140
29
10
港铁旺角站 E2 出口, 步行约6分钟 继续阅读
所有分店 (4)
电话号码
23361098
66835853 (Whatsapp)
开饭介绍
主打养生火锅,汤底有台湾人气红白锅、妈妈滋补老火汤、酸菜白肉锅等,非常足料。另有自创五花茶沙冰、腐竹糖水沙冰等饮品。 继续阅读
营业时间
今日营业
17:30 - 03:00
星期一至日
17:30 - 03:00
*凌晨2:00 last order
付款方式
Visa Master AlipayHK 支付宝 现金 银联
其他资料
支持防疫
网上订座
深夜营业
酒精饮料
自带酒水 详细介绍
切蛋糕费 详细介绍
泊车 详细介绍
电话订座
外卖服务
加一服务费
当面支付
有关奖赏计划
食记 (207)
等级4 2020-04-05
32 浏览
个个都做外卖,响应支持医护嘅you stay home for us。无论乜嘢类型嘅餐厅都做外卖,对我来说,唯有火锅未试过,一於拣番间未食过嘅火锅试吓。自己有两个心仪选择,系616同火锅捻之间选择,我选了火锅捻,无他,朋友说佢个汤底比较贴近台式,又系要一解无得飞嘅无力感。另外最紧要餐厅做紧外卖大捻晒嘅抗疫campaign ,运费半价加上只要买够$600就送你一盒四保饺饺拼盘,如果$1000以上,运费更全包,再大你多一个五色丸拼盘。就因为呢两个原因,最後我选择了火锅捻。我在IG post左之後好多朋友都问我反应,即刻同大家报告一下,讲番下当晚吃嘅item。一位酱油 $20,看似好贵,但系见到一次过送上好靓切好嘅芫荽,辣椒和葱花,一枝豉油,仲有湿纸巾送,还可以接受啦。个人认为,最令我惊喜系呢个蜂巢豆腐白汤锅,用上多种不同的药材和人蔘,令到个汤好甜,奶白色嘅汤底令我想起了台湾嘅无老锅,最正嘅系外卖汤底竟然有两大盒,另外仲有蜂巢豆腐和猪红另上,基本上如果你系屋企自己都煲咗啲清汤之後加嘅话,呢两盒可以分两次食,於是我连续两晚,打咗两次火锅。极品黑豚肉 $99,平时系香港用呢个价钱食嘅豚肉系好普通,但今晚黑豚肉出奇地新鲜,带点像吃台湾松板的惊喜,薄身得来依然保持了豚肉的口感。鲜鸡件$79系最好的选择,放落个汤度煲又可以出味,鸡件都几大件,而且差唔多有大半只,特别喜欢鸡髀嘅位置。骰子牛肉粒 $129的份量也很多,在汤底刚滚好嘅时候放落,去到一半先攞出嚟食,牛肉像有肉汁般,肉味一流,而且全部都好大粒,几出色。鸳鸯拼盘选左黑松露墨鱼滑拼香菇贝鲍鲜滑也只是$88,两样都是店方推介之作,墨鱼滑嘅黑松露味强而有力, 香菇贝鲍真系有鲍粒系入面,全部都真系有内涵有实力,而价钱真系唔算贵。顺德鱼腐 $39是炸过来的,所以不用放太久,但这个绝对是一个大惊喜,顺德鱼腐的口感非常烟韧,仲要好有咬口,而且有浓厚的鱼肉香。加左四件鸭血,原味上也只是$22,呢几件鸭血都比汤底中嘅鸭血大一半,而且口感不错,我不会说劲好食,但以香港嘅鸭血质素来讲算是中上。另加一个蟹籽手打虾丸,大推,一定要食,好有质感。最後讲吓佢送嘅四保饺饺拼盘,云吞、鱼皮饺、韮菜饺 、水饺几种都非常出色,全部听说都是自家制,饱满有力,当中最喜欢韮菜饺,咬下去满满的韮菜香,一流。食咗咁多嘢,四个人每人都只系$150,最重要系包装全部都好精美,而且送货时间非常精准,店员有礼貌,今晚我已经又想叫多次食。在家千日好,大家可以的话就继续stay home 。火锅捻  旺角旺角染布房街6号1楼 继续阅读
(以上食记乃用户个人意见 , 并不代表OpenRice之观点。)
等级4 2020-03-09
214 浏览
自从「打边炉家族」之後, 少左好多人去打边炉, 但其实只要做好个人卫生,就唔会有问题架啦!希望快啲抗炎成功啦!💪🏾 我同小妹今次去左旺角「火锅捻」打边炉, 餐厅都严阵以待, 食客全部都一律要探热同用酒精搓手液消毒双手方可入座, 「火锅捻」所有餐具都系即弃, 仲推出左一人一锅, 咁就可以打边炉食得放心啦! 见到佢推出左新汤底,系沙嗲沟麻辣汤底, 啱晒重口味又嗜辣嘅我哋!😂 台式古早沙嗲麻辣锅($129) 以十多种药材熬制而成,好香浓, 辣劲比一般沙嗲汤底强, 带沙嗲和沙茶香气, 仲有配料蜂巢豆腐和鸭血, 吸尽汤底嘅精华,正!☺️ 小妹系食肉兽, 所以打边炉一定要有肥牛, 极品安格斯肥牛($229) 肥牛有小和大两个size, 我地order左大, 不过份量比我想像中少, 颜色唔系好鲜艳, 不过胜在肉香有嚼劲! ⭐️推荐❗️火锅捻香卤拼盘($119) 1次过可以食晒所有卤水:蜂巢牛肚、香卤大肠头和香卤牛筋, 卤水味几入味, 肠头厚肉有口感,牛筋嫰滑,值得一试! 上次试左黑松露墨鱼滑和瑶柱干贝滑, 两款都好正! 今次就试下第二种口味啦! ⭐️推荐❗️鸳鸯滑滑拼盘($98) 黑松露墨鱼滑好香嘅松露味, 仲有粒粒墨鱼肉系里面,食落爽弹有嚼劲! 香菇贝鲍鲜滑材料丰富,口感十足,好味道!😋  ⭐️推荐❗️红薯宽粉($40) 扁长条状嘅宽粉条够煮不烂, Q弹烟韧, 有咁正嘅汤底,一定要有吸汤嘅配料!👍🏻 最後, 每枱食客都会赠送腐竹糖水沙冰乙杯, 腐竹味真系好突出, 够晒清凉解渴!😆 继续阅读
(以上食记乃用户个人意见 , 并不代表OpenRice之观点。)
等级4 2020-03-01
237 浏览
上星期好开心,因为喺屋企打边炉都可以食到火锅捻嘅酸菜白肉锅!餐厅最近推出外卖服务,立即引起我嘅兴趣。第一次外卖火锅料,餐厅送到屋企楼下劲方便,我哋因为买满$1000,所以运费全免!餐厅好细心咁pack好晒啲食物,酱料都有齐,连汤底都有三大盘,可以原汁原味唔洗自己加清汤!最惊喜系餐厅竟然送埋酒精搓手液作抗疫小礼物,好窝心。酸菜白肉汤底 $114酸菜白肉汤底真系好入味,新鲜酸白菜配以大骨汤每天新鲜熬成,汤头酸而不呛,入口酸香瞬间化为鲜甜,打边炉前首先饮返几碗!白肉肥瘦适中,清爽唔油腻,加上汤头几微酸,不但减低肥腻程度,仲好开胃!火锅捻御用手切肥牛(大) $308火锅捻御用手切肥牛都值得一试,肥牛肉质软腍,肉味浓郁,好彩点咗大盘,唔驶几分钟已经清光!日本A4霜降和牛(小) $298日本A4霜降和牛虽然点咗小,但份量都唔少,都有10片左右!霜降和牛油花漂亮,雪花密布,肉味冇手切肥牛咁浓,但口感真系入口即溶,食落充满牛脂香。酒糟五花肉 $79火锅捻嘅酒糟五花肉都劲正!五花肉口感爽脆,食到清淡酒香,好入味。香菇贝鲍鲜滑 $69除了肉类之外,鲜滑都好出色。香菇贝鲍鲜滑系手打墨鱼滑,添加香菇瑶柱鲍鱼,爽弹之余口感更加丰富。脆魭鱼腩 $60魭鱼腩肉质结实弹牙,口感很爽口,吸收汤底鲜味,打边炉必备!我哋另外亦都试咗餐厅自创嘅蛋牛包心墨鱼丸 ($69)。丸类手打,所以系几弹牙嘅。呢段非常时期,火锅捻宜家每位食客无论堂食或外卖都采用独立餐具,比较安心。我哋喺屋企都系由妈咪一人用公筷碌熟,再分俾大家,虽然无得亲手碌乐趣系比平时少咗D,但始终比较卫生,同埋有得食到街外汤底以及火锅料一样开心呢!落单方法可以上佢嘅官网。 继续阅读
(以上食记乃用户个人意见 , 并不代表OpenRice之观点。)
等级4 2020-02-25
264 浏览
趁天气仲未回暖,打边炉嘅慾念仍然处於高位,今晚就帮衬呢间成日经过但未食过嘅火锅店受疫情影响,火锅店都加强卫生指数,门口设有消毒洗手液及口罩弃置袋,临入场仲有店员量度体温全部采用一次性即弃餐具,另提供酒精湿纸巾,务求带比客人多一份保护及信心多款特色汤锅同火锅配料,足足两页纸多款特色汤底,见呢个蜂巢豆腐白汤锅 ($129)写住镇店推介,以鷄及猪骨用文火肴制,再加上精选滋补香料及原条人蔘,仲有苹果,红萝卜,海底椰,粟米及百合,再加入适量忌廉牛乳增加香滑度,味道偏重药材味但系适中嘅,未开始落火锅食材就先饮碗先!  汤锅中亦有自家制蜂巢豆腐,用黎索汤好滋味,仲有鸭血,超级足料!火煱点可以无牛?!  呢客极品安格斯肥牛 ($149/小),将一片片肉色靓仔嘅安格斯肥牛挂系架上面话系肥牛但又唔算好多脂肪,只需用热汤拖几拖就食得,满满牛味又带点脂肪嘅甘香,肉质都几嫩锺意食有咬口嘅食物,呢碟脆鲩骨腩 ($60)正合心意呢D位无咩细骨,口感爽脆,究竟是谁"发明"左呢D咁过瘾嘅鱼架?!食过觉得香滑似食紧果冻咁,当然要追加鸭血 ($22),滑嘟嘟呢芝士牛丸就食得多,黑松露菌爆酱牛丸 ($89)就第一次食,每粒都圆碌碌又涨卜卜浮起就食得,牛丸里内藏黑松露酱,咬第一啖时要小心爆酱; 黑松露菌味唔算太浓,粒牛丸就几弹牙,咁嘅配搭都几新鲜有丸就多数食埋饺子 (唔好问我点解.....哈),呢客巧手韭菜饺 ($57),包法似护士帽皮比较厚身,烚嘅时间要耐少少,馅料菜肉比例一半半,调好味道,食得人满足打後用呢个鲜甜汤锅烚皇帝菜 ($44)及稻庭乌冬 ($48),就咁一碗青菜乌冬都已经很足够食完仲有腐竹糖水冰沙送比你做甜品,几有豆味又唔太甜,用黎中和呢一餐嘅热辣辣,爽皮呀~~ 继续阅读
(以上食记乃用户个人意见 , 并不代表OpenRice之观点。)
自从新年之後足足一个月无打边炉,对於一个爱围炉而坐不分四季都爱吃火锅来说,确实心瘾很大。天气又冻返又想打边炉,男友确实有我心。估不到今次好识做外卖火锅捻回家,安在家中有火锅真系第一次,最意想不到会送酒精搓手液作抗疫小礼物,买唔到收到确实窝心。另外,外卖会跟返酱料仲免收加一服务,仲抵食。台式古早沙嗲麻辣锅 (少辣)$129 堂食我最爱既沙嗲麻辣锅,估不到外卖有两大兜汤底,可以话原汁原味唔洗自己加清汤。汤底内有峰巢豆腐及鸭血,份量都多而且吸收沙嗲麻辣锅 精华,相当入味。沙嗲麻辣,有大、中、小辣,汤底辣得过瘾并不抢喉,配合其他食材令人津津有味。极品安格斯肥牛(大) $229贵价牛肉真的有所不同,牛肉纹理分明而且富有口感。相比街市买的安格斯肥牛大为不同,火锅捻的牛肉鲜嫩配上汤底後很美味。脆鲩鱼腩 $60小时候对於脆鲩鱼简直是反感,一来有骨二来麻烦。人大了口味上也会有所改变,脆鲩鱼腩的份量相当多大约有十至十二块可算是抵食。新鲜的脆鲩鱼腩精莹通透而且啖啖肉好吃。 鲜鸡件 $79曾经堂食食过鲜鸡件觉得抵食夹大件关系,又点少得呢?与堂食一样有大半只鸡,鸡件多肉并没有雪藏的味道,$79这个价钱没有半点挑剔的理由吧!流心咸蛋黄猪肉丸并手打双重芝心丸 $69火锅捻最大特色之一,手打丸多样选择每款都各有特色。个人喜欢流心咸蛋黄猪肉丸与手打双重芝心丸 ,前者内里满有咸蛋黄咸香肉丸弹牙,後者流心度高的芝心满载值得一吃。香菇贝鲍鲜滑并瑶柱干贝滑 $79 除了丸类之外,鲜滑也是一样出色。香菇贝鲍鲜滑与瑶柱干贝滑 ,两者都以墨鱼滑制成;人手制作前者内里有香菇贝鲍爽口富有嚼劲,後者瑶柱香浓郁带有粒粒干贝富有口感。原来火锅捻宜家每位食客无论堂食或外卖都采用用独立餐具,安心又放心;外卖返屋企,仲可以不用独立餐具更环保。落单方法好简单有3个途径:*1. 外卖自取**2. 直接致电或whatsapp落单(只需支持来回车资,外卖直送府上)离岛及禁区除外**3. Uber Eats落单✨消费满$600免一半运费,再送一份四宝饺饺拼盘✨✨ 消费满$1000运费全免,再送一份四宝饺饺拼盘+五色丸丸拼盘*另外凭有效单据於2星期内再次消费可享有堂食9折优惠(Uber Eats 外送服务除外) 继续阅读
(以上食记乃用户个人意见 , 并不代表OpenRice之观点。)