火鍋撚 (染布房街) (已結業)

🍲今次係我第3次幫襯火鍋撚，因為之前食過兩次都覺得好食，值得再encore。我哋6個人叫咗兩個鍋 — 蜂巢豆腐白湯鍋 & 秘製港式香濃沙嗲鍋；逢星期一叫白湯仲有免費追加蜂巢豆腐同鴨血🤩🐮🦪🦑🫔我哋叫咗日本A4特級霜降和牛、美國桶蠔、黑松露墨魚滑、老油條、即炸三秒響鈴卷⋯⋯以上呢幾樣都係好好味😋 特別想推介嘅係食落啖啖墨魚嘅墨魚滑，同埋配咗甜酸醬嘅響鈴，好似炸雲吞嘅味道得嚟又好夾！🍧去過嘅朋友都知道食完會有沙冰送，唔知係賣晒定我哋本身都叫咗 #腐竹糖水沙冰，送嘅變咗係冬瓜沙冰；但我覺得冬瓜沙冰太酸了，都係腐竹糖水好飲啲🫠🌟推介：黑松露墨魚滑、響鈴、腐竹糖水沙冰。…查看更多

凌晨一點放工諗住去打個邊爐，見到佢收三點，咁咪試吓囉，去到上咗2樓角落頭，應該得返我哋一枱客，佢哋已經準備收工，三個人食咗$1800、已經有八八折，但係嘢食同服務態度真係一般，肥牛嚡熠熠，響鈴唔脆，豚肉好少少，烏冬尚可，麻辣湯底有少少苦澀味，可能因為就收工啦，食到尾啲服務員都唔嚟加湯，食物份量比較少，問個着恤衫嘅男仔有冇啲靚啲嘅牛肉，佢當聽唔到走咗去，呢個價錢如果唔係咁夜，周圍都食到，唔會有下次！！…查看更多

今日同啲朋友去咗一間叫做「火鍋撚」嘅餐廳喇，喺旺角有架。整間餐廳裝修都好矚目，真係吸引到好多食客嚟食嘢。我地一入去，即刻感受到個熱鬧嘅氣氛，真係好興奮！餐廳裏面擺滿咗各種新鮮嘅食材同調味料，真係有好多好選擇！今日我地揀咗蜂巢豆腐白湯鍋，聽話話好正，真係好期待！我地坐定之後，服務員就即刻為我地準備火鍋嘅材料同埋醬汁，好貼心呀！火鍋上枱之後，我地就開始慢慢煮啦。嚟緊嘅時候，我地又加咗啲新鮮蔬菜同埋豆腐入鍋，真係好鮮美！啲肉類就揀咗極品安格斯肥牛，肥肥嘅肉質真係令人垂涎三尺。煮熟嘅時候，我地再沾埋自家製嘅特製醬汁食，真係一絕！好香好濃郁嘅味道，令人回味無窮！除咗火鍋之外，我地仲試咗餐廳嘅招牌腐竹糖水沙冰。真係冰涼又甜美，咬埋啲脆脆嘅腐竹，好開胃呀！食完火鍋同糖水沙冰，我地都飽到爆！好飽足嘅感覺真係太滿足啦！…查看更多

朋友帶我們一行三人去左火煱燃打邊爐，呢度嘅湯底正，麻辣好入味但唔係好辣，食材新鮮👍👍，不過份量偏少，而且價錢偏貴，地方比較細，冷氣唔夠，有D焗😅，唔算坐得舒服。…查看更多

天氣乍暖還寒，約朋友食飯諗你諗去都唔知食乜好，最尾都係彈去打邊爐，一於試吓火鍋撚。餐廳出名足料養生湯底，二話不說即刻點咗個媽媽滋補老火湯（160元），湯頭用上淮山、杞子、猴頭菇、粟米同埋紅蘿蔔等，熬製而成。未開始打邊爐先飲幾碗湯，湯底清甜濃郁，就好似飲咗碗靚湯。另外仲出名手工點心，不過今日幾款都賣晒，失色失色。🥢火鍋撚御用手切肥牛非常薄身，輕輕幾秒，即刻食得。過於薄身，失去手切肉的質咸。🥢五色丸拼盤為手工手打丸，肉質彈牙，口感紮實。🥢手打蝦滑份量偏少，用料新鮮，蝦滑爽彈。🥢炸魚皮脆口野味，將佢放入火鍋中，又係另一個食法。🥢炸午餐肉煎炸過嘅午餐肉，比較硬身，放入湯底之後唔會過淋。但同樣亦吸收湯底嘅精華，簡單嘅食材，但同樣突出。🥢 3秒響鈴不過不失，但相對薄身，未夠3秒已經淋晒。🥢腐竹雞蛋沙冰全晚最驚喜嘅飲品，清甜又冰涼，非常解渴。價錢略貴，但一分錢一分貨，食材新鮮用料亦講究。打邊爐嘅配料已經有十多種，啱晒鍾意嘅濃味的朋友。款式還好，可以揀半份，啱晒人少少。不過定價偏貴，未至不值，但同等價錢，有不少好選擇。…查看更多

聽聞呢間火鍋店好食已很久了，今天終於一試 點左一個大的手切肥牛上枱時令我非常驚訝 他的肥牛只有一粒扭計骰的平方切面咁大 我相信他成碟的牛肉份量只有四片肥牛左右竟要近$400 牛肉是打邊爐的靈魂啊 其他食物都已經吳需再詳細講 第一次打邊爐係唔飽的 …查看更多

.♡ —————— 𝗗𝗲𝘁𝗮𝗶𝗹𝘀 —————— ♥【餐廳】 火鍋撚 @【地區】#Dr_eat_旺角【類型】#Dr_eat_火鍋【價位】中價位【用餐時段】晚市【餐廳主打】足料養生火鍋，台灣紅白鍋，老火湯鍋，酸菜白肉鍋都深受歡迎【𝗛𝗶𝗴𝗵𝗹𝗶𝗴𝗵𝘁】飽後送的自家製腐竹糖水沙冰都超正────────────────────【環境/服務/衛生】環境古色古香，好似進入左古代客棧一樣不少地方值得打卡呃LIKE呢.【祖傳秘製麻辣鍋|媽媽滋補老火湯鍋 $190】嗜辣迷必試佢地既招牌麻辣鍋多種藥材熬煮成旳藥膳基底湯比起一般麻辣鍋溫和不燥熱但毫不滅低麻香的辣勁另一老火湯底亦係焦點之以家庭式老火湯做招徕先飮湯潤一潤再打邊爐慢火墩煮而成，火喉十足連湯渣都好軟腍好入味！.【竹蔗茅根紅蘿蔔馬蹄水 $78】打邊爐救星之一既竹蔗茅根水味道濃厚，入口清甜，舒心清肺又去濕熱.【即炸魚片頭 $33/半份】黄金色的魚片頭外層皮薄香口内裡肉質彈牙紮實.【脆皮芝士腸 $43】皮脆肉軟最正既係咬開半溶芝士流心湧出.【日本蟹柳 $26/半份】口感軟腍，配搭麻辣湯汁，一流.【至尊水餃王 $75】水餃王值得大讚！口感同鳳城水餃相似有蝦肉，木耳等其中蝦肉新鮮好彈牙餡多皮薄，好有口感，鮮味十足.【脆炸薄切土豆片 $53】超薄土豆片入口薄脆灑上既味粉增添不少層次感咬落好香口.【稻庭烏冬 $42】口感幼滑細膩，富有彈性無論配老火湯定麻辣湯都好適合.【生雞蛋 $7】打邊爐配生雞蛋，不少人都會咁食蘸上蛋液，口感更滑小編則更中意打落老火湯中打成蛋花再飲多幾碗靚湯────────────────────•• ┈┈┈┈┈ 𝗦𝗘𝗘 𝗠𝗢𝗥𝗘 ┈┈┈┈┈ ••【地址】旺角染布房街6號1樓【分店】中環|旺角|西環【℡】23361098【營業時間】星期一至日 17:30-03:00…查看更多

火鍋撚☀︎ 𝗦𝘂𝗺𝗺𝗮𝗿𝘆：裝潢以古色古香的古典風為主題由地面行上一樓，沿途牆壁掛滿件件古董掛件以木構架形式，配上精緻木系家具，吊燈等有格調之餘又不顯壓抑，富有立體感以台式養生火鍋為主打推出的湯底以足料濃厚聞名特別係招牌麻辣鍋，幾乎枱枱都見到其蹤影.◈ 祖傳秘製麻辣鍋。媽媽滋補老火湯鍋 $¹⁹⁰祖傳秘製麻辣鍋：十數款四川香料而成，配合不少藥材仲有滷水豆腐，腐竹，鴨血等湯頭味道辣而不熗，麻香辛辣，愈煮愈濃厚媽媽滋補老火湯鍋：超足料老火湯，以火慢熬煮而成有豬骨，粟米，紅蘿蔔，紅棗，杞子等味道清甜濃郁，好有「家的味道」.◈ 極品安格斯肥牛 小 $¹¹⁴肥牛雪花分佈均勻，係鍋中涮幾秒就最正肉質軟嫩帶彈性，肉味濃郁富肉汁.◈創意午餐肉菜甫餃 $⁶⁸午餐肉x菜甫都係我嘅至愛餃皮軟薄，餃餡肉腍又帶菜甫嘅爽脆感.◈香菇貝鮑鮮滑 半份 $⁵⁰香菇x貝鮑製成嘅鮮滑雙重口感，雙倍鮮味，爽彈入.◈餐肉煎底 $⁶⁵酥炸脆口厚切午餐肉邪惡級數最高！外脆內腍，好香口.◈新鮮紫淮山 半份 $⁴⁰係香港比較罕見所以屬限量供應比起一般淮山，包含更多花青素更多抗氧化物，對抗炎，穩定血糖等更有效女士們必食呀…查看更多

火鍋撚食評 本身諗住食其他打邊爐點知朋友介紹就去咗食火鍋撚啦 其實我覺得價錢都算合理都係$1000內 都係怕熱氣所以就唔食牛啦 但係發現佢啲豬都幾新鮮 又唔老 同埋呢佢嗰個芝士丸 唔係嗰啲垃圾街市買嗰啲芝士丸嚟㗎 係手打墨魚丸 入邊加咗嗰隻鹹芝士 所以都幾正👅另外仲叫咗佢個滑雞 幾好食好滑好好味😋咁呢我都超級推介佢嗰個雙拼珊瑚蚌加桂花蚌 超級爽口勁新鮮❤️❤️❤️😘😘😘同埋我覺得呢個湯底絕對唔少得紅薯寬粉！同埋唔係間間打邊爐都有得食！加分！最後飲埋佢呢個冬瓜檸檬沙冰清涼解暑！好多好特別嘅菜式真係得呢度先有！推介！…查看更多

今日嚟打邊爐係完全唔食牛嘅因為男朋友唔食啦同埋我都想試吓打邊爐冇牛食係點樣嘅初體驗醬料方面都唔算少叫咗個好好味嘅酸菜白肉湯底我哋都每人飲咗兩碗湯先開始叫咗呢個豬肉呢好新鮮好薄另外呢個好似花咁嘅形狀嘅豬肉呢佢其實食落去就好似好薄嘅豬頸肉咁因為唔記得係邊隻豬打邊隻豬所以轉頭會有返個張單嘅相珊瑚蚌同埋桂花膀都好新鮮超級爽口必食！另外仲叫咗滑雞紅薯寬粉同埋蟹柳仲有手打墨魚芝心丸 呢啲都係好好食嘅配菜嘢飲方面呢間嘢都多啲特色檸檬冬瓜沙冰 通常出面都好少有所以幾特別兩個人買單都唔使$1000都差唔多食物都比較高質…查看更多

火鍋的湯底很重要，同行的表姐不食辣，便點了雙併：一品酸菜白肉鍋和蜂巢豆腐白鍋湯。火鍋料未到，但湯已滾，我們先吃鍋内的料，一試，不得了，白鍋内的鴨紅超好味！我們立即加點了一客「自家製嫩滑鴨血」！大大件，就算滾耐了，也還是滑滑的！不喝酒的我們，點了一jar金桔檸檬蜜share，溫馨提示，金桔沉澱了在底部，建議先搖勻才飲用。所有火鍋食材都新鮮好味，我們人少少，又樣樣都想食，很開心可點半份，變相我們可以食多幾種食物！店員友善，招呼周到，自覺幫我們加湯，十分滿意！最後竟然有甜品送，腐竹雞蛋糖水，用鼎上，立即要影打咭相一張！…查看更多

秋風起又係打邊爐既季節今次收工7點幾來到旺角火鍋撚打個邊爐仔一入到去 侍應哥哥就比左一盤醬料比你自己慢慢溝豉油 麻油 醋 炸蒜 生蒜 蔥 芫茜 辣椒(紅+青) is basic但佢另外有 XO醬 <- 幾好味 D蝦米仔好香麻醬 <- 好夠濃厚 加小小 好香見到網上個個都讚佢個老火湯湯底好正然後又見到隔離檯個麻辣好香所以就叫左個鴛鴦湯底 2個都可以試哂一上檯就學人飲左佢個老火湯先果然真材實料 2舊大豬展係入面 又有好多紅蘿蔔同埋粟米飲入口好甜好夠濃味 >v< 廢事食唔到其他野都係飲半碗就收手啦麻辣湯底都好足料, 入面凍豆腐都最小有5-6片然後又有4大片鴨血今次我簡左大辣 好過引 d凍豆腐索哂d湯咁食 出色佢d麻辣湯係有小小藥材底味的 真係好似以前係台灣食果d麻辣湯底味 好岩我胃口仲有鴨血係 好彈牙 唔會一夾就散 食入口 吸哂麻辣湯同埋食到最尾 個口仲有小小甜甜地既味 好正>w<講到呢度我都只係講緊 湯底料 哈哈進入大直路 我最中意呢一間野既其中一個原因就係有時2人打邊爐 最怕就係叫完1份 個份量好多然後食得幾款野 你都飽左了呢度係可以比你叫半份 換言之 我呢d花心乜都想試既人可以叫好多唔同款式既食物 好感動極品安格斯肥牛 <- 用麻辣湯來燙一下就可以食食入口係比較滑既肉質 油香比肉味重 NICE五色丸丸拼盤有海瑞香gu貢丸, 海味花支丸, 流心咸蛋黃豬肉丸, 蟹子手打蝦丸, 同埋法式龍蝦湯牛丸全部都好好味 但一定要講必食 就一定係流心咸蛋黃豬肉丸一咬開爽彈豬肉丸之後隨即就係流心咸蛋黃流出來好香 好邪惡 瑤柱干貝滑 又係必點呢d咩滑咩滑最緊要就係夠彈牙食入口一粒粒果d野要充料 要夠香呢個滑 做得好夠有突 鮮甜既干貝 加彈牙墨魚滑 100分老油條 + 麻辣湯是必需吧?唔洗諗啦 叫啦! 黑柏葉, 鵝腸 好新鮮 碟有教話10s 食得唔好6太耐會老哂 好柴皮 細心細心冬瓜 !!!!!!!!!!!!!!!!!!!!!!!!!!!!!!放入去老火湯湯底 !!!!!!!!!!!!!!!!!!!!!!!!!!!!!!可以話係MVP!哈哈 大家可以試下唔好叫蘿蔔 叫冬瓜TRYTRY珊瑚蚌同埋桂花蚌 我地叫左FULL SIZE好多舊 好足料 又新鮮 食入口爽口 同埋唔會UN又係10S 多DD食得 飲品就叫左杯生啤1664 同埋 竹蔗茅根 好味解渴 睇起來好似好細杯但原來都幾大 飲到食完都仲飲緊 抵>w<臨走佢地送左個 腐竹糖水沙冰比我地食完辣野又食番d冰冰涼涼甜甜既野真係好舒暢 好好味 無諗過腐竹糖水可以變做沙冰😁好滿足的一餐, 大家一定要叫麻辣同埋老火湯湯底呀 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!食物新鮮就不在話下 重點係個湯 都咁正 !!!! !! !!!!…查看更多

打邊爐我認為最緊要係湯底，呢度嘅湯底真係非常正， 非常足料。 要加湯嘅時候加嘅係真嘅湯唔係熱水。 朋友喜歡spicy，我完全唔食得辣，鴛鴦鍋就啱啱好啦。 祖傳秘製麻辣鍋小辣 + 蜂巢豆腐白湯鍋蜂巢豆腐白湯鍋 材料真係好豐富，裏面真係有一大條一大條嘅韓蔘， 蜂巢豆腐 吸收晒湯嘅精華，非常入味。原味炸魚皮唔係好厚身，但係炸得非常酥脆。 最鍾意呢度大部份火鍋配料都可以選擇叫半份份量， 人小小都可以揀多幾款。蜂巢牛肚 （半份）唔係好多火鍋餐廳有提供牛肚做火鍋配料。 本地生菜 （半份） 新鮮爽脆…查看更多

行過旺角成日都經過呢間火鍋撚 今次諗起想食邊爐打電話去又有位 終於食到𝐥𝐮 ๐•ᴗ•๐ 一句話總結就係 未𝐛𝐨𝐨𝐤到無老鍋既話可以頂住檔黎食住呢間先 佢地個龍鳳鴛鴦鍋係必嗌既!!✿ 龍鳳鴛鴦鍋 $𝟏𝟔𝟎+𝟑𝟎湯底我地揀咗蜂巢豆腐白湯鍋𝐱祖傳秘製麻辣鍋♥︎個蜂巢豆腐白湯真係好出色 未放牛肉之前我已經飲咗兩碗湯白湯入面既材料好足ฅʕ•̫͡• 有蜂巢豆腐、人蔘、鴨血、蜜棗 同埋唔同既藥材呈奶白色既湯底味道好濃郁 仲帶有淡淡既藥材味 好滋潤養顏 啲蜂巢豆腐吸咗湯底好入味好好食～而祖傳秘製麻辣鍋我就揀咗微辣辣得黎帶淡淡既藥材味 上面唔會有一層油舖喺面 邪惡得黎都健康啲*ˊᵕˋ* ✿ 火鍋撚御用手切肥牛(半份) $𝟏𝟕𝟖佢地既手切牛肉肥瘦相間 放落湯底𝟖秒就食得𝐥𝐮食落嫩滑得黎都幾重牛味 係嫌佢切得有啲太薄( •̥́ ˍ •̀ू )✿ 涮羊肉片(半份) $𝟔𝟖佢地既羊肉片同手切肥牛一樣都係偏向薄切 食落就冇咁滿足羊肉片無咩羶味 鍾意重羊羶味既我就覺得可以唔洗叫呢度既羊肉片𝐥𝐮✿ 即炸三秒響鈴卷 (半份) $𝟑𝟓呢個響鈴超酥脆 真係浸𝟑秒就食得✨點埋佢附送既甜酸醬 食多幾條都冇咁膩✿ 五色丸丸拼盤(半份) $𝟕𝟔拼盤入面有海味花枝丸、蟹籽手打蝦丸、手打雙重芝士丸、流心咸蛋豬肉丸、同埋香菇貢丸佢地既手打丸食落都幾彈牙 特別係蝦丸食到蝦肉粒 好爽口彈牙(๑❛ᴗ❛๑)✿ 黑松露墨魚滑(半份) $𝟔𝟒 黑松露墨魚滑雖然細細份但都算足料墨魚滑同佢地既手打丸一樣彈牙爽口黑松露味都幾突出 值得一試喔~✿ 娃娃菜 $𝟒𝟔娃娃菜放落蜂巢豆腐白湯入面煮好入味✿ 腐竹雞蛋糖水沙冰 (每枱都送)食到最後店員行過黎放低咗兩壺仔甜品比我地我見好似枱枱都有得送甜品既飲落先知係腐竹雞蛋糖水沙冰黎雪咗做沙冰又幾解膩~…查看更多

🔸️ 火鍋撚 (染布房街) 🌍 台式📍旺角染布房街6號1樓呢間book mark左一段時間，次次經過旺角店都好多人，終於一試～埋單$2075, 約$520一位, 限時2小時我地選左台式古早沙嗲麻辣湯底 (小辣) , 個湯色比較濃, 食落去都唔錯, 唔辣。不過食到中間開始有少少苦味(唔係燶) , 可能係D 辣作怪? 少少怪…湯底已包含左鴨血同百頁豆腐, 豆腐好索味唔錯!講番食物, 都有D失望。叫左個手切肥牛(大) $377, 份量極少, 只係相既一層, 下面全部菜係底。仲要唔覺得牛味夠, 非常唔值。見到隔離枱叫啲牛份量都好少，最後無試其他牛。所有炸野類, 魚皮, 響鈴, 老油條, 都係好厚實, 我第一次食,唔係好岩我口質~ 魚皮, 響鈴要浸1分鍾左右( 平時我5秒內), 老油條就浸極唔淋, 好似係炸左十次先做呢個效果甘, 可能係台式既油條係樣既?其他都正常, 朋友話手打滑好食, 我覺得正常, 好多打邊爐高質放題店都做得到。如果要我推薦一樣野,必定係金桔檸檬蜜(熱) 。由於我手誤, 由凍變左熱… 點知出黎既味道真係好夠味,又濃又正, 錯有錯著, 叫左凍可能未必帶出個味道。最後, 送左個腐竹雞蛋湯水沙冰, 個味道係同食湯水一樣, 變左沙冰, 感覺好清新。總結黎講唔值呢個價錢, 定位太高.…查看更多