火之神

营业中

休息中

今日同朋友去旺角通菜街火之神食午餐，有同事介紹這間餐廳內有好多好可愛嘅貓貓，可以同朋友一齊食同貓貓一齊玩，可愛嘅貓貓非常乖巧，令人食得開心。餐牌有不少食物款式，我選咗日式咖喱嘅咖喱富士山燒牛扒飯（5成）及飲品嘅士多啤梨特飲，我朋友就叫咗廚師推介嘅黑松露忌廉集菌意粉、小食嘅炸餃子及飲品嘅百香果特飲。這間餐廳地方寬敞整潔，裝修得舒適溫馨，枱凳擺放整齊，令人坐得舒服，仲冇加一，店員服務態度又好，來這裏食真不錯。🍛咖喱富士山燒牛扒飯（五成熟）富士山造型的米飯堆疊，頂部覆蓋炙燒過的半熟牛扒，切面呈粉紅色，淋上濃郁的日式咖喱醬汁，配上蛋黃及沙律菜點綴，上桌時，份量不少，賣相不錯，香味濃郁，五成熟的牛扒外層微焦脆，內裡柔嫩多汁，肉質帶有適度的嚼勁卻不柴，牛肉的鮮甜與炙燒的煙燻香氣突出，與咖喱的濃郁形成對比，日式咖喱醬汁的稠度適中，連同蛋黃包裹米飯的同時不會掩蓋牛肉風味，些許沙律菜增添口感層次，蓬鬆的米飯吸附咖喱後仍保持顆粒感，與半熟牛扒的肉汁交融，每一口都能嘗到肉香與咖喱的複雜滋味。🍓士多啤梨特飲清甜果香味，以新鮮草莓的天然甜味為主，帶有微微的酸甜感，成熟草莓風味濃郁，加入冰沙及乳酪，增添柔滑層次。

說近排發現咗呢間超正嘅日式咖喱專門店，最特別係裏面養咗成打布偶貓！啲貓咪又靚又乖，完全唔怕生，仲會主動過嚟同你玩今次同朋友share咗幾個招牌菜式，首先嚟個炸餃子做前菜。內餡夠香夠惹味，調配埋個沙律醬，開胃到爆！主打嘅咖喱富士山燒牛扒飯真係好睇好食！成碟嘢食擺得好有心思，啲咖喱醬扮到好似富士山咁，牛扒就擺响山頂，再淋上蛋黃，又靚又吸引。叫咗七成熟嘅牛扒，肉質夠嫩滑，油花分佈均勻，完全冇筋！最緊要係啲咖喱醬，香料味香濃但唔會太嗆另一款必試嘅咖喱吉列豬扒蛋包飯。將成隻蛋包飯用咖喱醬包圍，再配埋新鮮炸製嘅吉列豬扒。豬扒外層酥脆，裏面嘅肉質又嫩又多汁，完全冇乾身嘅問題。蛋包飯嘅蛋漿煮得軟滑，飯都夠軟糯，拌埋啲咖喱醬，香濃開胃。飲品方面，佢哋嘅特飲都好有特色。一個係香橙一個係提子最正係食完飯仲可以同可愛嘅布偶貓玩！啲貓咪好健康，毛色靚，性格溫馴。最得意係有隻叫「大福」嘅布偶貓，成日周圍行同客人玩，成隻貓好似店長咁，超搞笑！講真，呢到嘅價錢比起出邊嘅寵物cafe價錢平得好多，食物質素高，仲有得同貓玩，真係相當抵！不過要提提大家，因為貓咪健康嘅關係就唔可以帶外來嘅食物去位置喂佢地整體嘅用餐體驗都係非

好好食嘅香酥雞排咖哩飯加辣更加好味！店裡面仲有貓貓好可愛！有貓貓陪我地一齊食飯，啲貓貓都好乖，唔會咬人抓人，好乖咁瞓覺。咖哩係日式甜口咖哩，唔辣，加咗啲辣油，好香好好食！

收工好肚餓，行過旺角見到呢間店入面有貓😍😍店員都好有善，坐底左張枱冇貓，都特登比貓我地玩😍😍2個人叫左2個飯都好有驚喜，燒牛排丼，咖喱吉列豬扒蛋包飯🤤🤤咖哩好香好味，豬扒炸得好鬆脆🤤🤤，雞蛋都好嫩滑😍😍入面仲有薯仔配菜好好味，大推個燒牛扒丼都好好食🤤🤤牛燒得岩岩好，陪埋個雞蛋，好食🤤2杯野飲都好靚，好飲🤗炸物一樣係炸得好鬆脆，但又咖油膩😋😋😋食完仲可以同貓貓玩😳😳😋😋😍😍整體性價比好高😍😍 價錢又唔貴，真係治癒左身心，又飽肚、又好食！ 貓貓又治癒心靈，價錢仲唔貴🥰🥰 店員態度友善，會再幫襯🥰🥰

🐾今次嚟到旺角喵星人主場，食飯之餘仲可以被幾隻超級chill嘅布偶貓圍住，完全係治癒級體驗！🍛我哋點咗兩款蛋包飯：咖喱吉列豬扒同咖喱香酥雞扒，各自配咗特色特飲（士多啤梨同百香果）。咖喱味唔會過鹹或者死辣，反而有一種微甜的香料感，幾啱香港人口味。吉列豬扒炸得香脆，肉質唔會鞋口，雞扒則勝在嫩滑，份量都算飽肚。蛋包炒得幾滑，唔會過熟，口感幾柔軟，拌飯一流。🧅加單嘅炸洋蔥圈都算驚喜，炸粉唔厚，香口唔油膩，仲配埋少少芥末醬，成件事幾惹味。🐱但最大亮點其實唔係食物——係嗰幾隻性格各異但一樣可愛嘅貓貓！有啲會跳上你大腿訓覺，有啲會主動走嚟搵你玩，仲有啲完全當你透明，自己舒服到訓死晒。全場氣氛好relax，有時貓貓會湊埋一堆傾計，感覺好似去咗佢哋屋企咁。📍位置喺旺角通菜街，地點方便。餐廳內乾淨企理，服務態度親切，收費合理（我哋兩個人總共$253）。

火之神📍旺角通菜街2a號地舖旺角女人街好多小店，今次有少少醉翁之意不在酒，嚟咗一間有好多貓貓嘅餐廳，啲貓貓基本上都好乖，仲好肯俾人摸，唔會專登避開你/縮埋唔俾你摸，店員仲會盡量抱至少一隻貓俾每一枱客，好似上菜咁用個兜裝住貓店長擺咗上枱😂呢個頭盤好正，全程任摸嘅陪食🤭仲有bb貓任抱，真係玩貓多過食飯😂不過嘢食其實都唔錯架😆日式咖喱富士山燒牛扒飯賣相幾吸引，揀咗七成熟，熟度啱啱好，幾有肉味口感唔錯，份量都幾足，撈埋隻蛋食一流。香酥雞扒黑椒汁蛋包飯蛋滑配黑椒汁幾夾，雞扒幾脆口，口感結實彈牙，份量十足。炸洋蔥圈正常發揮，炸得啱啱好，脆口。飲品有啲都幾特別，我哋試咗奶茶紅豆冰同百香果特飲，個人覺得前者幾好飲，後者好濃果汁味。

又出新品啦！！！这次是肉酱意面和素鳗鱼饭😋肉酱意面的蕃茄味很浓郁，加上生鸡蛋黏稠的口感就是绝配，令到蕃茄的風味更上一層樓！！意面彈牙又不失爽滑，加上肉碎的口感實在令人難忘！！！素鰻魚飯雖然是茄子，但茄子已經煮到軟烂，加上鰻魚汁又有三分像鰻魚，拌饭一流！！#food #灵魂之汁浇给 #探索新菜系 #香港本地人推荐 #香港美食推荐香港本地人吃什么 #探店报告

第一次行左好耐都唔知食咩好 屎忽撞棍就入左去 個次去都幾爆場下，得番入面d二人位嗌完野食諗住撚下貓仔，奈何個個位無貓徘徊 一隻二隻係曬人地d臺度，咁就算啦 放棄睇緣分 點知㩒㩒下電話！有隻布偶貓比個店員用紙皮托住降落左係我地前面 ！！個店員真係要比叻叻佢👍🏻👍🏻🥹隻布偶貓真係打理得好好 d毛毛好順滑 望落好靚女🤤嗌左個雞扒拉麵同個牛 個麵就不錯嘅 就係小左d個雞扒就讚下 切好曬一啖食到嘅SIZE 佢煎又肯定熟 我食就一啖過 抵得諗吖🫶🏻 味道方面都係雞扒味lol🤓牛都係切定曬🫶🏻如果你鍾意鋸扒就一早開聲同佢地講啦～味道嘅話 男朋友嘴叼 話不過不失都OK WOO(⁎⁍̴̛ᴗ⁍̴̛⁎)聽講個蛋包飯都唔錯 下次試下👅總括黎講 店員自己好Enjoy番依份工 唔係黑口黑面 返工等放工個類(睇落係) 作為一個食客 我感覺到有些小人情味 Last but not least 第二次去少左人，老闆娘慨嘆生意難做🫣幫幫口 去食下😛（無影食物相 掛住影貓貓）

間店啲貓超得意之餘野食又新鮮好味，真係冇得頂！最大既賣點就係店入面啲BB貓，吾係講笑真係超QQ😍😍，任抱任玩都吾走，店員仲會比支貓玩具去互動，痴線服務態度超好！我最鐘意佢地既蛋包咖哩飯，隻蛋又滑又嫩，放入口度仲會比蛋液包裹添，咖哩吾辣味道又啱啱好，送飯正一流！啲雞排甚至做到左外脆內軟、嫩滑多汁嘅境間，好食到引曬啲貓過嚟同我爭食！其實間店都超chill，得閒可以入去叫個飯玩貓， 有貓陪著我食飯真係十分療癒， 係一個晏晝或夜晚可以去嘅好地方。

今日我嚟咗呢間貓貓餐廳又係見到好多貓貓呀。我同朋友一路食飯，一路玩貓。貓貓喺我哋張枱嗰度瞓着咗覺啊我同我個朋友叫咗：- 吉列蠔 外脆內嫩，海味十足，搭配特製醬汁非常美味！- 原條蒲燒鰻魚丼 鰻魚鮮嫩多汁，飯粒吸收了鰻魚的香氣，最緊要嘅就係鰻魚整得非常之好味。- 奶茶紅豆冰 清涼消暑，奶茶香濃，紅豆粒粒分明，甜而不膩。- 芝士卡斯特維飯（五成熟） 芝士融化得剛剛好，搭配五成熟牛肉。呢個係我覺得最特別嘅一味餸，我一定會推薦大家食。牛肉整得非常出色，有雞蛋加咗喺芝士上面。而且佢仲有炸豬柳。- HATA波子汽水 清新微甜，氣泡感十足，解渴又提神。

餐廳係一間貓嘅咖啡店，大概有七至八隻貓。每一隻都好乖好聽話。而且全部都係名種貓，見到有布偶貓、緬因貓、英國短毛貓。佢哋都係貓店長同埋店長太太生出嚟嘅BB。BB貓非常得意，大概有四隻三個月大嘅布偶貓。每一隻都好活潑好痴人玩，餐廳喺每一張枱都會提供貓棒，即刻可以用嗰支棒嚟同貓玩。成年貓就會鍾意瞓覺多啲，但係都非常之乖。就算佢哋瞓着咗都任俾人摸，任俾人玩。完全唔會咬人，又或者係兇人。炸洋蔥圈$38一邊玩貓一邊食小食，洋蔥圈$38都有差唔多八件。非常抵食。咖喱香酥雞扒蛋包飯$106 咁啱有幸食到餐廳新出嘅Menu，香酥雞扒炸得非常之香脆。七味粉嘅甜味非常惹味，而且炸衣又夠薄。有包飯嘅蛋煮得非常之滑。勁大碟，足足有一大半碗飯咁多。日式富士山燒牛扒飯$146 牛扒燒得好靚，有七成熟。而且冇跟每一啖送咖喱飯都非常之享受。咖喱飯伴碟嘅總會有沙律，食完咖喱重口味嘅嘢之後再食沙律清一清味蕾，解一解膩。

行到旺角女人街盡頭，見到間餐廳門口有幾隻得意貓仔好吸引🩷入到去就即刻見到好多貓貓好治愈🥹所以決定喺度食個晚餐，嗌咗個照燒雞扒丼（$68）同埋炸薯條（$38），食物質素亦都相當穩定，雞肉夠嫩而且入味😻問咗店員先知原來佢哋雞肉係餐廳招牌之一，價錢亦都對得起呢個水準！就算唔係過嚟食正餐，餐廳亦都有平價炸物小食及特飲選擇，可以坐低慢慢摸下貓仔，到夜晚餐廳嘅氣氛亦都比較chill，因為夜晚啲貓仔會出嚟搵嘢食🤣總之好難得喺今時今日嘅香港可以搵到人情味咁濃嘅小店💕呢間一定係我會推薦身邊啲貓奴friend同埋定期回訪嘅舖頭🥹💕

早一個禮拜見到餐廳門口有貓貓已經諗住去食琴日終於去咗啦！店員個個都好錫貓貓🐈‍⬛見到我哋用手機影住貓貓會成個貓貓加埋個紙箱托過嚟張枱度貓貓都超級乖！！到嘢食方面，我男朋友揀咗一碗雞肉飯，詳情冇Mark低係邊一款但係雞肉好鮮嫩多汁！到我嘅蛋包飯方面揀咗蛋包飯炸蠔！超好味！個蛋整得啱啱好，炸蠔味道好鮮 整體嚟講店員態度好好！推介大家過嚟試吓！！不過就係個位置有啲窄嘅！不過我可以接受！！最重要就係貓貓們脾氣又好又可愛

火之神呢間餐廳一入店就被可愛嘅貓咪吸引，仲要係唔止一隻😂，成間店舖俾到我溫馨嘅感覺，裝潢不失可愛，令人舒適。我點左幾道菜，首先係燒牛扒丼。牛肉切得薄薄的，鮮嫩多汁，搭配上滑溜蛋黃，簡直絕配！每一啖都令我感受到肉質嘅鮮美，超好食！仲有就係個吉列蝦配日式咖喱蛋包飯，咖哩配吉列蝦呢個組合係唔會有錯，仲要配埋蛋包，口感層次豐富，蛋包外層滑嫩，裡面口味濃郁，真係好滿足。另外，我仲點左煎餃，外皮金黃酥脆，裡面嘅餡料鮮美多汁，搭配上酸辣醬，讓人回味無窮。整體來說，火之神食物唔單止好味，服務仲非常周到，有賓至如歸嘅感覺。如果鍾意食日式食物又鍾意貓嘅話一定要try try

好多貓貓餐廳都係食意粉飲咖啡，琴日發現女人街有間叫火之神的日式餐廳，仲有貓店長坐鎮、貓店員服侍🫶🏻係一間嘢食好食又可以療癒心靈的地方！火之神座位唔多，貓店員有5、6隻，（聽講仲生咗數隻小貓添），餐牌上仲有前店長緬因貓《陳克》型仔相😍。餐點方面見到火之神餐好吸引🤩，不過下午茶唔想食太飽，只係叫咗炸餃子、燒牛扒丼、咖哩吉列豬扒飯、桂圓紅棗茶、熱檸茶～💕炸餃子🥟薄皮香脆、內餡滋味💕燒牛扒丼：牛扒大概五成熟，顏色粉嫩，咬落嫩肉好味🤤配埋蛋黃、燒汁、白飯，真係好好食😋💕 咖哩吉列豬扒飯🍛：脆卜卜嘅吉列豬扒配上香濃日式咖哩汁，美味しいですね♪💕桂圓紅棗茶：甜蜜蜜又溫暖的飲品(⁎⁍̴̛ᴗ⁍̴̛⁎)吃過美味的餐點後，就到被貓咪寵幸的時間🥳，昨日好幸福地被緬因貓小弟及怕羞為食貓圍繞着，火之神都有貓醬服務，但係需要店員問過老闆可否比貓貓食先得，因為是為咗貓貓們的健康着想，唔可以餵食太多。小妹兩公婆，好幸運地可以吱貓醬在手背，再比貓咪們享用🤭幸せを感じる♥︎