影片
以上资料只供参考，请与餐厅确认详情
招牌菜
呢个好嘢食其实唔少，但系如果要讲又平又好食，态度又好嘅店就真系唔算多。由佢哋新开张冇耐，我就开始帮衬佢地：切鸡、烧肉、叉烧，谂得到嘅烧味全部食过晒。我个人而言钟意食佢嘅切鸡米，因为米粉软硬啱啱好，不过因为上次太好食食晒都唔记得咗影相今次外卖左乳鸽、红肠同生肠返屋企加𩠌，生肠爽脆，冇一阵梳打粉味，微辣超级好食。我自己其实好钟意食佢既叉烧，软身又入味，唔会烧到黑妈妈，好好下饭，每日好快卖晒。下次影返图比大家睇
继续阅读
有时晚饭得一个人食，最好就系买烧味饭，位于太子界限街呢间❣︎火焰烧味❣︎外卖店，现场制作，即烧即买，保证新鲜，价钱都好大众化，今晚又有得加𩠌啦😋❣︎自选孖宝❣︎$110义烧，烧肉，油鸡，切鸡任选两款，我拣左义烧同烧肉，我睇住师父喺兜蜜汁里面拣比我😍义烧半肥瘦厚度适中👍🏻肉质松化，有少少㶶边，再加埋香甜嘅蜜汁，送饭一流😋烧肉外皮脆卜卜，肉质软淋。❣︎四宝饭❣︎$53超大盒四宝饭，我一个人都食唔晒😆有红肠，咸蛋，油鸡髀，烧鸭，超足料👍🏻啲𩠌嘅份量好多，店主真系对食客好好。
继续阅读
太子新开嘅烧味外卖店。价钱好抵食，份量又多。叉烧半肥瘦，烧得劲靓。✨自选孖宝 $110🥢蜜汁叉烧 半斤好靓嘅半肥瘦叉烧！肉质软腍，表面有少少焦脆。佢哋嘅麦芽糖特别多，渗晒入去好香🥢烧腩仔 半斤肥瘦相间，唔会太肥。层皮烧到脆卜卜，肉质鲜嫩，连瘦肉嘅部份都好易咬。🥢烧鸭油鸡饭 $35烧鸭皮油润有光泽，烧得又薄又香。肉质结实但唔算硬。油鸡肉质嫩滑又唔会太肥。呢个价钱有咁多𩠌好抵食，差唔多够两个人share。
继续阅读
作为一个烧味达人嘅我，目标就系要食晒香港全部烧味餐厅。最近就试左太子呢间新开嘅火焰烧味，虽然店舖细细间，但烧味绝对唔马虎。🤤🤤🍴豉油鸡🍴还未食，卖相已经非常吸引，外皮上色上得十分靓，而且鸡肉滑嫩，鼓油味香浓。😋🍴鸡髀四宝饭🍴男人的浪漫-四宝饭，此四宝饭非彼四宝饭，呢个系有大鸡髀和高级叉烧的四宝饭，绝对系四宝饭嘅天花板。🤤🤤总括而言，餐厅质素好，喜欢烧味的朋友去一定要试🥰◆*．◆*．◆*．餐厅资讯◆*．◆*．◆*．火焰烧味 (太子)太子界限街41号长胜大厦地下C号舖
继续阅读
平时起附做野 闻到香喷喷既烧味味😍呢间新开无耐既烧味小店 价钱实惠 份量充足 即时买反三两盒反屋企加𩠌🙌🏻值得一提既系 铺头里面就系制作工场 每日新鲜制造 包保食到靓烧味🤣🩷烧鸭上庄 $40呢个价钱食到烧鸭真系我意想不到 见到师傅一切落嚟啲肉汁飞晒出嚟 而且肉质厚实 唔会好嚡 烧鸭皮香脆无比 油香十足😍🩷烧腩仔$68(半斤)价钱抵到十足 而且份量充足 烧腩仔外皮香脆 咸香十足 肉质松化 一瞬间就食完一盒🤣🩷切鸡叉烧双拼$35呢款真系打工仔必食首选 双拼都只系$35 而且份量充足 叉烧啖啖肉 半肥瘦口感一流 切鸡地道香浓 好满足😍
继续阅读