影片
营业时间
今日营业
11:30 - 22:00
星期一至日
11:30 - 22:00
*最后落单时间: 21:30
以上资料只供参考，请与餐厅确认详情
食家推介
今日去要去元朗开会，平时都好少去元朗加上午餐时间比较赶，但见到「炙・宴」评价唔错，就入去试下睇系咪啱啲忙碌上班族食。可能因为一个关系等位都算快，环境都算唔错，一个人坐都唔觉得局促。我点咗火炙叉烧猪骨酱油拉面，成碗面嘅卖相非常吸引。汤底浓郁但唔会太油腻，带有淡淡嘅酱油香，入口舒服。叉烧系炙烧过嘅，外层带有少少焦香，肉质唔会太肥，但口感嫩滑。面条亦非常弹牙，煮得啱啱好，啲汤底同面条嘅比例控制得几理想。餐厅服务算几快，拉面由落单到上枱只系等咗唔够十分钟，对于午餐时间唔多嘅我嚟讲，呢个速度系非常加分。不过，午市时段人流的确比较多，等位大概等咗5分钟，幸好翻枱速度都算快。「炙・宴」其实几啱上班一个人要快食，啱啱好满足到赶时间但又想食啲有质素拉面嘅需要，下次有多啲时间一定会再慢慢细尝其他菜式！
继续阅读
每次经过都想试，坐位唔算多，未到7点已经要开始等位。食物卖相吸引，份量足，但价钱相对贵。炸鸡芝士黑咖哩饭 $984旧炸鸡，超香脆，日式咖哩微辣、偏杰身，舖上烧过既芝士，但未溶得晒，咖哩食落有少少墨汁味。加$15转套餐，包味噌汤及迷你沙律。宫崎和牛锅 $189汤底可选寿喜烧或猪骨清汤，和牛雪花纹， 非常吸引，但得3片，有牛味，但唔系入口即溶。另有杂菜、芋丝 、豆腐、冬菇、金菇等，清汤冇乜味，跟白饭一碗。价钱相当贵，味道普通，完全不值这个价钱。
继续阅读
成日食日本定食时1516咁，心大心细咁每次都想食吾同类型既野，今次比我见到炙・宴出左二重丼，一个价钱，有2款不同的食物重包埋小食饺子🥟沙律、汤品同甜品上网睇原来有好多分店，我就过嚟元朗YOHO试吓，平日18:00可以直接入座，相信19:00就会比较多人角切鱼生丼配乌冬虽然系角切鱼生，但系材料都系新鲜，颜色配搭鲜明，而且青瓜粒口感更加清新，另外配搭冷乌冬质感更烟靭，啱晒炎炎嘅夏日猪肉饺子外皮微微带焦香，咬落有肉汁宫崎和牛丼配乌冬和牛表面带微焦，咬下肉质很嫩，配上甜甜既酱汁，吃下去很开胃🤤呢个价钱系几抵食，甜品系黄豆粉蕨饼，口感烟靭软糯
继续阅读
喺商场揾餐厅食饭，俾门口只可爱白色飞天猪所吸引🐽😂，就同我友立即入去试下，估唔到唔单止可爱，仲几好食😍✨「幸せの二重丼」系列✨又想食饭又想食乌冬，心大心细，唔知点拣？唔紧要，小孩才作选择，呢个系列好开心，满足晒你所有需要。🔸宫崎和牛丼配乌冬（热）$158和牛非常嫩滑，牛味浓，配上煮得软稔的鸿禧菇，爽口的葱丝，口感丰富。淋上微甜的酱汁，非常开胃。乌冬非常爽身弹牙，一啖入口，汤底有淡淡的昆布同鲣鱼甜味，热辣辣，好好味😋。🔸角切鱼生丼配乌冬（冷）$138色彩缤纷，卖相十分吸引。内有多款刺身，三文鱼、吞拿鱼、大大粒三文鱼籽、青瓜粒及玉子，的确十分丰富。搭配冷乌冬，简直系凉浸浸之选，所以喺我心目中，系最完美嘅夏日套餐。所有此系列的定食都会配味噌汤、沙律、饮品及冲绳猪肉煎饺2件，一口下去去，香脆多汁🤩，好正。还附上日式蕨饼作为甜品，黄豆粉很香，烟烟韧韧，真的深得我心😍。店入面有好多🐷形饰品，超级可爱😍，喜欢朋友不要错过！想睇更多介绍，马上Follow我啦😁。#big_big_foodie #big_big_foodie食匀元朗
继续阅读
上星期希希去完元朗同朋友仔玩完之后，就去左Yoho行街不过爸爸想食饭🍚，妈妈想食鱼生🐟，而希希又想食乌冬🍜㖞，揾左好耐都未揾得啱去边度食。突然见到【炙・宴 Aburi-EN】有个《幸せの二重丼》，可以一次满足哂希希一家人嘅要求😋🐂宫崎和牛井配乌冬（热）🍜一打开呢个宫崎和牛井，已经俾𠮶阵香气吸引住👃个丼饭用上优质嘅宫崎和牛🥩牛肉片片厚薄均匀，煮到啱啱好，保持住嫩滑嘅口感。牛肉上面洒咗少少葱花同香菇，仲有啲微微嘅香味。米饭方面，用嘅系日本珍珠米🍚煮得非常好，粒粒分明，唔会过硬又唔会过软，仲有少少弹牙嘅口感，配埋和牛真系一流👍配餐嘅乌冬亦都唔错，汤底清甜但有层次感🍲唔会过于浓味，饮落去好舒服。乌冬面条弹牙，有啲Q弹嘅口感。加咗不少昆布同埋鸣门卷，增添咗唔同嘅口感😋冲绳猪肉煎饺系配菜，饺子皮炸到金黄酥脆🥟但系入面嘅馅料仲保持住嫩滑，多汁😋🐟角切鱼生丼配乌冬（冷）🍜另一个餐系角切鱼生丼，同样令人惊喜🤩鱼生每一件都切得厚薄适中，鱼肉新鲜。鱼生铺满成碗饭🍣底下同样系日本短粒米，饭嘅质感同之前嘅和牛丼一样，保持住高水准。冷乌冬系夏天嘅一大享受❄️面条一样系弹牙，但冷面嘅口感更为爽口，令人食完之后感觉好清新🍃甜品方面，蕨饼上面洒满咗黄豆粉，咬落去有一种软糯嘅口感😋
继续阅读