炯記餐室

营业中

休息中

同屋企人行開長沙灣，於是順便嚟到炯記餐室食野。餐廳主要以白色同大地色配襯，感覺幾舒服。食物嘅款式都幾多選擇鹽焗手撕雞腸粉手撕雞份量都幾多，雞肉嫩滑，味道鹹鮮，腸粉滑溜，配手撕雞好夾。厚蛋火腿三文治麵包鬆軟，+$2烘底都烘得幾脆，蛋好厚，重蛋香味，而且好滑，配埋火腿口感更豐富五香肉丁蔥油撈丁好邪惡既撈丁，麵質爽彈，軟硬適中，肉丁香辣鹹香，撈埋蔥油一齊食，好惹味。招牌腩叉賣相好靚，半肥瘦，肉質軟腍，脂肪位爽口，食落幾香口。飲品方面，分別都加左$10配肉桂咖啡同柚子氣泡檸檬茶。咖啡一上枱就聞到好大陣玉桂味，估唔到肉桂同咖啡都幾夾，咖啡香濃，口感順滑。柚子氣泡檸檬茶酸酸甜甜，甜度適中，檸檬同柚子味道都幾夾，幾開胃。

一開始朋友話帶我去食炯記，本身以為係食燒味。去到先知原來係去佢出名食手撕雞嘅舖頭。朋友話呢度嘅鵝油撈麵同手撕雞係必食既然係咁，就直接叫個2人套餐，又抵又唔洗煩食乜2人套餐唔洗$200，但相當豐富，而且有得揀，我地揀左招牌手撕雞: 麻辣味，撕得夠幼，而且佢嘅麻辣唔會太辣太刺激豬手: 呢個係意料之外嘅好食，肉夠淋又嫩，仲好入味雲耳: 份量唔少，都好惹味，做前菜一流雞腎: 麻辣味，爽口好食油菜: 大大碟，味道唔錯鵝油撈麵: 好重鵝香，但又唔油。而且超級大碗，食極都好似食唔完凍飲: 我叫咗凍檸蜜，居然唔使加錢。朋友就叫咗凍鴛鴦最後我哋兩個梗係食唔晒，咁好食梗係要打包啦所以真係好抵食

每逢見到街坊群組報料有新餐廳，都一定會去試吓！呢度除咗有滷味之外，仲有特色牛角包餐，我都幾特別！價錢係街坊價錢，平均$60左右已經有set，叫咗秘製醬皇豬手撈麵。呢度嘅豬手真係冇得彈，連老公都大贊，入味得來，唔會太鹹，食起嚟軟綿綿，一咬落去自動骨肉分離。撈麵本身都好好食，用咗彈牙粗麵，食到尾都keep住煙煙韌韌👍另一款揀咗香茅豬扒配薯條🍟係下午茶餐，六點前都有得食，$33.1個餐嚟講好抵食！豬扒都好香香茅味，輕輕炸過肉質更Juice👍薯條都係即叫即摘，外脆內軟粗薯條🍟加咗七味粉少少辣惹味又好食！無論下午茶餐定晚餐，加十蚊有特飲，揀咗雜果賓治泡桃橙茶同再配柚子氣泡檸檬茶，見到落咗好多雜果同埋柚子，所以味道好濃郁，清新解渴又好飲！

炯記餐室今日約左老死食飯, 去左佢公司附近睇下有咩好食見有間環境唔錯既燒味店，就決定食依間啦今次同佢叫左個抵食二人套餐，因為套餐都幾抵唔洗200 就食左好多野 老火湯(2碗) ，先來中式老火湯2碗，依個天氣飲好暖胃麻辣手撕雞，2個口味可以選，我地就叫左個麻辣味試下，手撕雞果然喺招牌嘢。雞肉選用三黃雞，皮薄肉嫩，嫩滑好味清湯牛魔王(例 )，有牛腩和牛肚，而且清湯煮既味道更入味，牛肚帶點咬口酸辣雲耳同麻辣雞腎，麻辣雞腎幾爽口彈牙, 麻辣味好足。酸辣雲耳辣又爽脆食得開胃。白灼生菜 鵝油撈麵 白飯，絕對是無得輸，撈麵油香滿溢，跟餐仲可以選凍飲不加錢餐廳整潔乾淨，食物美味又足料，值得一試。#食評 #炯記餐室 #餐廳試食 #燒味#foodie #hkfoodstagram #hkfood #hkfoodlover #kaygorfoodie #hkig #hkfoodie #foodiehk #hkigers #hkfoodblog#hkfoodblogger #followforfollowback #likeforlikes #like #instalike #likesforlike #l

去完高登買嘢, 行過元州商場, 見到呢間裝修幾光鮮嘅餐室就決定嚟食個晚餐~ 二人餐HK$198啱曬有選擇困難症嘅我😆 麻辣手撕雞(例牌) ： 例牌嘅份量都算多, 絕對足夠兩個人分享, 雞肉幾爽滑~ 唔食得辣嘅可以揀鹽焗手撕雞~ 秘制醬皇豬手(4隻)： 豬手炆到好軟淋, 入口滿滿骨膠原嘅感覺😋 酸辣蒜香雲耳 (1碟)： 蒜味都幾重, 雲耳係健康嘅小食, 不錯~ 鹽焗雞腎 (1碟)： 雞腎幾爽脆, 鹽焗嘅味食落 仲加添咗少少沙薑嘅味道添~ 太子鵝油撈麵(2碗)： 似乎係呢間餐廳嘅主打菜色之一, 喜歡撈麵嘅朋友就要試下喇, 加埋佢哋嘅麻辣手撕雞做餸, good match~~ 跟餐仲配埋郊外油菜(1碟), 餐湯 及 冷熱飲品(2杯)㗎🤗

今日同朋友約咗喺長沙灣睇戲，諗住喺附近搵咗間餐廳食住等開場，去到位於元州商場俾我哋見到有間炯記餐室😍👍🏻之前喺另一間食過幾唔錯，所以好快就決定食呢間。我哋叫咗一個鴛鴦手撕雞撈麵，聽講佢哋嘅手撕雞好出名，仲可以配埋牛角包😳但因為我哋真係比較肚餓，所以我哋叫咗個撈麵希望可以食飽啲！ 手撕雞調味調得好好，有芝麻香同埋啲雞都好鮮嫩好滑，唔會話擺得好耐變到好乾柴！同埋佢哋嘅撈麵比較特別，係用鵝油煮既撈麵，好香好好食😎👏🏻👏🏻我哋亦都叫咗一碟叉燒🤪🤪 同之前果間一樣份量都幾多，每件叉燒都係厚切，燒得剛剛好！同撈麵一齊食都好夾，我哋另外有叫咗一份椒鹽豆腐，炸物好出色，係剛剛炸起！ 咬落去個豆腐仲會辣到個嘴哈哈！ 我哋最後仲叫咗兩杯嘢飲，一杯咖啡一杯奶茶！買單兩個人都係$200左右！ 真心抵食， 下次試埋佢哋嘅手撕雞牛角包先😏😏

這小區帶也有非常多餐廳，每次也很難選，經過店子，被手撕雞吸引了，衝了去吃～棒喔店員會給熟客送上湯，感到很快樂，不要飲品可以一點～很少可以在外飲到芥味沒油呢！之後食物很快上枱！食物的賣相感覺也棒！棒火腿津白奶油津白香滑可口，菜新鮮，做這個要燒熱油，爆香蒜及薑，津白及火腿味道好好，份量大胡椒豬肚湯米線朋友很想吃舍胡椒味的食物，選了這個，很大份的～香～正宗胡椒豬肚雞煲這樣做，做到這湯香濃白口感好，冬天來一碗去寒又棒也！惹味，百喝不厭！有潮州式的潮州鹹菜胡椒豬肚感覺呢。暖胃、補肺、化痰、助消化！性溫熱之胡椒也有好之功效。特別冬季，喝上這熱乎乎胡椒豬肚湯，能夠祛風散寒，增強食欲，吃出棒棒心情!濃香芫茜手撕雞輕鬆點出一個手撕雞小吃，想不到半隻雞份量非常大。而且隻雞一點也不肥，全是去了肥脂～大力推介！非常入味！吃得很過癮！煮的時間足夠酸辣雲耳送飯或面小吃，份量大又多，入口口感好！這個酸辣雲耳最特別是用了酸辣，不是四川那款麻辣二人吃到很非常滿意才出門，推介！

叉燒牛角包 $39切嗰陣已經索索聲到佢非常酥脆🥐好香嘅牛油味 🧈咬落去個酥皮夠鬆軟 一層層化開既牛油味同口感😍配上蜜汁叉燒 好有創意 入口非常出色🤩🤩清湯切腩撈麵 $56撈麵既麵好爽口彈牙 可能我自己係重口味 如果啲味濃啲會更好🤩旁邊擺咗牛肉 牛肉厚薄適中 份量都算多 牛肉唔會韌 撈麵唔碎易夾☺️經典西多士 $30西多士比普通茶餐廳多花生醬 食落口感好正🥰炯記鹽焗手撕雞 $68成日都聽講呢度嘅手撕雞真係一流😆唔食返個例牌手撕雞對唔住自己🤣真係令人食得津津有味 停唔到口💕阿華田五穀特飲 $10（跟餐升級）有啲胚芽喺度好脆 感覺如甜品☺️🥰

💛好味指數:4.4/5💛💜回頭指數:4.3/5💜聽講呢度啲叉燒幾好食，咁啱諗唔到食咩😆決定試下係咪真係咁好食！餐廳裝修幾別緻，坐得好舒服✅叉燒蛋包飯$50叉燒肥瘦均勻，蛋包飯嘅份量非常多🍳仲俾咗好多汁我地，不過如果係叉燒蜜汁仲正😋另外仲包飲品價錢都幾合理～✅手撕雞雙拼飯$58手撕雞拼腩叉，見到呢度出名食手撕雞叫咗個雙拼，兩樣都食到🐔手撕雞可以選擇鹽焗或麻辣，鹽焗都幾香幾入味，餸飯食幾好😙✅燒魂腩叉$68啲叉燒真係幾好食，叫咗個例牌！發現呢款原來有勁多蜜汁，覺得比跟餐個款好食啲！仲要份量都唔少😌另外追加咗白灼生菜，追加價錢相宜幾抵🥬🐻總結覺得燒魂腩叉特別好食🤣之後應該會成日買返屋企加餸🥩📍炯記餐室 (長沙灣)長沙灣元州街303號元州商場地下G07號舖

Ooo燒味港式餐廳ooOOooooO✨醬皇腩叉撈麵 $56蜜汁香甜，🐷叉燒軟腍又有少少燶邊，因為選了腩叉所有略為肥咗啲啲，可以自選半肥瘦叉😋😋。鵝油撈麵，雖然啖啖油香味，但又唔會食到有好油膩嘅感覺👍🏻。OooooO✨海蜇拼手撕雞腸粉 $48手撕雞啖啖肉🐥，沙薑味夠香，海蜇爽口，帶點辣味，惹味💕💕。腸粉配上各款醬料，入口滑滑的😊OooooO✨泰式香茅雞翼 $16 (加配價)加配價有2隻香茅雞翼，估唔到係炸既炸得非常香脆，熱騰騰好香口🙌🏻🙌🏻。OooooO✨醬皇冬菇扒生菜 $16 (加配價)食咁多肉可以加配醬皇冬菇生菜🥬🥬，炆冬菇入味，醬皇汁配生菜一流💓。整餐晚飯都係百零蚊，食得開心又滿足🤤。

星期六放假，同屋企人嚟到炯記餐室食野。我哋11點去到，見仲有早餐食就於是先叫咗兩個早餐食住先，之後再叫其他。鹽焗手撕雞腸粉一上枱夠哂熱，腸粉滑溜，醬汁都夠多。鹽焗手撕雞雞皮爽彈，雞肉嫩滑，調味啱啱好，配腸粉好夾。厚蛋火腿三文治三文治加咗兩蚊烘底，麵包外面脆，中間軟熟，炒蛋炒得夠滑，而且香蛋味同牛油味，配火腿好夾。銷魂腩叉叉燒厚薄、肥瘦適中，帶點光澤，肉質口感軟腍，肉味濃郁，而且帶點焦香，必食！香茅雞翼蔥油撈丁雞翼有4隻份量都幾多，而且大大隻漲卜卜，雞翼外皮香脆，肉質軟嫩多汁，而且仲新鮮熱辣，撈丁口感彈牙，撈埋蔥油食，好惹味。即磨咖啡咖啡芳香濃郁，口感順滑細膩。柚子氣泡檸檬茶酸酸甜甜好開胃，柚子同檸檬味道好夾。

上次喺深水埗間炯記手撕雞食完之後，男朋友一直對佢個豬手同鵝油撈麵念念不忘，今晚泱定去長沙灣分店—炯記餐室食多次！本身天氣凍我想打邊爐，但如果叫完火鍋再單點豬手同鵝油撈麵又唔抵又驚食唔曬，所以今次都係叫返個Set Dinner 二人滿足套餐（$198）有兩碗是日老火湯同可樂。酸辣蒜香雲耳好開胃。麻辣雞腎爽口，少少麻辣好惹味。麻辣手撕雞（例牌）個麻辣醬唔會搶曬d雞味，而且唔知點解我覺得今次雞肉多左？！如果叫lunch可以叫手撕雞撈麵或者腸粉！秘製醬皇豬手（四隻）係男朋友心心念念，佢話d豬手好入味又夠咬口！郊外油菜，唯一唔鍾意落太多醬油，建議落返碟邊或者另上。主食我地叫曬兩個做太子鵝油撈麵，鵝油好香又唔會好似豬油撈麵咁肥淋淋，正！男朋友話食多幾次都唔厭XD

係屋企做做下野情況下有啲餓試下附近區既炯記餐室✨腩叉牛角包$42（tea set包飲品）唔肥唔瘦既叉燒真係無得輸呀🥹燒味界黎講叉燒係世一🤞🏻再配埋牛角呢個配搭好新穎要加上啲千島醬成年事通晒 幾飽都想放入口🤣✨手斯雞撈麵$47（tea set包飲品）手斯雞多到直程令碗麵有氣勢左！🫣味道仲有得簡鹽局或麻辣唔執輸既我當然兩撈啦😎兩撈黎講有麻辣味之餘唔太辣仲有鹽焗味雞肉夠滑麵既份量又多✨秘制醬皇豬手$78有五件大大件 份量勁足味道夠出 如果肉身再淋少少就prefect池喇✨咖喱牛腩飯$63（套餐連飲品）咖喱味好濃牛腩同薯仔勁多薯仔皮係脆脆地既 外脆內軟又入味岩晒我呢個薯仔怪🤪🤪🤪食完想講佢成為我近期最愛餐廳之一🤭我諗會成為我飯堂hahaaaa最緊要係食物正位置方便環境又舒服

烔記有好多間分店，佢近排喺元洲邨開左間新分店，見到佢啲下午餐幾抵食咁，今日就去食下。睇食評話佢最出名係撈面、手撕雞同秘制醬皇腩叉，都留意幾多人黎外賣燒味加餸。今日我地兩個下午茶食左： 🔸️烔記四寶撈麫（$70，8.6／10）好豐富好大碟！有哂佢地炯記四寶：牛肚，手撕雞，豬手，同牛腩，仲加埋皇牌撈麵。特別中意秘汁豬手，焾得好焾好入味。牛肚都有咬口。手撕雞有分麻辣或鹽焗，麻辣都幾辣。特別讚下佢既撈麵，好滑又爽口，又唔會太咸！幾好味😋 🔸️手撕雞腸粉（$38，8.6／10）呢款手撕雞我地揀左鹽焗，雞肉質都唔錯。我中意佢既腸粉超級超級滑，腸粉好食。 🔸️銷魂腩叉（例）（$68，9／10）呢個腩叉真係皇牌有驚喜！肥瘦分明，完全叉燒比例，蜜汁味濃又掛汁！呢個叉燒好高分！ 🍹番石榴烏龍茶（跟餐+$10，8／10）🍹雜果氣泡桃橙茶（跟餐+$10，8／10） ✏️總括而言，地方衛生，下午茶抵食，撈麪同叉燒出色。

炯記餐室 (長沙灣)📍長沙灣元州街303號元州商場地下G07號舖-炯記而家開左咁多間分店，背後都係一代接一代努力勇敢創新嘅成果！由原先係土瓜灣落山道嘅新光燒味到而家有好幾間手撕雞專門店，同長沙灣呢間modern 少少嘅餐室，都係太子仔同佢啲團隊創立嘅品牌。-為左試齊晒所有嘅馳名菜式，我地order左個2人滿足套餐$198 包湯同飲品😜😜-👩‍🍳 例牌麻辣手撕雞份量好多，麻辣醬汁有別於一般食到果種紅油嘅麻辣！辣得黎又帶有微甜，好惹味！手撕雞肉好嫩滑！部分帶有雞皮，平時買番屋企加餸都唔錯嘅選擇👍🏻-👩‍🍳 秘制醬皇豬手平時好少食豬手，因為有啲地方外皮嘅毛髮燒都唔乾淨，同會硬。佢地嘅豬手外樣滑溜，零毛髮！好入味之餘亦非常彈口膠質重！有豐富骨膠原呀！👍🏻👍🏻-👩‍🍳 酸辣蒜香雲耳雲耳大大朶爽口清新-👩‍🍳 麻辣雞腎雞腎極爽脆！相信都係用咗同一款麻辣醬，惹味！-👩‍🍳 郊外油菜食咗咁多肉，點都一定要有碟蔬菜平衡下嘅！-👩‍🍳 太子鵝油撈麵Number 1 招牌菜👍🏻👍🏻👍🏻佢哋製造撈粗嘅過程都非常之有原則！會經過多輪熱水同凍水「走鹼」處理，確保撈粗唔會有鹼水味！工序非常繁複，但係佢哋堅持都要保持