灃味館

营业中

休息中

呢間係一間食完會諗「可以帶屋企人黎做冬食餐好」的店（可惜又關晚市了😭）銅鑼灣灜豐放題新開嘅中菜館，竟是走精緻粵菜路線，呢個價位，質素好有驚喜啊！店員推介濃湯雞燉鮑翅（$368/4位 ，$88/位）濃味足料，有勁勁勁大梳翅😱😱，而且是碗好精華濃郁的雞湯，想是用了不少雞熬製而成，飲完感覺係好舒服，唔會口渴的。好多地方都標榜花膠菜色，不個就真係唔係度度好食，有些又大又硬似魚肚，有些淋得像漿糊，🙈而呢度嘅鮑汁扣原件花膠扒（$368），我覺得好好食啊！大過去面嘅花膠，賣相先聲奪人，個人覺得2-4人分都ok呀，花膠軟淋有膠質但唔漿口，有厚度質感，另一重點就係個鮑汁，濃郁鮮甜，同一般好咸嘅鮑汁完全唔同，絕對值回票價！北海道珍寶帶子配牡丹蝦汁鴛鴦米 （$68/位）賣相都係好精緻，有酒店/高級中菜廳感覺，北海道帶子質感好特別，味道好。新鮮菠蘿拔絲咕嚕肉 （$108/例）價錢真係唔係貴過大排檔好多，但係又有炙燒鮮菠蘿，又有拔絲，真心係抵食。咕嚕肉拔絲又脆皮，咬落去係脆卜卜熱辣辣，肉質鬆化，新鮮菠蘿香甜有果香。甜品選了焦糖燉蛋配桃膠鮮果粒 （$48/位），果粒就係頭先d菠蘿肉，桃膠舖面，焦糖在底層，呢餐食完

大閘蟹一隻都唔平, 仲要自己煮咁麻煩今次去到澧味館食佢地既6道菜大閘蟹套餐, $409就有大閘蟹放題+飲品放題除此之外仲有幾道食品首先就係講下大閘蟹先, Size黎講都唔算細隻即叫即蒸, 大概等15-20分鐘就有得食!裡面好多膏, 質素都幾高, 回本真係冇難度除左大閘蟹之外, 套餐裡面既食品都非常出色濃湯雞燉鮑翅, 呢個的確相湯正, 個湯底一飲就知道好足料翅既份量仲非常誇張!!真心正呀!另外仲有特式小菜三選一我地就揀左金磚豆腐松露鹽, 即叫即炸, 外脆內軟仲有陣松露香!蟹肉扒豆苗上面既汁啖啖蟹肉, 豆苗炒到岩岩好上海炒年糕年糕煙煙韌韌, 整得都幾入味最後仲有薑茶湯圓做甜品薑味好濃好正, 驅寒一流

鍾意食中菜嘅朋友仔可以試吓呢間新開嘅中菜館，今次生日飯🎁揀咗呢間餐廳，啲嘢食都幾有特色，無論係食材定係處理方式都比較細緻。.今次呢個套餐好豐富，等我順序介紹一下！👉🏻濃湯雞燉鮑翅雞湯味道好香濃，鍾意飲雞湯嘅朋友仔一定好適合，裏面仲有比較珍貴嘅魚翅，不過如果下次轉返素翅應該會有更加多朋友仔鍾意，因為口感都係差唔多！👉🏻北海道珍寶帶子配牡丹蝦汁鴛鴦米上面的帶子都真係珍寶size，大大隻，加上牡丹蝦汁嘅鮮味提升味道層次，鴛鴦米有香脆的口感，好豐富。👉🏻鮑汁扣原件花膠扒花膠扒方面大個成個大腳板，而且有鮑魚汁包圍，味道又夠入味，切開之前打卡一流！質感亦都比平時食嘅更加有膠質及順滑。👉🏻新鮮菠蘿拔絲咕噜肉西班牙黑毛豬製成的咕嚕肉特別香，整體味道比較甜，可以食新鮮菠蘿中和一下，亦都有拔絲啊！👉🏻精美甜品是焦糖燉蛋配桃膠鮮果粒酸酸甜甜好開胃嘅菠蘿，表面仲配有一啲桃膠非常養顏，焦糖燉蛋啲焦糖喺晒底部，攪拌一齊食有好濃郁嘅甜香！.好豐富，而且食完好飽，好滿意嘅生日飯😗💪🏻

大家有冇食過係銅鑼灣嘅瀛豐放題呢？點解要問依個問題？因為佢哋係同一大廈開左間食粵式私房菜嘅餐廳😍 裝潢方面竟然以西式作主題，菜式方面都融入唔少西方嘅元素~ 餐廳內仲有個酒櫃，比大家食中菜配下紅酒🍷酒類普偏價錢唔算貴，有啲仲幾貼近市價。-濃湯雞燉鮑翅- 如果多人享用嘅，待應仲會攞一整鍋出嚟當眾分湯~ 見到入面超級足料，大大隻雞仲有唔少魚翅🐔 經過長時間熬煮，入口濃郁帶鮮，而且有一陣雞嘅油脂香。*北海道珍寶帶子 配牡丹蝦汁鴛鴦米- 用貝殼裝住好有睇頭👀 原粒帶好厚肉而且口感嫩滑。個飯嘅做法有少少似risotto ，米粒粒粒分明有咬口，個汁帶蝦嘅鮮味，成個組合幾match!*鮑汁扣原件花膠扒- 必食item 打卡一流！待應會係枱到分件上碟，充滿儀式感🤣 真係第一次花膠大到要用刀叉去食，入口滿滿嘅骨膠原，唔會過淋過於漿口，仲幾入味*新鮮菠蘿拔絲咕嚕肉- 好欣賞用上新鮮嘅菠蘿，仲要輕輕燒過表面，味道更鮮甜！咕嚕肉外皮薄而鬆脆，加埋會拉絲，酸酸甜甜嘅甜酸醬，非常開胃😻*焦糖燉蛋配桃膠鮮果粒- 焦糖係最下層，燉蛋滑溜得嚟幾香蛋味，面層女士至愛嘅桃膠🤩 中西配搭又真係配出驚喜喎~

今日約了朋友生日聚餐，決定食中菜，這間店新開張，可以一試，點了店內受歡迎的幾款菜式。濃湯雞燉鮑翅 用上走地雞，鮮黃色雞湯香味撲鼻，湯頭非常濃郁，配上排排鮑翅，倍添鮮甜，啖啖膠質，夠足料。北海道帶子配牡丹蝦濃汁鴛鴦米帶子大隻又厚身，面層點點香脆，下層紅米加白米成為鴛鴦米，飯粒吸收晒牡丹蝦汁，還有脆米，鮮味有口感。鮑汁扣原件花膠扒 花膠扒好有份量，軟糯滑溜，無腥味，鮑汁令花膠扒更矜貴，補而不躁，滋補又養身，全家都啱食！鮮菠蘿炒咕嚕肉用上西班牙豬肉，肉質鬆化，肉味香濃，炸得外脆內軟，拔絲醬汁，酸甜度適好，菠蘿香甜，另外再配有燒菠蘿，開胃消滯，食多幾塊都唔全膩。日本焦糖陳皮燉蛋配桃膠冰糖菠蘿燉蛋配新鮮菠蘿原來更清新，桃膠增添口感，底層有焦糖，淡淡果皮味，配搭新鮮。餐廳佈置中西合璧，拍拖或朋友聚會，可以點枝酒慢慢嘆～

🥢銅鑼灣新開良心高質中菜館 抵食大得驚人鮑汁扣原件花膠扒#食好西銅鑼灣美食 #食好西良心推介 🥢之前食過幾次銅鑼灣良心放題店瀛豐，最近撈過界搵埋凱悅酒店主廚在相同位置樓下開設高質中菜館，主打粵式中菜，仲有提供大閘蟹放題，等左咁耐終於有間可支持的中菜廳，好快12月中就做冬要屋企人做節，睇來係時候book 定位，今次就來試下佢地的拿手小菜🥢花膠菜膽燉本地豬展 $88/位湯品來講最鐘意飲燉湯，呢個湯夠曬足料，花膠本地豬展雞腳姫松茸蘋果用上多個小時清燉，飲落夠曬滋潤清甜🥢鮑汁扣原件花膠扒 $368想像不到店員捧來一大盤鮑汁花膠，還即席在你面前切開，很有專貴的視覺享受，花膠充滿膠質且富彈性，充滿骨膠原，配上鮮甜味美的鮑汁一起吃，感覺很幸福，以這個價錢食到大得驚人的原件花膠扒，大大塊夠曬兩人份量超級滿足🥢鮮菠蘿炒咕嚕肉 $108必食推薦這款咕嚕肉，夾起時醬汁可以拔絲，好巧功師傅功力，薄薄脆漿包裹西班牙豬肉肉味更濃香，入口非常鬆化甘香，酸甜度非常之開胃，不可不提旁邊的新鮮菠蘿輕過輕微火炙非常鮮甜，而且擺盤非常精美，絕對是媲美酒店級數🥢北海道珍寶帶子配牡丹蝦龍汁鴛鴦米 $

知道依間舖頭係樓上十樓瀛豐放題料理專門店新開的新派手工粵菜， 未試過都心懷期待。 我諗上邊放題做得咁好， 喺市道低迷嘅情況之下夠膽開其他菜色嘅店舖， 我諗應該唔會差得去邊。 果然試過一次之後無令我失望， 之前堂食試雞煲翅， 雞味十足翅又足料。 另外花膠扒好大塊好抵食， 仲有招牌菜拔絲咕嚕肉一試難忘。 其他菜唔介紹啦， 大家可以睇其他食評或者自己去試。 今日外賣咗個咕嚕肉同辣子肥腸返 屋企同老婆食， 外賣都份量十足 疫情之下想買外賣都不失為一個好選擇

喜歡吃中菜的一定不能錯過這間在銅鑼灣京都廣場新開的中菜館，裏面裝修不是非常中菜的感覺，例如有多個紅酒櫃，但當然也有水缸可以看到多款生猛海鮮在游水。濃湯雞燉鮑翅味道香濃，應該用了不少雞去熬製，這個是家人選的，如果是我下一次只會選吃素翅吧！ 北海道珍寶帶子配牡丹蝦汁鴛鴦米鴛鴦米方面有脆身的，也有普通的飯粒，雙重口感有豐富層次，珍寶帶子方面大大粒，鮮味爽彈，質素不俗，蝦汁也很是鮮味。鮑汁扣原件花膠扒非常大隻，而且質感嫩滑，鮑汁味道香濃，花膠扒充滿骨膠原，而且製作過程繁複，到這裏吃真是一個明智的選擇！新鮮菠蘿拔絲咕噜肉用西班牙黑毛豬，味道比較甜，黑毛豬味道特別香，也有拔絲，如果怕甜可以同步進食新鮮菠蘿中和一下。精美甜品焦糖燉蛋配桃膠鮮果粒非常特別的焦糖燉蛋，焦糖在底部，表面有養顏的塗膠，味道香甜，加上菠蘿果粒，味道非常匹配，鮮味之餘也非常香滑。

呢間係瀛豐放題新開嘅粵菜廳，都有大閘蟹放題食，不過我哋今次就無試。食咗晚市套餐，啲經理係全男班(叔叔)，仲要好熱情，搞到我哋有啲尷尬😂😂😂😂——————————————————​
▪️鮮菠蘿炒咕嚕肉 ($108)▪️鮑汁扣原件花膠扒 ($368)▪️北海道珍寶帶子配牡丹蝦汁鴛鴦米 ($68位)▪️日式焦糖陳皮燉蛋配桃膠時令生果 ($48)話說經理大叔話安排我哋坐「海景位」，點知係對住個魚缸😂，之後啲嘢食嚟咗，佢主動搬啲茶杯俾我哋，話要比對下碟嘢有幾大⋯⋯😂係上一輩嘅攝影技巧招牌菜拔絲咕嚕肉，夾起真係會有一絲絲，記得上次喺其他舖頭食，個拔絲做咗喺碟隔離當裝飾，個炸皮非常之薄，好似一層玻璃咁，咬落超脆，豬肉係半肥瘦、軟腍juicy ，不過肥肉較多而且又甜，食得多會有啲漏😂難得係用咗新菠蘿而唔係罐頭菠蘿，不禁令我哋猜測，係咪其實都係同放題嗰度啲燒菠蘿係同一隻料😹北海道帶子配鴛鴦米，食到脆米通同埋白米兩種口感，個汁係牡丹蝦汁，不過我哋覺得有啲似福建炒飯個汁😂個帶子夠大粒唔錯～花膠扒同雞湯翅都好足料好滋補，同一定要食中菜嘅老一輩食飯，都係唔錯嘅選擇。最後甜品係日式焦糖布甸，老實我覺得有啲九唔搭八，粵菜我

呢間餐廳新開張餐廳入面環境都好好所以用黎慶祝真係一流 坐得好舒服 仲有房for多人聚會！除左名貴菜式都有D平民菜式 樣樣都有齊 湯味夠濃 很清甜並帶有雞油的芳香 足料好味道 真係想飲多一碗北海道的帶子最出名 呢款北海道珍寶帶子配牡丹蝦汁鴛鴦米岩哂你啦! 珍寶帶子大粒厚肉 飽滿肥美 整體都好好食而且幾特別 鴛鴦米包含了濕米同埋脆米 口感100分鮑汁扣原件花膠扒 處理花膠扒考功夫 所以家中不易做 呢款值得推介!! 一上桌香氣撲鼻 花膠扒大大件 要用刀叉食 Wow 啖啖肉新鮮菠蘿拔絲咕噜肉（用西班牙黑毛豬）平時係出面食 啲咕噜肉成日都油苙苙又唔脆 呢度D咕噜肉零舍好味 誘惑橙紅色 有拔絲效果 選用西班牙黑毛豬 用料上乘 肥瘦均勻 外層脆身 好有咬口 爽口彈滑 酸酸甜甜 食極唔厭 焦糖燉蛋配桃膠鮮果粒為整道菜完美作結 燉蛋夠香夠幼滑 甜度適中同時很creamy 做得出色好吃 值得推介 中式桃膠有清潤的感覺 秋冬天氣食這個很養顏 很喜歡這個飲品食物質素好好 絕對值得推薦 特色菜是我覺得這家餐廳值得加分的地方 感覺很不一樣 以後呢度就係我同家人嘅首選中菜了

秋風起，又係食大閘蟹既季節！呢間餐廳推出左六道豐盛大閘蟹宴，呢個係任食大閘蟹既套餐。大閘蟹入面有好多蟹膏，蟹膏味道濃郁，入口即溶，仲有好多蟹肉，仲要任食，我地食左超多隻啊！除左蟹之外，仲有多幾道中菜，水準亦都唔錯！呢個濃湯雞燉鮑翅好鮮甜，味道香濃！意大利黑醋排骨煲好惹味！仲有地道既上海炒年糕！健康又好味既蟹肉扒豆苗。餐廳侍應既服務態度亦都非常好，雖然好多客人，但都會經常幫客人斟茶同埋換碟，十分貼心！

#tastytommy良心食店 💛唔知大家食過瀛豐日式放題未呢?🤣 (其實我未食過lol太多人🙈) 佢最近係樓下開左間中菜廳 撈埋中式粵菜 甚至連大閘蟹放題都有得食🤤 今次小編就試左幾道巧手菜~💛濃湯雞燉花膠未打開蓋都聞到好香既雞湯香氣 飲落好濃郁 花膠燉到好軟淋帶少少漿口🥰💛鮑汁扣原件花膠扒花膠燉湯都未夠 食埋大大件花膠扒先滿足 就算分完之後仲大過我塊面 同樣好軟熟😍🍍新鮮菠蘿拔絲咕嚕肉友人話好中意食咕嚕肉 所以一定要食呢個😋 薄薄一層脆漿非常酥脆 包裹住入面既豬肉 勁肥美甘香鬆化 好高汁😋 芡汁岩岩好掛係咕嚕肉表面 好甜蜜好開胃 如果有白飯撈食十碗都得🥲🐚北海道珍寶帶子配牡丹蝦汁鴛鴦米帶子大大粒 但調味偏重 覆蓋左鮮味 蝦汁撈飯有少少福建炒飯feel🤣 鴛鴦米既鴛鴦質感就唔太明顯 只係係面頭食到少少冇沾有汁既脆米😌🍮焦糖燉蛋配桃膠鮮果粒食個中西合璧既甜品作結尾~ 燉蛋軟滑 加埋底下既焦糖汁一齊食 但如果蛋味更加香 桃膠膠感重d同埋雜質清除得再徹底d就更加正

疫情下難得與好友相聚。所以搵左間環境清幽嘅灃味館順便試吓依間新店菜式。我哋點左 #濃湯🐔雞煲翅 #長腳蟹🦀兩食 #北海道珍寶帶子配牡丹蝦濃汁鴛鴦米 #松露金磚豆腐 #冰鎮話梅黃金球 #鮮菠蘿🍍炒咕嚕肉#普洱茶燻炸子雞 #灃味小炒皇 👍🏻👍🏻👍🏻長腳蟹兩食本人誠意推介🤩🤩以脆米通盛拓蟹肉🦀🦀吸收晒蟹嘅肉汁口感一絶😋😋另外蟹膏蛋羹亦同樣鮮味爆燈💡💡😍😍食到😋😋蟹粉控必食💯💯💯果然有驚喜🤩🤩值得推薦俾朋友