火雞姐嗱喳麵 (怡生工業中心) (已結業)

15/2/2023 中午買了碗蘿蔔豬紅牛腩豬皮油面，$61先唔講價錢，初頭食落味道還可以，但食食下發現口中有異物咋咋聲，一吐下是好似鋼絲嘅東西，恐怖非常，幸好沒有弄損口部，之後再吃下豬皮都有咋咋聲情況，不知是否豬皮清理得唔好，大家食時小心，以免口部受損$61 依個價真係唔抵囉，味道又偏甜，食其他茶記好過呀，無下次，無下次，無下次，無下次，無下次！！

餐廳話收八點，我七點十五分到，都畀人鬧，話就嚟收，要食就趁快。其實，你七點半收咪講囉仲話咩要自己用手機落單，一落單堂食焗住變外賣，加2蚊餐盒費，56就變58七點半開始食，又話就嚟收，你要我快啲最難以忍受嘅係，有第二枱食完坐響度，你又同佢傾賽馬，又唔見你趕佢走野食一般，味精水湯底，死鹹，偷雞收多錢，配上差別服務，真係唔知有咩賣點，可能係名人股東掛奉勸經過的朋友，過條馬路去成業街，對面大把野食，冇咩必要唔駛咁睇唔開嚟受氣。

員工服務真係好差，第一次去點完餐唔記得要加辣汁，同員工講唔該想要辣汁，跟住員工就反眼話唔啲講…第二次去係買外賣，我話外賣，員工好晦氣話「叫啦，要乜嘢？」我只係點咗餸未揀麵底，佢急不及待係唔係冇其他，之後我話要油麵，佢又反眼！員工態度咁差真係冇下次，又唔係真係咁好食，觀塘大把好食過佢。又唔知有冇其他食客抵得住呢種服務態度，我諗呢間店仲停留緊澳牛時代，繼續咁真係聽執！———————————————————————-

地方整潔，點了餐牌嘅小辣，但係辣到食唔落，湯底也非常少，感覺湯底應該唔錯，可惜就算以少辣程度已經蓋過湯底所有味道。叫咗四個餸加粗等如外面下午茶份量。觀塘工業區一個簡單車仔麵午餐加可樂$62。全部用即棄膠碗，感覺像外賣快餐店，不過餐廳價錢。味道無法形容因為太辣，食唔到食物嘅原味，所以是否靚材料真係試唔到。雖然支持走膠，但係竟然提供樽裝可樂，應該俾支長啲飲筒。夏天時候或怕辣不太建議去幫襯，呢個價錢嘅午餐應該有其他選擇吧。

剛聽到餐廳的名子, 還以為是YouTuber火雞姐開的, 她在公眾和YouTube界也消失了一段時間. 原來又是娛樂圈中人開的, 也就是華星冰室的車仔麵版本. 在觀塘工廈一角, 價錢定位不太便宜, 牛腩及魷魚要$14一份, 貼近何車水平, 但味道當然不能媲美. 豬大腸夠厚身, 口感外彈內軟, 處理乾淨, 相對令人滿意. 最令人印象深刻的, 是其辣醬, 就算小辣辣勁也夠澎湃, 不是川式麻辣, 而是簡單直接的港式辣味.牛肉羹是這裏的特色小食, 價錢和同區玖伍差不多, 份量這裏較少, 生菜為主, 再加上芫荽, 湯底味道自然, 加上表面的麻油, 肉香和麻油香是主軸, 牛肉肉質軟糯, 但脂粒和軟骨令其口感帶對比, 整體上的味道和口感沒有什麼問題. 販賣本土情懷的食店, 但沒有傳統港式的餐具而以外賣餐具上枱, 這也有點馬虎.Miss Fire Turkey is opened by the managers from HK entertainment companies. She is focused on traditional cart noodles and the price is qui

小強嗱渣麵明明係雞翼，牛腩，豬紅，冬菇，炸蒜配牛骨湯及油麵，但雞翼變咗雞翼尖，一舊豬紅都冇，但無啦啦多咗隻蛋。完全係亂咁嚟，好失望本身好想食豬紅，外賣返去先發現冇仇報

5點去買煎釀三寶 已經好多都無 得茄子同青椒 同炸雲吞 叫俾多鼓油 結果都係好少 俾八達通拍極都唔得 又叫我放埋D 根本部機都無開 阿姐話你有現金就俾現金啦 我想俾八達通喎 咁嘅服務無下次啦 之前個間仲好過轉左手

火雞姐嗱喳麵最近火紅因為好多雜誌都有介紹，剛巧在附近當然要去試吓先，雖然店舖細細但裝修都好特別，而店名都諗起電影食神！好啦！到點餐時間～真係多選擇乜都想試，我哋兩個人決定選不同嘅餸⋯我反而覺得西洋菜餃值得推介👍🏻我哋叫少辣⋯⋯都幾辣好過癮！另外加$8叫菜蜜再點煎釀三寶啲魚肉好足料，好味👍🏻

離晒譜架！我打外賣電話過去話无得叫外賣，外賣自取都吾得！叫我自己去買。OK咁我當佢真係好忙啦，點知我落到去啲人企係到吹水，嗌野食又話呢樣无嗰樣无，无晒又唔講，要我係到企半個鐘等佢煮。沒兩個鐘lunch都唔好去食！

第一次食, 叫咗三碗麵，2個淨餸。5樣野，4樣嘢執錯，比錯麵，唔記得走青，咖哩魚蛋無咖哩汁….. 明白新開鋪，有待改善。蘿蔔甜，豬紅濃，大腸爽，牛腩腍，味道很不錯👍🏻 但份量我覺得比其他同類食店係少。叫了小辣，但真係唔講得笑，辣到要分開湯食。 下次會分開辣上。 建議加微辣做選擇。服務都係傳統車仔麵嘅感覺，唔係特別好，又唔係差。環境裝修有風味。係商業區很不錯。整體係好味😋 下次會再食，試下不同既餸。希望到時會有改善。

豬紅滑嘟嘟，豬皮彈牙爽口，豬大腸香口唔肥有𡁻頭，辣汁、咖喱汁出色👍🏻👍🏻整體98分！好想試埋個早餐，生炒沙爹牛肉出前一丁、滑蛋厚多士，才三十多元，抵！