瀧一 (已結業)

晚上約10時到達，店員/廚師告訴我們這個時間只有刺身壽司類的食品。其實一心想食熱食，不過坐定了又費事走了，就叫了2客極上魚生飯($68)。飯份量偏小，味道偏酸。魚生不過不失，不算新鮮但未至於食唔落。我係女仔食完都唔飽，但作為遲來的晚餐又剛好。算是錯有錯著吧。如果有下次，會試熱食。…查看更多

今日諗住黎食下依一間小店日本野，點知又黎中一次伏。首先因為三文魚同鰻魚都冇，迫住叫牛肉鍋同埋炸蠔滑蛋飯。炸蠔滑蛋飯得炸蠔係合格，個飯太林痴埋一舊，完全好難食牛肉鍋就仲衰，好咸d牛肉又肥，成個煲同老吉既lv差唔多。雖然依間鋪頭既價錢真係好平，但可以做得更好，完全冇令人返回頭既地方，咁既質素有時真係俾貴少少食大集團仲好過d小店。評分:食物:2/10態度:3/10環境:4/10性價比:3/10總分:12/40 (唔合格)…查看更多

店鋪好大個名，好易認。外面都有好多介紹，講真好多人都好怕食間本野好貴，睇到價錢就安心了！！好多日本的裝飾，簡單而精美。留心睇的話就會見到每個位置都好乾淨呀！！！蛋蛋豚肉火媧！！真係有個火爐係下面燒緊架！！我食野一向都係特別會注意d野食d汁。呢個汁真係不得了！！入面仲有d慢慢熟既蛋白同有蟹扭。講都無人信 50幾蚊咋不過記得一路燒緊d水會越來越少呀！玉子蟹棒燒多到爆的蟹子，入面都有好多芝士，同埋有好多醬汁，用來no飯食都唔錯架！下次一定再來吃…查看更多

去親佐敦上海街salon整頭，真係要食飽飽先開始得，因為做6、7個鐘係閒事，以往我都係去吉X家，貪佢一定有位坐，不過份量唔大，相對價錢唔係平囉，選擇又少，食多幾轉都有D厭，見行多幾步有間細細地叫瀧一嘅日本料理，放喺門口用粉筆寫上多款午餐嘅小黑板，只係四五十蚊，非常吸引，入到去座位唔多，都容易有位坐，睇睇餐牌其他食物都幾好咁，炸軟殼蟹湯拉麵都只係 $58，其實都驚驚地有D伏，但唔試又點知有冇下一次，所以都係叫左，仲加多兩件火炙三文魚煵 每件$15；軟殼蟹即炸需時，先來火炙三文魚煵，細細件兩口攪掂，炸軟殼蟹湯拉麵，一啲都唔細，麵足蔬菜多，湯底味道啱啱好，$58足一隻全蟹，全部蟹腳齊全，炸得鬆脆好味，派讚唔手緊👍🏼…查看更多

喺佐敦廟街隔離嘅上海街見到呢間日本料理餐廳寫著有八款午餐，每款都係價錢由$45至$50，加多$5有可樂。佢地有送餐服務，不一過最後我都係入去是旦食，坐低之後發現原來呢度係冇加一服務費嘅，响香港真的少有冇加一嘅餐廳，對消費者而言，值得比個LIKE喇。叫左個野菜牛肉飯同埋追加左一罐可樂上枱時碗飯熱辣辣，其實基本上碗飯喺鋪滿晒啲肥牛肉丶洋蔥丶香菇同埋金菇，喺完全見唔到下面有飯，肥牛肉薄薄哋又肥瘦相連加上餐廳嘅自製湯汁，味道不錯啊，都想講佢嘅湯汁咸甜適中，唔會好似外面有啲日本料理餐廳啲湯汁咸到冇人有，碗飯應該喺近似珍珠米煮成熟飯，食入口時每粒飯都有彈性，口感幾好，同埋一邊食一邊發覺每食一啖飯時都有白煙冒出，証明厨房師傅注意到成碗嘢嘅溫度控制，作為食飯消費者嘅我也食得開心。炸生𧐢又熱又脆口。…查看更多

頭先夜晚打完邊路，之後去咗睇戲，睇完戲之後就開始覺得肚餓，由尖沙咀行到落寶靈街，再由寶靈街行到去廟街，行到都好攰了，老公話買啲宵夜返去食，點知行到去上海街附近，見到有一間日本餐嘅小店，價錢亦只有幾十蚊起門口佈置得好精緻價錢亦非常平民化，幾十蚊已經可以買到現在已經是晚上10點了，可能太夜，所以人不多😁所有食物都是即叫即製的所以我等外賣時間都要10至15分鐘，餐廳內冷氣非常足夠，地方清潔，所以我都坐得舒舒服服等外賣餐牌上選擇很多，刺身，湯麵飯，基本要有的都齊晒👍🏻而且價錢也不貴！好多刺身選擇👍🏻👍🏻等左15分鐘外賣終於搞掂了，當我離開的時候，就見到有五個人進來買外賣，好彩我比他們快一步😁返到嚟屋企，豬骨湯底依然熱辣辣，湯底和拉麵是分開上的，所以沒有影響到拉麵變林😋從圖中都見到豬骨湯煲到奶白色，湯底味道非常濃郁， 而湯入面有些邵菜作為配搭😁醬燒三文魚飯$48 ，三文魚經過火焰燒過味道更加香，上面加左一些沙律醬和芝士更加惹味，亦有大量蟹子鋪面，全部混在一起食，味道非常夾🤣叉燒豬骨湯拉麵$55 ，有四塊靚靚的日式叉燒，脂肪和豬肉遍布均勻，兩件甜蛋甜甜地做得非常出色，而拉麵嘅軟硬度又非常適中😁…查看更多

去旺角同男友搞裝修野，無意中發現呢間日本小店，個名幾得意就入左去食！入面唔多位，有個open kitchen.野食都幾多下兩個人叫左幾件壽司，炸物同一個牛肉鍋烏冬。炸雞炸得岩岩好，唔油天婦羅蝦好彈牙軟売蟹壽司，正！大小岩岩好…查看更多

上網見到話哩間日式餐廳可以送外賣，所以今日同同事一齊叫外賣，因為佢要$100先送左手邊係另外order既海膽手卷，滿滿海膽好吸引🤤🤤右邊既係我地叫午餐送既😍😍同事叫左鰻魚飯，鰻魚肥厚多汁，睇見都垂涎三尺😍😍我叫左魚生飯，貪佢一粒粒魚生可以一啖飯一啖魚生咁夾埋一齊食，而且佢地係即叫即整，十分新鮮👍🏻👍🏻…查看更多

夜晚放工行經佐敦返屋企，經過了這間瀧一，見佢晚市價錢都是幾十蚊起，所以叫了外賣返屋企食，好過自己煮。有刺身、壽司、定食及小食等，全部都是十幾廿蚊起，款式都算多，而且價錢大眾化。日式肥牛炒烏冬炒烏冬爽口，不會炒得過腍，肥牛肉不算太肥，亦都不會油淋淋，還加了些金菇等雜菌。三文魚炒飯炒飯用珍珠米，飯粒分明而且很爽口，充滿了三文魚油脂香味但完全唔腥，三文魚粒份量都幾多，完全無因價就貨，但比烏冬油膩。可能人手比較少，等了差不多廿多分鐘才有，但小本經營，值得支持。…查看更多

炎炎夏日, 在佐敦的街上閒逛. 走下走下來到上海街, 行到這間小店門前, 被門前的餐牌吸引入去,  店內只有幾張抬, 當時時間尚早, 所以店內只有兩抬食客, 加上有很涼的冷氣, 所以也份外舒適, 而我叫了兩味菜, 上菜速度非常快, 值得一讚. 滑蛋吉列蝦飯 --- 三條肥大的吉列蝦, 配底有洋蔥及冬菇做汁送飯, 非常可口, 飯亦很大碗, 絕對超值, 唯獨吉列蝦比較多炸粉. 玉子蟹棒燒 --- 整體也好吃, 玉子份量適中, 玉子也很厚身.…查看更多

上星期六夜晚同女朋友冇嘢做，女朋友想去元朗食晚飯行下街，於是上網搵左少少資料就嚟到呢間唔算開咗好耐嘅新式日式小店一坐低店員就奉上免費嘅新鮮沙律材料都非常新鮮，配上酸酸甜甜嘅特製醬汁好快就食晒女朋友話唔想食三文魚嗰啲平時食開嘅刺身，於是就聽咗店員推介嘅日式新鮮刺身拼盤，入邊嘅魚類的確係平時比較少見，而且味道比起其他放題店或者元朗其他鋪頭都新鮮得多，有幾隻魚類都有入口即溶嘅感覺店員冇介紹錯另外都叫咗少少熟食，強烈推介依兩隻將主醬煮豚肉同日式炒麵，豚肉佢哋處理很好好，火候啱啱好，肉非常juicy，而且味道都調校得啱啱好而日式炒麵佢哋係日式傳統做法加入大量蔬菜，感覺非常清新，而且同樣地佢哋味道都調校得好好，呢個係平時元朗小店俾唔到我嘅驚喜雞軟骨嘅份量非常之多，而且始終都係新鮮炸起，所以係非常之開胃嘅小食，但係由於我地兩個人都食唔晒 所以最後要打包返屋企當宵夜呢間餐廳真係比到好大驚喜，用了非常新鮮而且價錢都唔算貴，我同女朋友都打算下次如果入元朗想食日本野都會再次幫襯…查看更多

位置在左敦站走出来走十分锺左右。铺面是典型的日本风格装修，面积很小，里面只有三张台可以坐。朋友不能吃生野，壽司我們只要了三件。因為喜歡吃三文魚所以都點了三文魚的，肉質還是新鮮的，最好吃的是三文魚芝士軍艦壽司。鰻魚玉子燒，玉子燒沒有什麽特別之處，但鰻魚的口感還是挺滑嫩的。加州卷味道普普通通，size偏小。豚肉锅料足，味道清淡。最後的惊喜-吉列炸虾吃完上面这些之後感觉意犹未尽，还没吃饱，所以就又点了一份吉列炸虾，没想到味道超好。炸虾的个头蛮大的，外面炸的松软酥脆，里面肉质鲜嫩，口感极佳。…查看更多

想搵下啲特別少少既壽司魚生店黎食結果就係公司附近搵到呢間小店店鋪唔大 但係收工過到去都無乜人係入面即刻就可以入去坐例牌都係叫下三文魚黎食下食落又算係幾好食wo 又有魚鮮味唔似其他連鎖店啲壽司咁，得個樣算係幾有驚喜加上啲野食全部即叫即整炸軟殻蟹卷上枱果陣熱辣辣咬落去仲脆脆地😝😝😍🤤不過果晚去食果陣佢好多魚生都話無☹️所以野食選擇得好少不過都會再想去試下其他嘢…查看更多

講咗好耐話想食鰻魚飯 今日老公就帶咗我過嚟佐敦搵日本餐廳 經過見到出邊嘅師傅推介見到價錢好似幾抵食喎 一於試一試佢啦呢度嘅選擇算多價錢亦都非常相宜叫完嘢食唔夠5分鐘已經嚟咗個蟹籽沙律🥗蟹籽算多 青瓜絲好爽脆 幾好唔錯 非常開胃期待已久嘅滑蛋鰻魚飯$68鰻魚嘅份量好夠 肥美而不膩 佈滿鰻魚汁同埋滑蛋 飯嘅軟硬度適中 一啖飯一啖鰻魚 YUMMY炸蠔外皮酥脆 裏面嘅蠔仍然充滿肉汁即炸既蠔真係好吸引極上魚生飯$68呢個魚生飯真係非常之抵食 冇諗過呢個價錢會有咁豐富嘅刺身刺身仲要係厚切 所有刺身都新鮮推介!!食緊嘅途中見到唔少街坊嚟叫外賣下次LUNCH都可以外賣試埋其他嘢先…查看更多

今日收早，經過佐敦見到有間裝修幾靚既日本料理小店，係出面望左一下佢既午餐餐牌，價錢都好大眾化，而且款款都唔錯👍🏻👍🏻價錢相宜，仲有小食送添，的確好吸引🤭🤭哩間小店座位唔係好多，我目測好似得4張雙人檯，繁忙時段可能要等一等位Menu 兩大版，壽司，魚生飯，拉麵，手卷，卷物樣樣都有，最驚訝係連火鍋都有😱😱外左堂食，佢仲可以叫外賣，不過只係送到樓下今次我叫左極上魚生飯，三文魚肥美（三片），吞拿魚鮮味（兩片）八爪魚爽口（兩片）玉子蛋香味甜（兩件）甜蝦鮮甜（一隻）仲有蟹籽軟殻蟹炸完都唔會好油，炸漿好薄一層，所以蟹腳係脆卜卜但唔會有油膩感整體黎講我都覺得係有水準既日式料理，而且多元化多選擇👍🏻👍🏻…查看更多