点寿司 (TKO Spot)

餐上次母親節黎食，今次到父親節一家人食。一坐低就感覺都冷氣非常之凍，好彩都有預備外套。叫了好幾款嘢食。當中鹽烤清魚好好味，魚皮烤到金黃微脆，帶點焦香，魚肉保持嫩滑多汁，鹹香味道剛好。另外，烤雞全翼外皮炸到金黃香脆，入口即刻感受到鹹香同肉汁，雞肉嫩滑唔乾柴，啖啖肉好滿足，所以每次黎到都會下單的。還有想分享的是呢碗和風牛肉烏冬湯底清甜，牛肉片嫩滑唔鞋口，烏冬煙韌彈牙，加埋半熟蛋、粟米同筍絲，味道層次豐富。 食到最後因為餐廳太凍食完就即刻走了，如果改善下冷氣溫度會更好。…查看更多

尚德點壽司的快閃之旅 這裏嘅環境 寬敞 不會好狹窄， 我叫咗三文魚刺身鮮嫩細膩， 不會太韌， 容易入口好味，它的油脂舐舐脷😍😍玻璃蝦壽司則是驚喜所在，蝦身晶瑩剔透，口感爽甜， 仲要係好新鮮， 味道頂呱呱😘😘帶子壽司軟滑鮮美，輕炙後帶來微微焦香，使甜美的貝類 鮮甜好味。整體而言，壽司製作精細，食材新鮮，是值得推薦， 仲要係好快有得食唔會等太耐…查看更多

晚上，兩個人不知食什麼好， 就去到附近尚德商場的餐廳 - 點壽司仔仔自己點了佢最鍾意食的蟹柳壽司，而我就點了豬軟骨烏冬，大家一齊食。 值得一讚的就是豬軟骨烏冬內的豬軟骨很軟糯，好好味。面前點餐的ipad比較慢和有問題，服務員很有耐性地給我處理。…查看更多

每次問小肥陽想食咩佢十次有八次都答烏東然後就話食壽司個間姐係呢間【点壽司】媽咪都好中意食佢個下午茶佢個炸雞翼真係一絕次次黎都必點仲有第二款必點嘅係佢個茶碗蒸個蛋滑一滑真係超好味但個下午茶三件套軍艦無左媽咪👩🏻仲意食嘅芝麻八爪魚🐙不過仲係好抵食呀次次小肥陽都有食哂個烏冬依家仲有烏冬套餐包一碗烏冬薯條🍟中華沙律🥗2隻日式餃子🥟真係完全岩哂我個仔嘅口味…查看更多

平時都有食開呢間，因為近屋企，然後今日一個人去食午市，見到甘多卡位都係吉ge, 得一枱有人坐，然後個店員安排我坐最迫最角落頭ge 單人位，我就問可唔可以坐卡位，都無人坐。佢話：唔得架，單人唔可以坐卡位。於是我就話甘我唔食啦。唔知係公司規定甘無理，定員工想趕客，抵佢午市無人食。…查看更多

呢間點壽司嘅下午茶餐係10分抵食佢$18有三件三文魚嘅下午茶壽司平均除返開$6一件但係佢嘅質素都有返咁上下保證唔會話特登切薄啲另外佢下午茶嘅烏冬亦都係10分抵嘅$40左右就有一個叉燒烏烏冬 叉燒大大塊烏冬份量亦都正常而我平時最鍾意食嘅就係三文魚吞拿魚蓉飯雖然碗飯就細咗啲，但係下午茶嚟講四十零蚊都算係一個性價比幾高嘅選擇…查看更多

今日行行吓,見佢有個招牌話今日有特價燒蠔,所以比佢吸引到我入去點知~~一坐低用ipad點完野食,見佢無特價燒蠔可以點,所以問店員,點知佢話巳經賣晒,但我當時只係6:30pm 左右之後食物黎啦~火炙特級牛小排牛小排完全咬唔開~炙燒芝士三文魚腩壽司正正常常~小柱貝正正常常~唐揚魷魚鬚好韌,食左幾粒都咬唔爛~巴克斯蛋糕好鬆散,一般…查看更多

食物方面：刺身新鮮，壽司，小食，甜品同飲品都唔錯服務方面：超級差，餐廳限時70分鐘，我同朋友坐耐咗少少，出門冇人排隊，但俾短髮女店員（應該係經理）趕走。都已經準備走，但佢收碗碟既時候黑曬口面，又敲臺，又敲碟咁，feel到佢好火⋯咁既服務態度，好難留得住客～環境方面：坐得舒服，傾計都ok，模式同壽司郎差唔多，都有輸送帶送食物性價比方面：價錢都合理，就係個刺身飯比較貴，$90，但好細碗如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆…查看更多

講到 「点壽司 」最喜歡心中No.1一定是炙燒三文魚腩 一大片肥美三文魚腩，灸燒後更美味另外跟碟上的紫菜是爽脆 這一點也是很緊要。如果紫菜不夠爽脆會影響整體的口感。另外生蝦壽司種類多而且肉質肥美也是推薦之一…查看更多

自從小肥陽識食外面既野佢每次話唔想返屋企食問佢食邊間:)通常都有依間份有佢最愛既【和風牛肉烏東】媽媽就最中意依間既🍗【惹味烤雞全翼】 當正人地串燒店咁食每次黎最少都點返兩隻先夠又脆又熱香氣迫人另外都推薦佢既🦪【帆立貝茶碗蒸】又滑又嫩熱辣辣仲有媽媽必點個人最喜愛食既🐙【芝麻八爪魚】 壽司同埋🧄【蒜味螺肉】壽司消費過HKD 100 仲有小遊戲玩不過好似係內定有次我地有得玩但未按諗住一陣玩個禮物都已經送到我地面前獎品期期唔一樣先生就最中意叫🍣【鹽燒三文魚鰭】每次黎都必點…查看更多

星期日即興食個生日飯，朋友本來想去乜乜郞，但等100個籌😵‍💫，放棄了。我忽然記得呢度，即管以試伏既心態去試，結果係有驚喜！我地叫左幾碟壽司🍣，有牛油帶子壽司，三文魚壽司，拖羅壽司，芥末魷魚壽司，蟹膏蟹肉壽司…..熱食有焗芝士焗帶子，茶碗蒸!茶碗蒸最出色，有成隻蟹鉗喺度呀佢都多熱食，仲有有獎遊戲，送泡芙三粒！我哋仲叫咗士多啤梨芝士餅同埋卡達蓮娜🤭睇返餐牌原來佢嘅下午茶都幾抵食，因為我太肚餓嘅關係，我根本等唔切下午茶時段，但係埋單都唔覺太貴，多謝朋友嘅生日飯！下次我再請你食呢間！…查看更多

呢間下午茶係屋村商場，但質素非常不俗！已經返食過好多次，尤其是下午茶時段CP值更係非常高😻環境寬敝舒服，亦非常潔淨。值得一讚係好細心預備左膠桶比客人掉wasabi 包裝袋，令到食嘢果間枱面唔會太逼！食物方面個人覺得好過某連鎖！🤣🤣而且選擇亦非常之多🥰1. 三文魚吞拿魚蓉丼飯下午茶必點，蔥花同吞拿魚味道好夾，三文魚亦不錯，細細碗但女仔食已經好飽肚，都只係$40 😱😱😱2.油甘魚刺身鮮甜味美而且好肥3.薯條好味，夠熱夠脆4.鰻魚壽司好味一百頭埋到單呢個份量同質素係物超所值🤭…查看更多

【西貢區】【点寿司】喺 1am1147 嗰度講過我去咗將軍澳睇港超聯賽事，咁嗰篇就講到我喺翠華好無癮咁走咗，而我當然係食唔飽架啦。剩返畀我嘅時間唔係好多，所以諗住求其搵啲快餐食吓就算喇。跟住就見到呢間日本嘢，似樣喎，入去啦。由於我本身已經食咗個常餐打底，因此入到去都唔諗住食好多嘢。坐低見到有玄米茶可以自己沖嚟飲，好感大增。而佢哋係用軌道嚟送餐，上面就放咗啲餐具等啲客自己攞，睇落都係乾淨企理嘅，點餐就用平板電腦自己做。我叫咗 $18 嘅「鹽蔥原隻帆立貝壽司」，都可以嘅，只係橙色嗰部份好多而我係唔食嘅，所以挑咗出嚟之後好似得返半件咁。跟住到 $16 嘅「炙燒芝士三文魚腩壽司」，芝士味唔濃，但整體都可以，正正常常嘅兩件壽司咁囉。之後到 $36 嘅「惹味牛舌串燒(微辣)」，全餐飯最貴所以期望有啲高，但出到嚟唔好食，冇燒過咁，失望。最後 $22 嘅「帆立貝茶碗蒸」就正正常常，冇咩特別。冇乜服務之下都要收加一，埋單 $101，應該都唔似有下次喇。。。（地址：將軍澳唐明街2號尚德廣場1樓101號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am西貢區 #將軍澳 #点寿司 #尚德商場 #日本菜 #mtsushi #鹽蔥原隻帆立貝壽司 #炙燒芝士三文魚腩壽司 #惹味牛舌串燒 #帆立貝茶碗蒸 #1am1167 #1ambackup…查看更多

星期一午市時間，有定食同丼飯。三文魚刺身厚切，大大粒帆立貝味道唔錯，唔會有啲雪藏味或者未融冰嘅感覺。叫咗個蟹膏海膽丼，蟹膏就咁睇好似好乾咁，但食落都幾咸香。海膽正常冇異味。飯量係正常嘅一半，唔係好多飯。吞拿魚丼set lunch連埋加州卷、麵豉湯。另外叫咗牛舌串燒，都有筋好韌，唔係牛舌最嫩嗰part。今期主題係蟹，不過落單冇得叫蟹肉茶碗蒸。兩位埋單連加一$330，價錢算係中等，不過唔會特別想再翻兜。…查看更多

呢間点寿司🍣嘅下午茶特價時段🕒都幾大件夾抵食😍，而且門口仲有多款🤤外賣壽司任君選擇。過咗午餐🕐嘅高峰時期，人比較少唔使等位🪑都可以直接入坐，呢度設有🚅高速線，落咗單之後啲嘢食🍣好快就會自動送到你面前🤩。下午茶🕒時段仲有多款精選特價💰食品，尤其係有多款刺身丼🍱，抵食夾大件🥰，尤其係三文魚拼吞拿魚🐟腩蓉丼，份量足而且上面仲有😍勁多飛魚子添呀！另外仲有不同款式嘅🍣壽司，壽司上面啲刺身🐟都幾大件，💰性價比高。而呢個明太子薯條🍟都令我覺得幾有驚喜🤩，薯條幾香脆但最正👍嘅係佢個明太子醬十分之惹味😋，食完會令人好滿足！…查看更多