影片
三点三肚仔饿行去食个下午茶～叫牛肉饱冇饱～叫红豆冰冇红豆～叫通菜牛肉冇通菜～理解的～茶记总有些东西会售罄～冇问题～求其嗌个炸鸡髀薯条填饱个肚～炸鸡髀制作需时～等候10分钟期间～毛骨悚然～数十只乌蝇群蝇乱舞～在我面前的枱当作机场跑道不断起飞降落～一两只我还可以忍受～但十几只围住你飞～真系乜嘢食欲都冇晒～食物上枱嘅时候～有同你分甘同味～连我杯冻柠茶都要企喺我支饮管上边留恋一番～埋单走人～真系冇下一次～
继续阅读
今日入咗去锦田半日游，参观下锦田树屋及一啲一级古迹，例如力荣堂书室、便母桥、二帝书院，最后一站喺锦田壁画村。临离开前梗喺叹番个下午茶啦，喺锦田公路有好多间茶记，最后拣咗缩入内巷嘅「湾仔茶记」，贪呢度人少啲。题外话，唔知点解佢叫「湾仔」茶记，唔喺叫「锦田」茶记或者「元朗」茶记，不过，临尾急急脚走唔记得问。铺头开晌村屋地下，仲偷埋出面嘅空地，用大型帐幕围起去，所以，实际嘅用餐地方都几大。不过，大热天时，我哋一大班人梗喺拣入去室内叹冷气啦。环境格局就无乜特别㗎啦，都喺好似一般村屋茶记咁，够干净企理就算。 下午茶餐一个餐牌睇晒，都喺见惯见熟嘅款式，三文治餐、西多士、薯条炸脾、公仔面、迷你炒粉饭面……等等，定价跟出面茶记差不多。 咸牛肉蛋包、热奶茶 $34今次一大棚人嚟，叫咗好多嘢，但其他人就唔写喇，净喺写番小弟自己食嘅嘢。面包用上热狗包，包身好软熟，如果有烘一烘当然就更好啦，内馅喺加咗咸牛肉嘅煎蛋，不过，咸牛肉份量唔喺好多，蛋亦煎得有啲老，味道唔差嘅，不过就唔叫做好好。相反，我见老友啲炸脾几得咁。本来都想饮冻奶茶，不过谂谂下，都喺热奶茶饮得出真味，加咗冰都喺有啲唔同。入口茶味几芳香，茶奶比例都唔错，个人嚟讲杯奶茶绝对合格有余，起码攞到80-90分。 临走时阿姐仲温馨提示，食满$200有一个钟头免费泊车（店旁有个收费停车场），我哋咁大棚人实够数啦，所以，其中一架车就悭番一个钟头嘅泊车场钱，哈哈！此外，其中一杯冻饮嚟错，阿妹二话不说，即换，服务态度非常好！大多数人都会拣锦田公路两旁啲餐厅，「湾仔茶记」真喺蚀咗啲身位，入得嚟都喺街坊多！
继续阅读
【🌀8号风球下的午餐】打风期间，新界区，付近可泊车，有户外瓦遮头，可宠，选择真系唔多。 庆幸湾仔茶记有开🥳周不时会渣车来呢边惠康买野，因对面就有个大大室外停车场，付半时时计，几抵！每次经过都会望一望呢间餐厅，不过因我平时好少会系锦田市食饭，一直未有机会！今次终于系打风下来了，点左个海南鸡饭！ 🤩份量好多喔，个辣汁都调校得好味😋 有机会黎试下其他小菜先 ！ 一路都见好多街坊黎食，8号风球与毛孩们一齐来亨用午餐/下午茶 ♥️ Sweet！
继续阅读
呢日嚟到锦田市食晏，拣在呢间位于停车场旁边嘅湾仔茶记。餐厅除咗有室内位置仲有少量室外位置，入面装修系普通茶餐厅格局。我哋点咗个剁椒蒸鲩鱼配热咖啡 ($45)，及鱼香茄子配热奶茶 ($45)。剁椒蒸鲩鱼饭 - 鲩鱼够大嚿，鱼质够嫩，十分新鲜又无泥味，配上酸酸地辣辣地嘅剁椒汁，新鲜好食。鱼香茄子饭 - 虽然卖相一般，不过个鱼香汁做得几香口惹味，茄子软硬度亦适中唔会太腍，好送饭，所以都几好食。热奶茶 - 味道唔错有质感。热咖啡 - 都几香浓。
继续阅读