炳記茶檔

营业中

休息中

🇭🇰大坑炳記茶檔🎈奶醬多奶醬真心多/ 厚底多士 烘得外脆內綿/ 有花生粒更正😋🎈豬扒米加蛋失望嘅 - 本身叫麵底 但姐姐話賣晒但唔明點解遲落單嘅會有反而我哋要改米粉🥲/ 同枱都係豬扒 但份量係double 又係唔明🥲/ 豬扒ok無咩驚喜位 似黑椒叉燒🎈熱奶茶hmmm茶膽唔夠香濃 偏香奶味但姐姐態度好nice 加分位😊#hk #hkfoodie #foodie #foodiehk #chachaanteng #daipaidong #taihung #streetfood #toast #pork #eggs #sunnyegg #milktea #lemontea #hkstyle #comfortfood #香港 #香港美食 #香港大排檔 #大排檔 #奶醬多 #多士 #街食 #豬扒米 #奶茶

finally come to this place to hv a lunch.today is 20th National Congress of the Chinese Communist Party 🇨🇳🇨🇳🇨🇳(中國共產黨第二十次全國代表大會), in such historical and meaningful day. we hv to celebrate our china great country. our king xi mentioned very important point to deal with virus, dynamic training / zero (動態清零） i believe this is the grestest goodwill to all china ppl that minimize all the death rate and clear the economy that save our treasure lifes. but our hk leader pikachu didnt follow it straight.

平時假期都見到排晒長龍🤣🤣一直都想試吓今日難得平日經過 咁啱唔使排隊就即刻去食凍奶茶👍🏻👍🏻好有茶味茶同奶嘅比例非常之合適我叫咗少冰少甜甜度啱啱好奶油多🤩🤩🤩外脆內軟 咬咗一啖之後簡直食到停唔到口非常推介下次有機會嘅話會試埋佢哋嘅奶醬多豬扒公仔麵豬扒唔係一般炸豬扒佢係有醃製過嘅 有少少黑椒汁豬扒咬落去非常之鬆軟麵嘅話可以揀出前一丁或者米粉我今次就叫咗出前一丁適合一啲鍾意食香港版出前一丁嘅朋友

好耐都冇入過大坑，近年都開咗唔少新cafe，但係我對大坑最深印象都係呢啲鐵皮茶檔。豬扒麵對我嚟講偏重口味，黑椒味濃。腿蛋治好食，咬落仲有蛋汁，麵包又薄烘得又脆，簡單味美。

𝓢𝓮𝓹𝓽𝓮𝓶𝓫𝓮𝓻 2022🙋🏻‍♂️： 我想食茶記🙆🏻‍♀️： 就食呢度啦 （充滿左歷史的香港懷舊茶檔，聽聞呢到係大坑三寶之一，而佢地最出名就係奶茶，我地分別叫左餐旦麵同埋豬扒麵，仲加多一份多士。當然主要係試下奶茶 ，整體來講，食物質素係正常，比想像中係有d出入，唔係驚為天人，更加唔會話好食到一定要再泥，而奶茶泥講，我認為一般茶記既水準，係不錯的。不過嚟到呢度主要係享受下原始風味。）

星期日放假本身想去中環既勝香園，但係check過原來星期日唔開🤣🤣所以去左呢間中學時期成日黎既茶檔食豬扒米～一去到就見到好長既人龍，個日正直中午好熱我都擔心有排等😅😅😅😅好彩員工見多人就即刻開多幾張摺檯出黎🤣🤣最後排左15分鐘到就有位了～呢到係排到你就要即刻落單🤣🤣本身無預咁快到我所以未ready🤣不過次次都係叫最出名既必食豬扒米架啦，所以都好快決定好！由於天氣太熱所以加左杯凍檸水（少甜🤣）。豬扒米一如既往的好食：豬扒味道好，唔會太鹹，米粉爽口，湯底都唔會太鹹（而且食唔到味精🤣🤣本人MSG敏感😅）。唯一一樣就係唔知點解個日要等好耐我d食物先黎（明明我都係叫最出名最多人叫個樣🤣🤣🤣🤣），見到人地遲過我黎都食曬我都未有得食，原來漏左單😅😅

突然興起想去一試大坑既傳聞懷舊茶餐廳🍳之前已經有一次想去，不過可惜摸門釘因為這間茶檔三點就截單 💛注意‼️另外如果夏天嚟嘅話 室外溫度 再加食熱野 記得自備風扇仔🤣 如果唔係食到一身汗假如叫三文治記得要提醒烘底🤡會好食好多當日叫咗豬扒麵 瑞士雞翼麵 奶醬多奶醬多佢嘅烘底係啱啱好😎出色其實食落感覺同外面既茶餐廳水準接近不過凍奶茶確實整得好醇香正宗🧋不過佢裝修係保持左舊式嘅鐵皮茶檔🥰 相當有舊香港嘅感覺

特登搭車過海，想一嚐出名的奶茶，結果大失所望，唔建議專登黎試。。凍奶茶完全無茶味，啲冰溶咗得番啖啖奶水，仲差過屋企樓下普通一間茶記真係期望越大，失望越大，同行朋友仲要食完屙左三次，絕對無下次。。。

一場來到大坑（其實就唔係好遠但係就要喺天后行入來），行咗冇幾耐已經見到呢間排晒隊嘅大排檔。香港人好鍾意排隊，冇人排隊就唔想食，有人排隊就覺得係好嘢；但我都覺得呢間大排檔係值得排隊！我大概排咗15分鐘左右，就可有位啦但因為我哋唔係10分肚餓，所以兩個人只係嗌咗一個奶醬多士、豬扒雞翼米粉、同埋一杯凍奶茶我覺得豬扒雞翼米粉真係好有誠意，首先佢係會分開上，而且啲豬扒係已經切好晒，冇乜骨，好容易食（尤其係大排檔）而米粉亦都有好多菜凍奶茶好飲，多士都好趣花生醬好味😋

大坑茶檔出名係奶茶好飲 但大熱天時 真係無勇氣叫熱奶茶 最後叫左杯凍 都好好飲 好夠茶味❤️ 未食過唔好唸住佢到底係食咩出名 呢到係食情懷… 野食只係基本野 都係餐肉紅腸果d 價錢亦都唔貴❤️

成日聽人講，去大坑唔食炳記即係等於無去過大坑🤣所以去左大坑嘅我，就去左食炳記👍🏻🤣1. 凍奶茶炳記叫得大坑奶茶王，無理由唔試佢嘅奶茶☕️個陣見到水吧不停咁沖奶茶🔥🔥不過炳記係室外餐廳，無冷氣，所以熱辣辣整返杯凍奶茶，真係爽到震😝2. 奶醬多奶醬多睇圖都見到佢超多醬🤩🤩加上烘得內脆內軟，簡直perfect👍🏻3. 豬扒米粉豬扒米粉都係炳記招牌菜之一，其實黑椒汁煮豬扒，豬扒食落唔橡筋，不過略嫌唔夠入味，不過不失😉簡單來講，炳記其實就好似澳牛咁，來來去去都係食個d野，換一換又一個組合咁，經過開嘅，不妨一試呢種户外茶檔😉😉

鐘意開就開（寫到明叫你來之前睇ig), 鐘意賣就賣(繁忙時間唔做外賣、買一兩件唔賣）。野食不過不失，價錢不貴但也不算便宜，試過一次基本唔會回頭，典型的游客打卡食店。

大坑炳記：十幾年前大坑五光十色嘅時候個人留下不少腳毛、順興、民聲、炳記、每一家都10分精彩、但自從骨幹成員種種原因不在其位的時候、質素開始下滑……. 今日嘅炳記車水馬龍，水吧位靈魂人物不在其位換來幾位姐姐處理、雖然食炳記我都唔係食味道, 係食風味、唔應該抱太大期望，但係味道真係每況愈下，我叫個豬扒爽麵，豬扒腌到有一層黑色「暗黑聖衣」嘅醬汁喺外面，又唔鬆化，爽面medium rare , 可惜面質問題蠟味10分重，多士就零特別，只要屋企有部多士機都可以做到，個人認為食厚多士必定係跑馬地昌記、薄多士必定係觀塘海潮

縱然因為愛，每個星期例牌至少一次山長水遠過去食一餐，為嘅一份情懷。可惜呢份愛會逐漸逐漸變淡，只因為得唔到我希望得到嘅小小回應。其實顧客肯經常黎，其實心底裏都係想同你地熟絡啲姐，唔係話要搭晒膊頭攬晒頸，而係最基本say個hi或者講聲早晨. 可惜我單獨嚟咗踏入第三年，仍然好似一個生客咁🥺最重要就係加埋啲嘢食嘅水準真係差咗，可能因為本身沖奶茶嘅走左去整多士，本身整多士嘅人唔知走咗去邊。咁就出事，原來求其搵個人頂都唔係辦法。仲要近日加咗價，係每樣食物加一蚊，我平時叫四樣嘢（奶油多/火腿/煎一隻蛋/熱奶茶）即係加咗4蚊。（加咗10%）😨真係有諗過唔再專登去，唔知為乜！

見到好多留言話奶茶好飲，唔通我去咗平衡時空？凍奶茶熱奶茶都點咗，兩個字：勁失望，茶底淡而無味，亦冇奶香！點咗豬扒丁，好明顯冇用出前一丁，而且個面未淥熟就上台，勁hea 咯！山長水遠由元朗慕名而來，除咗失望，都係失望！名過於實，冇下次