影片
港铁大窝口站 B 出口, 步行约11分钟
继续阅读
营业时间
星期一至日
12:00 - 15:00
17:00 - 22:00
公众假期
12:00 - 15:00
17:00 - 22:00
公众假期前夕
12:00 - 15:00
17:00 - 22:00
以上资料只供参考，请与餐厅确认详情
食家推介
姪仔DSE 放榜，家人高兴之余，预早BOOK 定炙和味。话之前食过Lunch set 都唔错，份量足，唔驶食放题。因为住附近，所以就专登走过嚟留枱，已当面讲明book 7位食套餐，但店员话7位要落$500订金。心谂，可能人多就要俾订金啦！之后就安心等食。去到入座后，就俾QR code 落order， 但系放题menu，于是就叫店员俾过个套餐QR code 我哋。店员一听到我哋食套餐就变脸，话要叫经理搞。个女经理一嚟就黑口黑面。订座时有误会大家都唔想，又唔系话你有错又唔系拗著数，驶唔驶先下口为强，一直响度强调你哋规规矩咁咁咁…… 「要放题先可以book位，套餐定食冇得book 位，要响出面等位。」咁我问：而家点呢？我哋唔食放题，要食套餐。个女经理谂咗一阵，答：「你哋唔好坐呢度，坐另一张枱」，于是我哋就转咗去隔离枱，其实真系唔知有咩分别。女经理强调：「你哋食套餐得60分钟咋，话你知。」简直系三等公民嘅感受 。食物质素 份量足，一个人食绝对够饱。鱼生都算新鲜。锅物乌冬系普通嘅即食乌冬。牛柳粒就系平日常见嘅一口和牛。牛味一般。寿司饭松软弹牙。套餐平均$100一个，格价同品质相乎，CP值一般。饮品方面 选择几多，有台式饮品（各款珍珠奶茶），又有港式柠茶，奶茶。味道都唔错。最后，到食完埋单俾钱时，个女经理仲讲：「下次食套餐冇得book位，要响出面等位。」放心！绝冇下次。🤬 而且食完呢餐，真心觉得食套餐定食就够，食放题就去第二间好过。🙏🏻
继续阅读
一碗暖既橙色乌冬价值90主力讲下有咩食材个set有中华沙律2旧唔知点解要加芝麻酱既饭卷一碗橙色温暖既乌冬有6样佢话系北海道海鲜海鲜有一粒带子一只青口2只细虾2条蟹柳2块鱼蛋3只蚬好想知以上物品同北海道咩关系个2块鱼蛋系我食过最不知所谓粉同鞋既个汤先系重点我叫辛辣汤但黎到唔热不特止个橙色汤唔知咩黎我唔敢饮落去草草食左一半「北海道」海鲜同少少乌冬之后放弃本身唔想打负评但够胆食卖90一定要写出黎告诫大家做食物系要用心无心就唔好做（无论餐厅定个厨师）劣评同埋唔会再食！
继续阅读
有好多特饮，但系无一样嘢系好饮，连珍珠奶茶都可以难饮。刺身一般，唔算好难食。虾同油甘鱼不太新鲜，无口感。手卷嘅紫菜超硬，食咗一两件，顶唔顺夹走鱼生食，放弃食紫菜。唯一比较正常嘅系炸物。炸物超油，虽然炸物系会油，但系每咬一啖都喷油。真系唔掂。
继续阅读
已经一段时间冇嚟啦，相隔一年再嚟因为荃湾已经冇乜日式放题店，今次再俾机会佢嚟食吓啦！出乎意料之外，今次质素回复返平时以前一样咁好食，刺身好新鲜唔错，终于回复返水平，牛舌比较韧咗啲，天妇罗可以唔食，鳗鱼啊烧鸡翼呀都唔错，特饮方面都好多款式，啤酒亦都任饮，平日298一位加一服务费，呢个价钱保持住呢个质素都唔错，因为佢比起其他荃湾嘅放题呢间算系我食过嘅保持水准，大家可以嚟试吓食得过，午餐放题仲有3小时任食真系好抵
继续阅读
今日（15-6-2024 Sat） 同老公拎嘢落荃湾回收，而因为落雨我哋就入去熊猫酒店避雨兼揾嘢食，我哋睇吓食乜嘢，见到好耐都未食过嘅呢间，除咗食放题之外都重可以拣定食，于事试吓。店员安排座位需要搭枱，坐低后睇menu同用QR code落,单睇完menu后，我哋要咗:2. $15.00嘅罐装生啤老公饮，我冇饮到。4. 跟餐嘅热柚子蜜份量啱啱好，唔太甜。3. 寿司定食$92.00嘅海之恋寿司定食因为我见到佢有北寄贝寿司所以就拣呢个，而其他有 三文鱼，黑松露油甘鱼，蟹棒，赤红虾，三文鱼籽军舰，龙虾沙律军舰同日式饼卷，上到嚟睇，多咗迷你真打乌冬同是日沙律，原来系配埋，而睇返，多咗件墨鱼寿司。先试真打乌冬，口感腍咗啲，个汤几好味。而寿司呢?日式饼卷就只系将龙虾沙律放喺梳打饼上面，变相我食咗两份龙虾沙律，不过龙虾沙律算好食，其他嘢其实都普普通通，唔好有太大期望。1. 鱼生丼系列$98.00嘅登别火只天丼呢个又系跟是日沙律同味噌汤，鱼生有三文鱼，油甘鱼 带子，鳕鱼同龙虾沙律。成个都系老公一个人食，我冇食到，佢话带子同味噌汤有沙，但佢就话呢度以呢个价钱系可以嘅。2.5分呢喥如果系散叫同食定食就限时一个钟。服务:都OK有礼貌，同会自动放低两杯水，而凳底同一啲梳化凳都有篮同可揭开放嘢。价钱:连加一系$226.00。2.3分
继续阅读