254
13
6
港铁荃湾西站 B 出口, 步行约14分钟
继续阅读
电话号码
57927072 (WhatsApp)
营业时间
今日营业
18:00 - 00:00
星期一至四
18:00 - 00:00
星期五至六
18:00 - 02:00
星期日
18:00 - 00:00
公众假期前夕
18:00 - 02:00
以上资料只供参考，请与餐厅确认详情
有关奖赏计划
招牌菜
食家推介
今日就同朋友黎到呢間日式居酒屋食飯門口好開揚 望到入面非常之有特色嘅裝修呢到有齊晒刺身，串燒，炸串，小食，鍋物 等食物 選擇多 梗有一款啱食 亦都係朋友放工暢飲嘅好地方先食前菜 煙燻豬肝豬肝無其事怪味 處理得好好口感係粉粉地 配左啲酸酸甜甜嘅梅子醬 係幾開胃 刺身 要左三點盛有赤蝦赤身帆立貝赤蝦非常之大隻 成隻虎蝦咁 肉質鮮甜唔會霉赤身 夠淋無根 淡淡魚味帆立貝厚身大粒三樣刺身都好新鮮高質 炸串日本白板魚旦 薄薄號炸皮配上爽口魚旦 幾夾鵪鶉蛋 第一粒蛋食到有少少流心蛋嘅感覺 後來 應該係蛋黃粉粉的 所以食落似流心雞脾肉 雖然係炸物 但係一啲都唔乾 咬落仲好嫩燒物原條燒魚 燒伊佐木 一擺上枱 覺得切左一格格 好得意 但原來係有特別 佢原格夾啲魚肉上黎 係可以無骨 魚肉好實 好有魚味雞心喉管 估唔到香港嘅居酒屋 都做得咁細緻 啲咁刁鑽嘅位 都有得食 雞心喉管咬落煙韌 係燒到過晒龍 特式燒飯團表面燒得焦脆 但又只係薄薄一浸 咬落去好似飯焦咁 表面脆米 入面軟糯嘅米飯而飲品分別叫左青蘋果梳打:非常之青蘋果 酸酸地 好解油膩感巨峰sewa酒：果酒比較易入口 甜甜地 女仔都啱飲呢度食嘢 真係好有日本feel 無論裝修定氣氛見到2樓仲有飛鏢機同遊戲機玩不過 我坐地下就無特別上去喇
继续阅读
去完姨媽傢俬去搵食更係搵吓周邊小店啦就近姨媽傢俬商場向香車街市方向有天橋原天橋一直行去再上多一條天橋就到近車房附近入面好有日本居酒屋設計唔一定返鄉下都可以望梅止渴🤣我地大約19:15入座只得反大枱平日來講都算多人高質👍🏻性比價高入座後介紹今日推介😋推介：燒榮螺 + 清酒煮大蜆👉🏻清酒煮大蜆🍶侍應姐姐直接係你面對即煮😍😋用清酒用火開鍋後再放大蜆好精彩當睇表演😱好香清酒香味大蜆好鮮甜👍🏻😋👉🏻燒榮螺👍🏻😋好少居酒屋有呢個食用清酒煮榮螺食完螺肉後飲埋d 清酒真係好鮮甜好細心安排黑白酒杯仔👉🏻三點盛（三文魚+油甘魚+赤身)好新鮮👉🏻串燒(自家手作雞肉棒+雞腳筋)😋好特別*生雞蛋+醬油*撈埋食👉🏻炸物（沙錐魚+牛蛙脾+鵪鶉蛋)👉🏻燒雞沙津😋👉🏻特色燒飯團🍙外脆內軟👍🏻👉🏻黑白啤👍🏻🍺👉🏻白桃特飲
继续阅读
朋友介紹左呢間荃灣廣場外的瀛燒居酒屋以小店形式經營裝修以日本居酒屋為藍本牆身貼左好多日本畫、廣告、清酒貼紙就連天花板也有和風的雨傘背景播著日本的音樂食物方面一般居酒屋有的都有齊包括火鍋、串燒、油揚炸串、小食、刺身等等而酒類亦有清酒、啤酒、威士忌以及燒酎等特色飲品重點係食物高質之餘價錢亦好親民 //照燒日本火箭魷魚筒 $138//燒得好靚 時間又控得好好魷魚食落爽口唔會燒到乾身照燒汁味道令魷魚食落更香 //日本直送原條季節伊佐木魚刺身 $298//師傅刀工了得切得好薄身伊佐木魚入口口感鮮甜彈牙食住呢個刺身配埋清酒好夾另外跟左兩款汁除左平時食開既刺身會有豉油同芥辣仲有酸汁酸汁先係重點 要加埋蔥花蘿蔔蓉薑蓉即時提升香味 //串燒牛蛙肶 $32+串燒鵪鶉蛋 $22////串炸三文親子串 $38//自從上次去完大阪之後都未食過油揚炸串呢間油揚時間控制得剛剛好外層炸得好乾身牛蛙仲好厚肉表面炸得好香脆而且沒有骨食落啖啖肉而且肉質好嫩滑鵪鶉蛋一串有三粒好特別三文魚肉質鮮嫩飽滿外層酥脆金黃內層肉質好嫩滑點埋帶少少微酸的醬汁更加鮮味 //手作煙燻豬肝 $48//豬肝有啲似鵝肝的質感口感滑嫩，帶有獨特的煙燻風味，味道豐富鮮美食落有少少鹹味道幾特別 送酒一流 //特色燒飯團 $58//外層煎得酥脆內裡的燒飯口感豐富味道濃郁食埋呢個燒飯團就感覺飽飽滿足了 //可樂Chu-ha $58//單是燒酎入口未免太辛燒酒混合了可樂就是有一種苦盡甘來的味道可樂同燒酎就是無敵 //壺裝清酒 300ml 冷 $68//清酒配魚刺身就是最理想的配搭一邊傾計一邊一口鮮甜的魚刺身再來一口微甜的清酒 完美
继续阅读
我同朋友都好鍾意食日本嘢，但係今日唔想淨係食壽司🍣和拉麵🍜，於是朋友介紹了荃灣瀛燒居酒屋。餐廳面積唔係好大，但係裝修完全日本居酒屋風格，牆身貼了好多日本圖畫、廣告、酒類的招紙作裝飾，出入的大門上更掛了好多晴雨天公仔，幾得意。😍地方雖然唔大但係餐類選擇都好多，有火鍋🍲、串燒🍡、小食、沙律🥗、刺身......等等，酒類🍶🥃🍻、特色飲品🍸🍵、無酒精飲品🍹選擇也多，而且價錢一啲都唔貴。👍💯💯💯💯💯💯三點成盒$138包括三文魚3切、油甘魚2切、帆立貝三文魚同油甘魚都係厚切，刺身新鮮食落十分之有口感，油甘魚和凡立貝十分之鮮甜。😋🫶👍串燒我們叫了阿波尾雞翼（1隻$29）、明太子雞翼（1隻$28）、燒雞心喉管（1串$32）阿波尾雞翼燒得表皮香脆內裡雞肉保持嫩滑，明太子雞翼裡面塞滿了明太子，食落有少少辛辣但好好味，燒雞心喉管外表燒得香脆但裏面很嫩滑一啲都唔乾，送酒一流。👍💯💯💯💯💯💯手作煙燻豬肝$48豬肝有啲似鵝肝的質感，食落有少少鹹但配上柚子蜜醬汁一齊食可減輕鹹度，味道有D酸甜鹹幾特別。🤤🫶串炸我們叫了炸沙錐魚（2串$36）、鵪鶉蛋（1串$22）、三文親子串（1串$38）沙錐魚表面炸得好香脆而且沒有骨，食落啖啖肉，肉質很嫩滑，三文魚表面亦都炸得好香脆魚肉也一樣保持嫩滑唔乾，配上醬汁好食。😋🫶👍飛魚籽玉子燒$98玉子燒🥚做得好嫩滑唔乾，裡面包了魚籽食落口感豐富。😋🫶👍辛味噌牛🐮筋肉鍋🍲$168牛🐮筋肉份量都唔少，而且配料也很多，有黃芽白、粉絲、大蔥、金菇、冬菇、雞髀菇、韭菜等。由於加了少少辣椒🌶️所以食落有少少辣和甜，粉絲索了湯汁食落十分之好味，而且牛腩🐮煮得好淋，易食。👍😋飲品我們叫了白桃特飲（$32）、黑白啤（$68）白桃汁加入梳打水，飲落有少少氣不是太甜。😍🫶黑白啤比普通啤酒麥味比較濃，喜歡麥味重的話，可選這款。🍻👍
继续阅读
之前同老公黎過呢條街食嘢，走嘅時候就發現有間居酒屋，老公話下次要食呢間，所以今日去開荃灣就順便過黎食飯。入到去就已經覺得好熱鬧，好多人，同埋充滿日本居酒屋feel。無論裝修、牆上海報同播嘅歌，全部都充斥住昭和年代。餐牌幾多嘢食，老公發辦叫左小食、串炸、燒物、鍋物同兩杯酒。煙燻豬乾：口感好蓉，味道鹹鹹地，少少咁食，送酒一流。鱈魚白子(半份)：口感細滑軟軟，味道濃，都係送酒之選。雞皮餃子：炸過外皮酥脆，裡面脹卜卜，軟嫩多汁，雞皮油香十足，味道剛好。海膽甲羅燒：海膽、蟹肉同蟹膏味道好濃，配埋蟹籽咬落去好爆，加埋旁邊飯團一齊食，真係好好食。燒雞心喉管：雞罕有部份，燒得剛剛好，有咬感，好香，OK喎。串炸：有沙錐魚兩串，鵪鶉蛋、蓮藕及三文魚親子各一串，呢度全部都係剛炸起，熱辣辣，外層薄薄炸粉鬆脆，點埋旁邊甜甜地燒汁幾好味。辛味噌牛筋肉鍋：牛筋份量多，炆到好淋，入味，裡面有娃娃菜、大蔥、韭菜、冬菇同日本粉絲等吸汁配料，越煮越濃味，辣味亦出左黎，整體唔錯。飲品：叫左可樂highball同高知柚子，兩杯酒味重，其中高知柚子甜甜地，似果汁，易入口，我就幾鐘意。
继续阅读
您可能会有兴趣的...