啱用嚟解辣解膩，飲完超舒服！環境方面冷氣夠凍，座位寬敞，仲有好多卡位，坐得舒服又有私隱感，非常適合三五知己聚餐，傾計食嘢都好自在。總結：無論係烤魚、串燒、豆腐定特飲，每款都各有特色，味道出色，環境又舒服，絕對係值得再訪嘅餐廳！下次想食辣又想聚餐，不妨考慮呢度～🔥…查看更多

行經過登打士街，下午時分冇乜人，試吓呢一間咁多人讚好嘅烤魚工房。侍應服務好好，好可惜條烤魚一上嘅時候，叫我哋等幾分鐘等到滾為止先至食，已經心知不妙，全盤魚都係凍嘅，條魚根本唔係條魚根本唔係新鮮烤完先至上枱，而係響雪櫃拎出嚟㗎。根本全部都係預製菜，一啲魚味都冇。只係用大量嘅花椒去掩蓋唔新鮮嘅味道！唔會再有下次，亦都唔會再去呢間！…查看更多

星期六買完波鞋轉入登打士街見到有烤魚工房嘅招牌，之前朋友曾經介紹過好食，但成日都排長龍，咁就上去一探究竟啦！星期六 9PM 餐廳好冷清，完全唔使排隊，眼見全場得三枱客，經濟低迷，個個都北上食喝玩樂我哋揀咗鹹蛋蒜香酸菜江團魚辣度/麻度/油度都可以自行選擇而我哋第一次試就「小辣小麻小油」啦！店員一拎上枱，我哋都嚇親，條魚超大條，兩個人係食唔晒嘅😆跟住嗌咗個烤茄子送飯，綿密多汁，送飯一流！好食！然後在嗌多咗個錫紙娃娃菜～多汁入味！至於飲品，我哋試咗金桔檸檬特飲同芒果沙冰，芒果沙冰係真係有果肉，都幾大杯，好飲！…查看更多

第一次係香港食烤魚，隨著大陸烤魚飲食文化逐漸興起，香港都陸陸續續多咗好多烤魚店了，呢間都好食啊。鹹蛋蒜香酸菜味烤魚，我揀咗海鱸魚，條魚都真係幾大條，2-3個人食都足夠，鱸魚碎骨不多，方便進食。至尊水果茶，大大杯水果茶，有真水果肉，味道不會很甜，酸酸的很清新。…查看更多

鐘意食辣食魚必食推薦😋我個人吾鐘意食太油烤魚工房嘅青花椒就最適合👍又無辣油又夠香夠辣煎過嘅魚仲外脆內軟肉質夠滑😍食完條魚配菜當然吾小得寬粉夠入味同煙靭，超有質感另外仲有串燒，好有大陸風味留港消費都食到好物極力推薦燒豬大腸，外脆內軟仲有口香入口嘅肥膏😜燒生蠔夠蒜夠肥味整體食烤魚都會推介烤魚工房😊…查看更多

食品於點菜時已要求小油，小鹽，小麻，多湯，無一樣有做到，此外營業時間並非23：00收舖，事實係22：30,當時九點多入舖，已有服務員指明22：30要收舖，我們並没有問題，坐低時又再有人來說22：30收舖快點點菜，上菜時又再指明22：30要收舖，上菜後立即收款再指示22：30閂舖，期間服務員每五至十分鐘提示”食快啲“,我們用餐至22：15，大約都聽到七至八次22：30閂舖，其實營業時間不為什麼更正寫回22：30，可以讓客人考慮時間問題，不至於食飯時間都會所有服務員要去不停提點？很騷擾…查看更多

今日同朋友行到過嚟呢度附近見到有烤魚工房🍗🍗🔥🔥😁😁睇佢個招牌已經畀佢心心咁樣吸引住💗💗💗💗見到佢哋竟然仲有位就梗係入去試一試佢啦一坐低我哋就即刻嗌咗個烤魚👍👍👍👍🔥🔥🔥🔥跟住食咗少少然之後再嗌啲串燒仲有嗌咗杯嘢飲💗💗💗💗魚肉彈牙非常之好食佢個辣辣地嘅湯底超級開胃😋😋😋😋嗰杯水果茶非常之新鮮甜味恰到好處非常之飲到每一樣生果嘅鮮味啲串燒亦都非常之咁燒得恰到好處唔會太窿都唔會太生…查看更多

星期三來到這裡 也是坐無虛席 看到一大鍋烤魚在每一張枱上 相當吸引 😋🐟鮮青椒味烤魚 $329每次吃烤魚 都著重魚肉嫩滑之外 要少骨店員說江團魚較鮮甜嫩滑 只有一條大骨 但個人認為未有所想般嫩滑 相反肉質較為實 但魚被先煎香是挺香口的 也是好吃的海量的青椒 加上可選少麻少辣少油少咸 味道剛好 不會太重口味另外還加了其他配菜 每份$20 有嫩滑鴨血 煙韌寬粉 娃娃菜及索滿湯汁的邪惡海苔響鈴 🍘紅糖糍粑 $42原本滿心期待點這個吃 但未如個人理想口感未到軟糯 外表有點偏硬 彷如吃飯焦口感般😋🍋‍🟩手打鴨屎香香水檸檬茶 $45可以同朋友飲勝既份量 真令人滿足 香水檸檬份量很足 粒粒果肉佈滿杯 檸檬的清香很清爽又解膩 少甜少冰是相當合適的選擇…查看更多

之前疫情嚟，要排好耐隊，而家唔使排隊太好啦服務質素越嚟越好啦！魚都係咁好味😋，配菜都好多㗎，有d好特別的菇菇，敲大腸最正好脆沈d粉都好好味，希望出多啲細份量嘅菜式😋…查看更多

食過酸菜魚、最出色就係烤魚工房、肉質鮮甜、酸菜魚🐠、酸酸辣辣、非常惹味、味道出色、食完會想再食、加上白飯係出色架配搭、可以食多兩碗！雖一缺點要排隊😮‍💨要提早到場拎票、不可留位🙄…查看更多

三個人去，兩個食得辣，我就只可以小辣，所以就我點了小辣中麻的毛血旺江團烤魚，再加了豆花、海苔響鈴同黑牛柏頁，仲有乾鍋紫蘇田雞。⭕️毛血旺江團烤魚個鍋上枱時滿滿食材，十分足料，毛血旺有鴨血、午餐肉、黑牛柏頁、土豆片、蓮藕片，江團魚也足夠三人食，小辣辣度剛好，唔會太淡，食到辣也夠香。⭕️豆花一定要點，豆味香濃，食後豆香留喺口中久久不散。⭕️海苔響鈴雖不是即炸，但用嚟吸湯汁食，也十分滋味。⭕️黑牛柏頁火鍋必備，爽口⭕️乾鍋紫蘇田雞田雞用薄粉炸過再炒，外微脆肉嫩，紫蘇香，有水準。⭕️至尊水果茶、芒果沙冰足料又好味，解辣，食辣嘢絕配。⭕️服務幫我哋影相的小姐姐，十分nice有心機，我們一家三口的合照影得好靚，而其他服務員都好主動，見到少湯就主動加湯，個火食到剛剛熄了，佢仲快過我睇到，主動加燃料，好細心，抵讚。因為只得三個人，食完以上已經飽飽，下次要再試其他😊😊…查看更多

嚟咗好多次，今日再一家人一次嚟食，清今日食青椒味烤魚，魚肉非常之滑，江團魚必食！烤串燒都好入味，芒果沙冰好好飲，食辣飲特飲絕配👍👍👍餐廳好乾淨，服務員都好好…查看更多