影片
港铁湾仔站 B2 出口
继续阅读
电话号码
21520369
69777721
开饭介绍
由前米芝莲餐厅日籍师傅主理，更特设传统围炉里即烧喜之次等料理，另外亦供应多款传统及创意日式料理，配搭清酒可提升味觉享受。
继续阅读
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
*Last Order: Lunch 14:30 ; Dinner 22:30
以上资料只供参考，请与餐厅确认详情
有关奖赏计划
相关文章
来到湾仔一间真正由日本人主理的居酒屋，从装潢到食材都充满地道日本风情。这里主打是日本直送的高品质牡蛎，绝对是新鲜度爆表。刚好碰上有食客庆生，店员为全场每人送上一杯清酒，齐齐举杯祝贺，氛围热闹得犹如置身日本祭典。🎉🇯🇵🍶👭🍽️✨ 免治鸡肉捧（$38），先由串烧打头阵，鸡肉棒即叫即烧，够晒火候，肉质松软多汁，蛋黄酱香浓滑顺。🍢🐥✨ 牡蛎豚肉卷（$38），肥美牡蛎包入猪五花中炭烧，油脂香气满满，同时蚝肉的味道也是很重味浓厚，简直是创意十足。✨ 魩仔鱼法包（$88），香脆法包放上了满满白饭饭，咸香酥脆，越嚼越香几开胃的前菜。🥖🐟✨ 栃尾油炸豆腐（$78），豆腐经过油炸后，非常有弹性，炸后外皮微脆、内里极具弹性，放满了香葱和白饭鱼，又是另一款不同的滋味。🧈🐟🌿✨ 铁盒烧广岛生蚝（$240），以蒸的方式来呈现生蚝的浓郁鲜味，蚝肉肥美具备弹性够晒饱满，食前加入柠檬汁、辣韭菜和芫荽作为点缀，同时也保留了蚝肉的原汁原味。生蚝本身是六只，因其中一只较为瘦削，于是餐厅补多一只俾我哋。🦪💨✨ 明太子芝士蛋卷（$108），放在铁板上热辣辣，芝士如熔岩般，蛋卷高身蓬松、口感绵软，内馅满满明太子咸香带微辣，视觉与味觉双重享受。🍳🧀✨ 鲇鱼（$108），经过细火慢烤，只是简单用盐腌在鱼身的表面，鱼肉细嫩软滑，微微的细骨也是非常软身，加入少少柠檬汁令味道更提鲜。鲇鱼的卖相似是一份艺术品，份外吸睛。🐟🍋✨ 吉列半生熟三文鱼（$118），外层炸得金黄酥脆，内里三文鱼保持半生熟状态，油脂香气四溢，加上大粒鲑鱼籽作为装饰，提升了整体的口感层次。🍣💥✨ 炭烧地鸡（$168），选用日本地鸡，炭火直烧锁住肉汁，肉质紧实带有鸡香，上枱后放在铁板上保温，边吃边烤更香口。🐥🥘✨ 自家制法式粟子蛋糕（$128），一丝丝的栗子泥打得很细滑，入口即化，内里就是淡淡的云尼拿雪糕，入口冰冻，透心凉几满足。🌰🍰
继续阅读
《炭兎 - 湾仔》估唔到喺香港地都可以食到用炭火制作嘅炉端烧之前喺福冈体验过当地嘅炉端烧文化，用简单嘅调味，配上原始嘅做法烹调食物，好简单就已经可以带到食材嘅味道出嚟，𠮶次嘅经验令我印象好深刻😌早两日同个朋友发掘到呢一间位于湾仔嘅居酒屋，当日去到嘅时候听到周围都系讲日文嘅人，有大量日本人坐镇，咁仲唔系获得当地人认证嘅居酒屋😏一入到餐厅就已经好似去咗日本咁，食物嘅价钱同埋酒精都唔离地，几十蚊就已经有一道酒肴，烧酎、威士忌梳打都系$6x 一杯，喺呢一区嚟讲都真系算几抵饮，平过去酒吧💁🏻♀️铁盒烧广岛蚝六只 $240 招牌嘅铁盒烧广岛蚝，店舖会提供六大只广岛烧蚝，如果蚝嘅size唔够大只，佢哋会补返几只细小小俾你，不过我个人觉得已经好大只好肥美，食落系Creamy嘅感觉，喜欢食芝士的话可以加$48配埋即溶芝士，蚝嘅海水味同埋咸香味十足嘅芝士一齐食劲满足，但系啲蚝太大只，配埋芝士的话会比较腻少少，一只起两只止好啦🤫💁🏻♀️烧鲇鱼 $108呢间餐厅必点嘅菜式之一，就系炭炉烧鱼，你会见到好多日本人都有点烧鱼，于鱼肉身上抹上粗盐，再用特制嘅叉鱼技术，再放到炭炉旁边烘干同煮熟，啲鱼肉唔会烧得过熟而柴皮，我呢条烧鲇鱼配上青柠酱汁好新鲜，入面仲保留咗肉汁👍🏻烧得几靓仔💁🏻♀️芝士卷青瓜天妇罗 $58我同朋友都钟意食芝士，呢一个芝士青瓜天妇罗用咗薄切青瓜片包住Mozzarella Cheese🧀外脆内软，可以点少少岩盐食吊番个咸香味出黎💁🏻♀️吉列半生熟三文鱼 $118平时都系食开吉列猪扒，用三文鱼做吉列都系第一次，三文鱼扒好厚身，外面熟咗嘅口感系比较结实少少，而里面嘅三文鱼呈半生熟状态，有两种不同嘅口感，上面仲放咗三文鱼子提鲜，可以点餐厅提供嘅他他酱就更惹味啦💁🏻♀️名古屋炭烧鸡 $168呢一度嘅名物之一，每一枱必点，唔好睇啲鸡烧到黑卒卒，其实系用咗唔同嘅腌料再用炭火烧至黑黑地一层，鸡肉腌得好入味，每一件鸡肉都仲系保留咗肉汁，超下酒嘅一道菜式👍🏻推荐💁🏻♀️自家制免治鸡肉棒 $38每次食居酒屋我都会点鸡肉棒，好钟意日式免治鸡肉棒𠮶种有鸡软骨喺入面但系啖啖肉嘅口感，点蛋黄配上酱油嘅酱汁劲浓味，去到居酒屋必点，而且价钱贴地，卖相又靓，打卡一流💁🏻♀️魩仔鱼法包 $88呢一度都系下酒嘅菜式，魩仔鱼即系我哋讲嘅白饭鱼，配上橄榄油同埋罗勒酱混合成沙律，配上车厘茄再放上法包上面，一啖一件，食落有海水嘅味道，相对较浓味💁🏻♀️山芋明太子铁板烧 $78呢一个菜式好适合配白饭，日本人好钟意食山芋，将佢整成煎饼咁再放上铁镬上边烘至脆脆，配上明太子酱同埋蛋黄，搅拌匀后配面同白饭都一流💁🏻♀️极上柠檬烧酒苏打 $78朋友𠮶杯柠檬烧酒梳打有一串雪冻咗嘅柠檬片，睇落好打卡同埋好够柠檬味，烧酒冰沙可以避免个酒变淡，饮到最尾都仲饮到烧酒嘅味道，朋友话如果可以落多一shot酒就好啦💁🏻♀️生果西柚烧酎汽酒 $78呢一杯酒要亲力亲为，个底系普通嘅日式烧酎，店员会比半个西柚我自己榨汁，再倒番落杯酒入面，西柚嘅味道同浓酒味道合拍，冇额外嘅糖浆，啱晒我呢啲唔钟意饮甜酒嘅人，呢一杯酒精浓度OK，但系又饮到水果嘅香气
继续阅读
几可肯定呢篇系咁多篇食评写得最畅快又最回味的一篇；没有之一。之前睇左Ricky San介绍的片，跟住佢去揾食，都唔容易订位。终于订到14/6，天文台话会狂风暴雨，我同朋友毫无考虑都话「风雨不改」。虽知道一个住沙田，一个住包门，餐厅系湾仔；就知我地系几义无反顾。订左1830，上到去，佢话用餐时段2小时，照去啦﹗对于两个酒鬼黎讲，2个钟系唔上唔落。先叫左sake，再叫简单串烧。鸡翼、牛舌、露笋，虽然系简单嘢，但个师傅就系你面前烧，未食都已经觉得正。之后叫左个吞拿鱼葱卷物，哗﹗师傅系我面前整嘅时候，我心谂.....使唔使咁夸张呀？好澎湃㖞，个D吞拿鱼蓉落左几浸....连D葱都甜过人（仲回味紧）后来又见到人食蚝，唔好蚀底，照跟﹗6只系蒸蚝，鲜味都唔讲住，最好味系个sauce；老实讲，就系图中最左面个个，当时系问左师傅系咩？但而家又唔记得左，只记得好好味；其实都食到差唔多饱......点知，见到师傅之间讲起鱼鲛.....我又胆粗粗问有无吞拿鱼鲛.....点知主厨话有，都几大旧.....但由于佢话2小时用餐，我就话等得你烧完都要打包；主厨转个头就话「搅掂左」；咁好啦，又等30分钟，等嘅同时，又开多支sake，其间又叫多左份山药牛舌，真系攞命，饱都觉待好好食﹗鱼鲛烧好了，肉厚味鲜，真系饱都食得落﹗不过就慢慢食了﹗到8点几......原来有个环节系生日快乐﹗可能之前同主厨都倾左几句，扮熟左.....佢话你好似生日，我话生左....佢「夹硬」帮我戴顶生日帽，又整左杯超级大的生果酒比我，老实讲，生果酒就麻麻，但气氛赢晒﹗全间餐厅都唱生日歌，主厨同日式大厨都每枱敬酒，之后仲有游戏玩，每单位派一个人出去猜包剪X；我梗系唔客气博晒命咁叫同猜....又比我赢左个爆三文鱼籽寿司.....真系好过引﹗终于明白点解日本人咁钟意去居酒屋，今次系香港同声同气，气氛一流；系日本就系见到人地笑，但唔知人地讲乜﹗我估餐厅除左赢在食材食物招呼外，更加重要系气氛，一个字：正。食完到而家，我久唔久都loop返 Ricky San条片，见到主厨同日本总厨.....好似细个系街到见到明星一样，哈哈﹗系贵嘅，但系值﹗会再去﹗
继续阅读
周末同朋友庆祝生日，选择咗QRE 6楼的日式居酒屋 ~ 炭兎! 之前去过气氛超好! 采用日本直送新鲜食材, 餐牌主打炭烧料理，和式设计环境舒适. 🦪 铁盒烧广岛生蚝 $240/半打 +拉克莱特芝士即叫即煮嘅广岛蚝肉质肥美厚实, 一口咬下Q弹多汁，原味海水味重可配搭柠檬汁或辣汁来提鲜！配搭热溶的拉克莱特芝士；芝士拉丝口怠滑溜, 咸香四溢！🦑 腌制萤乌贼 $48腌制味道恰到好处, 口感爽弹, 十分适合作开胃小食。🍗 名古屋炭烧鸡 $168鸡肉以小炉上桌, 炭香满满,, 肉嫩甜美，十分好吃。🍣 炭火烧鲭鱼寿司 $108新鲜的鲭鱼肉质鲜嫩，炭火烧烤后更添香气，份量十足。🍢栃尾油炸豆腐伴魩鱼仔 $78油炸豆腐烧得干身口感松化，配搭咸香的魩鱼仔吃更滋味！🍄山芋明太子铁板烧 $78 滑捋捋的山芋泥入面有软嫩的八爪鱼，配搭明太子及生鸡蛋，口感顺滑又健康！🍨自家制法式栗子蛋糕 $128终于吃到法式栗子蛋糕！口感绵密的栗子蓉入面是云尼拿雪糕及海绵蛋糕，大满足！炭兎📍湾仔皇后大道东202号QRE Plaza 6楼
继续阅读
3511 浏览
大肥爸爸最爱十三少，XO仔于父亲节当日专登约咗枱麻雀俾佢消遣，晚餐就带佢去湾仔一家几人气嘅居酒屋「炭兎」度欢乐一番。楼上餐厅占用面积全层，门口左方位置展出多款是日精选嘅海材。周日晚全场爆满，早于OR网上订座嘅几口子准时到步即有吧位坐。用餐大堂光线充裕，以木为主嘅间隔足以散发出和风味。开放式厨房就系前面，食物好自然地最为新鲜热辣！餐桌上摆有企理嘅自助餐具、纸巾、牙签及调味料。居酒屋文化，埋位第一时间当然系先黎杯啤酒啦！由于生啤早已售罄，最终就试咗枝带甜嘅牡蛎司陶特啤酒（$88）。多页餐牌可于网上参阅，细佬就冇特别去影，只系影咗黑版上嘅节令推介。炙烧和牛卡尔帕乔（$118）：碟底嘅炙烧和牛松润多汁，揤上柠汁再捞埋舖面嘅葱丝、葱碎及芝士丝即倍添清爽，相当开胃。是日生蚝（$78/只；$128/只）：精选生蚝款式每天不同，欢迎贵客任点唔嬲，不过拣前记得问清楚啲海鲜价。两只唔同种嘅生蚝同样白雪雪、滑嘟嘟、胀卜卜，入口柔滑细嫩，鲜美尤甚。蒲烧鳗鱼（$148）：大肥赞个鳗鱼烧得好香口。青椒仔（$28/串）、生海胆鸡柳（$42/串）、盐烧五花肉（$38/串）：串烧大多以拼盘上。第一碟中嘅青椒仔明显唔系小肥叫嘅；生海胆鸡柳一串有四件，以生海胆点缀虽则系浓味啲，无奈用紫菜包住嘅鸡柳肉质比较干嚡，组合唔系几得；盐烧五花肉肥瘦均匀，食落十分爽脆。盐烧鸡肾（$38/串）、味噌鸡颈肉（$38/串）、味噌鸡颈肉（$38/串）、盐烧鸡软骨（$38/串）：两串鸡肾食落有啲㶶，幸好够爽口；鸡颈肉就唔系好得，因为两串都冇乜皮，好似食鸡肉串咁，完全唔系𠮶会事啰！鸡软骨串原来系胸骨𠮶种，咬落唔算特别脆，不吃也罢。盐烧牛舌（$48/串）：牛舌每串约有三件，盐烧𠮶串十分松爽，个人只系略嫌咸咗少少。汁烧牛舌（$48/串）：汁烧𠮶串味道就甜美得多，不过唔知点解好似缩咗水咁。盐烧鸡尾（$38/串）：鸡尾粒粒Q弹爽脆，依个食得过！汁烧免治鸡肉（$38/串）：热辣辣嘅免治鸡肉软嫩中带著微微脆卜卜，黏上月见生鸡蛋黄豉油迅即添上鲜浓与香滑，外层如果可以烧耐少少效果应更佳。鹅肝免治鸡肉（$58/串）：球状嘅免治鸡肉串上加咗pat鹅肝酱，卖相认真唔吸引，又腥又嚡嘅肝酱直头系污染咗串免治鸡肉，典型嘅画蛇添足呀！食到咁上吓，温婉嘅服务生突然每人送咗杯清酒，讲明系老板请大家饮嘅。全场饮胜一刻成功掀起一度高潮，坚有气氛！天妇罗盛合（$168）：炸至金黄嘅天妇罗外脆虾弹牙。汤底烧冬菇（$45）：厚厚嘅冬菇半腍半弹，芳香不油腻，用汤浸住唔会觉得干。北海道布丁（$38）：甜品北海道布丁香滑甜美，简单可口。湾仔楼上居酒屋「炭兎」环境光鲜企理，服务生态度优良，送酒菜式质素就甚为参差，仍有颇大嘅进步空间，店子胜在老板请饮酒识搞气氛，可以一试嘅。
继续阅读