影片
以上资料只供参考，请与餐厅确认详情
今日同朋友去旺角通菜街火之神食午餐，有同事介绍这间餐厅内有好多好可爱嘅猫猫，可以同朋友一齐食同猫猫一齐玩，可爱嘅猫猫非常乖巧，令人食得开心。餐牌有不少食物款式，我选咗日式咖喱嘅咖喱富士山烧牛扒饭（5成）及饮品嘅士多啤梨特饮，我朋友就叫咗厨师推介嘅黑松露忌廉集菌意粉、小食嘅炸饺子及饮品嘅百香果特饮。这间餐厅地方宽敞整洁，装修得舒适温馨，枱凳摆放整齐，令人坐得舒服，仲冇加一，店员服务态度又好，来这里食真不错。🍛咖喱富士山烧牛扒饭（五成熟）富士山造型的米饭堆叠，顶部覆盖炙烧过的半熟牛扒，切面呈粉红色，淋上浓郁的日式咖喱酱汁，配上蛋黄及沙律菜点缀，上桌时，份量不少，卖相不错，香味浓郁，五成熟的牛扒外层微焦脆，内里柔嫩多汁，肉质带有适度的嚼劲却不柴，牛肉的鲜甜与炙烧的烟熏香气突出，与咖喱的浓郁形成对比，日式咖喱酱汁的稠度适中，连同蛋黄包裹米饭的同时不会掩盖牛肉风味，些许沙律菜增添口感层次，蓬松的米饭吸附咖喱后仍保持颗粒感，与半熟牛扒的肉汁交融，每一口都能尝到肉香与咖喱的复杂滋味。🍓士多啤梨特饮清甜果香味，以新鲜草莓的天然甜味为主，带有微微的酸甜感，成熟草莓风味浓郁，加入冰沙及乳酪，增添柔滑层次。🍝黑松露忌廉杂菌意粉黑松露带有独特味道，香气浓郁，提供蒜香与坚果风味，而忌廉酱汁奶香醇厚，质地绵密，能平衡黑松露的强烈风味，并搭配鲜味浓郁杂菌嘅蘑菇、香菇、杏鲍菇的鲜味，尤其是蘑菇软嫩中带微弹，与柔滑可口嘅意粉形成有口感层次，真系好味好食。🥟炸饺子饺子味道非常诱人，外皮金黄酥脆，内馅多汁鲜美，混合油脂的香气，咬下去会有“咔嚓”声，饺子内蔬菜香甜，亦发出蔬菜的天然鲜味，配合埋沙律酱来食，非常适合，炸饺子绝对值得一试。🍋百香果特饮酸甜明亮，百香果的天然酸度较高，搭配蜂蜜调和后，形成热带水果风味，百香果的籽增添脆脆口感，尾韵带花香，适合夏日饮用。
继续阅读
试左佢哋嘅担担面同饺子都难食到爆～你唔好食都唔紧要，你四五十蚊嘅质素买到九十几蚊咁贵我就真系接受唔到🥰跟住系threads话呢间唔好食，即刻有个店员唔知定系店长嘅人扮系客人，仲要不断用粗口闹我🥰问我唔好食点解要坐咁耐，大佬餐饭我唔系俾钱？我反问返佢哋系咪我话难食会唔收钱嘅时候就完全拒绝回答🥰🥰🥰🥰之后仲要block左我，del埋comment，想请问店家点解释？🥰🥰Openrice咁少人comment，你都仲好意思叫我睇，话冇负评？好我依家就打个负评俾你🥰可见佢哋服务一般，食物质素一般，但完全唔接受任何批评，希望大家谂清楚先再去食啦～
继续阅读
好好食嘅香酥鸡排咖哩饭加辣更加好味！店里面仲有猫猫好可爱！有猫猫陪我地一齐食饭，啲猫猫都好乖，唔会咬人抓人，好乖咁瞓觉。咖哩系日式甜口咖哩，唔辣，加咗啲辣油，好香好好食！
继续阅读
收工好肚饿，行过旺角见到呢间店入面有猫😍😍店员都好有善，坐底左张枱冇猫，都特登比猫我地玩😍😍2个人叫左2个饭都好有惊喜，烧牛排丼，咖喱吉列猪扒蛋包饭🤤🤤咖哩好香好味，猪扒炸得好松脆🤤🤤，鸡蛋都好嫩滑😍😍入面仲有薯仔配菜好好味，大推个烧牛扒丼都好好食🤤🤤牛烧得岩岩好，陪埋个鸡蛋，好食🤤2杯野饮都好靓，好饮🤗炸物一样系炸得好松脆，但又咖油腻😋😋😋食完仲可以同猫猫玩😳😳😋😋😍😍整体性价比好高😍😍 价钱又唔贵，真系治愈左身心，又饱肚、又好食！ 猫猫又治愈心灵，价钱仲唔贵🥰🥰 店员态度友善，会再帮衬🥰🥰
继续阅读
🐾今次嚟到旺角喵星人主场，食饭之余仲可以被几只超级chill嘅布偶猫围住，完全系治愈级体验！🍛我哋点咗两款蛋包饭：咖喱吉列猪扒同咖喱香酥鸡扒，各自配咗特色特饮（士多啤梨同百香果）。咖喱味唔会过咸或者死辣，反而有一种微甜的香料感，几啱香港人口味。吉列猪扒炸得香脆，肉质唔会鞋口，鸡扒则胜在嫩滑，份量都算饱肚。蛋包炒得几滑，唔会过熟，口感几柔软，拌饭一流。🧅加单嘅炸洋葱圈都算惊喜，炸粉唔厚，香口唔油腻，仲配埋少少芥末酱，成件事几惹味。🐱但最大亮点其实唔系食物——系𠮶几只性格各异但一样可爱嘅猫猫！有啲会跳上你大腿训觉，有啲会主动走嚟揾你玩，仲有啲完全当你透明，自己舒服到训死晒。全场气氛好relax，有时猫猫会凑埋一堆倾计，感觉好似去咗佢哋屋企咁。📍位置喺旺角通菜街，地点方便。餐厅内干净企理，服务态度亲切，收费合理（我哋两个人总共$253）。
继续阅读
您可能会有兴趣的...