瀧神日本料理 (已結業)

上網睇到介紹，諗住一心去熟食市場試個日式鰻魚飯，點知去到門口唔記得個名，見到餐牌上既鰻魚蛋包飯，一心以為係佢，結果入錯左。入錯鋪唔等於一定差，只係同預期中唔同，唔緊要，一樣係食飯，試一試冇壞。拖羅蓉飯：拖羅蓉份量合理，溫度亦適中，幾好味。鰻魚蛋包飯：蛋幾滑，鰻魚唔會太肥或太乾，好食。唐揚雞：味道唔錯，但個面好似有層粉咁，口感唔係咁好。雞泡魚干：正常發揮，依樣食物應該好難唔好食。總括嚟講味道對得住價錢，但需要一提係d飯好痴，口感唔好，拉低左平均分數。最後附送甜品，一口過既芝士蛋糕。值得讚係店員有禮貌，而且作為小本經營，廚房唔大，預左食物上枱時間會耐d，響熟食市場上面，衛生環境可以接受，唔好搵d豪裝日式餐廳去比較。

駿業街熟食中心2樓有三間日本餐廳，我鍾意呢間，味道最好，亦係最多選擇有丼飯，又有和風午餐，丼飯今次揀左灸燒左口魚正啊有入口即融嘅感覺，大概有5片，飯份量都足夠男同事好似叫左吉列豬扒飯，都話夠飽，不過略為炸得乾身左亦有同事叫左咖喱撈牛肉定肥牛烏冬，我都食左2條，烏冬反而相對細碗，男仔應該會唔夠食，但味道的確係幾好，牛肉都好嫩，再加埋大量蔥花，好食小食嘅雞骨腸同埋明太子雞翼都係正常發揮，個人鍾意雞骨腸多啲

觀塘駿業熟食中心有一間賣日式料理既小店，價錢非常親民，有幾款食物經openrice落單外賣自取仲有折添，啱晒附近既打工仔。 🍴溫泉蛋雞絲胡麻冷稻庭烏冬$40 胡麻醬同烏冬真係絕配，呢度既醬落得好足，夠晒撈成碗烏冬，篤開溫泉蛋，d蛋黃漏落烏冬度，令烏冬加添蛋香，更加creamy。雞肉既份量亦算多，咁多個餐最鐘意呢個👍 🍴炙燒三文魚丼$56三文香表面輕輕燒過，唔會過火又加添左炙燒既香味，厚度足夠好軟嫩，表面落既燒汁又係另一款風味。 🍴日本黑豚吉列豬扒丼$54吉列豬扒夠大塊，而且炸得幾好，肉唔會韌，仲有生菜同蕃茄可以解油膩。 如果堂食既話，柚子茶仲可以添飲，大食既又可以叫多飯。幾十蚊既價錢食到日式料理，仲要又好味，非常滿意架喇。

💥有冇人覺得親子丼呢個名好殘忍🙉📍 瀧神｜觀塘📍埋單 $ 3 X#cl觀塘 #CL四圍食 #CL日本野⚪️⚪️⚪️⚪️⚪️⚪️⚪️⚪️⚪️⚪️瀧神係一間喺熟食中心嘅隱世小店，佢嘅午餐好抵食😻 30幾蚊仲有埋嘢飲💛💟 親子丼 親子丼其實都係大個咗先知道係雞蛋同埋雞🤣佢嘅滑蛋整得好好味👍好有蛋味，而家雞呢就唔會鞋嘅👅配埋啲洋蔥啊蔥花完全係升級左嘅層次，本身望落去唔係好大，以為會唔夠飽但點知食落去又OK喎🤟🏻不負責任點評✌🏻好味道🌕🌕🌕🌖🌑性價比🌕🌕🌕🌗🌑回頭率🌕🌕🌕🌗🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️ #852food #hkig #ighk #hkfoodie #hkblogger #hkfood #hkbloggers #hkcafe #hkrestaurant #hkfoodblogger #hkfoodlover #hkfoodbloggers #hkigfoodie #尖沙咀美食 #尖沙咀 #香港好去處 #香港打卡 #打卡 #香港餐廳 #香港美食指南 #香港加油 #香港美食 #相機食先 #食好西 #旺角美食

朋友介紹黎到觀塘駿業熟食市場嘅一間日式餐廳 雖然平時行開經過樓下見到好多野食 但入黎搵食就真係比較少😂平日晚上黎到 唔算好多人 店面都唔係好大 但好有日式空間感☺️惠顧晚市套餐免費奉送前菜(胡麻冷豆腐 & 三文魚沙律) 餐飲(無限添飲凍柚子茶) 是日甜品(芝士蛋糕) 感覺好抵😎朋友推薦三文魚腩 可以揀刺身或者炙燒 我就揀咗刺身上 厚切食出嚟嘅口感好香 油脂分佈平均 但份量比較少 食完感覺上都唔係好飽 但未至於餓嘅😅朋友嘅壽喜燒牛肉嘅份量都唔係好多 配一隻生蛋同一碗白飯 味道一般🙈可以添飲嘅飲品只有冷熱柚子茶 味道偏淡 勝在可以refill朋友之前食過鰻魚飯話係好大條好味好多 日式野食嚟講呢間餐廳算係價錢相宜 下次可以試下其他食物🤣

🍭觀塘一向都出名多隱世小店，係工業區又多又平又好味嘅餐廳，今次搵到間平民少少嘅日式小店位於熟食市場入面，首先裝修都幾有日式feel，鋪位細細間咁，似係家庭式日式煎餃子，煎到好脆，幾好食燒鯖魚，麻麻地炸雞皮，好脆，但冇咩味免治雞肉串，呢個一般◆牛肉鍋，足料，幾好食和風一口牛，好有牛味，好食整體食物一般啦，簡單食，比較家庭式嘅一間日式料理

喜歡這觀塘小店格局 魚生尚算新鮮 而價錢亦合理 雖然店員較少 但有禮物 上菜速度亦快 我們點了炙燒魚生飯 京蔥拖羅魚蓉飯 一份三文魚腩刺身 雖然份量不算很多 但味道很不錯 相信下次平日夜晚也會再來

每星期幫襯一次，都幫襯咗近半年。每次早上11:00前落單，預計12:45取餐，每次取餐都要多等10~15分鐘。準時到取要等咁耐，咁咪遲D去囉，遲D去又係要等咁耐。睇住佢比晒D0008號，0012號..我問我0001同0002都未有，點解要倒轉D單號嚟做？佢又話係順住做，個妹妹仔仲次次日劈口劈面答我未得。今日得15分鐘食飯，仲要嘥時間喺喥寫劣評。質素係好，但我接受唔到次次咁受氣，幾好食都冇用。

今日喺openrice外賣自取發現呢間嘢，只不過係咁啱有自己想食嘅幾款丼飯，本身無期望，點知食落幾唔錯，仲要係呢個價錢。叫咗蒲燒鰻魚丼、炙燒三文魚帆立貝丼、燒雞軟骨同明太子雞翼，無一樣失拖，好食過一半叫自己做日本食堂嘅港式日本料理，最欣賞炙燒三文魚帆立貝飯，佢唔係求其燒兩燒俾你，食得岀食材新鮮、加個燒汁係花過心思。唯一可以批評嘅就係個飯硬咗少少(本人中意硬飯可以接受)。估唔到喺熟食市場唔覺眼嘅小店有咁高水準！

小弟最近愛在觀塘駿業熟食中心搵食，今日到〈瀧神〉享用午膳地方雖小，但有高質食物，值得推介。就這樣一客日式咖喱炸蝦丼，連一杯飲品收$49經濟實惠，但其實是吃不飽的。講返個飯，中辛咖喱香濃，天氣涼吃一口最適合薯仔都幾香脆，有新鮮蕃茄伴碟。至於炸蝦，揸得金黃香脆，也十分彈牙！$49餐就配一杯凍柚子蜜，但你看太細杯吧... 尤其吃完中辛程度的咖喱，怎夠喉？所以建議如果要吃咖喱飯的話，緊記要加配小食，加配兩隻雞翼或餃子，都只是$8至少都幫到大家飽肚！但下次一定會再幫襯，一試該店的海鮮丼

以往下午經常會來吃飯，因為近我公司，而且夏天最緊要冷氣夠凍，這裡正是不錯既選擇。第三波疫情爆發，見到小店新增了很多優惠外賣套餐，而且選擇比以往多，合共有二十多款，由$32-$88既套餐都有，而且現在有外送服務今次跟同事選了兩個新推出既套餐，他人丼(豚肉)及白汁雞皇丼，份量算充足，而且味道亦不錯他人丼(豚肉)，外賣自取$36，日本醬汁味既滑蛋，加上五花腩片，送飯一流白汁雞皇丼，好值得推介，自取價$38，首先雞皇夠晒大件，本身有味。而白汁亦是我第一次食到咁夠味既，亦好足料，白汁入面有紅蘿蔔，炸過既薯粒等，唯一可惜係我唔記得叫佢多飯優惠套餐送柚子茶，普通野，但係夏天飲落都幾解渴。

黎開觀塘做野，知道熟食中心有好多野食，上到黎望下，經過呢間日本野睇到門面幾特別就入去試下，叫咗黑豚吉列豬扒飯，唐揚墨魚咀吉列豬扒炸得好靚，好大塊，套餐仲跟前菜同飲品兩粒墨魚咀大大粒，外脆內軟，唔同平時食開嗰d細細粒柚子茶有得任飲埋單嗰時仲有9折，問下店員先知原來2:15後有特價，埋單都係$61可能因為疫情關係，堂食唔算多，坐得算舒服食物性價比高，冷氣夠涼，夏天黎一流，佢地仲有開晚市，野食款仲會唔同，下次有機會會黎試下

再有本地確診的第二天，全店的廚師和樓面都沒有戴口罩，其中一位摸完鼻後直接處理我兩杯飲品，所以忍唔住問點解唔戴口罩，得到回覆是因為在廚房內工作(因為唔對客所以不用戴畀人睇?)以及剛回店太熱。。。。自求多福吧

午餐，疫情价$43，明白一分錢一分貨，但是最基本的飯底要生冷槓是何玩法？味道係冇問題嘅，但係成餐飯好似食緊石仔咁。唔食又浪費，食完到依家成個鐘個胃仲痛緊(>.<)

無飯夫妻訓醒就是食晚餐，經apps訂位有discount .去到目的地我有一刻想掉頭走，我最怕街市，我們係無飯夫妻，就是我吾鐘意果D 濕立立嘅感覺,同埋果陣味，但我老公話一場來到，試一次lo鋪頭裏面算乾淨，坐位也算舒服寬敞三文魚刺身三文魚腩刺身(堅肥，但吾夠凍)燒魚邊飯(燒燶D會香D，同埋逼D油香出來)汁燒鵝肝飯里間店係一人料理，由刺身，燒物，炸物，丼飯都係一個人主理，可能老板慳cost,可能主廚就是老板，一個人做真是好叻，咩都識，食物水準算Ok丼飯既飯我覺得比平常硬左D，刺身丼飯吾係用醋飯，衹用白飯有D失色，鵝肝個汁對我來講咸左D，鵝肝夠肥有油香