火車頭越南餐室 (浣紗街)

营业中

休息中

見雜誌狂讚, 於是決定和朋友專程前往一試.晚上7,8點去到, 要排隊等至少一個鐘.到可以入去既時候, D waitress 既語氣非常差.朋友話想坐卡位, 佢一句撻埋黎, 我地無卡位wor。叫左幾樣野食.生牛肉河 - 河粉幾滑, 不過牛肉幾韌, 湯底亦無雜誌講咁好.炒馬拉盞- 菜幾新鮮, 不過太spicy香茅豬扒- lemon grass味太重, 而且過鹹. 幾腍，不過似食肉餅多過豬扒長殼蟹卷 - 完全無味，要自己不停落魚露先可以入口價錢不便宜，　而且名過於實，　不吃也罷。順帶一提，　有人唔見左電話，叫waitress搵番俾佢，waitress話搵唔到。後來佢話打電話報警後，　waitress竟入房攞番部電話出黎。。奉勸大家去既時候小心財物

不止一次光顧這間奇特的餐廳，如何奇特？請看標題。先論食品。我不大吃牛肉，小小女兒更是不愛吃肉，但丈夫卻極愛牛類食品。之前與朋友看雜誌介紹後，試過覺得挺不錯，便與家人同來。招牌菜「火車頭」確是高水準，湯底尤其出色，對味精頗為敏感的我，一嚐即知湯頭的確以足料熬出，非味精建功，雖然極討厭飲湯底，但我竟然也忍不住一嚐再嚐，其美味可想而知。份量頗大且多料，內容豐富，不作多提（因已有人寫過），要一個人完成，也真是艱鉅任務…咸檸七出色之處，在於竟然不用地「篤檸檬！還要夠味！」（可能是要遷就狹窄的坐位…）另外亦有點過紙米春卷、雞翼等，反而這類其他食肆都有供應的食品，在這裡的水準都只能算一般…果然非一般的餐廳…環境方面，確是較差，面積太小，人客太多，實在難以兩全其美，坐得擠擁，這些我都可以諒解，所以光顧過四次，即使有兩次我都有訂檯（頭兩次無訂是因為一次即興、一次餐廳剛午休完就報到，太早了…），都要等位廿十至三十分鐘，亦沒多大抱怨，尤其是站在門口的知客已經用楚楚可憐的目光看着我…算啦…至於服務務度，就真是非常…唉…我知你忙…但…可否向我投注一眼「我知你叫我，轉頭我就嚟」的目光呢…可否不要將尊頭抬頭那麼高…

咁多人話佢咁差既?同朋友星期日5:45pm分到達, 等左30分鍾先入到!換言之...第一輪晚市係5點到已經開始...叫左個 "招牌火車頭河" ~ 牛肉,牛丸, 河同湯都夠味一個"浸介蘭", 唔錯丫, 唔太硬/臨, 洽到好處一個"粉皮卷", 個皮實在係好味, 料又足...上面的炒蔥..非常香!最后食左兩個甜品, 一個係 "西米 + 芝士蛋糕", 友人力贊成set都好好味另外一個"薑布甸+薑雪糕" 布甸好夠薑, 但係個雪糕冰得滯...口感麻麻!已經決定下次再去, 食小食拼盤同其他野, 隔離枱個雞翼仲好似好香

I had to wait for 25-30 min for a table but the food was very ordinary.Spring rolls had strange smell, perhaps it's the oil.Noodles were soggy and soup was cold.I couldn't enjoy my dinner in such a noisy and crowded environment.When taking their prices into consideration, this is an over-priced restaurant.Is waiting and crowdiness a part of Chinese culinary experience?I just cannot understand.

真想不到，這裡是一間44個「喊面」的餐廳！我這個就是區區的第12個「笑面」。近期大坑的兩間人氣店，分別賣日式咖哩及越南湯河，在我而言，當然對後者興趣濃很多。來了幾次，總是不得其門而入，有次被迫去吃泰菜，有次嬲到咖哩店有位都寧願去吃蒸飯，是晚死心不息，第三次到來，等了十分鐘，終於有位。一個人來，卻可以坐二人位，可能是沒有另一個獨行俠，走運。看餐牌，有豬肉卷又有燒鵪鶉，都很對辦，就要了個牙車快加碗火車頭，來個滴漏咖啡押尾。很久沒吃牙車快了，但先來的卻是火車頭，唯有照吃如儀。先喝湯底，很夠熱度，香料的味道不香，但卻是非常濃郁的牛味，很鮮美，我們這些「牛湯癡」，一喝已知是用上牛骨及牛肉熬了一段時間的結果，喝多幾口，很是滿意。附上一杯「香葉」，看樣子是揀手的，很齊整。剪了一點放湯，加上青檸及紅尖椒，下一點魚露，是香味、酸味及甜味一起襲來，很不錯。在香港來說，好得過這裡的牛湯，幾難數，如果你也喜歡牛骨湯，單為這個湯底已經要來一試。如果可以有幾條油條去醮湯吃，就真的是完美。配料有幾款牛，分別是牛肉、牛丸、牛筋、牛柏葉，雖然統統是配角，但也美味。牛肉半生不熟，口感軟滑；牛丸是不彈牙的一款，但肉味重又結

已經聽聞呢間野服務同食物質素麻麻,所以嚮大坑做野做左咁耐,同事都唔會提議黎呢度食. 點知最近有位高層話好想食越南野,堅持要試下,我地唯有就範..我地7個人,坐對正門口張臺都唔緊要,但果張係6人台,要加凳嚮側邊先坐到第七個,d台又細,迫迫夾夾咁,成餐飯都係縮下縮下咁食.d野又唔係特別好味,大路野例如春卷,香茅牛肉,豬扒都係普普通通,最難食係串燒牛肉同札肉,前者多筋,舊肉又實,根本咬唔開,後者d味好怪,食左半舊都唔想再食. 服務差到極,叫果個男侍應比多兩隻碗同兩對公筷,佢一句得過黎,"我好忙呀! 一陣先比你啦,你見唔見我未停過手腳呀!" 嘩,真係想一巴星埋去! 之後有個同事見等得太耐不如自己去羅,佢番黎果陣話有另一個女侍應同佢講,"你想羅咩呀,你要我幫你羅啦,唔好巢亂我地d野先得架!!" 佢串番呀侍應姐,"你地真係咁好服侍我都唔使走出黎自己羅啦." 點知呀侍應姐竟然仲駁咀,"咁你耐心d等下啦,呢度個個都咁多野做,邊得閒理咁多呀!" 今時今日,真係好難再見到咁差服務,難為佢地仲可以咁厚顏無恥,咁都做得出...服務比佢0分都嫌多, 應該比負分. 仲要加一喎!

下午不用上班，走到天后搵食見到這間鋪頭，想起不少評論，便入內一試叫了一碗生熟牛河和一杯咸檸七喜牛河一來，喝了一吃湯，不是太多味精，都OK生牜肉不老，但幾片黏在一起，吃是有點麻煩不喜歡熟牛肉，所以沒有吃河粉不特別滑，而且份量頗多，所以也沒吃完整體而言，較之前在PHO SAIGON吃的好，PHO的味精太多了至於咸檸汽水，太咸了，咸得我喝了不到半杯便走人其實消費一點也不便宜，姑且一試而已，不必再來

見咁多食家都話呢度既食品冇問題! 琴日見黎開銅鑼灣專登都要坐車過黎試下叫左生滾豬潤牛肉湯檬($48), 咖喱蟹($168),香茅燒豬扒($55) 同雜果冰($28)先講價錢貴但味道好一般生滾豬潤牛肉湯檬; 湯好唔夠熱. 湯底味道普通.味精好重.香茅豬扒炸得乾左d,又唔夠入味. 結果無食晒.蟹唔新鮮,用死蟹. 但賣到咁貴!串燒雞唔滑. 牛肉勁韌,湯檬無特別.朋友仔杯雜果冰太甜冰又多. 大部份食物都唔掂.朋友仔話平時食開既華順都好過呢度, 話明要black list!仲話唔明點解未到七點都咁多人!侍應們服務懶散但仲要收加一!味道我會俾1分. 或者係藝人效應大,所以點人唔好食的食物硬係話好好食而自欺欺人!

看格局，一派法、越料理的樣子，首次來，獨個兒會叫個生牛肉湯河，二人的話再加順化豬手檬，可以試勻兩款湯底。翻看OR的歷史，小店的往績真的慘不忍睹，以碗中熟透而纖維質豐富的生牛肉質素計，收$38的確不平宜，然而喝生牛肉河，偶的著眼點放在深啡色的湯中，當然配套中的新鮮金不換亦是不能錯過，喝一口牛骨湯，隱若喝到味精，幸然牛骨與香料是花過心機熬製，喝得出複雜而濃郁的味兒，加些新鮮香草落湯，很滿意。而順化豬手，豬手煮得腍腍的，無焗過，非自己那杯茶，湯微辣並帶著複雜的香料味，也不錯。簡單兩碗湯河，每人$45，服務算不上差，只是不夠醒目同主動，喜歡喝湯的朋友值得一試，覺得靚牛重要的朋友，加點錢去Soleil，會吃得更稱心。

What crap service! The food is so bad, my friends and I will never go again. 2 of us went there first and asked for a table for 3. They let us in so we sat down and ordered a drink whilst waiting for our friend. The waiters started being impatient and asked us when our friend will be coming and when we will be ordering. We felt very uncomfortable and thought why did they let us in if they didn't want us hanging around. The manager even came up to us to ask us when we will be fully seated. All th

光顧過火車頭三次, 感覺是「越來越差」!最差的是服務態度, 由等位一刻便覺得自己像乞食!明明有位, 但不准坐, 一句「出去等」後才把一個「Reserved」的牌子「掉」在桌上! 這是什麼服務態度? 你不尊重我, 難道我還要給你賺錢嗎? 我沒有那麼笨!不管雜誌說有多好, 不管有多少人繼續排隊, 我都不會再去火車頭「乞求」一碗河粉!

看週刊推介，說火車頭有城中最好的火車頭，於是攀山涉水光顧。星期日中午，要等位是預算之內，只是想不到知客輕佻的說：「要光顧，為甚麼不先電話訂位？」謝天謝地，三十分鐘後，可以入座。三個人，點了火車頭、生牛河、札肉湯檬、蒜茸飽、青檸梳打和咖啡。蒜茸飽飽身軟熟，熱度尚可。火車頭湯底不錯，有牛骨甜味，牛肉是半生熟，甚對脾胃，牛筋軟糯而乏味，其他配料加牛腩、牛柏葉、牛丸等，乏善足陳。河粉還可以，吃到最後，都沒有糊在一塊，只是米味淡。札肉湯檬，無甚特色。倒是咖啡不錯，很香，跟煉奶一起，很對勁，值得一試。個人認為，其生牛河和咖啡值得再試，但所謂招牌火車頭，則名大於實，無用再嚐，省回六十八元。

是日因為諗起雜誌介紹過呢間越南餐廳好食而又心血來潮來了這裡. 一坐底, 看看餐牌, 價錢真係不便宜.外表或許能騙到人, 但食物的質素就真係不能扼到客人的口了.生熟牛肉河粉: 2分, 先喝口湯, 那個湯底係完全不行, 一味得個鹹字, 但係喝不到牛的味道, 跟先前那個相距甚遠. 本來吃生熟牛肉河粉, 小弟一定會飲湯, 但係這個水準就恕難從命. 牛肉無論係生定係熟的都係偏韌, 河粉好普通一點都唔爽口.越色春卷: 3分, 炸得太勁, 春卷皮係好油, 其實應該係越式定係越色?鹹檸七: 2分, 好像係飲檸七多過係飲鹹檸七, 沒有了那份鹹味.食物水準不行, 當然沒有任何回頭的意欲. 那兒的侍應又粗暴又無禮貌! 好了, 算我唔知定了. 跟著將張單拿來時係大力推落我旁邊的椅子, 我閃避不及中了招. 她更加係完全沒有歉意, 道歉也沒有一句, 只說你要小心. 那種態度真令人吃驚, 整到人仲要惡人先告狀. 我忍不住話要將這事寫上網, 她馬上反駁話她們不在乎, 你要寫就寫.無服務仲要收加一! 好犀利的老闆!既然如此, 就讓這個食評作為這店的一個記錄吧.

我同老婆大大話話都去過十幾廿次, 真係次次味道都唔同, 越黎越差!以前係墨爾砵住時一個禮拜去兩,三次最出名嘅"勇記"越南河, 返黎香港十幾年都揾唔到一間越南河可媲美勇記... 直至火車頭出現當火車頭開左無耐, 頭一, 二次去覺得D味道(湯底)比起勇記真係有過之而無不及, 牛肉都OK, 夠薄夠多...點知之後一次不如一次, 湯越黎越淡, 又唔夠熱, 牛肉厚又唔靚...每次去等最少半個鐘至九個字, 每次都希望佢會改好D, 但真係好失望, 唔會再俾機會佢...唔知個老細攪乜, 做壞自己招牌, 我見過好多客都俾間餐廳攪到變火車頭...

昨晚因去ST. PAUL探病,路經此餐廳.記得有雜誌報導呢間餐廳OK,所以入去試試,結果食物水準同服務態度都一樣咁差...兩個人點了三樣食物:1) 火車頭河粉,湯味道普通,牛肉同其他配料都冇呢味道...失望2) 馬拉盞通菜,賣相可以,但好似冇落盬,淡而無味.3) 香矛猪排,無牙千萬唔好叫,食得好辛苦.一路食就一路心想快O的食完快O的走,伙計服務又差,好似唔想做你生意.如果調番轉可以係呢道先睇O左食評先,咁就唔會仲招!!!