炳記茶餐廳 (已結業)

我的摯愛茶餐廳早餐好味道鮮牛肉通粉，有牛肉味沒有用梳打粉拿過米粉都好好味湯底食完冇味精仲有方包或者餐包任你揀午餐都唔錯時常都有驚喜例如福建炒飯日式炸豬扒蛋飯佢個肉餅飯都幾好味蒸䱽魚都唔錯蘿蔔牛筋腩都唔錯之前有羊腩煲真係好可惜佢唔做第時早餐同午餐都唔知喺邊度買好價錢都幾實惠性價比高一間唔錯的茶餐廳佢個大廚都好有心機整午餐食個鴨腿湯飯豆腐紫菜肉碎飯涼瓜牛肉飯茄汁焗豬扒飯尤其是常餐過豬扒好有厚度同好好味唔係其他一般茶餐廳用梳打粉去醃過冇晒味

其實每日返工都會喺呢度食早餐🍳，呢度嘅員工姐姐非常之有人情味，基本上佢哋仲會記得熟客仔平時係要啲咩口味嘅早餐。見佢哋都會同啲熟客仔傾吓偈講吓笑，喺間人情味極濃嘅餐廳。講返食物質素，好老實講就真係同普通茶記冇乜太大分別，如果我嚟呢度最主要我諗都係食人情味同埋真係過嚟食個早餐去支持我份工作😏。但係大家千祈唔好同大坑嗰間茶檔撈亂咗，因為我當初第一次食呢一間炳記，就係因為上網Google話呢一間係咩Eason介紹過所以決定嚟試試，但後來發現其實呢一間同大坑嗰間炳記係完全冇關係，(因為同Google入邊嘅大坑茶檔嘅相係好唔同)但係我覺得佢同大坑嗰間嘅凍奶茶一樣咁好飲！

有個friend話西營盤近永記開咗間炳記，哩間唔係大坑炳記的分店。今早得閒行去食個早餐。炳記舖頭細细，得兩格卡位兩張圓枱，可能因疫情係啦，店内翻新過，坐得都舒服，餐具都幹净。坐底叫咗個鮮牛麵，清清地碗麵煮得啱啱好軟硬適中，牛肉有七塊咁多，件件大而淋滑，應有落鬆肉粉但仍有牛肉味👍。隻餐包軟而有筋性，未見過其他茶記D包有咁嘅水準👍，煎蛋和煙肉就一般水準，但挾在餐包中同食，好個麥記的漢堡。奶茶也不錯，有茶味。埋單$38算貴了。