烤叉燶

营业中

休息中

其實K11 Musea 唔係全部都係貴餐廳，在B2層有個坐得舒服升級版的food court，價錢大眾化。見有間燒味店好吸引，就做今晚晚餐。兩個人叫咗兩份餐黯然銷魂燶邊三蛋飯即係叉燒飯，叉燒薄切，真係做到有窿邊，肥瘦適中，靚肉質，送飯食一流。加咗三隻蛋賣相吸引，加分。雙拼三蛋飯跟套餐- 燒腩仔 +燒鵝（+$7）燒腩仔有驚喜，脂肪同肉層層分明，皮脆肉嫩，食得出豬肉新鮮，唔會太鹹。燒鵝充滿油香，皮薄加薄脆，稍為肥咗少少，整體感覺唔錯。呢份跟餐多咗菜， 飲品或例湯揀一。我揀咗湯，熱辣辣，足料，感覺冇味精。唔錯之選。油菜正常中規中矩。總括嚟講，屬於高質燒味店，坐得舒服，下次再幫襯。

尖沙咀是吃喝玩樂的集中地，可說是美食處處，來到K11 Musea的food court，這間店鋪陳設著多款燒味，多汁有光澤，賣相頗為吸引，還有滷水食品，於是就在這處吃個晚飯。焦蜜叉燒飯叉燒飯的叉燒色澤先亮，有著一定的份量，上面鋪滿大大堆葱粒，叉燒外層焦香，肉質鮮軟嫩滑，肥瘦適中，飯粒吸收了蜜味的叉燒汁，口感濃郁，加上蔥粒清香，讓整體味道更加豐富，令人回味無窮。滷水拚盤飯滷水配料色彩繽紛，有墨魚、雞翼、紅腸和鹵水蛋， 鹵水的味道醇厚，令食材的味道充分展現，搭配香噴噴的熱飯，每一口都充滿家庭 的味道。置身於休閒自在food court，享用地道的燒味滷水食品，有著一種溫罄的感覺。

最新在K11 Musea一家燒味店烤叉燶，真係令人眼前一亮！這裡的黑毛豬肥叉燒飯和黯然銷魂「雙拼」燶邊三蛋飯，真的是味蕾的極致享受！### 黑毛豬肥叉燒飯這道菜絕對是我的心頭好！叉燒的肉質非常鮮嫩，外層的焦糖化程度恰到好處，讓每一口都有濃郁的香氣。特製的醬汁甜而不膩，與叉燒的豐富肉汁完美融合。飯粒則吸收了叉燒的精華，柔軟而富有彈性，口感一流！吃上一口，瞬間幸福感爆棚！### 黯然銷魂「雙拼」燶邊三蛋飯這道雙拼絕對是燒味控的最佳選擇！燒腩仔的脆皮咬下去時發出清脆的聲音，肉質鮮美，油脂適中，簡直讓人陶醉。而豉油雞則是經典中的經典，肉質滑嫩，醬汁香濃，搭配飯吃，簡直無法抗拒！三蛋的加入，讓整道菜色彩更加豐富，也增添了蛋香，使口感層次更佳。注意午餐時段人流較多，建議避開高峰時間，輕鬆享受美食！## ❤️ 【總結】烤叉燶的每一道菜都讓我驚艷，特別是黑毛豬肥叉燒飯，真的值得一試！如果你也是燒味愛好者，千萬不能錯過！下次來尖沙咀，一定要來試試這家！#燒味控 #尖沙咀美食 #烤叉燶 #黑毛豬肥叉燒 #美食推薦 #食評 #K11Musea #雙拼燶邊三蛋飯 #美食日記 #香港美食 #foodie @xo.

K11 MUSEA B2層的Food court有間叫烤X燶嘅餐廳，佢地餐單上嘅圖片非常吸引，仲要係三蛋，簡直好邪惡。黯然銷魂「雙拼」燶邊三蛋飯呢個飯真係同圖片一模一樣咁大份，咁足料。叉燒係半肥瘦，有少少燶邊同蜜糖味。燒腩仔三層分明，皮好脆，肉好彈牙，肥而不膩。三隻太陽蛋好流心，用筷子輕輕一篤，橙色嘅蛋漿即刻瀑布式湧出，撈飯一流。黯然銷魂燶邊三蛋飯套餐包埋油菜同凍檸茶。叉燒份量好多，鋪到整座小山咁高，目測至少有12-15塊，而且好冧，一d都唔柴。菜心新鮮，淋左少少豉油。凍檸茶茶底濃郁，雖然甜度固定但唔算太甜。

今日來到K11 MUSEA 的food playground 搵食，星期日的下午人頭擁擁。有好多食店的選擇，最後選了這間用霓虹燈作招牌很突出的烤叉燶有燒味、滷水及飯食選擇，他們有單點或套餐的組合，份量及賣相都不錯。焦蜜叉燒是他們的招牌，用黑毛豬梅頭肉來烤製，肉質軟嫩，肥瘦均勻，以麥芽糖燻烤，味道甜甜的，帶點果木香，如果有燶邊就更好了，他們的蔥油亦很好下飯。套餐會配上例湯及時菜。另外單點了他們的另一招牌，至尊古井燒鵝飯，每件斬得大小均一。選取黑棕鵝來醃製，再烤至金黃皮脆，肥瘦均勻，肉汁飽滿帶點熏香。

📍 烤叉憹－尖沙咀雖然依間餐廳只係喺food court，平平無奇，不過我都見到好多人食晚餐，佢仲有招牌燶邊蛋，份量正正常常，仲可以加$10有個套餐，有菜同飲品，喺尖沙咀嚟講價錢合理😍 ✨ 鹽香燒腩仔飯燒腩仔醃得勁入味，肉香軟滑係真正嘅半肥瘦🐷啲皮燒得好脆🐷果然係我最愛😍其實本人比較中意佢既鹹香味😌😌😌每咬一啖就用黎撈飯既節奏😌✨ 燒味雙拼飯呢度既另一款招牌係叉燒，叉燒都有分兩款～｛焦蜜叉燒、黑毛豬肥叉燒｝，但由於黑毛豬肥叉燒太好賣，當我晚餐時間，經已冇得食了，甘我唯有叫左，叉燒加燒腩仔燒味雙拼！我就嗌左半肥瘦叉，完全唔柴，中間有啲肥膏都好，肉質嫩滑，蜜汁滲透入肉，甜而不膩，焦香邊位更加係精華🥰

每次行完K11 Musea，都好鍾意去B2嘅Food Playground 搵嘢食‼️無嚟一排，有啲餐廳都唔同左～～呢間食燒味飯嘅餐廳，個名好搞鬼烤叉燶「黯然銷魂雙拼燶邊三蛋」黯然銷魂=叉燒，我就order咗叉雞飯😃最吸睛係燶邊三蛋，蛋白煎到燶邊真係好好食，蛋黃又做到流心❤️叉燒好厚切，肉質一啲都唔鞋烤到外層焦脆，蜜汁味夠香，入口肉質好軟彈豐富嘅蔥油好加分，油雞一定要配蔥油，油雞肉質好嫩滑不過單拼就真係單調左啲，所以一定要有埋燶邊蛋先perfect

🔶🔷🔶燶邊蛋同叉燒 問你忍唔忍得住🔷🔶🔷⬇️睇內文食評同地址啦⬇️。K11 Musea樓下個food court出名好坐又企理，入而d餐廳仲要比一般food court高汁。而家新開左間燒味店，有燒味有潮州滷水。黯然銷魂燶邊三蛋飯（$78）套餐有油菜同飲品/湯跟埋，叉燒唔鹹，少少燶邊，配埋三隻蛋拌飯一齊食，真係香港原創美味。燒味雙拼（$81）雙拼加咗$7 轉燒鵝，燒鵝入口鬆化，另外叫咗豉油雞，配埋蔥油一齊食，真係食到好多飯。📍烤叉燶 (尖沙咀)尖沙咀梳士巴利道18號維港文化匯K11 Musea B2樓Food Playground 203號舖

今晚同先生試咗兩款四寶飯套餐。首先係經典四寶飯，主角叉燒入口軟嫩，醬汁入味，甜鹹適中，令人回味。配上香滑嘅雞件，口感一流，紅腸同咸蛋亦都係點睛之筆，增添咗唔同嘅層次感，整體味道和諧又滿足。另一款滷味四寶飯同樣吸引，有滷香濃郁嘅墨魚同雞翼，紅腸同滷蛋亦唔失色。雖然食材組合新奇，滷味嘅風味都幾香，但相比之下，略為遜色於經典四寶飯，可能是因為叉燒同雞肉嘅搭配更勝一籌。套餐仲包一杯飲品同小菜芥蘭，性價比不錯。不過芥蘭味道稍為偏苦，略為影響咗整體體驗。如果鍾意經典港式風味，推介四寶飯，絕對係滋味之選！

今日在K11 Musea返工，收工去左food court 搵好野食，種類都有好多揀，眼見這間是最多人所以就揀左這間🥰 佢有套餐同單點揀，套餐就會有個菜同個湯，湯是以罐頭牙式，打開就可以了☺️「紹香豉油雞飯」 好香豉油雞味，肉質滑嫩，加左薑容配埋飯，是絕配呀❤️ 由於個碗好大， 份量看似不多，其實份量剛好呀👍🏻「燒味雙拼-叉燒+燒腩仔飯」我專登叫了肥叉燒，正呀！肥肉瘦肉隔住好好味呀🤗至於燒腩仔也不負眾望，皮脆肉夠味👍🏻

K11 Musea Food Court 好多嘢食，見Gaia旗下嘅烤叉燶燒味幾正又多人幫襯，試試佢～～🥢黯然銷魂雙拼燶邊三蛋飯 $78有叉燒/豉油雞/香妃雞/燒腩仔/紅腸，揀咗叉燒、燒腩仔，以food court嚟講，叉燒好出色，半肥瘦口感腍又入味，燒腩仔大件，+$7仲可以轉燒鵝，三隻蛋黃雖然邪惡，但係撈埋啲飯一齊食好香🥢紹香豉油雞飯 $68又係好出色，雞肉超嫩滑，仲要係冇骨，雞皮係豉油調好入味，加埋薑蓉超滋味，不經不覺食晒啲飯，正👍🏻🚩烤叉燶 (尖沙咀) @xo.roaster 📍尖沙咀梳士巴利道18號維港文化匯K11 Musea B2樓Food Playground 203號舖

俾佢啲圖同埋樣呃咗，個叉燒好難食，啲肉質好似食緊紅腸咁。加$10個套餐得三條好有幼尾尾嘅菜兜飯應該係薑蔥最好食。嗰幾隻蛋冇乜特別，唔流心，有啲太熟，都唔可以撈飯。

呢碟叉燒飯加三隻太陽蛋真係不得了！一上枱已經聞到好香，叉燒燒得好靚，邊位有少少焦糖化，睇落已經流晒口水。叉燒肉質鬆軟，肥瘦均勻，蜜汁好夠味又唔會過甜。撈埋啲飯食，真係啖啖都係幸福嘅味道。講到個蛋，三隻太陽蛋排排企，一篤穿蛋黃，金黃色嘅蛋液流出嚟，撈埋叉燒汁同飯一齊食，嗰種滑溜又香濃嘅口感真係冇得輸！邪惡但又令人食到停唔到口！成碟飯份量十足，食完超滿足。作為 Comfort Food，佢絕對係出色！

K11 Musea B2 Food Playground新開燒味店，開張第一週有優惠，馬上去試下。揀咗三蛋加燒味雙拼，+$7就可以拼燒鵝。叉燒用梅頭肉好入口，燒鵝唔肥，搭冰花酸梅醬都幾正。流心蛋最正，真係有三隻蛋，而且隻隻流心，唔知道店員一日要煎幾多蛋。而且賣相好睇，鬼佬經過都問邊度賣

新開張燒味舖，係K11 Food Court入面，超多人排隊，原來有開張優惠，八折到23/5叫左個黯然銷魂燶邊三蛋飯，d蛋好靚！因為太鍾意食蛋，所以再加一粒😂粒粒蛋都煎到啱啱好，金黃流心，蛋邊脆口，再將d蛋汁撈埋d飯，超正！望落好治癒🥹叉燒肥瘦啱啱好，好入味，又幾淋！蔥油都比得足，撈埋d飯超級邪惡，好味🤤叉燒蛋同飯都份量十足，一定食得飽，女仔黎講可以扣底，男仔食應該啱啱好😋估唔到food court都可以食得咁高質燒味飯，值得encore！