影片
之前试业试过，几好食～全部都系试外卖多～堂食既好似好少人咁～座位都几多，下次有机会希望试下堂食～呢两日都系食佢既早餐&午餐选择都几多～价钱好合理～早餐试左佢地既沙嗲牛公仔面唔错，炒蛋好滑～迷你菠萝油唔会碎到一地都系～可能系偏湿既关系～但整体好好食～值得一试Lunch 食麻辣鸡扒捞丁，唔太够辣，鸡扒有小小鞋～但煎得几香口～配红豆冰～正常发挥～整体都系好食～值得推荐既餐厅～真心希望大家可以支持下～唔好比佢执😂
继续阅读
今日难得同呀妹去屋企附近间冰室食饭，呢间冰室的食物好有质素，价钱又优质，我地食左个超豪华既餐。餐厅光猛又企理，环境整洁，以自然色为主，坐得好舒服食物🥘🥘🥘🥘🥘环境🤍🤍🤍🤍🤍服务👍👍👍👍👍🩷啖啖肉无骨海南鸡啖啖肉无骨海南鸡真系啖啖肉，鸡味又够浓，又正又好味，啖啖好滋味，最重要够正宗，无骨又爽口！配上米香十足的白饭🍚和一大堆满满纎维新鲜沙律菜，丰富多滋味。💙鸡扒拼鲍鱼（黑椒汁）新鲜热辣铁板有火气🔥又有滋味，有大大块的juicy鸡扒，大大只的弹牙鲍鱼，大条厚身的香脆薯条🍟和水滴滴的新鲜车茄🍅和西兰花🥦，好味到爆炸。
继续阅读
同呀妹行街行到攰见到足间冰室好似几好食咁，就入黎试下，一人叫一个餐就岩岩好。😽经典罗宋汤通粉配瑞士鸡翼及餐包😽罗宋汤真系无得输，好味得黎又健康，酸酸地咸咸地，味道岩岩好，饮到啖啖肉味，够晒多菜，浓浓晚罗宋汤，通粉就吸收晒汤汁，就咁一碗通粉都好够，另一碟既鸡翼同餐包亦好食，鸡翼大大只，吸收晒甜豉油，又甜又咸，鸡肉又嫩，餐包就唔会死硬，系软既，好食！😻猪扒汤意粉配菠菜炒蛋及餐包😻汤意粉真系茶餐厅经典产物，原来又真系几好食，汤底应该系猪骨汤，又几香㖞，意粉都软硬适中，猪扒就够晒乂块，煎到好香，腍腍地既肉质，同意粉好夹，粉蛋同餐包就另外分碟上，炒蛋好滑，好嫩，加上菠菜香，就咁都好好食，又可以夹啲茄软熟既餐包入面食，更加丰富既口感味道，好正！热奶茶同热柠水都好饮，味道岩岩好，又够细滑，食完野饮就最好！
继续阅读
我地一行四人一人叫一款早餐，我就清清地食牛奶麦皮配双拼三文治，系芝士拼蕃茄，三文治做得好好，包皮有切边，面包软熟，系新鲜即整，蕃茄都系新鲜即切，爆汁香甜，加埋芝士，软绵口感，麦皮配牛奶就唔会过清，牛奶味浓，清甜健康(^з^)朋友就叫多士餐，有炼奶/果占／花生酱/牛油，任选两款，朋友简佐果占牛油，果占食得出系鲜果打出黎既，果味浓郁，唔会死甜，牛油就香味四溢，同脆既多士最夹(*^o^*)另一朋友叫双拼一丁餐，系煎蛋拼香草肠，煎蛋系太阳蛋，煎到㶶边好香，蛋黄流心，笃穿捞面都不知几正，香草肠都好香，配丁面真系最正（≧∇≦）最后一个朋友就叫鲜茄蘑菇奄列配牛角酥，茄汁豆，再加$6要迷你火腿通粉，呢个系素食之选，清淡得黎又唔系淡而无味，奄列既蛋好滑，馅料丰富，牛角酥焗到脆脆地，好酥香，茄汁豆酸酸甜甜，加埋淡淡地既火腿通，好大份既早餐(｡･ω･｡)饮品就全部都好饮，冻红豆冰，奶茶，柠茶柠水都好唔错！
继续阅读
下午茶时间就紧系要食啲邪恶啲既野食，呢间冰室下午茶都有面食，未食lunch既我就决定入黎试下。呢度竟然有咖喱牛腩捞丁，一定要试下！上到枱见到真系唔差，份量唔少，足一个公仔面，牛腩都有几大旧，咖喱汁又多，捞晒成个丁面系可以做到每条面都有咖喱汁🤤牛腩大旧得黎唔会鞋口，肉质嫩汁，腍得黎有啲筋位有咬口，口感好，而且好入味，满满咖喱香，一流😙下午茶当然都唔少得要有鸡髀，瑞士汁鸡髀配薯角，鸡髀有成只手掌咁大，皮好滑，肉好嫩，而且好香酱油味，好入味，咸度适中🤓薯角就新鲜炸起，炸得好脆，热辣辣，外脆内软，又够咸香，下午茶精品😎饮埋饮品就最消滞解渴，热柠茶同热柠水都好饮，柠檬够新鲜就最重要！
继续阅读