影片
以上资料只供参考，请与餐厅确认详情
，今次一个人叫咗海鲜炒饭，惊喜嘅系，佢仲送咗两件炸鱼柳！首先，呢间街餐厅嘅环境几简单，但好有街坊味，坐落喺繁忙嘅街道上，入面装修浅色系，让人感觉轻松舒适。虽然地方唔算好大，但座位安排得几好，唔会太挤迫。服务员都几有礼貌，落单时都好快，唔使等太耐。讲返主角，海鲜炒饭。当我收到嘅时候，香味已经扑鼻而来。炒饭色泽金黄，粒粒分明，冇黐埋一齐。食落去每一口都有海鲜嘅鲜味，真系好开心！里面有虾、鱿鱼同埋青豆，配料唔少，食起来好有层次感。而且炒饭嘅调味都几好，唔会太咸，刚好衬托住海鲜嘅鲜味。最惊喜嘅系两件炸鱼柳，佢哋炸得金黄酥脆，外皮薄脆，内里鱼肉鲜嫩，味道正宗。咬一口，鱼肉弹牙，完全冇腥味，配上少量嘅酱汁，真系好好味！其实呢个鱼柳可以单食，已经足够吸引，加埋炒饭一齐食，简直系完美搭配。
继续阅读
今日上完堂又去揾嘢食啦！无意中见到呢间炳记，招牌上有个四人套餐好似都几抵食咁，入咗去环境就系普通嘅茶餐厅模式，服务员嘅态度都几好，呢间睇落嚟都系做街坊生意多，先来四个例汤，再嚟就系蚝油油麦菜，半只海南，鸡椒盐鱼腩，沙拉骨，土鱿蒸肉饼，红豆奶茶。例汤，蚝油油麦菜，好家庭版，冇味精。海南鸡，味道正常，鸡肉都唔会好多肥膏，鸡肉都有啲嫩滑，唔会太柴太老。椒盐鱼腩，表面炸到脆，入面啲鱼肉都仲保留咗啲肉汁，唔会太干，冇乜腥味，几特别 。沙拉骨，用嘅系猪扒，啲肉唔会太硬，沙拉酱配落去都几夹。土鱿蒸肉饼，呢个真系超正，啲鱿鱼系用干货鱿鱼，发咗再加猪肉剁碎，土鱿唔会太硬，味道好出，再加上有少少肥肉，整体好好味。红豆奶茶，唔会太甜，估唔到红豆配奶茶都夹到下次可以再嚟
继续阅读
去年12月某一天，温度不过双位数，又冻又饿随便走入一间冰室，点了一客海南鸡饭🍗🍚。当晚八时左右，座无虚席，但服务员态度非常好，很亲切。所以前两天再去荃湾变，便带埋从德国回港的亲朋友去试试这港式味道。适逢下午茶时间，我们便叫了两份炒粉面🍲，分别是罗汉斋伊面和肉丝炒面，饮品则点了红豆冰和热奶茶☕️两客炒面都系脆底，人一啲都唔油腻，味道亦不似一般茶餐厅那么下重口味，我们都食得很开心。最重要一提，无论下午茶或晚上的服务员态度都很好！我们今次二人入座时未有卡位，点餐后服务员见其他客人离开，便会帮我们转到卡位坐。如是者，对其他几枱客都系同样服务，他们绝对不会厌烦搬枱改单，值得赞
继续阅读
荃湾茶记云集，有时间坐低食早餐，我会拣炳记～ 味道稳定得嚟够地道，杯鸳鸯滑得嚟够香，有阵时仲有惊喜😆想食少少辣去刺激早上味蕾会点雪菜肉丝米粉+辣椒油～ 好似平平无奇，无乜待别，但老实讲，相比起其他茶记，d汤底一系清淡如水，一系花巧地加好多嘢，依家可以揾一碗简单好味嘅雪菜米已经好少最喜欢嘅系，间中会有好浪漫嘅碗，点解咁讲？ 皆因送上嚟嘅时候，碗个show出You will never know 当差不多食完嘅时候，show出下一句系Dear How Much I Love You😆😆 食早餐见到咁有爱嘅碗，仲唔系Good Morning
继续阅读
想食煲仔饭，好耐㗎喇，喺荃湾好少地方有得食，见到呢间有就入去试吓啦！伙计服务态度好好，跌咗筷子佢话得唔使执我帮你，然后即刻攞只新筷子俾你，你俾个眼神佢，佢就准备俾你，醒目到不得了👍🏻👍🏻 平时茶餐厅都唔好意思问人攞多只碗仔讲返食物，我就嗌咗冬菇鸡腊肠煲仔饭，大概等咗半个钟，好快就有，同埋啫啫通菜，冬菇鸡腊肠煲仔饭，成件事个味道都好淡，食唔出有冬菇鸡味😓，又冇腊肠味，可能因为得一条腊肠啦，连煲仔饭嘅㶶味都唔出😳而个啫啫通菜，用铁板上，上枱热辣辣啫啫声，所以叫啫啫通菜，好味，咸咸地要送饭，菜里面有啲咸鱼、蒜头、辣椒咁好足料，咸香味十足，好惹味，送饭一流👏🏻
继续阅读
您可能会有兴趣的...