影片
食家推介
今日去左康城呢边唔算好多餐厅大多系连锁店难怪俾人叫美食沙漠最后拣左《炙宴》食日本野价钱合理选择都几多我地拣左幸せの二重丼每个餐都有两款主食好丰富而且好适合我呢啲三心两意嘅人🤭宫崎和牛丼配热乌冬虽然有两款主食但每款个份量都唔会特别少👍宫崎和牛果然美味又香又软🤤酱汁甜甜地好好送饭冲绳猪肉煎饺皮薄新鲜热辣入面仲有肉汁咋👍角切鱼生饭配冷乌冬非常适合夏天食成个套餐都好清爽其实连锁店所以成为连锁店都有⼀定实力嘅喺康城想食好啲炙宴会系好选择！
继续阅读
同大少入康城上堂，咁难得入康城就当然要睇下有咩好餐厅，行过先俾佢地门口嘅飞天猪吸引，然后见到个「幸せの二重丼」定食觉得又几吸引，所以就决定入去食个日式双重味觉餐。「幸せの二重丼」定食就即系一个定食有丼饭同乌冬两款主食，而且仲有埋沙律、味噌汤、冲绳猪肉煎饺、甜品同埋饮品，够丰富得嚟价钱都唔贵，绝对系性价比高之选。大少就叫左个 宫崎和牛丼 配 乌冬，宫崎和牛肉片厚薄均匀，而且烧得好香口， 入口够腍身之余仲好重牛味，配埋甜甜地嘅烧肉酱汁，真系送饭一流。另一个主食清清地唔会太咸嘅鲣鱼昆布汤，再加埋弹牙嘅乌冬，真系唔错哦。我就来一客 角切鱼生丼配冷乌冬，虽然系角切鱼生，但材料都好新鲜，三文鱼、吞拿鱼、带子、三文鱼籽、青瓜粒及玉子，卖相十分吸引。而配搭嘅冷乌冬入口烟靭，所以话绝对系夏日必食之选。另外，配菜嘅味噌汤、冲绳猪肉煎饺同埋黄豆粉蕨饼都冇闪失，好味又啱我口味。
继续阅读
我地帮衬过好多次，尤其钟意食佢既和牛丼。今晚好想食和牛丼，叫老公买外卖返嚟，但今次经验非常失望😞。开盖时唔觉有咩问题，食食下就发现佢唔系以前一块块既和牛，变左一条条既牛柳c? 个汁同之前味道都完全唔一样，好唔开心？ 好嬲点解一间和食餐厅好味既「和牛丼」变左一碗好似茶记出既劣质牛柳c饭？我唔知道佢系做生意唔老实定点？ 如果佢系卖晒或者冇晒和牛既，就应该老实同客人讲咯！ 唔系系度混水摸鱼？ 为左赚钱，攞 d头头尾尾剩余既低品质食物比客人实属不智？ 仲要系「昆」我地呢d 常客街坊🤬？
继续阅读
平日都叫开佢地个烧豚肉饭，今次试下佢地推出幸福2重DON既定食，价钱由$98至$158不等～🍱先介绍下我地叫佐个定食。我地叫佐月见猪腩肉及黑咖哩炸鸡芝士饭以及角切鱼生饭～🍤🍗首先系月见猪腩肉及黑咖哩炸鸡芝士饭，🍲讲真一碗饭已经系好饱，何况系两碗饭，仲包埋沙律、味噌汤、饺子、生鸡蛋、野饮同同甜品，超级丰富～之前未试过黑咖喱，味道同平时黄色嘅咖哩差唔多，而月见猪腩肉同平时食嘅烧豚肉一样咁好味～至于角切鱼生饭，🍣鱼生都新鲜嘅，而家好足料。店员比我地改有汤乌冬～乌冬感觉烟靭～感觉好食过鱼生饭添🙉
继续阅读
呢间日式丼饭专门店最近出咗「#幸せの二重丼」定食，一个定食可以食到两款主食，有丼饭同乌冬，仲包埋沙律、味噌汤、饺子、甜品同饮品，够晒丰富价钱只系由$98起，最贵𠮶款先$158，百几蚊食到宫崎和牛 CP值好高✨宫崎和牛丼 配 乌冬(热)宫崎和牛烧得香口，油脂丰富入口即溶配埋甜甜地嘅烧肉酱汁，送饭一流日本米饭口感黏糯好好食，果然系丼饭专门店👍🏻乌冬食落滑溜，鲣鱼昆布汤底清淡唔会太咸✨角切鱼生饭 配 乌冬(冻)天气热想食啲冻嘢拣呢个定食就啱晒角切鱼生饭色彩缤纷卖相好靓而且好足料，有齐三文鱼、吞拿鱼、帆立贝、三文鱼籽、玉子同青瓜带点微温醋饭酸度啱啱好，好开胃冻乌冬食落口感烟韧
继续阅读