《炙・宴》火炙冲绳琉香豚猪骨🍖汤拉面🍜📍钻石山龙蟠街3号荷里活广场1楼131-133号舖虽然呢间店专做丼饭，都有唔少分店，咁啱经过又未试过，而见到佢人気 No.3 嘅产品系拉面，试一试啦。《火炙冲绳琉香豚猪骨🍖汤拉面🍜》香味 (4/5)碗面一上枱，就闻到浓浓嘅蒜香味，随之而来就系葱同豚骨味，非常好闻，第一印象好左先。汤 (3.5/5)碗边嘅左侧见到有唔少炸蒜，同蒜油，香味系以蒜味主导冇错，啖汤饮落蒜嘅身位又冇闻落咁重，豚骨嘅咸香味同蒜味不相伯仲。豚骨味够浓，不过少少唔啱口味嘅系，佢应该落左忌廉或花奶之类去加添左份奶香味，我就麻麻地。而蒜油可能重手左d，令到个汤嘅油腻感偏高，少扣分。面条 (3/5)豚骨汤拉面，一般配置都会配细直面，低加水，偏硬会更普遍。不过呢款面有d颠覆左呢个概念。面虽然都系细直面，但似系中至高加水，而比较腍身，同平时响一兰食到嘅博多拉面标准配置差颇远，有d似屯门道配鸡盐清汤款面。面味几够，面对浓浓嘅蒜爆奶香豚骨汤都冇话盖过晒，我觉得都算几夹，不过可能先入为主，我未系太习惯呢个配搭。配料 (4.5/5)猪叉烧系一大亮点。Menu上有提呢款叫”琉香豚”，个名有d比佢抛窒左，所以食嘅时候警介心颇重，食落点知真系有料到。呢款肉似猪里肌，系猪扒常用到嘅部位。因为比较瘦，脂肪唔多，肉质一定冇猪肩肉猪五花d咁腍，口感比较扎实。不过因为边边位有火炙过，而调味有用心思，食到生姜味，而肉味够晒鲜甜，带些点儿微微酸。呢款叉烧我会比满分，可能佢调味特别之余，又对到我口味，我钟意偏瘦。溏心蛋，稍稍少扣分。唔系因为基本功问题，只系响个咁浓味嘅汤，面，同猪叉烧底下，呢款蛋调味唔太够，太清淡左d，而蛋香亦不足。另外唔知系咪午巿先有，免费送左碗沙律🥗。蔬菜嘅新鲜程度，调味，都系做得几好。虽然我认为呢款面系够晒香浓，但唔代表佢太咸或太甜，反而咸甜度系刚好，我不经不觉食下食下就食鬼晒，完全冇话大咸想沟清汤嘅想法。最后当然系完食啦！整体 - 值得推荐 👍👍👍👍呢碗面比到我最大记忆点系来自块猪叉烧，我一离开间铺已经谂紧几时返头食，确系令人口味。另外佢嘅腍身中高加水面亦记一功，而蒜爆白汤亦比到我强烈满足感。提左咁多好野，系咪冇野弹又唔系，上菜速度真点慢，冇刻意计时但由落单到上菜大概都有15分钟⏰, ，而当时铺入面并唔多人。…查看更多
